مشكلة عروسه جديده

السلام عليكم
خواتي الكريمات ...

مشكلتي مع زوجي جدا بسيطه بس بما اني عروس جديده فأنا اواجه صعوبه في التعامل خاصه اني البنت الكبيره ومالي حد استشيره الا امي وبصراحه ما حب اكلمها بخصوصياتي مع زوجي لانها اولا بتقلق علي وغير هذا هي من النوع اللي يحرض كثير يعني لو الموضوع صغير بتكبره مرررررررره لذا مالي غي الله ثم أنتوا

مشكلتي تتلخص ان زوجي انسان طيب وحبوب للغايه لكن ما يحب يطلع من البيت ابدا ابدا الا اذا بيسير يقعد مع اصدقائه
وساعات اطلب منه اطلع لاني اكون جد ضايقه تكون طلعتنا بس فالسياره وناخذ لنا لفه عالبحر ونرجع وساعات اكون ابا اسير مكان معين لاني احتاج بعض الاشياءات ما عرف هل هو يطنش او ينسى مع انني اتعمد اذكره ولكن لا حياة لمن تنادي وغير كذا انه لو حد من اصدقائه طلبه لو شغله بسيطه على طووول يسووويها له ولا يتأخر عن خدمتهم مثال بسيط صار لي اسبوعين اطالبه بطلعه لدبي نغير جو لاني من شهرين ما طلعت الا لبيت اهلي لاني في مدينه وهم في مدينه قال لي انا ما بسير دبي زحمه وماحب اطلع في اجازتي لاماكن بعيده مع ان المسافه بس ساعه ونص واللي ضايقني انه يوم اجازته طلع مع صديقه يوصله لمطار دبي مع انه في صديق ثالث لهم بيوصله وبعد المطار سار السوق الصيني مع صديقه وانا قاعده في البيت ضاااااااااااااااايقه يوم قالي بوصل صديقي والله ما تضايقت قلت يمكن مافي حد بيوصله لكن يطلع معاه للمطار ويخليني في البيت لحالي في يوم اجازته ويطلع معاهم السوق وانا اطالبه من فتره والله ضقت حدي وظليت طول اليوم دمعتي ع خدي

حاولت اكلمه بس ما فيني اي جرأه واعرف ان اسلوبي يكون جاف اذا انا ضايقه
ابا حل ربي يسعدكم في الدنيا والاخره