SomeOne1;15261243:
اف دايخه حدي
اليوم قعدت من الصبح الساعه 8 ونص
ورحت المستشفى وصلت ع الساعه 9 وشي
دخلت ع القابلة وتمت تتحلطم تقولي انتي اول زياره ليش ياية متأخره
قلت لها شسوي زوجي في الشغل ما عندي سيارة
جان تقولي جان اتصلتين غيرتي الموعد فراغه
بعد اني مو رايحه الساعه 11 لو 12
تو النااس
وجيكت الوزن والضغط وكل شي اوكي
بس وزني صدمني واجد :(
واجد متنت خخخ يمكن فوق 10 كيلو
والله مادري جم لانه كنت مو وازنة من زمان
بس قبل ما حمل كنت وايد ضعيفة
انزين ورحت للدم وعالم طابور وجيكو الدم والحمد الله زاد وصل 12 الحمد الله رب العالمين لا احسد روحي خخخ
وعقب رحت انطر الدكتوورة
ويالله عالم ماشاء الله وايد حواامل والدكتورة وايد تتأخر تملل
وما خلصت إلا الساعه 11
الدكتورة قالت لي واييد متاخرة ياية ومو مسويه فحص سكر ولا دم ومادري شنو ومستغربة ليش توني اروح وولا راجعت عند خاص
وراويتها الاشعه مالت السونار لما سويت
قلت لي انتي مسوية متأخر يعني لا تعتمدين ع التاريخ المبين 20
لانه السونار يكون مضبوط لما تسوينة ع نهاية الثالث يبين عدل من حجم البيبي لكن هذا لا تعتمدين عليه
وقالت لي ع الدورة بيكون بين 2/8 و 5/8
والحين احترت منو الصح
اذا 5/8
يعني اني من زمان داخلة الثامن وما باقي عليي شي
وبس سمعت نبض البيبي وكل شي كان اوكي الحمد الله
وعطتني موعد بعد اسبوعين
وعطتني حبوب الفوليك
مادري عاد من بيشربهم خخخ ...
وووبس هذا برنامج اليووم
وهذاني جيت الشقة تريقت وطلعت الدياية وانطر لين تذوب علشان اسوي الغدا
وباقوم احط لثياب في الغسالة
المعروف انه موعدة الدورة اصح اذا كانت دورتش منتظمه
اني يوم ابتي عطوني موعد الولادة متاخر عن الدورة بثلاثة اسابيع
بس ولدت في موعد الدورة
