الرئيسية ركن العروس تجهيزات و استفسارات العروس . | تجهيزات عرائس " مصر " لشهر شعبان 1432 - 2011 م / الجزء : 162 |

. | تجهيزات عرائس " مصر " لشهر شعبان 1432 - 2011 م / الجزء : 162 |

emy_alex 02-07-2011 418 رد 10,598 مشاهدة
e
emy_alex
مشرفة سابقة
02-07-2011 | 03:37 PM
بسم الله الرحمن الرحيم

نفتتح على بركة الله الجزء [[COLOR=seagreen]162]

لشهر [شعبان ] 1432 - 2011 م

لعرائس ( مصر )

♥|..

بداية تذكير مهم جداً بقوانين القسم وأرجو من الجميع الإلتزام بها :



..|♥

الجزء السابق من هنا :

http://forums.3roos.com/showthread.php?t=616855

♥|..

بالتوفيق لجميع العرائس

الله يسهل لكم أموركم

ويوفقكم ويسخر لكم أزواجكم

ويرزقكم بالذرية الصالحة

والله يرزق باقي العزابية

بأولاد الحلال اللي يسعدونهم ويهنونهم

..|♥

(الْلَّهُمَّ حَصِّنْ فَرْجِيَ … وَيَسِّرْ لِيَ آَمْرِيْ … وَأَكْفِنِي بِحَلَالِكَ عَنْ حَرَامِكَ … وَبِفَضْلِكَ عَمَّنْ سِوَاكَ)[/COLOR]
n
nemaaa mahdyyy
عروس مبدعة
02-07-2011 | 03:46 PM
هييييييييييييييييييييييييييييه

انا اول واحده ترد فى الجزء الجديد

كده تقفلوا الجزء القديم ع صبااااااعى بعد ما عملت اقتباسات اد كده قاللى مغلق

يلا مش مهم

يارب الجزء ده يكون وشه حلو علينااااا وكل اللى محددتش ميعاد فرحها تحددوا فى الجزء ده
وكل اللى نفسيتهم وحشه زى حالاتى مشاكلهم تتحل فى الجزء ده يااااااااااااااااااااارب

هرد ع اد ما افتكر بئى من الجزء اللى فات


marmora

أستهدى بالله يا موزه كده وكبرى دماغك وعيشى فرحتك يا عروسه


نوجى

ممكن بليز اسم المحل اللى بيبع البون شينا والتانى اللى قلتى عليه عند تشكيله كبيره حلوه

بيرق امل

انا كنت جايبه لخطيبى بيجامه ستان 4 او 5 قطع تقريبا كانت ب 150 جنيه من المعرض السورى بس مش فاكره اسمها

دى صورتها



اللهم بلغنا رمضااااااااااااااااااااااااان

سؤااااااااااااااااال

فين محل جيل اللى وسط البلد ؟؟؟؟؟؟


ز
زهورة..
عروس مشرقة
02-07-2011 | 04:44 PM
السلام عليكم ورحمة الله وبركاته
ازيكوووووو يابنات

هييييييييييييييييييه
وانا تاني رد بعد نيمو :) :)
اول مرة الحق الجزء من اوله معقووووووولة !!
ويارب الجزء الجديد يكون خير علينا جميعا

عايزة اجيب هدية لصحبتي وحبيبتي
اجيب ايه حاجة تكون مميزة وشيك ؟؟؟ اه والهدية من غير مناسبة هدية ودية :)
يلا عايزة افكاركو الحلوة

وعشان متاخدش مخالفة
اجيب كاسات شيك منين ؟
ل
لولو احمد
عروس متألقة
02-07-2011 | 05:38 PM
كل سنه وانتم طيبين وكل البنات والمسلمين فرحنين ويارب فك كربنا كلنا يارب وان شاء الله الجزء الجديد يكون وشه حلو علينا بنات ارجوكم اسعار الادوات الكهربائيه وعايزه اشكال جزامات ومكتبات كان فيه لنك لكده مش لاقيه اللى عنده يقولى عليه
ق
قلب مادو
عروس فضية
02-07-2011 | 06:05 PM
[BACKGROUND="70 #000000"]
مبـــــــــــــــــروك الجزء الجديد ونورتى يا ايمى من تانى وحشتوونى اوى يابنات والله بس مش عارفه اتابع من لبخة الشغل طمنونى عليكم

مبروووووووووووووك [SIZE=6]يا سوشى ياقمر ربنا يتمملك على خير يارب ياقلبى

======================================================
عرايـــــس شهر يوليـــــــــو

زفــــــــــــــاف MARMORA_A
7-7-2011

meramia زفـــــــــاف
7-7-2011

زفــــــافred roseee
نــــــص شهر 7

زفــــــــــــــــــــــــاف batta
17-7-2011

زفـــــــــاف aseel 22
18-7-2011

lasposadelnilo اخــــت
19-7-2011

عـــــــــــــروسة شهر سبتمبر

Dodo 555
1-9-2011

عـــــــروسه شهر أكتــــوبر

:032:soshe:032:
:032:28-10-2011:032:

عرايــــس شهــر نوفمبــــر

زفـــــــــــاف سلمــــى 16
3-11-2011

زفــــــــــــاف نــــــوزى
10-11-2011

:087: ربنا يسعدكم يارب ويتمم لكم على خير يــارب :087:
[/BACKGROUND][/SIZE]
s
soshe
عروس مبدعة
02-07-2011 | 06:11 PM
أمين يارب يا نيمو و
الله يبارك فيكو يا بنات نوزى ومرمر مريوما ونوزى ومرمر ورشرشتى حبيبة قلبى
اجيب كام أندر ؟؟؟؟
L
Love You 7abibi
عروس مشرقة
02-07-2011 | 06:24 PM
soshe;15320288:
أمين يارب يا نيمو و
الله يبارك فيكو يا بنات نوزى ومرمر مريوما ونوزى ومرمر ورشرشتى حبيبة قلبى
اجيب كام أندر ؟؟؟؟

الف مبروووووك يا قمر
وهاتي لندرات علي قد ما تقدري هتحتاجيها اووووووووي
r
robyandlove
عروس مبدعة
02-07-2011 | 06:33 PM
مبروك الجزء الجديد يارب يكون فتحة خير علينا كلنا

وربنا يفك كروبنا ويفرح قلوبنا كلنا


سوشي مبروك الفرح وعقبال ما نشوفك في بيتك ربنا يتمم لك ع خير

نوجي انا فعلا معاكي جدا في موضوع درب سعادة وهوا فعلا محل واحد اللي ورا مول الازهر اللي عجبني جدا جدا ومفيش ولا حد بيبيع اللي عنده

هند و مشموشة فين اختفوا في ظروف غامضة ليه

ممكن حد يجاوبني بجد ايه ممكن يتجاب من امريكا ويكون سعره رخيص عن هنا ويكون اوريجينال
حد يرد عليا
n
nihal_yasser
عروس جديدة
02-07-2011 | 06:55 PM
ازيكم يا بناويت يا عساسيل انتوا بجد الموضوع دا حلو اوى اوى وبيفيد ناس كتير اوى ومبروك على الجزء الجديد
وياريت تقبلونى معاكم انا مخطوبه لسه قريب بس فرحى هيبقى شهر 4 اللى جاى يعنى لسه بدرى
بس كنت عايزه اسالكم عن حد اسمه الحناوى تقريبا بتاع مفروشات دا كويس ولا ايه وحد اشترى منه ولا لا ؟
د
دودو1
عروس ماسية
02-07-2011 | 07:44 PM
السلالالالالالالالالالام عليكم

ازيكم يا بنات وحشتوووووووونى كتيييييييير والله انا مش بشارك لان نفسى مسدوده كده مش عارفه ليه

يلا ربنا ييسر بقى

كل سنه وانتم طيبين اللهم باركلنا فى شعبان وبلغنا رمضان اميييييييييييييين يارب

مرمروة استغفرى كتيييييييييييييييييييييييير لان انتى فى وقت صعب والعين عليكى كتييييييييييير وشغلى صورة البقرة واقريها يا قمر وربنا يتمملك على خير

ايمى الكسسسسسس:::::::: وحشااااااااااااااااااااااااااااااانى جدااااااااااااااااااااااااااااااااااااااااااااااااا فينم يا بنتى واخبارك ايه


وسوشى مبروك يا قمر وربنا يتمملك على خير

اجيب كام طفايه
A
AnNoSha
عروس فضية
02-07-2011 | 07:45 PM
السلام عليكم يا بنوتات ياقمر كل سنه وانتو طيبيييييييين اللهم بلغنا رمضان


ويارب يسعد كل بنوته ويفرج همها ويتمم لنا على خير ياااااااااااارب ويرزق كل البنات بالازواج الصالحه


انا متبعاكم من زمااااااااااااان بس مش بشارك


مبروك الجزء الجديد اول مره الحقكم من اول الجزء كدا

nehal yasser

فرحك ان شاء الله هيبقى معايا ههههههههه الحمد لله انتى كمان اول مره تشركى

ربنا يكملنا بخير يارب والف مبروك على الخطوبه ياقمر

انتى منين؟؟؟ الحناوى دا انا اول مره اسمع عنه


سؤالى .. انا بشترى لبس من دلوقتى فرحى ان شاء الله على الربيع الجاى كدا هوه لسه ماتحددش بس انا صفرررررررر فى كل حاجه ف التجهيز


بس اكتر حاجه شاغله بالى اللبس


ايه المطلوب كام وكام وكام اعداد يعنى ترنجات وحاجات من دى ...؟؟؟


ع
عسولة عمرو
عروس مبدعة
02-07-2011 | 09:10 PM
بنااااااااات مبرووك الجزء الجديد يارب يارب يكون وشه حلو علينا كلنا ويتمملنا على خير ويرزق جميع البنات بالازواج الصالحه
سووووووووشى مبرووووووووك ياقمر ربنا يتمملك على خير
مرمروره ربنايسعدك ويفرح قلبك وان شاء الله تعدى على خيررر
البنوته اللى بتسال على الحناوى بناات كتير بتشكر فيه

بنااااااات ادعولى اوى بالله عليكوا
n
nihal_yasser
عروس جديدة
02-07-2011 | 09:35 PM
AnNoSha;15320589:


nehal yasser


فرحك ان شاء الله هيبقى معايا ههههههههه الحمد لله انتى كمان اول مره تشركى


ربنا يكملنا بخير يارب والف مبروك على الخطوبه ياقمر


انتى منين؟؟؟ الحناوى دا انا اول مره اسمع عنه





هههههههههه تمام يلا هنبدأ انا وانتى مع بعض ان شاء الله والله يبارك فيكى يا قمر وعقبال الفرح بتاعك ان شاء الله انا من المنيا بس ان شاء الله هتجوز فى القاهره
ونفس السؤال يا بناويت يا عساسيل عايزه اعرف الحناوى دا اخباره ايه وخاماته كويسه ولا لا علشان انا هجيب الفوط واطقم السرير قريب فا عايزه اعرف اجيب من عند مين وياريت اللى تعرفه تقولى برضو مكانه فين واسعاره معقوله ولا عاليه؟
ب
بيرق أمل
عروس برونزية
02-07-2011 | 10:00 PM
كان في بنوتة في الجزء اللي فات بتقول على عباية الاستقبال مش هتعرف تضيقها عشان التطريز انا ناسية اسمها للاسف :o
بس انا لما اشتريتها هي كانت من سنة كده جبتها بحيث الشغل يكون كتير في النص ومش واصل للجناب فهماني ازاي عشان لما احب اضيق اضيقها براحتي وبرضه مش واصلة للاخر
لو عرفت اصولهالك هصورها يا جميل

robyandlove;15320372:

ممكن حد يجاوبني بجد ايه ممكن يتجاب من امريكا ويكون سعره رخيص عن هنا ويكون اوريجينال
حد يرد عليا

بصي انا خليت اخت مرات بابا تجيبلي من هناك الشمع فيه اشكال تحفة قوي وكمان الورد وستارة الحمام اشكالها روووووووعة والعلاقات بتاعة ستارة الحمام كمان
اللي انا جيباها حلقات حديد تخينة ومتدارية كلها بورد زي الورد اللي بيكون منقوش على الفازة
يعني كانها متغطية بورد صيني بس مش بيتكسر شكلها خرااااافة بصراحة وجيبي طبقة الستارة المشمع كمان بتتباع لوحدها والقماش لوحدها دي انصحك بيها قوي
اه وطقم علب التلاجة انا جبت تقريبا حوالي 55 قطعة صغير على وسط على كبير وقطع تحفة ومعاها كباية المعيار ومعالق المعيار كمان بس ده خليه في السيل لو ليكي حد في امريكا متابع مواعيد السيل كان قاطع تقريبا بالمصري 40 جنيه وكان نازل طقم وعليه التاني هدية قسمته مع اختي ده برضه هاتيه رخيص وفي نفس الوقت كبير والبلاستيك بتاعه جميل قووووي
ده اللي انا جبته السنة اللي فاتت برضه بس كانت ماما مرات بابا جايبة نفس الحجات دي من 5 سنين فهاتي مش بيتغير
س
سلمى 16
عروس مشرقة
02-07-2011 | 10:29 PM
كل شهر و انتن طيبات يا اجمل عرايس فى الكون

اللهم بارك لنا فى شعبان و بلغنا رمضان يا رب رمضان يجى علينا السنة الديه و احنا فرحانين ومبسوطين

مرمورة ده حسد يا حبيبتى متستسلميش اذكرى الله و اقرى المعوذتين و سورة البقرة

هوبا بصى يا ستى عشان انا بحب الميك اب قوى ماسكرة برجوا او ماكس فاكتور - كحل cybelle او rimmel بلاشر بورجوا رائع بودرة كومابكت بورجوا او نيفيا لوس باودر cybelle

سوشى العروسة الجميلة الف مبروك يا حبيبتى ربنا يكملك على خير انتى قابليا ب 5 أيام إن شاء الهه حجرب فيكى الاول :lol:
نيهال منورة التجمع يا حبيبتى بس انا من اسكندرية مش حقد افيدك

انوشا شوفى انتى بستهلكى هدوم قد ايه دلوقتى بشتغلى بتخرجى كتير بس برده متكتريش قوى عشان الحمل بإذن الله و فيه موديلات جديدة

بمناسبة الهدوم انا إن شاء الله داخلة على شتا يبقى اكتر الشتوى و لا عادى؟؟
n
noogy
عروس مشرقة
02-07-2011 | 11:43 PM
nEMaA mAhDy;15319821:

نوجى

ممكن بليز اسم المحل اللى بيبع البون شينا والتانى اللى قلتى عليه عند تشكيله كبيره حلوه


سؤااااااااااااااااال

فين محل جيل اللى وسط البلد ؟؟؟؟؟؟




نيما البيجامة ما شاء الله جميلة اوى
جيل موجود فى اخر شارع قصر النيل تقريبا او فى شارع متفرع منه بس هو فى اخره
المحل اللى كان فيه طقم الصيني اللى كنت منزلة صورته وفيه ال بون شينا اسمه معرض الهدى 3
شارع سرباكس درب سعادة وده فى الشارع اللى جنب بنك مصر
المحل بقى اللى فيه الصيني البولندى وعنده تشكيلة حلوة اسمه شركة مكة 13 درب سعادة خلف وكالة الازهر
وده اول محل ورا مول الازهر على طول
robyandlove;15320372:

نوجي انا فعلا معاكي جدا في موضوع درب سعادة وهوا فعلا محل واحد اللي ورا مول الازهر اللي عجبني جدا جدا ومفيش ولا حد بيبيع اللي عنده



ممكن حد يجاوبني بجد ايه ممكن يتجاب من امريكا ويكون سعره رخيص عن هنا ويكون اوريجينال
حد يرد عليا


طب قوليلي ياروبى ده بيفاصل ولا لأ ؟
يعني ينفع انزل عن السعر الى قاله
وياترى اللى عنده ده ممكن الاقيه فى حمام التلات واخده بسعر ارخص عن كده ^o)
بصراحة عنده حاجات حلوة اوى بس عالية شوية وهو مش عايز ينزل عن 1800 :(
والطقم اللى نزلت صورته الجز اللى فات الراجل قالى هناك ب 1800 برضه بوريه لصاحبتى النهاردة قالتلى اختها جايبة اخوه من حمام التلات ب 1000 :worn_out:
اروح فين يا بناااااااااااااات :confused:
نوووووجي مش كنتي تقولي انك هتروحي درب سعادة؟؟ انا كنت هناك يوم الاربعاء كنتي قلتي وقابلتك هناك :D بس قوليلي الطقم اللي منزلة صورته ده طقم عشا ولا صيني كامل ؟؟ مكتوب عالعلبة انه عشا لأن صاحبتي كانت عايزة طقم عشا ويكون بالشكل ده وملقيناش غير اطقم صيني كاملة بالستايل ده اللي فيه سيلفر رقيق .. وياريت توصفيلي كمان بالضبط المحل اللي عنده بون شينا انا عارفة بنك مصر اللي عالناصية
امشي ازاي بقي بعد كده او المحل اسمه ايه لو معاكي الكارت؟؟؟؟؟؟ يعني هو تبع درب سعادة ولا في العتبة نفسها؟؟؟ معلش هتعبك معايا يا قمرر:o

بصي انا عن نفسي بفضل الميكروويف مع اننا عندنا في البيت فرن كهربا بس زيه زي فرن البوتجاز .. وطبعا الفرن معروف انه بيسوي الاكل اما الميكروويف بيسخنه كأنك لسه طبخاه وبيفك برضه الحاجة المجمدة يعني لو عيش في الفريزر منه للميكروويف علي طول ..( احيانا لما بحط عيش في الفرن بلاقيه ناشف) وتقدري تسيحي فيه زبدة او شيكولاتة او تدفي نسكافيه لو برد منك كده يعني وفيه منه نوع اللي هو متعدد الوظائف ده بيبقي ميكروويف وفرن وشواية مع بعض كله في جهاز واحد.. انا عن نفسي ناوية علي ده ان شاء الله بس كنت عايزة اتأكد انه آمن لان فيه اقاويل كتير في الموضوع ده فيه ناس بتقول اشعة وكلام من ده وفيه ناس تانية بتقول انه خطر فقط لو فتحتيه وهو شغال ..


دندونة انا كتبت اسم المحل وعنوانه فوق ل نيما وهو كان طقم صيني 121 قطعة تقريبا مش طقم عشا يعني
وبالنسبة للميكروويف والفرن يعني الاحسن اجيب مايكروويف علشان الفرن بتنشف الاكل ولا ايه

ها يا بنات ردوا عليا الميكروويف ولا الفرن انهى مميزاته احسن ؟
يعني الاكل هينشف لو اتسخن فى الفرن ولا ايه ؟
وياترى كل الافران الكهربا فيها شواية ؟
اصل لو الفرن احسن اجيبه خصوصا انه ارخص من الميكروويف بصراحة ؟ وايه النوع الكويس فى الافران ؟
د
دودو1
عروس ماسية
03-07-2011 | 12:06 AM
بنات هند بلبل حيران بتسلم عليكم كلكم وبتطمنكم عليها هى كويسه الحمد لله بس مشغوله شويه اليومين دول

وكنت عايزة اسال هو الشتوى بيبدا ينزل امتى ولو واحده هتتجوز فى شهر اتنين مثلا تجيب من امتى شتوى وتجيب اد ايه؟؟
ب
بيرق أمل
عروس برونزية
03-07-2011 | 12:43 AM
دودو1;15321375:
بنات هند بلبل حيران بتسلم عليكم كلكم وبتطمنكم عليها هى كويسه الحمد لله بس مشغوله شويه اليومين دول

وكنت عايزة اسال هو الشتوى بيبدا ينزل امتى ولو واحده هتتجوز فى شهر اتنين مثلا تجيب من امتى شتوى وتجيب اد ايه؟؟

مش فاكرة بينزل من امتى انا فجأة بلاقيه نزل :lol:
بس هو ملوش عدد انتي شوفي ايه المهم في هدومك متقدريش تستغني عنه وهاتيه
يعني مثلا انا اساسي عندي 3 جيبات ابيض واسود وبيج يبقى هاجيب زيهم
برضه بنطلون مثلا اساسي اسود مش باجيب الوان تاني تمام كده
بديهات الوان اساسية برضه
وهاتيلك فستان من اللي نازلين جداد ونوعي بقى في البلوزات والحاجات دي فهماني
يعني كل واحدة واحتياجها فانتي الاول رتبي الاساسي عندك في الهدوم وبعدين نوعي في البلوزات او الاطقم
A
AnNoSha
عروس فضية
03-07-2011 | 01:24 AM
nihal_yasser;15320902:
هههههههههه تمام يلا هنبدأ انا وانتى مع بعض ان شاء الله والله يبارك فيكى يا قمر وعقبال الفرح بتاعك ان شاء الله انا من المنيا بس ان شاء الله هتجوز فى القاهره







هههههههه اتفقنا انا من المنصوره وهاتجوز بردو ان شاء الله فى المرج وشدى حيلك بقى ربنا معاكى ومعايا ومع الكل



سلمى 16;15321039:
كل شهر و انتن طيبات يا اجمل عرايس فى الكون

سلمى 16;15321039:



اللهم بارك لنا فى شعبان و بلغنا رمضان يا رب رمضان يجى علينا السنة الديه و احنا فرحانين ومبسوطين

مرمورة ده حسد يا حبيبتى متستسلميش اذكرى الله و اقرى المعوذتين و سورة البقرة


هوبا بصى يا ستى عشان انا بحب الميك اب قوى ماسكرة برجوا او ماكس فاكتور - كحل cybelle او rimmel بلاشر بورجوا رائع بودرة كومابكت بورجوا او نيفيا لوس باودر cybelle


سوشى العروسة الجميلة الف مبروك يا حبيبتى ربنا يكملك على خير انتى قابليا ب 5 أيام إن شاء الهه حجرب فيكى الاول :lol:
نيهال منورة التجمع يا حبيبتى بس انا من اسكندرية مش حقد افيدك


انوشا شوفى انتى بستهلكى هدوم قد ايه دلوقتى بشتغلى بتخرجى كتير بس برده متكتريش قوى عشان الحمل بإذن الله و فيه موديلات جديدة


بمناسبة الهدوم انا إن شاء الله داخلة على شتا يبقى اكتر الشتوى و لا عادى؟؟




تسلمى ياسلمى
ربنا يخليكى طيب وبعدين ههههههه انا بحب الحاجات تكون كتير


يعنى وبحب البناطيل والباديهات والجيبات القصيره اكتر ف البيت طبعا محدش يفهم غلط ههههههههههه ومش بحب العبايات البيتى ابدااااااااا بس لازم اجيبهم


الحاجات دى ان شاء الله أبى هيجيبهم من السعوديه ماليش فيهم اصلا هههه


بس كنت عايزه احددلهم اعداد بردو يابنااااااااات المفروض اجيب اد ايه...؟؟؟


انا رأى تجيبى الشتوى عادى جدا لان الشتا مش بتحتاجى تغيرى كتير انما الصيف بيحتاج استهلاك اكتتتتتتر وتنويع اكتر انما الشتا محدود بيجامات ترنجات او بنطلون جينز وبادى شتوى حاجات من دى


البنوته اللى بتسأل الشتوى بينزل امته .. من 11 تقريبا بينزل هدوم بس انتى تابعى لانهم ساعات بيعرضو حاجات من السنه اللى فاتت .. عشان تضمنى يبقى تجيبى من شهر 12 كدا ان شاء الله او 1 كمان وربنا يتمملك بخير يارب



اسيرة الذنوب;15321528:
السلام عليكم ورحمة الله وبركاتة

مبرووووووووووووووووووووك الجزء الجديد ياقمرات
وحشنىىىىىىىىىىىىىىىىىى مووت يابنات
يابنات بالله ادعولى انا سبت خطيبى وحالتى النفسية زفت

وعليكم السلام
طيب ليه كدا ... :-o
حبيبتى استهدى بالله واستغفرى ربنا كتير اوى وان شاء الله ربنا هيعوض عليكى :L:
M
MARMORA_A
عروس برونزية
03-07-2011 | 01:36 AM
شكرا لكل البنات اللى ردوا عليه
ياريت عليه لالالالالا من اهله كمان والاقيه بيكلمنى وشغال يزعق وصوته خلالالالاص هيفرقع فى التليفون
حتى مكلفش خاطره انى اسمعه
وكمان لو حصل حاجة وقلت نسيت يااااااااااااااااااااااه يبقى انا مبسمعش الكلام وووووو
طيب فى حد الايام دى بيفتكر فى حاجة

اقسم بالله انا فى حجات لسه مجبتها
ورغم كده بنزل الف حولين نفسى ومجبش حاجة هتقولوا ليه :(مش عارفه :'(:'(
والله والله انا مش وحشة علشان حد يفتكر فيه كده
والله يابنات جوازى بعد كام يوم اهو ولالالالالالا عندنا اى حاجة توحى بكده وفرحتى مكسورة
وكل ماتتخيلوه جات الخناقه دى كملت عليه والله من امبارح وانا كل شوية اعيط ومرات اخويا قعدت تقولى عينك ورمت امال انتى عروسة ازاى
قلتلها عروسه:'(:'(:'(






اولاهرد على البنات من الجزء اللى فات
مبروك الاول على الجزء دى .ابتدى معيا زى الفل:-#


بشكر نوجى على ردها وانا والله عمرى ماانساك ياحبيبتى
ومعلش اعذرينى




سوشى مبروك ياحبيبتى وربنا يكملك عى خير ياااارب



دندون
اميييييين يارب ربنا يتقبل منك دعاء اميييييييييييييين








nEMaA mAhDy;15319821:

marmora
أستهدى بالله يا موزه كده وكبرى دماغك وعيشى فرحتك يا عروسه

نفسى والله يانيمو اعيشها كلها ايام ولالالالاحساها:(:(





دودو1;15320582:

مرمروة استغفرى كتيييييييييييييييييييييييير لان انتى فى وقت صعب والعين عليكى كتييييييييييير وشغلى صورة البقرة واقريها يا قمر وربنا يتمملك على خير
اجيب كام طفايه


نفسى ارتاح يادودو نفسى والله
وبشغل سورة البقرة دايما والله جنبى
وهاتى 2 طفاية





عسولة عمرو;15320802:

مرمروره ربنايسعدك ويفرح قلبك وان شاء الله تعدى على خيررر
بنااااااات ادعولى اوى بالله عليكوا


امييييييييييين يارب
ربنا يكرمك وينجحك ياهاجر ويعدى جوازك بخير




سلمى 16;15321039:
كل شهر و انتن طيبات يا اجمل عرايس فى الكون
مرمورة ده حسد يا حبيبتى متستسلميش اذكرى الله و اقرى المعوذتين و سورة البقرة

اخيرا ظهرتى ياسلمى
بسمعها والله بس تخيلى بقالى اكثر من اسبوعين بينزلى دم (انا اسفه على الكلام):-#:-#من كثر الغم ومش عارفه اعمل ايه
لا عارفه اصلى ولا اصوم ولا اى حاجة
ياااااارب الصبر من عندك:(




اسيرة الذنوب;15321528:
السلام عليكم ورحمة الله وبركاتة
مبرووووووووووووووووووووك الجزء الجديد ياقمرات
وحشنىىىىىىىىىىىىىىىىىى مووت يابنات
يابنات بالله ادعولى انا سبت خطيبى وحالتى النفسية زفت


ربنا يرزقك ياحبيبتى باللى احسن منه ويعوضك خير ان شاء الله





اجيب كراسى بلاستيك ولا ماما جيبالى 4 طقاطيق اكتفى بيهم وخلاص^o)
X