•.★*... التجمع السادس لحوامل شهر أغسطس )8(...*★.•

بقول لكم شنو تزيدون
بوكس حق اغراض البيبي
طربال للتبديل
مقياس للحراره
شفاطه
معقم للمراضع
فرشاه لتنظيف المراضع
العلبه اللي يحطون فيها البودر
فوط صغار للترجيع
واللي ما شره بساطات حق المفرش يبيعون سنتر بوينت جمن وحده مع بعض

هذي اللي في مخي حاليا

SomeOne1;15336577:
الله يبارك في حياتتج يااااارب

تعالي ام يو يو
شنوو الشخصية الي قلتي عنها ما عرفتها :$
حطي لنا صوورة خنشووف

ااااي آنه مريت السديم من مده كانت منزلة اشكال حلووة
بس احلى شي كانو مال البناات
مادري ليش وايد تحيز للبنات كل مكان اروح مال البنات احلى خخخ

وانتي بتسوين بس مفرش واحد
وعطيتيهم الاوردر خلاص او بعدج

اوووووووو ما قعدت من النووم إلا جيس لووز يمي
ريلي في الشغل طلع من الشغل يابة لي ورد رااح
الحين تذكرته خل اقوم اغسلة وآكل :)

هلا حبيبتي شخصية الشبح المنستر
الوانه احمر اصفر ازرق هاللون جنه عرس بس عجبني استايله انجليزي
ومثل ما قلتي مال البنات ايننووووووووووون واحنا لازم نحوس ونلوص
مزيده عليه اشياءات خل اخذهم بصوره لكم وباحطه

واذا قدرتي مري ع سديم يمكم جوفيه لانه في جاهزين بس انتي تشترين :thumbs_up:

و باسوي بس طقم
وعندي مال يويو 3 اطقم نضاف كلش
واحد من سديم وديته لمغسله غسلوه اول ما خلصت منه وواحد من اشراقه وواحد من جونيرز جاهز وكلهم يصلحون حق ولد خبرج انا ام الاولاد الحين خخ

ع هالاسبوع بحطه لكم مع غريضاتي :thumbs_up:

مراحب كيفكم ياكروشات ياحلوات انااااااا حددددددي طفشانه وودي ابكي من الطفش والضيقه ودي اولد بس خااااااااااااااااااااااااااااااااااايفه موت من الولاده الله يسهل يارب

المختفيين يطلعون احسن لهم ترى انا ما ادش وايد خل اسولف وياكم دام انا قاعده

هند الرشيد;15336599:
مراحب كيفكم ياكروشات ياحلوات انااااااا حددددددي طفشانه وودي ابكي من الطفش والضيقه ودي اولد بس خااااااااااااااااااااااااااااااااااايفه موت من الولاده الله يسهل يارب

كلنا نبي نوووووووولد انا وايد وايد تعبانه في بجري كنت ما احس بالتعب و نشيطه وما اقعد في البيت كله ادور ومن مكان ليه مكان الحين من اطلع احس ضهري يعورني و ريلي يمكن اللي في بطني دب :sick:

عليج بالمشي والله يسهل علينا و عليكم يااااااااااااااااربي

باتغدى وبرجع
فااااااااااااااااااااااااصل اعلاني


بسم الله حياكم

اها هيك يعني

لا شيوديني سديم
اخاف اروح واتهوور واشتري خخخ
وآننه خلاص ما ابي اشتري هالسوالف كملت منها
سويت طقمين وخلاص
اااي صح انتي عند مال يويو
آنه مال مريوم ما يصلحون واحد ينفسجي والثاني فيه وردي
وقلت إلي فيه وردي هذا باخلية للبيت وقت النوم وجذي علشان ما يتوصخون اليدد
وامس مريت الواحه وخذيت لحاف 2 بس واحد لما بطلته حسيته وايد ثقيل ومتين قلت باروح ارججعه واشوف اذا حصلت نفس نوعيه الثاني الي اخذته بس بلون هذاك
لانه خذيت واحد ابيض وواحد بيج
اي ومرضعه حق الماي كانت في بالي امس مادري شلون نسيت مع ان مريت صوبهم
مرة وحده باخذ مرضعه ويبلي بعد قبعه بيج حق المفرش الثاني
لانه مفرش فرحه ام سويت معاه قبعه بنفس اللون
بس مفرش اشراقة ما سويت نسيت
فبشتري وحده بيج
لانه للحين مادري اي طقم بيكون للمستشف اخاف مال فرحه ام ما يجهز شكلي بولد واهو ما جهز لانه قالت 1/8 بتجهزة
بتصل لها العصر بعد تأكد منها وباقول لها تحاول ان تسوية قبل

وآنه ان شا الله على بكرة او الي بعده بانزل لكم تجهيزاتي
بس خل اليوم اروح اكمل سالفة اللحاف والمرصعه
وباجر بعد ابي اروح السيف علشان بارجع صندل مريوم ومره وحده بشتري بدلة كشخه للعيد للبيبي

اهلين هنوده
كلنا طافشين ونبي نولد خخخ

انتي بس لا تخافين ولا توسوسين
بس عليج هاليومين بالمشي حاولي اذا مو كل يوم يوم ويوم روحي تمشي لج شووي
واكلي تمر
وان شاء الله ربي بيسهل عليج

ولا تخافين من الولاده ترى ما فيها شي يخوف
والله بمريوم من كثر ما سمعت قلت باموت وآنه اولد
حتى امي كانت تقولي لما ايج الطلق لا اتيين لنا روحي مع ريلج خخخ ما فينا شده صياح
لكن في المستشفى ولا صحت ولا نزلت دموعي ولا صارخت كلش
حتى لما اهلي كانو سالون عني كل شوي وآنه في غرفة الولاده يقولون لها عاديه ما تصارخ ولا تصيح كانو ما يصدقون يقولون ذلين ما يبون يخووناا
بس آنه كنت اهدي روحي وكنت أقرأ قرآن كل آيه حافظتها كنت أقراها وخصوصاً سورة الزلزلة وايد تسهل
وترى لصراخ ابد ما يفيد بالعكس راح يصعب عليج الولاده
وبدل ما الياهل يطلع بيظل مكاااانه ...

فخلكم عاديين ولا تخااافوووون
وكلها تساهيل من رب العالمييييين

اي اني بعد افكر ايجابيا
حتى لو تجيني وساوس اتعوذ من ابليس
واقول ليش اخرع عمري ؟ شنو بستفيد ؟

انا ابي احفظ في الايات الي تساعد وقت الولاده عشان اقرأها من الحين بصوت عالي ويتعود عليها البيبي ان شاء الله وتسهل عليه وعليي وقت الولاده
عندي كتاب .. فيه برنامج روحاني لطول شهور الحمل وبعد الولاده بعد ووقتها
محددين الايات المفيده .. والادعيه وجدي

يبي لي انزل القرآن عندي غلهم ع طول في الجهاز والتلفون .. واشغلهم ع طول يومي .. اسهل للحفظ لان بعض الايات طويله مو حافظتنهم ..

ما في احسن من كلام الله .. جل جلاله
والادعيه

الوده تفكر ايجابيا .. كل شي بيسهل عليها

سلبيات بتتعسر وبتخاف وتخرع روحها وبتتعسر

انا الحين الي فهمته منكم ان الوحده اذا نزلت عليها افرازات شفافه عادي

اذا معاها دم يعني ولاده ..

خلاص بنتظر هههههههههه والم الظهر مع البطن ..

وش بعد علامات الولاده الصحيحه ... مو ريح الاستقبال

علموني عشان اعرف وما استانس من اول الم يجيني

انا اشووف هالايان زايد الم ظهري .. كأن اول ما حملت الالم قص ظهري قصصصصصصصص من تحت بالذات اذا نايمه .. ما اقدر كلش ويصيدني شد في فخودي ورجولي كامله
شكله بيرجع عليي وي الولاده .. ولا يندرى



البرنامج الروحاني للشهر التاسع .. بكتبه لكم بس اروح بيت ابويي .. لان الكتب هناك انا هاليومين في بيت عمي ..
وايد مفيد حتى شنو تاكلون .. وجدي مكتوب

سم ون اني وياش ترى بنفس الوقت ..

بس انتي عكسي في السونار .. والدوره

انا الي صح ترى ..

اعتمدي ان حساب الدوره هو الي متاخر ..

والسونار متقدم ..

هههههههههههههههههههههه الله يستر .. ما يندرى متى نولد ومتى ربي يأذن له بالخروج


البارحه حلمت فيه حبيبييييييييييييييي يجنن .. وحاملتنه مو مصدقه روحي
يجنن حليو وسيم يا عمري احببببببببببببببببببه
الي ضحكني اني اقول لزوجي وش تسمون المرجحانه ؟ لان هو يقول لي يي شي واني اقول له مرجحانه وهو مو فاهم عليي
كلمه بيفهم على كلامك

تخيلوا بس ههههههههههههههههههههههههه

حتى في الحلمه اعيب ع كلام ديره زوجي هههههههههههههه بس هو كلامه غير مو مثلهم ما يجيب كلمات صعبه

هلا ماماتي

اااااي هذا هو اهم شي تحفضين القرآن لانه واجد يسهل ويخفف من الخووف
وبعد من الاعراض مال الولاده ان ينزل ماي البيبي
مثل ما صار لي
ما جاني ألم ولا شي في البداية
بس نزل علي ماي
في البداية فكرت افرزات لانه بدى شوي
بس شوي شوي قام يزيد الماي وما يوقف
وع طول رحت المستشفى
وطلع ان الجيس مال الماي الي حول البيبي انفجر
وهذا من علامات الولاده
وبس تميت عندهم في المستشفى وماكان عندي طلق وحطو لي طلق صناعي

ههههههه
اني مادري اي تاريخ اعتمد والله محتاره خخخ
اني بمريوم كان فرق بين موعد الدورة والسونار كأنه اسبوع
بس موعد السونار كان متأخر اسبوع عن الدورة
واني تأخرت في ولادتي
السونار كان عاطني 8/2 ولاده
بس ولدت 14/2
وموعد الدورة اعتقد كان 5/2

والله اني محتارة ومادري امشي على اي تاريخ
بس الدكتوره قالت امشي ع موعد الدورة
لانه السونار اني كنت مسويتنه في السادس فما يعطي الوزن الصحيح والحجم الصحيح للولاده
ولا يندرى متى الله يكتب لنا ونولد

تتكلمون عن التجهيزات


اني اشتري وبس اي شي يعجبني اخده ما احسب العدد

يعين الحين الشباحات اخدت واجد يمكن اكثر من عشرين وحده بس منوعين كت ونص كم

لانه الجاهل واجد يحتاج شباحات
وبعد مال بنتي الي لونهم محايد وزينين بستخدمهم
بس فراشات بنتي كله وردي ما بستفيد منهم

والمهادات الا هي القماطات اخدت يمكن عشر لو اكثر وبعد بسوي الا ويا المفارش

واخدت مراضع صغار يمكن 3 للماي والادوية للحليب لحين ماخدت

وامس شفت في رد تاغ بوكس الاغراض صغير بس حليو وكان لونه ازرق عادي قلت ليهم يطلعون غيره واذا فيه لون غير بشوف

راح الصبي قعد لينا ساعتين واني تباعدت قعدت اتفرفر شوي

ما رحت الا هو مطلع واحد لونه وردي مايل للاحمر وراح زوجه دفع واخده

اقول له يوو امبي ازرق بس مامبي المعروض مشمخ وحالته حاله

قال بس جاب هذا واخدته
واذا تبين ازرق بناخد بعد

قهرني ومشينا

بس ماعليه بستخدمه ويش اسوي بعد

هاي كيكفكم
توني جاية من الشمسة رايحة اشوف اخوي :)

انتون لين اطلع تدخلون تسولفون ولين اجي تهربون بفجركم شكلي

ورود وين يصير محل زوجش

بالقضبية بس يبله فر ما اعرف لفاته

انزين مافيه صوبه محلات معروفة

يمكن اروح خخخخخ

زوجي يدلي مناك عدل

اكيد بدليه

وويش اسمه

اهو فيه كلمة وبعيد روز اني ما ادلي مناك واجد الأن انا بالمحرق وقليل لين اروح دكانه او مناك

هااااااااااي

طائر ايلول
لثياب ما يصلح الواحد يكثر منهم لانه الجاهل بسرعه يكبر
اني الي خذيتهم اغلبهم من 0-3 مال رد تاغ واحس حجمهم كبير
وخذيت 3 نيو بورن وقلت بكتفي بذلين
وعقب ما اولد اذا مال رد تاغ صارو كبار واجد ومبهدلين ع البيبي اعطي اختي تاخذ جم بدلة نيو بورن
بس ما بشتري من الحين وباخزن لانه خساارة
شهرين ثلاث وينقطون
وعندي بعد كم شباحات مال تحت مال مريوم ما تغيرو الوانهم محايده
وبعد جم بدله إلي يجون مسكرة رجلهم من تحت لو كنت بخلي البيبي بدون المهاد وبس
بوكس الاغراض اني ما خذيت
عندي سلة حليوة اخط فيها الاغراض
والمراضع بعد شوي بطلع وبامر باخذ وبفتك
وبجذي اكوووووون خلصت تجهيزات البيبي
ويبقى اجهز لنفس
واليوم بطلع مع امي
وبامر محلات القطع وباخذ لي قطعه قطن ساديه وبشتري شلش مدري شيفون مادري شيسمونه وباودي القطعه محل وباخلية يسوي لي شي بسيط وخلاص
وبامر اشوف محلات البجامات بعد اذا صار في جانس
وبس :)

طائر
ما رحتي مجمع العلوي البازار تبع جواد ..؟؟؟

صدق تذكرت خل اتصل حق فرحه ام اسال عن مفرشي
هي قالت قبل اسبوعين من 1/8 اتصلي
بس اني بتصل ليها من الحين بخليها تستعجل عليها
ما فيني صبر بعد انطر شهر خخخخ