بنات محتارة في زوجي وش تفسير تصرفاته؟؟؟؟

انا حابه افضفض
قصتي ومافيها انه اتزوجت رجال مطلق وعنده بنت و ولد في البدايه ترددت بس بعدين وافقت وتم الزواج من اول ايامي معه حسيت انه رجال واخلاق
وهو اعجب بي وبذكائي واني الانسانه اللى كان طول عمره يدور عليها هذا كلامه طبعا المهم يوم بعد يوم يحبني اكثر وانا اعجب فيه وبشهامته معي
بس المشكله هي طليقته ماخلتنا في حالنا بين فترة وفترة ترسل رساله وتتصل وكانت تسوي حركات عشان يرجعها بس هو مايبيها وحسب كلامه انه كان صابر عليها عشان عياله بس هو ماحبها ابدا هي انا متسلطه تبي الراي رايها كانت دايم تسوي مشاكل مع امه وخواته طبعا زوجي كان عايش هنا وهي في اليمن بس يسافر وقت لاجازات لهم ولما كان يسافرلهم كان دايم مشاكل بينه وبين امه والسبه هي كانت تحرش بينهم وزوجي من النوع العصبي جدا كانت ماتساعدهم في شغل البيت هذا حسب كلام خواته وامه وحريم اخوانه بس كانت اذا حست انه جاء تنزل اونها تساعدهم وتقوله انها هي اللى طابخه وتكون اصلا اخته اللى طبخت كانت تسوي اشياء كثير وتكذب عليها وتصير مشاكل بينهم ويوديهم لبيت اهلها ويرجعونه له مرة صارت مشكله وقالها ظفي عفشك بوديك لاهلك وقال لامه الحرمه اللى ماتبينها انا مابيها وجلست 20يوم ورجعوها اهلها لما رجعت زوجي قطع اجازته ورجع السعوديه وانتطرها تولد بالولد وطلقها وبعدها بكم شهر خطبني وتزوجنا بس ماكانت تبينا نتهنا تبي تفرق بينا ولما سافرنا اليمن انا زوجي عشان اتعرف على اهله صارت تسوي حركات بايخه يعني مثلا
ارسلت صورة حق زوجي وساعه مع بنتها تقول لبنتها اعطيها ابوك ومرة البنت ومرة البنت جاها عنقز ولما جاء يزورونا ارسلت معها كيس ملاين ادويه ولما جاءت عمتها تعطيها دوائها كل ماسالت البنت اي دوتاخذ تقول هذا امي ماتعطيني اياه اتاريها غارفه الادويه اللى في الصيدليه ومعطيتها البنت عشان شوف بنتك تعبانه مرة وكل شوي توصي العيال قولو لابوكم امي تقولك جيب لنا كذا وكذا وانا والله وصلت حدي منها طبعا كل هذا لاشياء ماوصلها لزوجي انا عرفتها من عمتهم هي قالت لي المهم ماخليت زوجي يدري بشي هي قصدها تبي توصل لزوجي انه انا بعدني احبك وابيك ترجعني بس زوجي يقول لو نتزل ملاك من السماء مابيها ولو مافي في الدنيا اللى انا وهي مابيها بعد مارجعت السعوديه اتصلت على زوجي
طبعا هو ماتكلم بس انا شفت الرقم من اليمن وشكيت واخذت الرقم واتصلت عليه وطلعت هي الله ياخذها لما عرفت انه انا تلعثمت وقالت العيال يبون يكلمون ابوهم قلت العيال يكلمون ابوهم ليه تردين انتي كان خليتهم هم يتكلمون وهددنها ان ماوخرت عن حياتي بتشوف شئ مايعجبها وسكرت ولما قلت لزوجي شكله تغير وزعل اني دقيت عليها وهددتها وقالي ان دقيتي عليها اعتبري نفسك طالق وهي اصلا من بعدها ماعد دقت ابد بس انا محتارة هو يقول اني ماحبيتها واهله نفس الشئ يقولون انه عمره ماحبها طيب ليه كان يتهاوش مع امه عشانها ليه كل ماتقوله شئ يسمع كلامها حتى انا يابنات اذا قلت عليها شئ يهاوشني ومايرضا اتكلم عليها احس الحكايه فيها لغز حتى سالفة طلاقه محد يدري ليه طلقها حتى هي انصدمت لما طلقها ماتوقعت مدري ليه احسه يحبها واللى خلاه يطلقها شئ كبير اسفه طولت عليكم بس ابي احد يفهمني لاني بجن

نسيت اقولكم انه طول فترت اجازته ينام الظهر بمجلس الرجال والليل ينام عندها بالغرفه بس ينام عالسرير وهب على لارض واخواته يقولون انها كانت مهلته وماتكشخ له وماتسمع كلامه في شئ وتظل لسانه عليه وكمان يقولون ان يده خفيفه بعني تسرق