أحسن حليب صناعي عطيتوه اطفالكم ؟؟؟؟؟

سيميلاك ادفانس ( من الولاده الى ستة شهور)
سيميلاك غين (من بعد 6 شهور)
جربت نان بسس سبب غازات حق بنتي وقطعته ثاني يوم على طووول ورجعت لسيميلاك جدا ممتاز ( ما يسبب اسهال ولا غازات للأطفال )

نوفالاك وبس ..

الي طفلها عندو مغص في نوفالاك للمغص والي طفلها عندو امساك في نوفالاك للإمساك

والي طفلها عندو حساسيه في نوفالاك للحساسيه..وعلى فكره نوفالاك اغلى حليب أطفال لانه ممتاز

وأنا بستخدمه لولدي ..

انا كنت اعطي ولدي اس 26 ولما كمل ست شهور عطيته بروميل ....وبعدها بروجرس ...بعدها حسيته مايطيع يشرب الحليب ويتلوع ....قمت وغيرت الحليب واستخدمت نيدو واخلطه ويا شوية سيريلاك والحمد لله رجع ولدي يشرب الحليب وصار يحبه ..والحين كمل سنة وشهر...صحته الحمد لله تمام ......

حي الله اختي الوهم ..

عن تجربتي ... لين الحين ادور على الحليب الصناعي المناسب لبنتي ... عمرها 5 شهور

جربت (نان 1) و (S26) و اليوم الصبح جربت لها (سيملاك) وحسيتها شوي استساغته .. يمكن لاني حطيت فيه حبة (سكر نبات) ... بس ما اجبرتها مثل كل مره .. احطها جدامها و هي بروحها اتمد يديها على الرضاعه و اتمص شوي منها و اتخليها.. تقريبا سويت ها الحركه 9 مرات لين ما نامت..

انا استخدم حق ولدي ابتميل كمفورت ممتاز مره

انا استخدم حق وليه من 0-6 شهوووور سيميلاك ادفاانس وبهديين 6-12 سميلاك غين والحييييييييين بيكمل سنه بعد شهر ووناااااويه برووووووجرس بس اخاااف يسوييييييييله شي ووواصلاا احس ولديه ما يحب يشرب الحليب الصنااعي لاني اعطيه من صدري والصناااعي واقول شكلي بسويييله نييدو مع سيريلاك مادري شو راااااااااااااااااااايكم ؟؟؟

بيبي لاااااااااااااك

بيبي لاك AR

السلام عليكم

بالنسبة لطفلي هو الآن عمره 8 شهور الله يحفظه، ومنذ الولادة أعطيه حليب بيبي لاك ممتاز، وبالإضافة إلى الرضاعة الطبيعية وهي الأهم.

فديت علاوي حياتي *__^ ... كنت اعطيه في البداية اس 26 وبعد ال6 شهور عطينه بروميل والحين عقب ما كمل السنة اعطيه بروجريس جولد ... الحمد لله اشوفه تمااااااااااام

اختي غالية الاثمان جربي له نيدو مع سيريلاك يمكن يحبه شرات ولدي ...
تدرين انا شواسوي ؟؟
اخلط له نص علبة سيريلاك من الصغار مع علبة كاملة نيدو (رقم 1) من الصغار ....اخلطه مرة وحده في علبه وحده ......والحمد لله ولدي رجع يشرب الحليب ويسميه هم ....
تبغين الصدق انا بديت استعمل النيدو من يوم كان عمره شهور والحمد لله ناسبه .....

اقصد من يوم عمره 9 شهووور

انا اعطي ولديهs26 والحمدلله هو يحبه لأن كان فيه وايد غازات والدكتور قالي اعطيه نوفولاك للمغص والغازات بس هو ماطاع يشربه كان يتلوع منه ويتم يصيح فرديت اعطيه s26 بس طلعت مشكلة يديدة (الامساك) يمكن لأنه فيه حديد انا مابا اغيرله الحليب بس كيف احل مشكلة الامساك لأن فديته يعاني

ماشي احسن عن أبتاميل 1 و 2 صراحة وايد خفيف انا عطيته لولدي من عمره يوم :) والحمدلله ماشي عال العال

نا اعطي ولدي ابتاميل1 من الولادة الى 6شهوربعدها ابتاميل2والان محتارة بين ميلوبا3اونيدو

حليب بيبيلاك بالصويا وايد فاد ريماني بنتي والوحيد اللي ناسبها..

انا اعطي ولدي الله يحفظه نان 1 وبنتي نيدو وساعات ابوقوس وحليب طازج انوع عشان تتعود ع اي حليب

انا أعطي بنتي بروميل جولد

انا عطيت ولدي نان وما ناسبه وغيرته ل نان اتش اي بس احس انه متحسس منه وولدي صراحه فيه حساسية في ويهه مش طبيعية فاحساسي يقول لازم اغيرله الحليب واجرب ان شاءالله بعطيه سيميلاك

انا استعملت حليب ابتميل كانوا يرجون وانتي بكرامة
s26 سبب لهم امساك حاد
جربت بيبيلاك كان زين بس يسبب غازات
واخر شي جربت حليب صحة من منتجات صحة بصراحة مافيه عليه بس مب متوافر في كل محل عندنا في محل وااحد