مرحبا بنوتات جبتلكم طبخة مشهورين فيها مدينتنا يعني مش كل الفلسطينين بعرفوها وهيي محشي الخيار
المقادير:
تجيبي خيار وتختاريه حبات كبيرة تحفريه .. تقدري تخلي اللي يطلع من جوات المحشي يعني لب الخيار وتاكليه بعدين في ناس بياكلو مع سكر المهم نروح للخطوة التانية
رز مصري تبهريه ب.. بهار طبيخ + ملح+ كركم+فلفل اسود +شوية نعناع ناشف+زيت
نخلط الرز مع الزيت والبهارات منيح
نحشي الخيار بالحشوة
بنقلي المحشي في زيت عميق لحد مايتغير لون الخيار ويصير دبلان
بنخلي الخيار في طنجرة وبنسكب فوفه عصير بندورة وشوية سماق وشوية تمر هندي وملح
بحيت ينغمر الخيار ممكن بدل عصير البندورة نستخدم رب البندورة او الصلصة يعني
وصحة وعافية
جربوها ورح تدعولي ان شاء الله
اسفة ما بعرف انزل الصور بس اعطوني فرصة بس اتعلم تنزيلهم والحكي هاد كله وبنزلهم