التجــمع الثاني لحوامل يناير 1-2012

ان شاء لله الجهزون على خير
وانا موعد ولادي 11/1/2012

هلا والله بماء الكافور .. اي اسووي ما بينت ان شاء الله خير


زوزو اي والله صدقتي اكلنا قليل واذا كلينا كل خرابيط من جذي :(

الحين اني وهي ناخذ حديد ههههه


هلا ام قسوم .. اني خاطري حدي اتشرى ههههه بس مابي اغلط مثل حملي القبلي

كانت آخذ وبس بالهبل وبعدين معظم الثياب ما لبستهم وشريت لبيبي بوي في البداية تسرعت

وبعدين قالو لي بنوته ههههه وشكثر اغلاط صادتني بسبة تسرعي

هالمرة ببتدي ان شاء الله من الشهر الخامس يعني على نهاية شهر رمضان بروح اتشرى

وبجزئها على الاشهر الباقي كل شهر شوي

اني مخططة نهاية الشهر الخامس اشتري فراش سرير البيبي و الملابس الداخلية بس

wardat amal, ‏persian_moi, ‏ماء الكافور, ‏اروي يقيني


حياكم اقلطو سولفو له ترى واجد ملل وضيافتكم علي اني بسوي لكم كوفي وعصير وقهوة

وعلى بيرسيان الحلاوة خخخ

قلبوووو صدتج ترى انتي هني عجل كنتي تتباعيني من خلف الكواليس ههههه



قولو شي يا جماعه عاد الملل ضارب التوب عندي

هلا وردة أمل

عاد شفتي العجلة ويش تسوي خخخخ

معظم البنات اهني قرروا يجهزون بعد شهر رمضان نكون معضمنا دخلنا الشهر السادس وتأكدنا من جنس البيبي

اني قلت بجهز شوي شوي يعني باخذ لي فرة على المحلات وبعدين بجهز وقلت ببتدي بالفراشات لأنه لازم نوصي وياخذون وقت

زوزو

عاد انتي لازم تتبعين عاداتكم

ترى احنا في البحرين معظمنا ما نجهز من وقت والأغلبية تبتدي بالسادس

تصدقين زوجة أخوي ابتدت تجهز بالثامن وما قدرت تجهز من الثقل وطاحت السالفة براسي اني اللي اجهز ليها حتى السعودية رحت

لكن استفدت من هالتجربة اكتسبت خبرة

ماء الكافور .. اي والله هههههه عن جد خربطت في اول حمل من الزهقة

عاد الحين تعلمت درس وقلت لازم اجزء وتصدقين ذكرتيني بالفراشات كلش كانو رايحين على بالي

الا بقوول انتو ناوين تسوون كم مفرش ؟؟

خل التبانات لبعدين هههه الفراشات وفراش السرير اهم شي

اني شفت محل في سوق واقف تفصيله رووووووعه بس مو حركات تطريز وجذي لا

يعني احس فخمين وحلوين لتقديم البيبي واسعاره مش ولا بد يعني زين

اني قلت بسوي 3 تفصيل للتقديم و 2 كرف البيت وطبعا اني شفت ميمي بنتي قبل

كانت واجد تحتاج لتغيير تلبيسة الفراش واجد كانت ترجع وتلعوز كل شي فمنجذي بكثر هالمرة

بسوي تلبيستين والثالث هو بالحشو و اللي للبيت واحد بحشو و واحد بس تلبيسة

وخلونا نتبادل خبرات المحلات اني حملي اللي طاف نسيتهم بعد في الشهر التاسع شريتهم حزة الحزة

وماكنو عاجبيني كللللللش كانو كلش عاديين

مو كأني هدرت واجد له هههههه ما انحد على شي



زوزو .. احس كل ما تأخرنا في التجهيز كل ما صعب بعدين نتحرك واجد

من جذي بس اخلص خامس سيدة ببتدي وعن تجربة اقول هههههه لان في التاسع يكون المزاج

مش ولا بد من التعب والارهاق والتفكير في الولادة ههههه

الا تعال بعد بقوليكم شرايكم في القماط الجاهز اللي تك تك مدري شلون اوصفه

هههههه ماعرف اوصف لان اتذكر واجد عذبتني بنتي بسرعه تبطل القماط خصوصا لين نايمة

ويلا عاد قومي عدلي وردي نيميها تنصحوون فيه يعني ؟؟ ! لاني ماجربته


والقماطات كم عدد آخذ ؟


<< اللي يقول باجر بتروح تشتري مو كأنه الشهر الجاي

مستعجله حدي بس لازم اخطط عشان بعدين سيدة اروح المحلات واشوف اللي يعجبني واشتري

ماحب اي شي حزة الحزة



بقوم اعدل الشقة دام حلوتي نامت ادعو لها بالشفاء مسخنه عدل

البارحة كنت في السوق
ودار راسي من كثر ما طلعت في
محلات الاطفال ادخل اخذ نظرة واحسر نفسي
اختي قالت لي انا راح اخذ له اول هدية
اشترت قبعة تدنن
ننتظر بعد شهر الله نشتري ونشبع

persian_moi;15403804:

قلبووو

قومي نامي شيقعدج باجر من الصبح

قلتي بتروحين المركز عدل؟ يعني مابتسوينه في التخصصي

هههه لا بروح المركز لا التخصصي وايد غالي وبروح نص التأمين
رحت هناك وسوو لي تحليل سكر بس مو الي نشرب العصير هذا في الاسبوع ال24
في تحليل سكر مبدئي ولازم اصوم

wardat amal;15404083:
الا تعالي قلبوووو


احسك شبيهتي في وااااااااااااااجد اشياء

خصوصا سالفة الاسامي اني مختارة اسم بنت جود وصبي الياس

وزوجي يبي سلمان ههههههههههههههه عن جد كل ما اقرا مشاركاتج

اقول لا شكله توأمي هذي هههههه واجد اشياء نتشارك فيها طلعنا

<< اقول لا تسولفين ويا روحج محد هني


يلا يلا بقوم تعبت بكرة موعد بنتي وتحليل السكر عندي افففففف ملل المستشفى

اشوفكم على خير يا حلوات وان شاء الله هالمرة ما اغيب عنكم

هههههههههههههههه
فديتج ساعات يصير فيني جذي احس ناس يشبهوني بنفس الشخصيه ههههه
وهالمره لا تغيبين وايد
شخبار مريومه؟؟

persian_moi;15405972:

وردة امل

انتي بعد وحشتينا يالقاطعة عاد دخلي علينا كل يوم نطمن على اخبارج
ليش جذي دمج ناقص انزين اخذي حبوب اللوعة وبعدها اكلي اكلات ترفع نسبة دمج وضروري تاخذين حبوب الحديد لانه اكيد اذا انتي ضغطج نازل وفيج نقص دم راح يأثر على البيبي
حاولي تاكلين الاشياء اللي تحبينها عشان ماترجعينها ع الاقل
وانشاءالله دمج يرتفع لا تحاتين البيبي وايد حوامل ينزل دمهم وماشاءالله البيبي يكون بكامل صحته اهم شي اهتمي في نفسج
سالفة الجماع احنا تكلمنا في هالموضوع واكثر البنات قالو انه قلت الرغبة عندهم بس انشاءالله من تخلصين اللوعة والترجيع راح ترجعين طبيعية لا تحاتين واكيد زوجج بيراعيج في هالموضوع

فديت الافوكادوه هههههه
الله يثبته لج ان شاء الله
عاد اقولج اليوم خلصوا دمي
6 غراش
4 كباااار و2 وسط تخيلوا حالي
ولا عاد لين تشيل الغرشه تنسحب شوي من الابره ولين تحط غرشه تدخل الابره عدل مت
طلعت روحي قمت اصرخ

أم الهواشم 2;15406047:
سلاااااام عليكم لاكروشات
وحشتونا... غبت كم يوم كان عندنا عزا جدة زوجي
شخباركم؟؟؟ ومن عرفت جنس الجنين؟؟
بكرة ان شاء الله بدش الخامس الله يتمم علينا كلنا..
وما تشوفين شر يا ماء الكافور

يا هلا ومرحبا فيج وين هالغيبه
عظم الله اجرج عساه اخر الاخزان يارب

zozo.h;15406739:

كل البنات الا انا

انتظر اصير اكمل السادس وابدأ بالسابع حتى ابدي اجهز
وانا الثقل من الحين معاي

فجأة يصيبني شد بريولي ومااقدر اتحرك من مكاني

مثل الحال كل شوي يصيدني شد من ركبتي لين ظهري واتم مشيره مكاني لازم اييون حقي يشيلوني ولا ماقدر اقوم
وخاصه لي قاعده فتره اطول وعقب اقوم امشي