رابطة أمهات وأطفال مصر .. لشهر شعبان 1432هــ

صباح الخير يا كيتي عامله ايه وأخبار كوكي ايه

~OM-ADAM~;15383379:
هههههههههه معلش يا ايمي اصلي أول مرة من ٩ شهور أصحي الساعة ١١ ده انجاز.. أنا امبارح كنت بنام في الصالة و آدم كل ما اغمض عيني ييجي يفتحها و يضربني ولما أصحي يروح يكمل لعب.. واللي يقهر ان جوزي قاعد يتفرج ع التي في عادي ولا هو هنا

ههههههههههههههههههههه
ده العادي بتاع الرجاله اصلا يا بوسي
انا كمان ميزو برضو يصحى بدري ويصحيني وابقى مش قادره اقوم ولا افتح عيني اول ما اغمضها يزعق لي ويقول لي قووووووووووومي ويخليني اقوم اعمل له بيض بالقوطه وشاي بلبن ومايكلش
بس المهم يقومني وخلاص هههههههههههههههههه
عيال اخر زمن والله
ربنا يهديهم بجد
وانتي اخبار نفسيتك اييييييييييييه دلوقتي
عملتي العزومه

kitty_kity;15383380:
صباح الخير ازيكم

ايمي على فكرة انتي واحشاني :)

مرمر انتي وحشاني اكترررررررررر بجد والله
عامله ايه ف الامومه يا حبيبتي وازي كوكي باقت كويسه ؟
وانتي عامله ايه ف السهر هههههههههههههه

روحتي شقتك ولا لسه

اهلا بوسي ازيك عامله ايه
ازي ادم

الحمد لله كويسة سهرتني امبارح لحد 7 الصبح هههههههههههه
بس ماشاء الله عسولة كدا حاساها لعبة
على رأي محمد بيقولي حاسس ان اهلها هييجوا ياخدوها مش حاسس انها بتاعتنا مش واخدين لسه ان معانا حد ف البيت ههههههههههههه

الحمد لله ياايمي تمام الامومة حلوة مسئولية طبعا بس حلوة
صعبان عليا بس التسلخات الي عندها
ولما بتبقى مش عارفه تعمل بيبي هههههههههههه

صحيح هي كوكي لسه حمرا خالص لا راضية تبيض ولا تسمر
تفتكروا هتقلب بايه؟

السلام عليكم عاملين ايه يا حبايبي

ههههههههه عسل يا كيتي ربنا يخليهالك.. ايمي جوزي محسسني انه بيجاهد علشان بيروح الشغل كل يوم و ناسي اني موظفة من قبل ما أعرفه و من قبل ما هو يشتغل أصلا وكنت الصيف اللي فات موظفة و حامل وصايمة في رمضان و كمان بهدلة مواصلات مش ذيه باص تبع الشركة.. يلا الحمدلله.. نفسيتي اتظبطت يومين و رجعت ثاني امبارح هو مفيش فايده فيه خلاص.. العزومة عملتها بس مش لنسايب اخو جوزي عملتها لاخوات جوزي علشان اخته جت م اسكندرية وكده والحمدلله طلعت حلوة و كانوا مبسوطين جدا الحمدلله

ازيكم يا ماميهات

هههههههههههههههههههههههههههه تحفه يا كيتي انتي وجوزك
ربنايخليهالكو يارب
وطبعا ده احساس كل ام جديده
وبجد الاطفال في السن ده عسسسسسسسل بجد والله ربنا يحميهم يارب ولسه لما تبدا تضحك كده بجد حاجه جميله اوي
انا ساعات ببقى هاكل اياد من كتر البوس هههههههههههههههه

وةميزو طبعا حبيبي برضو
كل سن ليه مميزاته
ميزو بقى بحسه الراجل بتاعي
بجد والله لما بتاع الكهربا او الميه ييجي هو اللي بيدفع لهم الفلوس وياخد الفاتوره منهم وانا واقفه له ورا الباب ويقعد يقول لي خليكي عشان ماينفعش تطلعي كده
ههههههههههههههههه


ربنا يحميهم يارب

بنت الاهرامات وعتليكم السلام يا قمر
عرفينا عليكي :)



ميرو اززززيك وازي موزي وسوكي
وحشاني



بوسي صدقيني معظم الرجاله كده والله يا بنتي بس انتي لازم تتاقلمي عشان مش تتعبي وماتخديش كل حاجه على اعصابك
وربنا يهديهم كلهم ياااااااااااارب
وكويس ان العزومه طلعت حلوة ما شاء الله
شطورة
عقبال العزومه الجايه

ههههههههه عسل ميزو يا ايمي ولسه كمان لما يكبر لوحده.. آدم بقي شقي موت وكل شوية الاقيه في مكان شكل هههههه و بردو بيعجبني لما باباه يدخل ينام العصر يفضل كل شوية يدخل يصحيه هههههههه بحسه بيأخذ حقي حبيب ماما ده ههههههههه

ما أنا بحاول يا ايمي بس صعب بقي أنا حاسة اني محبوسة في البيت لا بشوف حد ولا بكلم حد ومهما أعمل هو علي طول كده متضايق واللي تاعبني أكثر اني مش عارفة اروح عند بابا وماما ومهما ازعل أو اتعب قدامه ولا هو هنا.. حتي آدم لو عيط قدامه ساعة حتي ولا هو هنا يعني بالكثير يشيله يجيبه عندي مش عارفه ليه كده كل يوم يتغير للأسوأ لدرجة اني فعلا بفكر في الانفصال علشان ابني مش يعيش في الجو ده ومش يطلع ذي باباه

~OM-ADAM~;15383457:
ههههههههه عسل ميزو يا ايمي ولسه كمان لما يكبر لوحده.. آدم بقي شقي موت وكل شوية الاقيه في مكان شكل هههههه و بردو بيعجبني لما باباه يدخل ينام العصر يفضل كل شوية يدخل يصحيه هههههههه بحسه بيأخذ حقي حبيب ماما ده ههههههههه

:lol::lol::lol:
مفترررررررريه

لا انا بقى مش بقدر اسيب ميزو يعمل كده هههههههههههههههههه
بس اخري اخرج جوزي بره الاوضة بيكون عاوز ينام ف التكييف واحنا نمشي مش برضى وبيروح هون ينام في اوضة الولاد ع المروحه هههههههههههه
بس ساعات ميزو بيتراخم عليه برضو

~OM-ADAM~;15383468:
ما أنا بحاول يا ايمي بس صعب بقي أنا حاسة اني محبوسة في البيت لا بشوف حد ولا بكلم حد ومهما أعمل هو علي طول كده متضايق واللي تاعبني أكثر اني مش عارفة اروح عند بابا وماما ومهما ازعل أو اتعب قدامه ولا هو هنا.. حتي آدم لو عيط قدامه ساعة حتي ولا هو هنا يعني بالكثير يشيله يجيبه عندي مش عارفه ليه كده كل يوم يتغير للأسوأ لدرجة اني فعلا بفكر في الانفصال علشان ابني مش يعيش في الجو ده ومش يطلع ذي باباه

انفصال ايييييه يا بنتي بعد الشر
بالعكس بقى الطفل لمابيتربى بعيد عن باباه بيبقى اصعب خصوصا لو ولد
اعقلي يا بنتي

بس بجد والله العظيم معظم الرجاله كده يابنتي
انا كمان جوزي مش بيشيل اياد خالص لما بيعيط الخره يشيله يلعب معاه شوية وهو ساكت وبس
بس انتي جمدي قلبك وسيبيه يعيط لو انتي مش فاضيه مثلا
انا بقيت اعمل كده ومن غير ما اتخانق ولا اي حاجه بفضل زي ما انا ف المطبخ عادي وهو غصب عنه هيشيله
انما لو انتي فاضيه بقى معلش استحملي كله في ميزان حسناتك ان شاء الله

وربنا يهديه لك يارب

تمام يا ايمي الحمد لله
سوكي روحت خلاص وحمزه لسه كل يوم بيدور عليها هههههههه
بس الحمد لله مش زعلان

ام ادم
اخبارك ايه واخبار دودو
مالك يابنتي كل اللي بتقوليه دا عادي اتأقلمي انتي بقي
وبالراحه ممكن جوزك يعمل اي حاجه
انا لو في المطبخ وقولت لجوزي خد حمزه بنرفزه كده مش بيخده
انما بقي لو قولتله بالراحه وبدلع كده خد حمزه مش عارفه اطبخ وتعبانه وكده ههههه
بيخده وبيكون عادي
شويه شويه انتي عوديه بس دا طبع الرجاله ملهمش طوله بال علي العيال
ربنا خلقهم كده

انتي مفكرتيش ترجعي الشغل

ازيكم ياانيسات عاملين اية واخوتكم الصغننين عاملين اية

بوسي
انا صحيح لسه ماجربتش جوزي هيعمل ايه مع كارمن
بس بحس كل الرجالة كدا
يعني عمي كان اول ما ابنه يقول ايء يقول لمراته شيلي ابنك هههههههه
اقوله هو دلوقت بقى ابنها؟ هي جايباه من بيت ابوها مع الجهاز مثلا؟؟ظ
الرجالة بتحب تأنتخ

ههههههههههههههه طب كويس يا ميرو


ازيك يا هند وازي جوجو





ميزو ماسك المنيو بتاع كوك دور وبيقول لي مش بتعملي لي زي ده ليه ههههههههههههههههههههههههه
وعمال يتفرج ع الاكل
ههههههههههههههههههه

الحمد الله انى عاملة ايه وميزو وايود عاملين اية

*Om Mo3az & Eyad*;15383590:
ههههههههههههههه طب كويس يا ميرو


ازيك يا هند وازي جوجو





ميزو ماسك المنيو بتاع كوك دور وبيقول لي مش بتعملي لي زي ده ليه ههههههههههههههههههههههههه
وعمال يتفرج ع الاكل
ههههههههههههههههههه

ههههههههههههههههههههههه
عسل يا ميزو
طيب دا انتي كمان شطوره وبتعملي
افتحي صور اكلك وقوليلو دا اللي مامي بتعملو شوف واحلي كمان هههههههههه

مروه
ازيك يا جميل
اخبار صحتك ايه والجرح وكارمن السكر عامله ايه
باباكي عمل ايه لما روحتي

ههههههههههه عسل ميزو ياايمي ماشاء الله ربنا يخليهولك