بيتنا الخامس عشر ربات بيوت اكثر سنع في شهر شعبان وقبل رمضان

مساء الخير..

هيونه.. حمدالله عالسلامة ومبروك ما جبتي..

تتربا بعزكم ان شاء الله..

لمعة.. سلامتك ما تشوفين شر..

الحين الحبوب تشيل الاكياس؟!!! والا اللولب يسبب تكيس؟!

الله يعافيك ويشفيك من اللي فيك عاجلا غير اجل..

دفا.. انا ما افرزن غير السمبوسة والسبرينق رول..

رايقه
ارسلت لك رساااااااله
شوفيها ظروري
دانة بقلبه كانت هنا

يالله بنات كل وحده تقول خططها لرمضان وايش جدولها؟؟

ياارب تبلغنا رمضان ، خططي لرمضان اني استغل وقتي في العباده

واقلل دخول النت بقدر مااقدر ، ويقتصر دخولي على اليوميات بسسسس

وأنتظر شغالة اهلي تجيني اذا سافروا الطايف نهاية شعبان عشان اخليها

تلف لي السمبوسه ،،

انا ماأفرزن الا السمبوسه، وأصابع العروس فقط ، الباقي اخليه طازج في وقته

احيانا اسوي الشوربه ليومين بسسس ، وناويه هالسنه على الصياني بأنواعها

لاني لاحظ ان زوجي العام يحبها ونشتهي ناكلها ، صلحت العام صينية كرات البطاطس

واعجبته مررره ، وطبعا العصير بإذن الله مثل العام نشتري الفراوله المثلجه ونفتك من الوان الفيمتو

وضررها ، بس عسانا نصمل ولا نضعف عند الفيمتو ،،،

بالنسبه للبرنامج الديني ، الله يتقبل من الجميع ويعينهم

نفسي اختم القرآن اكثر من مره ، والسنه اللي راحت قويت نفسي وماشفت برامج التلفزيون

الا اللي تجي وقت الفطور والعشاء،،،

نصييييحه من أختكم ابعدوا عن المسلسلات اللي تضيع الوقت بدون فايده وخاصة في هالشهر

الفضيل ،اسال المولى ان يبلغنا رمضان ويعيننا فيه على ذكره وشكره وحسن عبادته ،،  [/SIZE[/B]][/COLOR][/SIZE]

تعبت وانا اصغر مو جايه تصغر اهئ

تعديل

يامتزوجات يابنات
تكفون ساعدوني
انا خفت علي الحساسيه من بعد ماقلت لكم
وبعد ماطهرت اليوم
اشوف المنطقه كلها حبوب كبيره:badly:
وجاتني حكه موطبيعيه
وزوجي مو عندي بسلامته بيجي بكره
وش اسوي انا غسلت بماء حار وملح
وشفت وصفات يقولون مغلي بابونج بستخدمه
عندكم وصفات تخفف الجروح
وينفع المر
وللي فيني من الملابس دخليه ضيقه علي
تسلخ الجلد وصااااار احمر
الفوط استخدم سندريلا
والله اكتب لكم وانا حالتي حاله ودي ابكي واصيح بصوت
عاااالي من الم:'(
الله لايوركم وش جاني وش شفت شي يوجع القلب
المنطقه كلها حبوب لونه احمر وتغيرت المنطقه للون غامق
عاد لاتقولون روحي للمستشفى تعبت من كثر ماتفسخ عندهم:(

دانة بقلبه كانت هنا

دانه تقول لك امي غسلي بسدر

كتبت رد لكل وحدة وطار...

المهم..

احلام صغرت لك الصورة.. احذفي اللي بردك اذا تقدرين..



دانه .. تجنبي الظيق واللي كنه نايلون ويكتم المنطقه.. واحرصي عالقطنيات..

وترا مو اي ملح يصلح للغسول.. الملح الخشن هو المناسب..لأنه ما تعرض لتكريرواضافات مثل اليود..

__________________________

يومياتي..

امس..كان اخر يوم لروفة بالبلي قروب.. ومسوين لهم بارتي..ياناااث..

جابها ابوها وهي مبسوووطة..

سويت غدشانا كفتة باللحم المفروم و مني برجر..

وسخنت باقي من التكا مسلا.. وصينية اللحم بالخضار حقت قبل امس..

طلعت السفرة ماشاء الله.. وطبعا لولو ما ذاقت شي الله يصلحها..

و ظفيت السفرة ورصيت المواعين بالغسالة ونمت ونسيت اشغلها..يووووه يا كرهي..

اليوم.. قمت وذكرت الغسالة..

طلعت كوبين للقهوة وباديتين لفطور بناتي..غسلتهن.. وشغلت الغسالة عالباقي..

يوم جت بنتي تفطر ما لقت ملاعق!! كلهن بالغسالة.. كلت بالملعقة المعيارية..خخخخخ

بيتي يبي له كنس وتمسيح..خصوصا الكونسيرفتي..

بقوم عليه.. ويمكن اجي اقول لكم الانجاز..

دانه ،،

بسم الله عليك ،الله يشفيك ،

لاتكونين مستخدمه ادوات مو نظيفه لازالة الشعر الزايد ،

استخدمي المر والملح الخشن ، ونشفي زييين ، ولاتلبسين ملابس داخليه ،

الين تخف ، حاولي ماتطلعين من البيت عشان ماتضطرين تلبسينها ،

وإقرأي المعوذات في يدينك وامسحي ع المنطقه ، ربي يشفيك  

مساء الخير ،،،

امس الجمعه قمنا متأخرين الله لايعاقبنا ، وزوجي

فاتته صلاة الجمعه ، قمت فطرت عيالي ، وصلحت القهوه وصليت

تقهوينا وجهزت الغداء كبسة لحم وسلطه ، تغدينا الساعه ٤ ونص ،

وعلى طووول حممت عيالي ولبستهم وجهزت شنطتهم ،

ومريت محل مواعين ، أخذت ترامس شاهي وقهوه وطوافير حلوه اشكالها ،

ومريت سنابل السلام اخذت ورق عنب للشاهي ،

ورحت بيت خالي الجديد توهم ساكنين ، ومتواعده انا وامي نروح لهم ،

امي واختي راحوا بعد المغرب وانا جلست عندهم وتعشيت انا وزوجي ،

ماشاء الله بيتهم يجنن ، ذوق في كل شي ، مافيه تكلفه بالديكورات والالوان

بس فيه لمسات تجنن ، احب الهدوء في الشي ،

ياااارب ترزقنا البيت الملك اللي يفتح النفس ، وكل من اراد ،،،

مساء الخير..

بعدكم نقزت وخذت مناديل رطبة خاصة لتنظيف المسطحات..

ومسحت اسفل شبابيك الكونسيرفتي.. ومسحت العفن اللي متوزي ورا الكنب..

ومسحت طاولة الطعام وكل شي قابل للمسح..

ورتبت الحوسة وشلت الطايح..

ثم كنست بالكهرب الكونسيرفتي والمقلط والمجلس..

ثم جبت مناديل رطبه خاصله للجلد.. ومسحت كنب المجلس.. ويبي له يوم اروق عليه يبي له شغل..

رتبت غرفتي وغرفة بناتي..

وسويت قهوة زوجي.. ثم سويت فطورنا الساعة ثنتين.. فول وبيض ونواشف..

وتبلت دجاج بنشوي ان شاء الله..

وقطو..

مساء الورد
دانة قلبه
الف سلامه حبيبتي ماتشوفين شر
انا اشوف ان المر المنقوع بمويه افضل من الملح
بس لازم تشوفك الطبيبه لا تكون التهابات شديده
طمنينا عليك
.....................
كنت بكتب يومياتي بس بعبعي وصل ههههه
.............................................

لاجديد خرب الاب توب
حقي اليوم مافي انجازات
غير الغسيل والكوي

اليوم ، مهنا انجاز يذكر ، ترتيب عادي وتنظيف المطبخ

تغدينا بعد صلاة العصر ، وشربنا الشاهي وطلع زوجي قبل المغرب

وجلست اتسدح ، صليت المغرب ونظفت مطبخي

وحممت عيالي ابيهم يتنشطون ، وصلحت لهم شكشوكه ، تعشوا ونام حمودي وسوسو

انتظر بعلولي يجيب الخبز جوعاااانه ،

تصبحون على خير