بنتي والمنطقه الحساسه ارجوكم ساعدوووني

شمعة البحارنه;15305944:

اختي انه احس انتي بطريقتج من البداية وعيتينها ان في هالمنطقة شي ممنوع .. فحبت تكتشف ليش بالذات هذي المنطقة محد لازم يلمسها ولا حتى اهي

السالفة ماتوقع غير عن هالشي كلش لانها طفلة ومستحيل بتعرف اشياء ثانية

كل السالفة اكتشاف لان صار عندها فضول تبي تعرف ليش ممنوع ؟؟ وكل طفل بتلاحضين اذا منعتينه من شي بسويه ويمكن اهي غافلة وماتدري بشي انتي وعيتيها

حاولي تقعدين معاها تلعبين معاها وتتقربين منها اكثر وتنسينها الموضوع

واحس ان بنتج تصرفها بريء والدليل انها تلون لاغير

وروحتها غرفتها دليل على خوفها منج فلا تضربينها عشان ماتخاف منج وخصوصا البنت لازم تكون اقرب لج انتي من اي احد ثاني

عشان باجر لما تكبر ماتروح لحد غيرج وتدور منه هالحنان سواء خالتها او عمتها او جدتها حتى لانج بتحسين بالغيرة ساعتها انج ربيتي وتعبتي وراحت لغيرج وتقربت منهم اكثر منج

خلج صديقتها احسن .. انه من صغري لي ما كبرت اسراري عند امي والله حتى صديقاتي ما اقول لهم لانها حسستني بالامان وحتى لما اغلط ماكانت تضربني او تصرخ علي بالعكس تفهمني وتنصحني

ومسامحة طولت عليج

تحياتي لج والله يعينج على تربيتها ويصلحها يارب

لا حول ولا قوة الا بالله العلي العظيم

تدرين لمن تصرفتي وضربتيها اكبر غلط لانك خليتها مركزه

وبتخليها اكثر تهتم بذاك الممنوع

انا والله اقدر موقفك بصراحة

اعرف انو انتي ما تمالكتي اعصابك بهالفترة

بس صدقيني مفروض ضبط النفس واجب

ولازم لازم انك تمسكي اعصابك

وتحاولي تغالطي عليها مو تخليها تركز على هالشي



ربنا يسسر لك ويحفظ لك بنتك يارب

انوار الحب;15296731:
اختي قلبي عورني على بنتج

حرام تصرفها يمكن عفوي وماكانت تقصدة

خاصتا الاطفال بهالعمر يحبون يكتشفون كل شي

انتي ماكان المفروض تدخلين عليها وتضربينها لان الضرب مو حل

كان المفروض تعاقبينها بس بدون ضرب وتحاولين تعرفين منها اذا احد معلمها

لان حتى لو هي كانت ناوية تقول انتي خوفتيها بضربك الها ...

خاصتا انك شفتيها ملونه على المنطقة يعني مبين انها تبي تكتشف او تلعب مو شي ثاني

الله يحفظها الج يارب وتشوفينها عروس يارب العالمين ...

كلاااام سليييم ..
معروف ان الاطفال بهذا السن يحبون يكتشون الاشياء اللي بجسمهم ..
وكمان انتي ربي يصلحك منعتيها وكانك نبهتيها لشي ومعروووف ان كل ممنوع مرغوووب فهي حاابه تكتشف شو الشي اللي خلا ماما تتكلم وتحذر وتعيد وتزيد على ذا المنطقه ...
نصيحتي لك اختي اذا شفتيها تتكررمثل هالاشياء سوي نفسك ماانتبهتي وحاااولي تشغلينها
ولاتركزين على ذا الموضوع كثير
واهم نصيحه بجد اقووولها من تجربه صاااااااااااااااااااااااحبي بنتك من صغرها ولا تضربيها ابد ...
عشان سرها يصير سرك وتثق فيك من البداااايه وماتخااف منك..
الله يطمنك عليها وتشوفيها عروووس ببيت زوجها متهنيه قااادر ياكريم ..
تقبلي مروري ..

اممممممممممم
اكيد بنتج شايفه حد مسوي جذي ولا ماكان هي سوت
وترا هالايام حتى افلام الكرتون ينخاف منها يحطو للاطفال اشياء سخيفه حدها فلازم ماتخليها تشوف اي شي لازم رقابه منج
والمفروض ماتضربينها لان هالشي بيزيد اعنادها وفضولها انه ليش انتي ليش ضربتيها
كان المفروض منج انج تعصبي وتفهميها بطريقة ثانيه انه غلط مب بطريقة تثير فضولها يعني كان المفروض تقول لها انه ووسخ انه نرسم على جسمنا اي مكان سوا رجولنا او ايدنا او وجهنا وانه الله والناس ماراح يحبونا لو صرنا وسخين
والمفروض ماتشددي عليها كثير على هالمنطقه وخليها لها كانها مثل اي شي ثاني من جسمها لان اذا شافتج حريصه على هالمكان بالضبط راح يصير عندها فضول وبدل لا تقللي المشكله راح تكثرينها لانها بتقعد تفكر ليش وشمعني هني ويمكن تسئل حد واذا هي في الروضه يمكن تسئل الاطفال الي معها واذا انتي ضامنه بنتج انها ماشافت شي ماتضمنين عيال الناس ويمكن حد يقول لها شي يخليها تفكر باشياء اعمق هي سوت هالشي يمكن لمجرد تلعب ومو قصدها شي فلا تخلينها تنتبه لاشياء اكبر

والله يخليها لج ويحميها

اخواتي حرام عليكم طحتوا في الحرمه

هي تصرفها ممكن خطا بس هي من خوفها و صدمتها اتصرفت هالتصرف

انا ما عندي بنات بس لو اتخيل موقفها و الله شي يخوف

تربيه البنت صدق صعبه



اختي صاحبة الموضوع

بنتج اكيد انصدمت من الضرب اللي ياها منج

فالافضل تداركين الموضوع و تحاولين تنسينها اللي صار و تكسبين ثقتها من يديد

لانه بالحركه اللي صارت اظني البنت بتخاف منج و ما بتقولج شي خير شر

اكسبيها مره ثانيه و لا تفتحين الموضوع معاها

كلمي دكتوره افضل و اقري كتب اكثر في تصرفات الطفل لانه مثل ما قالن البنات هي كانت تكتشف و فضول منها لا اكثر


الطفل من سن اللي يبدا يمسك فيه الاشياء لين عمر ال 5 سنين (سن قبل المدرسه) فيه فضول و خصوصا الاعضاء التناسليه

ما تلاحظين الاطفال من سن ال 8 شهور و فوق من تبدلين لهم الحفاظ يحطون ايدهم و يلعبون فما بالج بطفله بعمر ال 4 سنين؟؟

الاطفال فضولهم يكبر معاهم اهم شي تعرفين تتصرفين معاها مره ثانيه



بس سؤال...انتي عندج خدامه في البيت؟؟

بصراحه ماقصروا الخوات بس هي لازالت صغيره ولو شايفه احد مسوي لها كان قالت

الله يهديك ليش الضرب


ولا احد علمها ولا شافت احد من عندي


الطفل في هالعمر يحب يكتشف اللي حوله كيف ماتبينه يكتشف وش فيه


تصرفها كان عفوي وانتي بالغتي في رده فعلك


انتي اخذيها واحضنيها وقولي لها ياماما ماينفع تمسكين هالمنطقة


اخاف توجعك ولا تقولين حرام وماحرام الله يصلحك وش عرفها عقلها مايستوعب


كل شيء بوقته


انا بنتي قد تصرفت تصرف مثل كذا وكانت في الحمام الله يعزك وتطل في المنطقة وتلمسها


بيدها


ونظرتها قلت ليش تسوين كذا ياماما قالت ماما شلون نبول وين يطلع معه وانتي بكرامة


شفتي الطفل عنده فضول عجيب ويحب يكتشف


وقلت لها من هنا واشر بس لا تلمسينه حتى مايوجعك


وفعلا ماصارت تناظر بالعكس تطلب مني اوضيها


وبنتي نفس عمر بنتك بالضبط:)

أختي الكريمه ، أولا التصرف هذا من الطفله ليس عفوي ، لا بد أنها رأت خادمة تلعب بأعضائها أو في التلفاز .. المهم طفلتك لا بد أن تقتربي منها أكثر و تنتبهي لها خاصة و قت النوم ، و احذري من تركها بمفردها مع الخدم

الضرررررررررررررب غلط يمكن تبغى تلووون المنطقة وتستكشف انتي حااااووولي تسالينهااا او شااافت شي في تلفزيووون وحبت تقلده

المفروض اي ام على وجه الارض تقرا كثير كيف تتعامل مع اطفالها

حتى ماتخليهم مرضى نفسيين

تصرفك جدا خطا ماراح تنسى اللي عملتيه معاها

المفروض تكلمتي معاها يعني وحده عمرها 4 سنوات من وين لها بالمعلومات الخطا عن هالمنطقه

حبيبتي جالسه تستكشف وهذا شي طبيعي جدا

انتي فتحتي عينها على هالشي بضربك لها

مالك الا انو تاخذي استشاره نفسيه حتى تصلحي اللي عملتيه

لو بالنت

وربي يرحم حال بنتك

السلام عليكم ورحمة الله وبركاته...

كل الشكر لعرضك للموضوع.. وهو اكبر دليل على حرصك على ابنتكِ .. عزيزتي اقرئي اكثر احبي ابنتك اكثر.. وفقك ِ الله وسخر ابنتكِ لكِ..