o°°o°°o لمه العراقيات المغتربات من كل مكان (لشهر-شعبان) حياكم حبايبيo°°o°°o

زهراء اليوم وين؟؟؟؟؟؟؟

يعاطيج العافيه ام عبووودي وين غسلتي ؟
اني غسلت بالحمام ضلت بس مالت الصاله باجر اغسلتها تحت من يجي زوجي من الشغل علمود يبقى ويه فطومه ..

هلا ام فطوم بدار الغسبل تحت بل عماره عدناا مكان جبير وغسلتها بيها بس المدات الصغار بل غسالات الكبار

اني نزلته عبود وياي كلش تعبت تعبتني الفرشه لليوم ظهري يوجعني
فرشت الصاله كلششش جبيره:(:'(:'(

بعد ما اكدر اكمل خليت الصاله والمطبخ لباجر واصلا اني ما ودي انضفهن هسه لان جايبه الهن شغلات جديده واريد من يجن اسوي الها تنضيف واحط الاغراض علمود يصير تغير حلووو ..

اي صح وهمين يصير التغير على العيد وشهر رمضان تطلع احلى بهوايه

http://forums.3roos.com/showthread.php?t=626166
شرفوني بخبراتكم

شلون نزلتيه وياج وين خليتيه ؟؟
ما عذبج , اني ما اتصور نفسي اسويه هو بالبيت وموتتني خلتني اندم اني غسلت بس والله من شفت الوسخ الي طلع منهن فرحت اني غسلتهن .
والله قبل 6 شهور غسلتهن واني ما عندي احد يوسخ بس مدري منين يجي التراب ..
اريد اسوي الكنتور همين اصفط الملابس علمود من يجي رمضان ما عندي شي .
اريد ابدي الاسبوع الجاي كبب ومعجنات وهالسوالف ..

ام فطوم دار الغسيل تحت كلش جبيره ونزلته هوه والفرشه وانا بل مصعد هههههههههه
وهوه يلعب ولا على باله يلعب بسيارته الحمره يموت عليهااا ههههههههههه
اي همين اني الله لا يوريج صفار يطلع منها وغباررر ههههههههههه
اي اني سويت كبه شويه بعد يومين همين راح اسوى كميه ويا جارتي اليوم اتفقنا كالت اجي ونسوى سويه والمعجنات بعد والله ما سويت

اي احسن خلي نحظر من هسه تعاااااااااااااااااااالي ماباقي شئ لعيد ميلاده فطوم
ههههههههههه اني نهايه الشهر عيد ميلاد عبود

ههههههههههههههههههه الله يخليه ان شاء الله ..
اني راح اسوي كبه برغل وكبه تمن وبتيته جاب وشيش برك ومعجنات وهمين اريد اسلق فاصوليا واخليهن كميات بالمجمده واسوي لحم بعجين . كل يوم شي والله يسهل ..

تسلمين حبيبتي
اي والله خوش شغلات منا لشهر رمضان تكونين مخلصه
كل شئ علمود نتفرق لصيام احسن وهمين النهار يكون طويل ودايخين الله يعيناااااااا

اي بس عيد ميلاد فطومتي راح يصير برمضان فقررت اجله للعيد ان شاء الله ..
اسوي حفله واجيب الها كيكه اطلبها وبعدين انروح للتسوديو نصور .

ام عبودي متى يجي زوجج بالسلامه ان شاء الله ..
وبشري الشغله الي راح علمودها صارت ؟؟؟

اي صح هوه راح يطب علينا شهر رمضان ما تلحقين للعيد احلى تصير فرحتين فرحت
العيد وعيد ميلاد فطومه الله يخليها الكم وتشوفونها عروس يارب

والله زوجي بعد ما قرر شوكت يجي بس كل يوم يكول ما اطول ما اطول وما اعرف هههههههههههه
والشغله الى راح علمودها والله لحد الان ما سئلته عليها هاى من اتصل الكل احجي ويا وطار الرصيد هههههههههه

تسلمين عيني ويخلي لج عبووودي الحلووو يارب وتجيبن الج جنه ما تشلع قلبج ان شاء الله هههههههههههههه
اكو احلى من هاي الدعوووه بالله هههههههههه

يبوووووي ام عبوودي ضلي نقي فوق راسه الى ان يرووح ويخلصه علمود يجي بسرعه ترى الوقت ياخذه ويتاخر عليكم ..
اني من راح زوجي كل يوم اتصل بيه واقوله ها بس لا انت بالبيت روح خلص روح كمل هخهههههههههههههههههههههههههههههههه
خبلته والله ,,

ههههههههههههههههههههههههههه
تسلمين حياتي حتى لو لو طلعت تشلع القلب اعرف اشلون
اخليها ماااااااا تشلع القلب
هههههههههههههههههههههههههههههههههههههههههههههههههههههههه

اي الاخ متونس بعد بشوفت اهله ههههههههههههه