كلهم .... الا ابوي

لا حول ولا قوة الا باالله
اصعب شي هي انه كرامة تهان
وخاصة كرامة والدينا
الله يعينك ياختي وبعد عنك فكرة القتل والانتقام
وان شالله ربنا راح ياخد لك حقك
يمهل ولا يهمل

الله يعينج و يخلي لج أبوج تاج فوق راسج (وراسه)

و فعلا كل شي يهون الا الابو

و الوالد شكله طيب و حنون

طبعا المشكله مب واضحه بس اهم شي انتي تخففين على ابوج و ما تزيدين اللي فيه

الله يحفظه و يخليه لج

الله يحفظ لج ابوج الا الام او الاب صعب يتاذون ونكون احنا السبب باذيتهم والله اصعب شي

لا حبيبتي تكفيييييين شيلي فكرة القتل من رأسج
الله يعيييييينج بس بعدين من لاولادج فكري فهالشي

لا تخلي ابوج يحتك مع ريلج نهائي لا تخلينهم يلتقون
هو طبعا نحن ما ندري بلي صار
بس ربج كرييييييييييييم غلايه الله يصبرج ويهديه

الله ياخذ حقك عاجل غير آجل

بدون ما تدعي و الله الله بياخذ حقك و حق أبوكي

بوسي راسه و احضنيه

و يخليه يا رب هو و اهلك تاج فوق راسك



تطلقي منه و افتكي
و لا يكلمه و لا يتنازل لهالأشكال

أصلاً هو يا ما هنا يا ما هناك
مفكر روحه شي

كونه جه يكلمه أبوكي

بس نجوم السما أقرب له

يا رب ينصرك و ياخذ حقك انتي و أبوكي منه عاجل غير آجل

احتسبي عند الله و قولي
حسبي الله و نعم الوكيل من قوة هالكلمة( سمعتها من شيخ ) تصعد لساااابع سما

لاحول و لا قوة إلا بالله العلي العظيم أكثري منها

دعوة المظلوم ليس بينها و بين الله حجاب




و يارب بس

افردي سجادتك وقت السحر و ادعي
و الله يبرد قلبك و يسعدك انتي و أبوكي و غواليكي

بحفظ الله

ربي يرزقك ما تتمني

صراحة هدا زوجك زوجك زودها كثير كثير كثير ..

يا حبيبتي الله يخليلك أبوك هو مايحب يشوفك مضايقة الله يخليلك ياه ديماً يحميك و يقف جنبك و أما زوجك هدا الله يمهل ولا يهمل

مآآآآآشاء الله على ابوووك << الله يحفظه ويعطيه طولة العمر


انا لو اتخاصمت مع زوجي بيخليني ابوي انا الغلطآآآآنه << الله يصلحه





//




شششوفي يالغلا والله مالك الا صلاه الليل وكثره الاسسستغفار وربي يافيه العجب العجاب



وزوجك تطلقي منه ياعساه ماني قايله


ورببي حاااسسسه فيك وخاصه شششعور الذل والاهانه

فشللون لاجات الاهآآآنه لاقرب قريب


يالغلا تطلقي منه وادعي ان ربك يرد كرامه ابوك ويجيب زوجك لين عنده ذليل مهآآآن


<< يآآآني انقهرررت قهرررر

الله يعينك

حبيبتي الله يعينج :(
ليش ماتنفصلين عنه وترتاحين , معظمنا نصحناج بالموضوع السابق الانفصال احسن من هالعيشة
انسان مايعرف ربه تتوقعين راح يحسن التصرف معك او مع اطفالك؟؟
اصلا راح ياثر على تربيتهم ويصير اسوء مثال لهم
انتي بعدج شابة تقدرين تصلحين حياتك وتبدأين من جديد

انفصلي عنه وعيشي مع اهلك واشتغلي ويمكن رب العالمين يعوضج بزوج احسن منه

بس انتي الحين جالسة تضيعين ايام عمرك مع انسان فاضي مافي قلبه لا رحمة ولا خوف من الله
ويتوقع انك انتي محتاجة له وماتتخلين عنه وخاصة بعد ما ابوج كلمه للمرة ثانية تأكد انك محتاجة له
بهالشكل راح يتكبر اكثر ويجرحج
هو بنفسه قال غايته الانفصال , يعني مو هامه لا اطفال ولا زوجة
شنو تنتظرين؟؟ صلي استخارة وقرري الانفصال
او اتحملي العذاب لان هالانسان مايتغير لان كل غايته يتخلص منك

الا اذا صار فيه شي ونزل عليه عقاب من رب العالمين ممكن يتعدل ذاك الوقت ويصحى عن غفلته

الله يسهل امورك ويكتبلك اللي فيه خير

أستغفر الله العظيم يا أختي ليش تفكرين في الإنتقام بأبشع طريقة ثم طريقة والدك عادية لأنك بنته ولو كنتي مكانه كان سويتي مثله وأكثر الأب يموت في سبيل سعادة ولاده

أما عن زوجك ليش تروحين عنده خلاص روحي للبيت شيلي أغراضك اللازمة وكل شي عندك غالي وضروري ولمي شنطتك وشنطة إبنك

وروحي لبيت أبوك وأرفعي عليه دعوة خلاص أنت حاولتي بشتى الطرق يتعدل مايبي ماتنلامين أنت ضحيتي وصبرتي لين هالحد كفى

لاتفكرين بالقتل ولا تخلين الشيطان يوسوس لك ثم إن مثل هالرجال مايستحق دمعة منك ليش متعبة روحك عشانه خليه يولي الله يسهل له مع حرمة ثانية وبعدين رح يحس بيك ويعرف أنه خسر جوهرة

وفي النهاية الله يصبرك ويعينك على إما إبتلاك الله به والله يحفظ لكم الوالد ويطول بعمره والسلام عليكم

{ انا ماعرف ظروفك..~
بس ياختي لاترضين لزوجك يهين ابوك
هذا ابوك هذا الغالي هذا تاج راسك وعزوتك
هذا سندك بالدنيا هيبتك من هيبته
اذا زوجك ماحسب له حساب واحتقره مثل ماتقولين
باي وجه وباي ضمير بعدك جالسة عنده
بدال لاتفكرين تقتلينه
فكري بالطلاق افضل لك......
صدقيني ماراح يحترمك ولايقدرك
دامك رضيتي بالي سواه وبدون ماتاخذي موقف
كل شي ولا الاهل برايي
لو يكون نظر عينك تطلقي منه
هذا هانك وهان ابوك
الله ياخذ حقك منه

والله انا عارفه شعورج خاصه نفس هالاشكال يوم يقلون أدبهم مع اهل الزوجه والله نفس التجربه انا مريت فيها خلاص ياختي الي متى ناويه تعيشين في قهر بس عاد اتخذي قرارج وشوفي الافضل لج والله ينصرج

الله ياخذ حقج وحق ابوج منه واكثري من قول حسبي الله ونعم الوكيل بس فكره القتل شيليها من بالك بالمرة لانه ما يسوى انج تدخلين سجن علشانه وتيتمين عيالج ولو انه من مشاكلج وياه يستحق القتل

لا حول ولا قوة الا بالله ,,, الله يصبرك ويفرج همك ,,, بس اختي خليك في بيت ابوك ولا ترجعي له مهما صار ,,,, شوفي الانسان يقدر يبدل اي احد الا والديه ,,,, وبالنسبة لابوك من حقك تزعلي بس توكلي على الله والحمدلله انه عندك اللي يدافع عنك ويوقف بوجه زوجك لازم تحسي بالعز والافتخار ,,,,
اسال الله الواحد الاحد ,الرحمن الرحيم ان يفرج همك وان يسخر لك خلقه , وان يبدل حزنك فرحا

السلام عليكم
أختي انا متابعة لمواضيعك, اتذكر في اخر رد في المشكله السابقه ذكرتي انك طلبتي الطلاق وانه والدك كلمه,,ارجو اني ما اكون اخطأت الفهم.
هل غيرتي رأيك و قرارك وتريدين ترجعين له لو شنو؟ وهل والدك يدري عن موضوع الشباب والبنات الي يجيبهم للبيت و رغم هذا يكلمه حتى ترجعين له؟ ما فهمت هالنقطة.

اذا ناويه ترجعين, فكري شنوو راح يكون مصير اطفالك وخصوصا الطفلة اللي في الطريق وهم يكبرون بالجو الي الي ذكرتيه, لا التزام ديني ولا اخلاقي من ناحية ابوهم اللي المفروض يكون قدوة, ومن جهة ثانية امهم خاضعة ومغلوبة على امرها,,لا تزعلين من هالجملة حبيبتي والله ترا الاولاد يفهمون ويعون اكثر مما نظن وباجر لما يكبرون يتذكرون ويمكن يلومونج لانج ما اتخذتي موقف قوي وحازم من اجلك واجل مستقبل اطفالك.

والله من رأيي انك تتركينه ابرك, لو انا مكانك كان سويتها من زمان والله,, بالاول والاخير انتي الي تشتغلين برا البيت و داخل البيت, تصرفين و كل شي تسوينه بنفسك, تقدرين تعيشين ببيت ابوج معززة مكرمة و تقدرين تشاركيهم بالمصروف حتى تشيلين الحمل شويه عنهم, بدل العذاب النفسي و احيانا الجسدي الي انتم عايشين فيه, شنو ضرورة وجوده بحياتك وحياة اطفالك , بالعكس اعتبر وجوده ضرر لانه مثال سئ لاطفالك و قدوة غير حسنة.

أتمنى انج تستخيرين بقلب صادق وتأكدي ان الله سبحانه وتعالى راح يسهل لج الي فيه الخير لكم.

أختك....ســـلافـــة

الله يخليلج ابوج

اختي الغاليه .. انصحكـ بالانفصال ولا تسمحين له ابدا يهينك او يهين اهلكـ
وعيالك خذيهم معكـ ..
وعيشي عند اهلك احسن عيشه ولاتدفنين نفسك بالحياه مع واحد تافه مايستاهل حتى النظر ف وجهه
انا قريت قصتك السابقه وقرفت بصراحه من زوجك
انصحك اتركيه ولا تقعدين معاه دقيقه وحده لا انتي ولا عيالكـ
ولا تسامحينه ابدا .. الطلاق هو الحل مافيه غيره
وفري جو اسري افضل لكـ ولاولادكـ
احسن من العيشه من زوجك المختل نفسيا
الله يفرج همكـ ويسهل امركـ