كارهه الرجال والزواج

سلام...

مابدي اطول بدي ادخل بمضمون مشكلتي..
انا متزوجه صارلي 5 سنين .. وكانت حياتي ماشيه وعادي.. مشكلتي الغيره وهاي مشكله جديده صراحه لاني ماكنت اغار على زوجي بالمره كنت احسبه ملااااااااااااااااااااك وعندي فيه ثقه مااثقها في نفسي .. وماكنت اتصور عليه الغلط بالمره .. انه مثل كل الرجاجيل يشوف ويشتهي هاذي لاغيتها من قاموسي.. يعني ثقتي فيه عمياء.. صراحه زوجي ماليه لا في النت ولا الكومبيوتر ولا اي وسائل تقنيه حديثه.. حتى انا كان يمنعني من النت منع شديد والمنتديات وكان يتضايق لما يسمع اني داخله نت ويعملي الف مشكله.. حاليا زوجي العزيز اشترى لاب توب .. وصار يدخل في الزفت الفيس بوك في البدايه ضايف اصحابه..الا شوي بدا اضافة بشغل اضافة البنات .. وكمنتات وضحك واعجاب للاشياء اللي بنزلوهااا البنات .. ممكن هالشي يكون عادي للبعض ومافيها شي خليكي متحضره شويه.. لا معلش انا مو ممكن اقبل هالشي وبعدين بنات هالزمن صاير ينخاف منهم صايعين وحالتهم حاله .. هذه غير الصور اللي شفتها من البنات اللي ضايفهم البنات حاطين صورهم شي رفعلي ضغطي والله.. زوجي الحين صفحته بالفيس بوك واضحه لكل الناس اخاف يروح يقفلها ويخليها بالسر ولا اقدر اشوف ايش يسوي.. انا عندي حساب في الفيس قمت وضفت هالبنت اللي زوجي ضايفها قلت الاحتياط واجب لانها قافله صفحتها.. لما صارحت زوجي وقلتله ليش ضايف بنات يقلي والله انا بس عملت قبول ومانتبهت يعني عذر جدا غبي بالمره مو ممكن يصير قلتله المهم احذفهم لاني ماحب هالحركات قالي حاضر بس افتحه راح احذفهم يفتح النت وافتح النت ولا حذفهم ولاشي.. انا انجنييييييت داخليا ومو عارفه ايش اسوي الغيره ذابحتني.. وصراحه داخليا كارهه كل الرجال والزواااج كله.. لانه اكبر كذبه ادفع من عمري لزوجي عالفاضي بالاخير يروح يتميلح عند البنات وانا شقيانه تربيه وحمل واموت بنفسي بالاخير يبيعني ويروح يتزوج علي.. ولا تقولن لي هذا شرع الله.. شرع الله على عيني وراسي والنعم بالله.. اما انه انا اذبح عمري عشانه يجي بالاخير يتزوج علي ولا يحب علي والله لارتكب ياجريمه بحقه او بحقي .. انا غصب عني افكر وانشغل بهالامور اللي واجعه راسي.. بس لانه ابوه متزوج ثانيه وعمه ووحاليا اخوه.. وزوجة لله الكمال مو ناقصها شي وشوفونه الحين متورط ولا يروح للثانيه وهاملها عالاخر.. صراحه مخي راح ينجلط وحالتي النفسيه زفت وانا الحين عند اهلي وراجعه اليوم بيتي وصراحه مالي خاطر اروح البيت وانا معصبه ومحروقه منه وانا بالفعل ناويه اروح اصب جام قهري عليه .. مدري ايش راح اعمل انا اختي الكبيره نفس حالتي زوجها كذا بس تقلي انا مافتش وراه ووكلته لربي هو اعلم بيه.. بس انا ماااااقدر بالذات اني فتره كنت هامله زوجي ولا افكر اني اغيره عليه.. بس الحين حسيبته ذيب مثل كل الرجال وبالمره مو واثقه فيه.. العلم بانه زوجي جداااا انسان عقلاني كان ومايرضى عالغلط بتااتا وكان معقدني وياه .. وحركات البنات هاذي والكلام معاهم كان اكبر منها وطول عمره يسب ويشتم بالبنات الفلتانين.. بس الوضع انقلب زهالفيس بوك تاعب قلبي..

شنو الحل..؟؟ تعبت وانا قاله احذف احذف احذف المشكله انه بحسابه ضايف هالبنات وانا مارضي يضيفني مع انه بروفايلي سري ومافي احد من اصحابه يقدر يشوفه.. واهلي واخواني كلهم مضافين عنده.. يعني قسم بالله مب حلوه بحقه مارضي يضيف زوجته ويضيف بنات ساقطات من الشوارع ماعندهم اهل يربونهم .. وانا مابي افضل خانقته بالفيس هذا.. شنو سوي؟؟؟
حدي مخنوقه وكارهه اكمل بزواااااجي وكله وكارهه حملي وندمانه الحين اني حملت مره ثانيه لاني ماظن نفسي اقدر اكمل زواجي حاسه اني متعقده من الرجال والزواج.. وكل شي اسود بعيني وعندي اكتئاب شنيع..