بيتنا الخامس عشر ربات بيوت اكثر سنع في شهر شعبان وقبل رمضان

تكملة يومياتي

عقبكم جاء زوجي تغديناا وانا انسدت نفسي مع اني كنت جوعانه
اكلت كم لقمه وشربت كاس لبن وبسس

شلت المواعين وتركت المطبخ كان جايه اعصار

دخل زوجي ينام وانا نمت بالصاله عند عيالي الله يصلحهم كل اشوي واحد مزعجني

المغرب طلع زوجي وانا صليت وسويت قهوه وشاي له ونزلته نص الدرج وهو جاء واخذه

شغلت الكوايه وصليت

وبديت بالكووووي

وخلصت كل ملابس زوجي الداخليه وقمصانه وذبحني الحر

واللحين جبت لي بلح المدينه منصف مع نص كاس لبن <<لاتشرهون لاسباب خخخ

دفا \
عليك بالعافية اللبن والبلح مممممم ماشاء الله .... أحسن شي في العالم ^^



بنات بإذن الله خلال هاليومين مسافره لأهلي الحمد لله يا هم وحشووووني وحشه كبييييره
رغم أن توي كنت عندهم شهر 4 بس ما أشبع منهم الله يرضى عليهم وعلى والديكم

أستودعتكم الله
وأكيد ما أقدر أغيب عنكم راح أطل عليكم إن شاء الله

دفا الحمد لله ع سلامتك كنت احاتيك والله :)
بنات جاوبو علي بخصوص فرن الكهرباء اي نوع احسن ؟؟
ولاتقولون لي السراميك هههه لأني قريت عنه انه يبي له عناية وانا ما اضمن نفسي :)

أمل مشرق2008;15353459:
هلا حلوم تذكريني في تجمع لنكن اصدقاء ؟؟
اخبارك انا كيمو

هلا والله بحبيبتي كيمو اخبارك انتي انا بخير الحمد لله

..R O S E..;15356118:

حبيت اوظح لكم بعض الكلمات اللي تكرر بالفيدو عشان يسهل عليكم فهمها..

شلف= رف

أُرقنايز= ترتيب او تصنيف

كُنتينر= علبة

مشكوره على الكلمات :thumbs_up:

مساء الخيييرات
كيفكم مشتاقه لكم بس والله مشغوله
بتجهيزات الزواج مع أهلي
وكمان رجعت من جده قبل 3أيام
وأهل العروسه جابو دبشها جهازها
وتعبنا مررره من الصباح وأحنا نرتب بالشقه
والي ناقص نروح نجيبه وحجزنا بوفيه لما جو وطلع مره حلو
وجهازها مررره حلو مو كثير مررره بس أشياء حلوه وشيك
ورقصنا وبعد ماطلعو رجعنا نظفنا الحوسه
على فكره زواج أخوي راح يكون جمااعي وأخوي رقم 16
وباقي 3أيام عالزواج وبكره عندي موعد والوقت ضيق
وزوجي مشغول مع أهله شوي يادوب نخرج نغير جو
وبيتي مليان غبار جانا موجة غبار أمس بس نظفت قسم الرجال

جوجو
مبروووك الجوال نفس جوالي وكمان تفاحي بس ماعرفت أصلح
حساب عالأوفى والتصوير خطيير أفضل من الأيفون والجالكسي
البقيه ياحبي لكم أعذروني مشغووله (أخت عريس);)وكمان طالعه للسوق

لي تقريبااا كم يوم نظفت المطبخ تنظيف عميق كل قسم انظفه اطلعه من المطبخ
احب اغير اماكن الاغراض علشان احس بالتغير
لو يحصل لي اغير مكان المطبخ بعمره غيرته هههههههههه
امس رتبت الثلاجه وعقمتها ورتبت الفواكه والخضروات
اليوم طبخت الغداء
ونظفت ارضية المطبخ ومسحت الفرن
وغسلت الملابس الملونه
بقوم بعد اشوي اكوي ثياب زوجي

احلام ،،،

يووووه من زمان عنك ، وين غطيتي ، الله يحييك

ابتسامه بدلع ،،

كنتي في بالي اليوم ، الله يوفق اخوك وييسر امره ،

وسبحان الله كل ناس لهم طبايع وعادات ، حنا نجيب الجهاز قبل الزواج بيومين ثلاثه ،

ولايكون فيه احد ، / يوم اهلي يودون جهازي مارحت معهم ، قلت ابي ادخل شقتي

وكل شي يكون مرتب ، عشان آخذ انطباع حلو من اول مره ،،،

امل الشرق.. مافيه احد ادفش مني.. و مبزوط زيي..

وفرني سراميك وماشي معاي زي الالف ماشاء الله..

هو بس يبي لك طقم قدور جديدة تقون قاعتها مستويه مو معفطة..

وطبعا انتِ ماراح ترمين القدر بقوه عالفرن..

ولو سحبتيه عالفرن بيتمخش لكن مايضره..بس بيشوهه شوي..

يعني في البداية بتكونين حذره وخوافه..بس بعدين بتتعودين عليه..

ويكفي انه لما يطيش شي على طول تمسحينه وبكل سهولة..

فرن الكهرب الحلزوني.. شفتي الفيديو؟

طبعا مو الكل ينظفه مثلها انه يفتح التب مثل كبوت السيارة..

بس ينظفون الصحون ويقصدرونها.. وكثر فصل العين وشبكها يخربها..

لكن عموما ..فرن الكهر بنوعيها فضل من الغااااز بالف مرة..بنظري..

اولا ترتاحين من الغاز و توهيقاته.. يخلص عليك بنص الطبخة.. و يقعد زوجك يحمل الاسطوانة ويوجع ظهره..

وترتاحين من مخاطر التسريب..

وقدورك واباريقك تبقا لك جديده و ما تسود.. لأن ما فيه لهب يلامسها..

الميزة الوحيدة اللي يتميز فيها الغاز على الكهرب.. هو انه يحتر بسرعة و يبرد بسرعة.. بس

طبعا السراميك يحتر اسرع من الحلزوني..

وافضل ماركة للكهرب جنيرال الكترك..

يعطيك العافية روز بس اللي خوفني من السراميك انه اذا انتثر عليه شيء ممكن يكسره ؟؟!!
مدري يمكن لأني طول وقتي استخدم غاز
بس من جد تعببببببببببببببببب الظهر ينقص
وتتفاجأين ان الغاز مخلص والا ماشبكتي الغاز صح وتسرب وخخخ راحت عليك الاسطوانه كلها بالهواء

امل ان شاء الله مابنساكي
البوتجاز عيبه العيون بسرعه
تخرب وكثر الفك والتركيب
يخربها وتضربك ماس
ولا انكب عليه شي
يطلع دخان خاطري
بزي حق روز مره

اروووما ،

الله يوسع صدوركم بالعافيه ، وماااتخيلتك ابد متينه ، حاطه في بالي انك قصيره وشعرك لاكتافك

واسود وجسمك رويان وحلو

روحي ،،

الله يجزاك خير ع اللي سويتيه لامك ، ربي عوضك وطلعتي انتي وياها ،

روز ،

شكله وناسه ذا الفرن ماشاء الله ، حنا غازنا مركزي مع اللي تحت ،موصلين لنا

لو طلعنا غير هالبيت يمكن افكر اشتري مثل فرنك ونفتك من الغاز وبهذلته ،

،،،،،،،،،،،

اليوم انا وعيالي وابونا ميييييته حيولنا ، من التعب امس ،

تقهوينا الساعه &#1635; الاربع ، وجبت بسكوت وباقي من الكيك واكلناه قبل العصر

بعد العصر طلع زوجي وانا جاني نووووووم ، نمت نومتن مقطعه وكل شوي عيالي يجوني

ينكدون ويطلعون ، قمت صليت وجلست اتصفح شوي ، وسمعت ولدي يصيح يوم جيته لقيته مغمض عينه

المعلاق الحديد جارح عينه !!!!!! واناظر في وسط عينه شفت خدش في البؤبؤ واااضح مرره ،

دقيت على ابوه ، وداه المستشفى ، وكشفوا عليه وغطوها بشاش ، وبكره عنده موعد بعد الظهر ،

ارتعت على وليدي بسم الله عليه ،،  

خــــــــــلود;15357181:
احلام ،،،

يووووه من زمان عنك ، وين غطيتي ، الله يحييك

الله يحيك ويبغيك ياخيتووو

خــــــــــلود;15358161:
قمت صليت وجلست اتصفح شوي ، وسمعت ولدي يصيح يوم جيته لقيته مغمض عينه

المعلاق الحديد جارح عينه !!!!!! واناظر في وسط عينه شفت خدش في البؤبؤ واااضح مرره ،

دقيت على ابوه ، وداه المستشفى ، وكشفوا عليه وغطوها بشاش ، وبكره عنده موعد بعد الظهر ،

ارتعت على وليدي بسم الله عليه ،،

اسم الله عليه ما يشوف شر

خوخه بسم الله على ولدك مايشوف شر يااارب طمنينا عليه تكفين الله يحفظه يارب

انثى الله يسعدك يارب بحاول اشرب يانسون لاني فعلااااا محتاجه له تشكرااات ياقمر على

المعلومه ومن ناحية الطلق يااااربي بس جاني شي الاحد قلت بس ولاده مابدهاش واسود وجهي

الظاهر من الروعه مدري وش فيني هالمره خاايفه الله يهون علي وعلى الجمييييييع يارب

تخيلوا يابنات بعد ماكن اتمنى زول شغاله عندي سافروا خواتي 2 وخلوا شغالاتهم عندي مع

شغالتي الي بالايجار توهقت فيهم 3 وبيتي غرفتين وصاله يالهوووووي المهم تفاهمت مع شغالتي

اروحها هالاسبوعين الين يجون خواتي بالسلامه وياخذون الامانه بعدين اجيبها وعسى ماتحقد

علي وترفض تجيني مره ثانيه واكل هواء بنفاااسي

ماكو يوميات غير الاحد ادهرت بعد جهد جهيد سويت حلى كاسات داخوا عليه اهلي كنا باستراحه

في جو بديع يغطيه الغبااااار وفرشات تطير على قهاوينا وشواهينا الين صارت كلها تراب في وجه

العدو والرموش تووووحفه ماسكرا بيضاء طبيعي كل وحده تضحك على الي قدامها بس تنكدنا

بالاخير اعوذ بالله من ابليس وصار تتش قوووي بيني وبين وحده من خواتي الله يعدلها يارب

وتنسى هي الي صاار والشي الثاني الي سويته رقائق السويتز لفيتها على الاقماع وحشيتها

لبنه وخياار طلعت لذيييذه بس تكسر اغلبها مالي في الحركات والفن بس احاول

=========================================================

روز يالبى سوالفك ماشاء الله تعجبني مررره واي كيا معلومه جديده وش فيهم لاعبين علينا اجل

وكاتبينها ايكيا ولا هي كتابتها كذا ونطقها على حده <<يمديك بس على اللغه خخخخخخ

علب البهارات زي حقتي بس هذي لانها كثيره ومثبته طالعه شي امووت على ترتيبهم وتنسيقهم

من بعد برد عليه يااربي مو مشكله فاضيه الين افقس اذا ذكرت رجعت اكتب وش ورانا

يااارب تسعد الجميع وترزق الجميع من حيث لايحتسبون والمتزوجه يسعدها ربي ويوفقها

والعزباء الله يرزقها بالزوج الي يبرد قلبها والمحرومه من الضنا يااااارب يااااارب لاتحرمها من طفل

بيديها تحضنه والي مثل خشتي الله يهوووون عليها وتولد احلى واسهل ولاده ويرزقها ربي بطفل

سليم معافي اللهم امييييييين <<كثرت هذره وبربره بس صقيقاتي تحملوني احبكم

صباح الخير
ياكثر عطاسي وزكامي كل وقتي اعاطس


الي زعلوا ليه تركت عيالي
وين اقدر اوديهم ماقدر اخذهم معاي كنوا توهم صاحين من النوم وزوجي مستاذن من الدوام يعني لازم بسرررعه نرجع
بس فعلا اخطيت وش المفروض اسوي ؟؟

دايم تجيني حالات واطلع واتركهم ويبكون :(


يومياتي امس
خلصت المطبخ بس الدواليب
اليوم بمسك الثلاجات والبراده والافران وغساله المواعين ابي المعهم البنات اللي عندها غساله مواعين كيف تنضفونها؟؟؟؟؟؟
وبكره الجدران والشباك والمكيف والهوايه

وبعده ارتاح من المطبخ

يوم خلصت من الدواليب الا امي تدق تبيني اجي لها ورحت لهم وانا ماشوف من الحراره والتعب بس انبسطت الحمدلله وماتعشيت لا انا ولا عيالي انا تعبانه وعيال مايحبون الا طبخ بيتنا الله يعين عليهم
ورجعني ولد اخوي للبيت وتابعت فلم والصاله حوووووووووووسه بس اذا قمت ادوخ من التعب والله وعيالي اقول لهم رتبوا واعطيكم حلاو ومو راضين ابد يرتبون

وقمت الساعه 10 ونص صليت الفجر استغفر الله ورتبت البيت وانا اكلم اختي
ودقيت على زوجي مستلم يجيب لي شاحن لللاب توب من امس خربان
واليوم ولله الحمد صايمه الله لايضيع اجرنا

بنات لازم تصومون قبل ماينتصف شهر شعبان بعد نصف شعبان اذا ماصمتوا من قبل ماتصومون الا برمضان
معلومه اول مره اسمعها قلت مابخل عليكم فيها


فاقده مايمدحني لقب عسى المانع خير

انثى هيونه الله يوهن عليكم

امل مشرق دانه الله يرزقكم بالذريه الصالحه

دانه روحي لدكتوره افضل واضمن

روز انتي اخذه مدرسه؟؟
وحقت ايش اخذتها؟؟
ارومااا مشاء الله وناسه عايلتكم
وانا مثل خلود تخيلتك نحيييييييفه وعيونك ناعسه وشعرك ناعم وسمراء خفيف كذا تخيلتك ههههههههههه


وحده من زميلاتي دقت علي امس ضااايقه حددوا زواجها بشهر 10 وهي وزنها 100وتقول مابلقى قمصان نوم قدي ههههه هذا همها الله يعينها شلت همها صراحه

رايقه ،

ياقلبي خذيهم معك ، يجلسون

مع ابوهم في السياره ، او ينزل معك واحد والباقي مع ابوهم

والا حطيهم عند امك دام بيتها قريب ، والله الصغار ينخاف عليهم من كل شي ،

الله يفرح قلبك بصلاحهم ،

ام هيوني ،

يازينك ويازين سوالفك ، بس اذا جيتي تكتبين

قصري السطر لان الحروف اللي ع اليسار انحذفت عندي بالاي فون ،

،،،،،،،،،،،،،

اليوم ،، قمت &#1633;&#1634; ونص ، جهزت قهوه ، وصليت ،

قومت زوجي اللي ضيع صلاة الظهر في المسجد ، صلى وتقهوينا

وطلع قبل شوي لموعد حمودي ، الله يستر على وليدي ، ويحفظ عينه ،

ماااالي خلق اطبخ غدا ، استغفر الله مع هالحر مانشتهي ناكل ،

العصر بروح لزوجة صديقه عازمتنا ع العشاء ،

،،،،،،،،،،،،،،،،،،