【ツ】..التجمع الرابع للصديقات المغتربات لشهر يوليو..شعبان.. 【ツ】

امييييييييييييين ياارب

وين الحبايبي اليوم؟

هلا والله شلونكم عساكم بخير بنسبه لرمضان بعد انا ماطلع عندي اي شي ننتظر الشيخ يقولنا اي يوم ان شاء لله ابو ياسر الحين بالمسجد وان شاء الله يرجع يقولي اي يوم او متى او شنو السالفه بالظبط لان احنا عندنا الهلال يكوووون كلش وااااظح خاصه هلال العيد نشوفه بالعين المجرده كل سنه نشوفه واااااظح

صباحو صبايا
برد على الي اذكره هههههههههه
انوار الجواز يكلف 400 كرونة و لما تقدمون عليه لازم البطاقة مال الاب و الام مع بعض و اثنينكم توقعون على الطلب و personbevis ما يحاج لان احنا ودينا مال علاوي قالت ما يحتاج
ام عبودي رمضان ما نقدر نعرف اي يوم من الحين لانه على حسب الشهر اذا كان شعبان 29 يوم فرمضان باجر ان شاء الله و اذا كمل 30 يوم فرمضان يوم الاثنين يعني على حسب رؤية الهلال و اذا عندج القنوات العربية فراح تشوفين متى يعلنون رمضان
و المشتريات يا طويلة العمر ما اذكر شنو شريت هههههههههه من كثر ما تسوقنا ما شاء الله جنطتين بس هدايا ، بس حقي اشتريت جنطة سعرها ب 600 اخذتها ب 150 و نفنوف طويل هم نفس السعر ب 600 و اخذته ب 150 من محل اسمه joy مسويين 75 بالمية و ملابسهم وايد حلوة و غالية جننننننننننننن ههههههههه و خذيت تنورة ب 79 كرونة من محل اسمه whoops fashion شكلهم راه يعزلون و يبون يتخلصون من كل البضاعة و شريت من ginatricot قميص صيفي و شوية شغلات و يوم رحنا لزارا هم شريت لي كم شغلة و الهدايا اخذنا احذية و انتو بكرامة من stadium مسويين عليهم نص السعر و اذا اشتريت ااكثر من خمس قطع يسوون لج نص نص السعر مثلا الحذاء الي ب 700 صار ب 350 و اذا اخذتي خمس شغلات يصير ب 175 ، اتخيلج الحين تقرين و ودج الحين الحين طلعين السوق هههههههههه و الله لو ما السفر تابعني كان قطيت كل الملابس الي بالكبت و جهزت نفسي من جديدي هههههههههه

النفنوف نفس هذا بس اللون غير

هذا من زارا

هذا من ginatricot


zara





zara بس كل شي متعفس لانه من الاكياس للتصوير ههههههههههه

اي نسيت اقولكم امس مو رحنا مجمع بلوند خلصنا منه و رحنا مجمع ثاني ب arlov و هناك شنو صار ، دخلنا م coop نبي نشتري جنطة صغيرة و احنا واقفين يم الجنط نقلب مني مناك الاسود احلى لا الاحمر الاحلى بعدين خذينا 2 واحدة حمرا و واحدة سودا و طالعين نتمشى بالمجمع وقفنا يم الهو ام زوجي تعب من المشي عكسي انا ما اتعب من المشي بس اتعب من شغل البيت ما احبه ههههههههههههه المهم قالي اذا تبين دشين المحل دشين انا انطرج برة فيه قنفات فقال بكعد ارتاح لي شوي توني دخلت الا هو يناديني قال تعالي مفتاح السيارة عندج قلت له لا ما عندي طلع الاخ مضيع المفتاح قالي خليج هني يم الاغراض بروح ادور بالكوب اكيد ناسيه يم الجنط راح يدور ما لقى شي دق علي قالي دوري عدل بجنطتج دورت بكل مكان ماكو دقيت عليه حجي المفتاح ما عندي قال تعالي يمي بالكوب خلي ندور و نسأل ، سأل 3 يششتغلون هناك ماكو سأل الكاشير الي دفع عندها ما شافتها دورنا و دورنا و دورنا و انا افكر شلون نروح البيت و العيال و الاغراض بهذلة بعدين راح سأل واحدة قالت له اسأل كل الي بالكاسة مو بس الي دفعت عندها و اخيرا لقينا المفتاح عند واحدة طلعان كملنا على المطمع على قولة عبودي ما يقول مطعم يقول مطمع تغذينا على الساعة 7 و رجعنا البيت
ادري هذرت وايد بس انسجمت من فيلم امس و عشت الاحداث من جديد ، و طبعا ياويلي و سواد ليلي لو انا الي مضيعة المفتاح بس دام زوجي الحبيب مو مشكلة عادي ههههههههههههه

الحين البيت عندي مقلوب فوق تحت ، نزلت الغسيل قبل شوية بروح اشيك عليه ، و غرفتي النوم هم مقلوبة فوق تحت و المطبخ نفس الشي ، فلهذا راح ارحمكم و اقوم اشوف شغلي و لا كان مليت الصفحات و لا خليت لكم فرصة تتنفسون

بلعافيه المشتريات ام عبودي وربي يوصلكم بالف سلامه يارب وسفره سعيده وكل ايامكم تكون سعاده وفرح وتتهنون يارب.

بنات شلونكم كلكم ياقلبي

قبل ساعه تقريب اتصل اخوي وقال لابو ياسر ابيك تجي تقعد بالبيت ابي اروح للمستشفى انا وام العيال تقريبا الساعه 11 عندنا شنوو السالفه شنو في والله علاوي ولدهم الصغير ليش ماشاخط عين امه بورقه وعينه بعد ماتفتحها راحو وتوهم رجعو قال الدكتور عقب مافحصها واخوي بعد شاف عينها شق من زاوية العين لين السواد تكسر الخاطر وسئله اخوي شنو اسؤ الاحتمالات قاله احتمال انها تلتئم بس انها تدير بالها مايدخلها وصخ ولاجراثيم او انه عينها يقل نظرها والله خايفه عليها حيل اخاف المره يقل نظرها شوي شوي والله عورت قلبي

هلا والله بل حباااااايبي

ام عبوووووود روووووعه المشترياااااااااااات عليهم بالعافيه يارب والله يوصلكم بسلامه يارب
وعلى الغسبل وقلبت الغرف والمطبخ اسكتي والله هلاك متت معن عندي بس هل دوده ههه وخابص البيت والله توني خلصت والملابس ع الساعه 7

الله يعينج وعلى المفتاح يووووووووو صج صج موقف هم زين ليكتو وانا اقره اكول لو انا هم نفسج لو انا الى مضيعته يمكن 10 سنوات ما ينسهااا هههههههه بس اذ هوه لا عاااادي حصل خير ويطوفهااا ههههه
وهم زين عندج غسيل والا اجي الكاا الصفحات وما الحك ارد ههههههه
ضحكني عبود ع المطعم ههههههههه

هلا ام ياسر الحمد الله على سلامتها مسكيه انا من يمي وتاثرت فيها كل شئ ولا العين هذا ولدها
مبين على ماشاء الله وكيح ههه ان شاء الله تصير احسن وعندها العافيه يارب

بعد عمري والله اي والله مسكينه كلش متاذيه مو وكيح تقول مايدري حرك ايده والورقه يت على عينه انا قلت لها قبل لاتدخل للدكتور انه اذا ورقه بيكون شي قوي لان حافة الورقه مجربتها تشق مثل الموس كم مره ومره ايدي نشقت بسبت ورقه الله ستر عليها والله يشافيها يارب

أم زوزو حبيبتي ما تشوف شر مرت اخوو ان شاء الله ما عليها شي
مشكورين حبيباتي عيونكم الحلوات

رمضان كريم و كل عام و أنتو بخير حبيباتي تو اعلنو بالسعودية ان يوم الاثنين هو اول يوم رمضان
تقبل الله منا و منكم صالح الاعمال

وانتي بالف خير حبيبتي ام عبود اي هسه هم انا سمعت بل اخبار يوم الاثنين
كل الدول العربيه الله يعيده علينا بصحه وسلام ويتقبل مناا يارب

ام يسور الله يشافيها يارب
وعندها العافيه ما تشوف شر

مساء الخير بنات شلونكم حبيباتي

احس نفسي راح امرض والله :sick: اليوم كنت متضايقه شوي سبحت ومالبست ملابس تدفي وطلعت تمشيت انا وكرومي ومن رجعت احس عظامي تعورني وكانه راح تصير فيني افلاونزا

عاد صج مو وقتها لان اخاف لا سمح الله اعدي كرومي .. ان شاء الله ياربي ماتصير فيني بس صج جسمي يعورني ..


فانتاسي عوافي عليكم المشتريات روعة ماشاء الله انا كلش احب بضاعة محل زارا كلش راقي هالمحل وتنزيلاتهم حلووة .. شفيج على ام عبودي تقولين نفسها جننننن هههههههه فديتها ام عبودي عسل ... والجواز احاول باقرب فرصة اطلعه لكرومي واخلص .. بس في شغلات اولى الحين من الجواز بس ضروري اطلعه اله ان شاء الله ..



ام ياسر سلامتها مرت اخوج وصح الورقه تجرح انا مره هم انجرحت ايدي وصج كانها موس حاده تكون طرفها ان شاء الله ياربي نظرها مايتضرر .. واسفة اليوم ماقدرت ارجع للماسنجر كرومي سوالي حفله والله ..

هلا انوار لا ان شاء الله مافيج الا العافيه
انتي العسوله حبيبتي تسلمين
فنتااااسي وينج جنننننننننن هههههههه كل ما اكول جنننن اذكرج هههههههه

بنات اى ورق هذا ما فهمت عبالي الورق الى الاطفال يلعبون في ويسون مروحه طياره
ههه اى ورق؟؟؟

بنااااات انتم سمعتم اخر خبر لو لا؟؟؟
الحين ارجع اكولكم هههههه خباثه تشويق ههههه

اروح انوم عبود ورجع اكولكم هههههههههههههههههههههه