غسل الملابس البيبي مهم جدا جدا

karoleen nk;15232276:
شوفوا اسئلة البنات^o)^o)

سوال---حبوبات ابغى اسئلكم عن ملابس البيبي الجديده نغسلها قبل ناخذها المستشفى ولا لا ؟؟؟ وحتى الملابس الداخلية الي تجي في اكياس مقفلة نغسلها ولا كيف ولو مفروض نغسلها شو الطريقة الصحيحة حق غسلها يعني ننقعها بس ولا نغسلها ونشفها ونكويها وشو الصابون الافضل لغسيل ملابس البيبي واخاف تخرب قبل مايلبسها ^_^ ودعواتكم لي وللبيبي



ج--الصراحه انا اغسلهم بالصابون الخاص لملابس البيبي بتحصلينه في الجمعيه ..بس تكون غسله خفيفه ولوحابه تستغنين عن الصابون حطي شوي كومفورت مع الماي ينعم الملابس ويعطيها ريحه حلوه


ج--انا غسلتهم بالكومفورت بس ماكثرت ....وغسلتهم بايدي ...احسن لاني احس الغساله بتخربهم بس تنشيف بالغساله


ج===اختي الكومفورت وبس....انا عندي ثلاثه وكل حمل قبل ما اربي بشهر اغسل كل الثياب الي بيلبسهن البيبي اول شهر في كومفورت وبس يعني انقعهن وعقب اغسلهن بماي بس واكويهن.....حتى يوم تلبسين البيبي تكون ريحته تجننننننن من الكومفورت....


ج---انا اودنهم في ماي دافي وانشفهم فالشمس واكويهن واحطهم في شنطة المستشفى من الضرور لان الملابس الجديده ماتدرين شو عالق فيها من مواد ضاره ببشرة الطفل


ج-----اكيد الغالية لازم تغسلين كل ملابس البيبي لانة يكون جسمة حساس اول شي انا اغسلهم بماى بس وبعدين لما يلبسها البيبي فية صابون خاص بتحصلينة فى الجمعيات مرسوم علية صورة طفل بتحصلينة فى القسم الخاص للاطفال






سمعوا بنات

السلام عليكم بنات كيفكم وكيف حال نوناتكم..؟
إن شاء الله بخير ؟؟
بنات مثل ماهو واضح في العنوان وهو موضوع شاغلني كثير وهو مسألة ملابس الموليد اللي تشرونها هل تلبسون عيالكم على طول ولا تغسلونها...؟؟
هذا شي خطير وممكن ننساه بس ماندري أخطاره
الزبدة أنا أعرف وحدة بنتها تبكي كثيييير في النفاس وإذا فصختلها ملابسها تسكت وكانت تلاحظ على جسمها نقط صغيرة حمرا ..؟
استغربت وودتها عند دكتور وقالها حساسية وعطاها كريم ومانفع معها ..وأمس وأنا أسولف مع أبوي((أبوي يشتغل في محل مفارش)) وأسولف لأمي عن ذي الحرمة قال أبوي ((هذة الحرمة غسلت ملابس بنتها قبل لا تلبسها؟؟))
قلت مدري ؟؟ليييش؟؟
قال يمكن من الملابس..لأن عندنا مادة زي البودرة نرشها على المفارش القطنية عشان ماتاكلة عثة القطن وهي مادة حارقة وموكويسة تلامس الجلد..
وملابس الأطفال طبيعي بتتخزن سنين وأكيد يرشو عليها من هذه الماده عشان تحفظها..
أنا بلمت ..وفكرت صح إحنا ليش مانغسل ملابس النونو..ماندري كم يد لمستها وتحت أي ظروف تخزنت وهل هي مغبرة ولا لا..
المهم كلمت المرة ونبهتها وبالفعل مارتاحت بنتها إلا لما غسلت ملابسها وتقول على طول راحت النقط بدون كريم..

شايفييين ؟؟
أنا أمي حامل وداخلة التاسع وقلت لها أمي ليش ماتغسلين ملابس النونو قالت مايحتاج طول عمري ألبسكم مافيكم إلا العافية..
قلت مايخالف أنا بغسلها..
وبالفعل صنفت الملابس حسب الألوان وغسلتها بالشامبو حق الملابس الرقيقة وغسلت البطانية والكوفلات كل شي وماتصدقون يابنات الموية كيف كان لونها صار بني ...
وأنا أصارخ على أمي ووريتها المويا وتقول ياساتر زين غسلتيها..ولما نشفتها بالنشافة لازم تكون الملابس ألوانها وحدة مو تخلطينها عشان تكون مثل الجديدة وتكون كأنها مانلبست لأنك لو خلطيها ممكن القطن المتطاير يلصق بالملابس الثانية وتصير كأنها انهرت من اللبس..
المهم ان قررت أني لما أشتري أغراض النونو بغسلها من معاااااي ..
وشريك بهالسالفة وياريت لو ترفعون الموضوع عشان يقرأها أكبر عدد ممكن من البنات..


هاي منقولة الكم
انتم شنوا رايكم شتسون بل ملابس من تشتروها تغسلوها والا تلبسوها على طووووول
اريد تفاعلكم:biggrin::biggrin::biggrin::biggrin::biggrin::biggrin::biggrin::biggrin: