التجــمع الثاني لحوامل يناير 1-2012

أم سلمى2007;15369892:

أهلا بيكى يازوزو

الله يكرمك يا أختى

والله يا اختى الراجل هو الراجل يابنتى

زوجى فى حملى فى سلمى كان يصحى فى عز الليل وينزل جرى يدور على

أى صيدلية لو قمت ابكى من الحموضة الشديدة واللى مش نافعة معاها حتى

دواء الحموضة اللى بأستخدمه

وانا عارفة إن أغلب رجالتنا بيضحوا ويصبروا لان

فى زى ماقلت لكم لو أظهر غير

كده هيظهر فى شكل الرجل النذل اللى مش بيقدر زوجته

لكن فى النهاية هو راجل وله إحتياجات وكل ما زاد صبره على تلبيتها كل ما

يزيد ضعفه من إتجاهها وبالتالى بيكون أكثر عرضة للإغواء فى الفترة دى

والله أنا ليا سنوات فى مجال المشكلات الزوجية تقريبا 70% من مشاكل

الخيانة الزوجية بأنواعها بدأت من فترة حمل الزوجة

علشان كده الوقاية خير من العلاج

ليه بأنبه

لأن فى ستات أول ما تشم نفسها من تعب الحمل حتى لو يوم واحد كل اللى

تفكر فيه إزاى ترفه عن نفسها وتعوض فى اليوم ده عن كل التعب اللى فات

انا عارفة إن ده من حقنا بعد كل اللى بنشوفه من تعب

لكن ما تنسيش فى اللحظة دى إنه مش إنتى لوحدك اللى كنت بتعانى

وان زوجك عانى زيك تقريبا ومحتاج هو كمان تعويض سريع فى أقرب فرصة

عارفين عامل زى مين

زى السيارة لما تحتاج للمياه فى عز الحر

ومش معاكى مية تبرديها من السخونة الشديدة

لو فضلتى ماشية بالسيارة وهى كده محتاجة للمية

هييجى لها الوقت اللى هتولع فيه من شدة السخونة

لكن لو اعطيتيها كل شوية جرعات صغيرة من المياة لحد ما تحصلى على

المياه الكافية لتبريدها هتصبر معاكى لانها كانت بتأخد تصبيرة تعينها على

الصبر عن المياه

اتمنى يكون المثال وصل يابنات

والله الكلام ده باقوله لكم ولى لأنى زيكم وعارفة إيه الكرفة اللى بتيجى لنا

خلال الحمل من كل وسائل التزين والإهتمام بالنفس

ربنا يعينا على عفة أزواجنا

فلة اهلا أهلا اهلا :biggrin:

يابنتى فينك من زمان

ده أنا حاسة إنى مقطوعة من شجرة لما الاقى كل البنات هنا يتكلموا عن

الأكل البحرينى والاماكن فى البحرين والدكاترة وانا ألوووووووووووووون هنا

مافيش مصرية واحدة تونس وحدتى

بس صحيح ما قلتيش إنتى تاريخ ولادتك إمتى

والف سلامة عليكى

وبالنسبة للمشيمة النازلة ما تقلقيش إن شاء الله منها فى بنات فى تجمع

ديسمبر بيعانوا من نفس المشكلة

والحمد لله هى مش مشكلة خطيرة بس إسمعى كلام الدكتورة على قد ما

تقدرى

ربنا يتمم لك ولنا على خير

بس قولى لى إنتى منين من مصر

انا من القاهرة

zozo.h;15371115:

فلا

اهلا وسهلا بيك معانا
انا وانت وام سلمى بنفس ميعاد الولاده ان شا ءالله
وحنشوف مين اللي حيغلب ويولد اول
هههههههههه

ربنا يتمم للجميع بالخير والسلامه

يارب

أم سلمى2007;15371213:

ممبار حتة واحدة يامفترية

وكمان مالكيش نفس طب ياستى إبعتيه عليا وأنا اخلصه لأمك كله

يابت قومى كلى وبلاش دلع والهرش ده بيحصل لحوامل كتير

ولو على الهرش فى البطن والصدر ده طبيعى عندى وخاصة فى الأيام الحر دى

هارية جسمى على الآخر

زوزو موافقة ياستى ندخل السبق ده ههههههههههههه

بس اللى تولد الأول الباقيين يبعتوا لها هدية البيبى بتاعها على طول

ربنا يتمم لنا كلنا على خير

الأم الحنون العطوف;15372463:
ام سلمى لقيتي لك صاحبة ههه
انتي بعمري بعد

اروي يقيني;15372560:
صباخ الخير

يااحلى حوامل