قيادة المرأة للسيارة (قضـية نـقـاش)>~..

السلام عليكم ورمة الله وبركاته..

اختي انا سبق وشاركت في نقاش مشابه لهدا في احد المنتديات واحب اني احطلكم نفس الرد اللي رديتو في هداك المنتدى...



مثل ما تفضلو الاخوات وقالو القضية فعلا حساسة...

ومثل ما نعرف ان الاختلاف ف الري لا يفسد للود قضية..

وانا لست سعودية مثلما يعلم البعض..


رأيي اني مع قيادة المرأة للسيارة ..

ولا اجد ابدا اي مانع او ضرر من دلك...


من حكم تجربتي قيادتي للسيارة ساعدتني كثيرا وريحت راسي من هم السواقين وومشاكلهم..

لما كن بالسواق..

كنت احيانا اخرج من الجامعة..والقاه ما جاني واظل حوالى 10 دقائق او اكثر واقفة بالشارع انتظر...

الان لما صرت بسيارتي صرت اطلع من الجامعة مباشرة اخد سيارتي واروح للبيت...

هدا مثال من تجربت..


انا ارى ان المرأة او البنت اللي قادر زوجها او اخواها او ابوها يقوم بتوصيلها لقضاء جميع امورها واللي ما تحتاج سيارة خلاص ما عندها عدر..

لكن افضل انها تمتلك سيارتها الخاصة احسن من انها تعمل سائق..

لان السائق يبقى رجل واجنبي..

وافضل اكون في سيارتي مغلقة علي..

من اني اتمرمط في المواصلاتت ..وما فيها من اختلاط ومشاكل الها اول ما الها اخر..

و من اني اكون مع سائق اجنبي..

وكثثثثثثثثيييييييييير حوادث صارت بسبب السائقين...


وبالنسبة للضرر الي ممكن قيادة المرأة تسببه..


كل ما احط سبب الاقي له الحل و النقيض...


رح تقولو انها تسبب فتنة ..من المعاكسات مثلا...؟؟؟؟؟

المرأة تخرج الى السوق يوميا..وتركب السيارة وهي مع السائق..الا تعاكس في هده الحالة؟؟؟؟؟؟؟؟؟؟

ستقود طبعا بلباسها الشرعي الدي تخرج به الي السوق وتكون به مع السائق..

اي انه لن تسلم في كل الحالات....


تقولون ان رفض الزوج لخروجها لن يقف امامها عندما تكون مستقلة بسيارتها..؟؟؟؟؟؟

لا ابدا..يعني معقول ازوجة تخرج من غير ادن زوجها...مستحيل ..يعني حتى لو كانت لها سيارتها الخاصة فهي لن تخرج بدون ادنه..الحائل دون خروجها هو طاعة لزوجها..وليس عجزها عن الخروج..

لان فيه 100 حل لتخرج غصب عن زوجها حتى وهي لا تقود اسيارة..ان تتصل باخيها او ان تطلب من اهلها ان يرسلو لها السائق او اي شي..

انا شخصيا عمري ما طلعت من البيت سواء بسيارت او بغيرها بدون ادن ابوي..

والان وانا متملكة ما اطلع من دون ما اخبر زوجي..ولو قالي ابي او زوجي لا تطلعي .ما رح اطلع ..


ممكن تفكرو ان المرأة لما تسوق رح تروح وين ما تحب وممكن تعمل اشياء سيئة من غير علم اي احد..وان السيارة تسهللها هالشي...

والله لا والف لا..نساء كثيرات لا يقدن السيارات لكنهن يفعلن ما يشأن دون ان يعلم احد..فقط الايمان والتربية الصحيحة هي اللي تمنع اي انسان انه يعمل اي شي غلط..وليس منعه من السيارة او من غيرها...


حولي الكثيرات من النساء من يقدن السيارات وهن محترمات لا يخرججن من دون ادن ازواجهن .ويتقاسمن المهام مع ازواجهن ..وواخدين السيارة وسيلة لتسهيل حياتهم مش وسيلة للاستقلال عن الزوج او الاستغناء عن خدماته..

يعني امي مثلا تسوق...

وما تجيب لوازم البيت..

ابي الل يجيبهم..

الدكتور تاخدنا احنا البنات..

اما اخي الولد فياخدو ابي..واحيانا هي ادا كان وقته لا يسمح لانه رجل اعمال وقته ضيق..


وكل هدا بادن ابي...يعني مستحيل تخرج من غير ما يسمحلها..


اما قولكن ان الرجل يصبح اتكالي...مهو عم يتكل على السواق لما السواق يوصل الزوجة والاولاد لكل مشاويرهم..وهو الللي يجييب مقاضي البيت وكل اغراضه...

اليس هدا اتكالا وتملصا من المسؤولية...


فالامر عادي جدا..والنساء في جميع ادول العربية والمسلمة يقدن سيراتهن باحترام وبموافقة ازواجهن ...

واكثير منهن سيدات وبنات محترمات ..متدينات ..ومن عائلات محافظة..

في النهاية ما اقول الا..

ان كل شيء في الدنيا قد يصبح مضرا ادا استعمل بالطريقة الخطأ..

وانا ارى في منع المرأة من القادة ظلما لها وشكا فيها ...


وعدم ثقة لا اكثر...لان لا الله ولا رسوله ولا الائمة حرموه ..

ولو كان حراما لكان منع في جميع الدول ااسلامية وليس السعودية فقط..


واتمى ان ارى من وجهة نظركم الاضرار التي قد تنتج عن قيادة المرأة ...


بالتوفيق..

واتمنى ما تزعلو مني لاني لا اوافقكم الرأى...

انا بصراحه مع سياقه المراه للسياره وشكرا جزيلا على طرح الموضوع ..

أنا أرفض وبشدة
تخيلوا حجم الحوادث يوميا في السعوديه بدون ماتسوق المراه
كيف لو ساقت
انا صح احتاج احيانا واتمنى بس اقول كذا احسن

يا هلا بك أختي أريج الأقحوان

ترددت في الرد على الموضوع...و لكن إستعنت بالله و قررت أكتب ردّي

عن نفسي...أسوق من أكثر من 8 سنوات الحمد لله

لا أتفق مع بعض الأخوات اللي قالوا

( واللي ودها القيادة تاكدي انا كل طلبات البيت من الابراه حتى اسطوانة الغاز انت اللي بتشترينه والرجال بيحط رجل على رجل وانت الخسرانه )

لأن الحمد لله أكتب طلبات البيت لزوجي و هو اللي يجيبها...و هذا اللي متعارف عليه عندنا

بالنسبة لي ...السواقة ليست ترفيه أو كماليات أختي...لكن أحتاجها في حياتي بشكل لا تتخيليه

زوجي يشتغل في مستشفى...دوامه شيفتات...و أغلب الوقت غير موجود في البيت...

مرات لا قدّر الله يصيب حد من عيالي شيء...ممكن آخذ السيارة و أنطلق على الدكتور بطفلي...

مرات عندي ميعاد مستشفى مهم ما أقدر أفوّته...بالذات أيام الحمل...و زوجي غير موجود لوجود طوارئ في عمل زوجي...أضطر أروح بنفسي...

مرات عيالي يفوتهم باص المدرسة..و زوجي يكون وصل شغله اللي يبعد عن بيتنا مسافة ساعة كاملة...لذلك ما راح يضيع عليهم اليوم الدراسي...و اركب سيارتي و أوديهم المدرسة

مرات زوجي يقعد في المستشفى وقت طويل...آخذ العيال علشان حرام محبوسين في البيت بالأيام...و أروح بهم على أماكن الترفيه و الألعاب...ياكلوا و يلعبوا...و نرجع بسلام

لما كنت أشتغل...مستحيل أعتمد على زوجي ياخذني و يجيبني لأني كما قلت دوامه شيفتات...و كنت أروح و آجي بنفسي...و أجيب عيالي من الحضانة في طريقي...و معتمدة على نفسي بدون مشاكل

إني أركب سيارة أجرة...هذا شيء صعب جدا بالنسبة لي...لأنها خلوة غير شرعية...أنا و رجل أجنبي في السيارة...كيف ! هذا حرام و معروف عواقبه

مواصلات...هنا ما فيه غير باصات عامة...و كل اللي راكبين فيها هنود

أجيب سايق...طيب وين يقعد و أنا ساكنة في شقة...و ايضاً كيف أئتمنه على نفسي و أركب لوحدي معاه ؟

أستعين بأحد من أهلي...ما عندي غير والدي و هو كبير في السن الله يحفظه...و ما يقدر يسوق كتير...و مش عايزة أضغط عليه...

لذلك في كل الأسباب اللي قلتها في الأعلى...أين يطبّق رأي الأخت ؟ :

( رااح ينتشر الفسسق والفجوووور ) ؟

لكن اللي تاخذ السواقة كنوع من الترفيه و الكماليات...و تاخذ الرخصة علشان تحوط و تعاكس شباب و تسهر برّه و تروح أماكن من وراء أهلها...هذه النوعية موجوده في كل مجتمع...صعب تمنعيها...و لكن ليس بسبب وجودها الأخريات المحتاجين للسواقة يحرموا منها...

و على الأقل تكون المرأة تعرف تقود السيارة و متعلمة عليها...يمكن لا قدّر الله يصير أي طارئ...يكون وقتها تعرف تتصرف

الله يكتب اللي فيه الخير للجميع

بنسبه لنا قيادة المراة للسيارة شي اساسي للموظفات اما عير الموضفه فا انا احس ماله داعي تسوق
واذا كانت عندها الي يوصلها ويلبي كل احتياجاتها ممكن تستغنا عن قيادة السياره
اما اذا م معها حد يلبي احتيجاتها لازم تسوق

طبعااا بما اني سعوووديه ,,, وممنوعه من السواقه

وانا مو من المطالبين بسوواقه المراء ,,, لاني في غناء عنها ومااحتاجه ,,, لكن مااقدر اتكلم بلساااني ولسان غيري

لان انا مو محتاااجه في غيري محتاااااج ,,, الموظفه والارمله واللي زوجها مسافر او الدوااام طوويل ,,,

اذا كانت تبي المستشفى او المول او الماركت ,,, تقدر تعتمد على نفسها

وبعدين احنا في السعوديه ,,, الظرووف ماتسمح لان ماحنا متعووووودين ,,, ماااادري احس الفكره ماتظبط عندنا في السعوديه

هاذا رايي ,,,

شخصيا انا مع سياقة المرأة للسيارة 100%
حاجة الانسان للسيارة كبيرة وطول الوقت ولازم المرأن تشارك الريال في عبء الحياة اليومية...
مثلا لو كانت مرأة متزوجة وريلها في العسكرية وممنوع عليه الخروج والمرأة عندنا ولد مريض هني مشكلة شتسوي!! بتضطر تطلب المساعدة من الاهل او الغرباء... وفرضا ان المرأة وريلها يتيمين فهذي معناته بتركب تاكسي مع غريب!!! فشنو الاصعب هل انها تسوق بروحها او تركب مع غريب...
وفي الكثير من الحالات مثل الاب المريض اللي ما عنده الا بنات او العائلة الذي توفى والدها ولديهم والدة مريضة طوال الوقت... فهلون بيحتاجون للغرباء وشخصيا ما احب اطلب المساعدة من اي شخص ان كان من اهلي او ربعي او غريب...
السياقة شي ما فيه بالنسبة لي غلط والمرأة تقدر تسوق بكل احترام وبحجابها بدون ان تتعرض للغرباء وحتى في حالة الحوادث ممكن تطلب مساعدة احد من اهلها وحالات الحوادث مو دائمة مثل مشاوير الدنيا اليومية...

تفكير كل شخص يفرق وخصوصا بين الدول المحظور فيها سياقة النساء وباقي الدول المسموح فيها سياقة النساء لان تفكير المجتمع يأثر وايد على الانسان... بس انا احس حلو المرأة تساعد اخوها او بوها او ريلها او اهلها في اعباء ومشاغل الحياة بحيث تكسب وقت معاهم بدل ما ان تشغلهم في مشاويرها او روحاتها للشغل او خصوصا في الاغراض النسائية


والاخير مشكورة اختي على طرح الموضوع المهم والله يعطيج العافية

انا برأيي كل امر بالدنيا له جانب سلبي واخر ايجابي فمنع القيادة تحت بند تحريم ماتقود اليه اراه سبب ضعيف لان كل شيء بالدنيا قد يقود للشر ولا اعتقد ان المرأة اذا قادت لسيارة ستكون كالمحرومة وستذهب لدور الفسق والفساد كي تشبع حرمانها ولماذا المعارضين لقيادة المرأة ينظرون الى جوانب ان المراة تحتاج السيارة لطلعات السوق وغيره فالمرأة قد تمرض وقد يمرض زوجها وليست جميع النساء محظوظات بوجود رجال قائمين على خدمتهم انا اجد ان قيادة السيارة في زمننا الحالي ليس ببيعيد عن ركوب المرأة الدابة في بداية الاسلام

في هذه الحاله الواحد يضطر للسواقه



اشكرك ع الموضوع الرائع

والله الحمدلله اسوووق
وميسره امور اهلي من اولها لي اخرها
خصوصا ان ماعندنه شاب نعتمد عليه
وابوي صحته ماتسمح له يقوم بمعظم واجباتها

فاقول الحمدلله ان مجتمعنه ميسر علينه السواقه والا كان حال اهلي يرثى له

من رايي البنت من حقها تسوق كونها لها حقوق مثيله بالشاب خصوصا اذا استخدمت السياقه في امور
تقلل حاجتها للغير

أشكرك أختي على الدعوة وعلى الموضوع

طبعأً أنا لا أستطيع الحكم والإجابة عن هذه الأسئلة كون بيئتي تختلف حيث أنني منذ وعيت على الدنيا أمي تسوق وكل النساء في عائلتنا تقود السيارة
وحتى أنا لي 7 سنوات أسوق

بالنسبة لي ولما رأيته في عائلتي فإن القيادة لا تشكل رفاهية وتسلية

فمثلاً أبي كان يسافر كثيراً و كنا أطفال فكانت أمي تقضي حوائجنا فلكل حياته ومشاغله وعائلته
فكل يوم توصلنا للمدارس وتذهب لإحضار حاجياتنا
وهناك أمور طارئة كالذهاب للمشفى لا سمح الله تستدعي التصرف السريع


أنا مثلاً أجده أفضل طريقة لحماية نفسي وخاصة عندي نزولي للجامعة وقضاء أشغالي
فإخواني وأبي لا يمكن أن يتواجدوا في كل الأوقات فقط لتوصيلي إلى الأماكن التي أريدها
ولا يمكن أن أركب سيارات الأجرة مع شخص غريب


ويمكن للمرأة المحافظة على حجابها وسترتها وتقود السيارة
ولدينا الكثير من النساء المنقبات وتقود السيارة ولم تؤثر القيادة على التزامها بسترتها وحجابها



وكما قلت في البداية تربيت في مجتمع قيادة المرأة فيه شئ عادي لذلك لا أستطيع الحكم

بإختصار أنا ما أقضر أستغنا عن السيارة
شيئ مستحيل
يعني إدا ما سقت أنا مين راح يقضي لي مشاويري
أقول لرجال يجي يسوق بيا السيارة هههههههه
الأحسن للمرأة أنها تسوق بنفسها مادامت حتخرج ولا تجلس في البيت أحسن لها
أما أنها تتمنع من السياقة ويجيبولها رجال يسوق لها فهذا أغرب شيئ

طبعا مع السواقة لأسباب اللي ذكرتها الاخوات والبنت المحترمة محترمة سواء ساقت أو لأ وهذا شي طبيعي وعادي في بلدي
بس متفهمة الوضع في السعودية أكيد شي جديد وصعب يتقبلوه واصلا الوحدة بتخاف في البداية لأنه عيون الناس بتلاحقها وأي إنسان ما يحب حد يلاحقة وعااد الشباب أكيد أكثر من الفضول

موضوع رائع ويستحق النقاش

امس لسه سمعت فتاوى من الشيخ عبدالله المصلح بارك الله فيه ونفع به الامه العربيه والاسلاميه

انه عندما سافر الى امريكا وافتي بعدم سياقه المراءه للسياره اجابه رجل وقال له ياشيخ لمااذا انا ادرس في الجامعه وبقدم للدكتوراه واشتغل ولايوجد لدي وقت لكي اجيب اغراض الى البيت او اودي زوجتي واولادي الى المستشفى وانا اخاف على زوجتي من المواصلات حتى لاتتعرض للانتقاد والمضايقه بسبب حجابها ولكن عندما تذهب بسيارتها وتودي الواجبات وعادت الى بيتها افضل واامن لها

اجابه الشيخ في هذه الحال يجب عليها سواقه السياره لانها ضروره وبحاجه لذلك

اما عني شخصيا افضل ان المراءه تسووووووووق اذا كانت بحاجه ضروريه اما عشان دخول وخروج الاسواق والاماكن العامه للتنزه يوميا ويوجد رجل قادر يؤدي طلباتها وجميع مستلزمات البيت

لا اوفق على ذلك

وشكرا مشرفتنا القديره لطرح هذا الموضوع الرائع والمفيد

أريج تسلمين على الدعوة للمشاركة في هذا النقاش
أنا رأيي زي أختي ابتسامة قلب
وأزيد عليها :أتخيل نفسي وأنا أحمل أنبوبة غاز..أو انفجر الكفر كيف أغيره...بصراحة أنا أخاف أخرج من البيت الى مكان عام بدون رجال
وبعدين أحس أني أميرة ومدلعة كل شيء يسويه زوجي ...يكفيني شغل البيت...أجسامنا ما تستحمل شغل داخل البيت وخارجه و دوامات وحالة...بصراحة أنا أحس السعوديات مرتاحين ما نبي زيادة أعباء..
بس أحس الوحدة المفروض تتعلم السياقة بس للضرورة القصوى لا قدر الله حد تعب و ماعندك حد يوديه..أو.....
والشرطة ما يقصرون في مثل هذه الضروف يراعون الوحدة ويسرون لها الأمور....
مانبي سياقة بلييييييز

بالنسبة لي انا شخصيا... كسعودية وافتخر ولله الحمد انه فيه مين اللي يلبي مطالبا
سواء كان زواج .. اخ ..اب .................او سائق ...اللهم لك الحمد على النعمة اللي احنا فيها
والله نعمه...احنا في غنى عن المشاكل اللي لابد تصير للمراه ...لو تقود السياره لو حدها ...
لو فرضنا انه وقفت عليها السياره ...لسبب ما.....كيف راح تتصرف؟؟؟؟
نادرا اللي بتعرف ..تصلح سيارتها وتشوف العطل اللي صاير .........
لابغت توقف احد يصلحها ...مين اللي يعرف ...طبعا وبلا منااازع ...الرجل..................الا من رحم ربي ,,مو كلهم نواياهم شر او خير
وهذي بدااااايه للمفاسد واحنا في الف ومليون غنى عنها...........والسواقه سلاح ذو حدين
احيانا تكون الوحده محتاجة لظرف صار لها ...وتحتاج لاحد ومايكون فيه ...وساعتها تتمنى انها تسوق وتضطر اذا تعرف وتروح....وكل وحده عارفه مصلحة نفسها من غيرها
وربك غفور رحيم............والله شديد العقاب
وجهة نظري ....خاصه فيه انا....وشكراااااا

الحقيقه انا معرفش هو ليه اصلا عندكوا ممنوع قياده السيارة للسيدات ؟
هل هو حرام ؟
وبعدين مش قياده المرأه لسيارتها افضل من انها تركب مع راجل غريب اللى هو السائق
انا شخصيا مش شايفه انه فيها اى حاجه
واعتقد انه الناس اللى بتقاوم الموضوع ده ليها اغراض تانيه غير الحلال والحرام
اغراض ليها علاقه بالتحكم فى المرأه او ابقاءها فى مكانه معينه ماتتحركش منها لأسباب كتير مش هخوض فيها
بس انا رأيي انه لايعوق اى مرأه محجبه او منتقبه حتى من قياده السياره
فى مصر فيه منتقبات كتير وبيقودوا السيارة ومافيهاش اى مشكله
انا اصلا مش شايفه اى أزمه فى قياده الست للسيارة بالعكس هترحمها من حاجات كتير
وعن تجربه يعنى عشان فى مصر هنا بنركب مواصلات عامه وتاكسى
فأكييييييييييييد كل ست بتتمنى تبقا عندها سيارة شخصيه وتقودها بنفسها
هيرحمها كتير من المشاكل اللى بتتعرضلها وهى بتركب مواصلات عامه او تاكسى مع سائق غريب
ونفس الشيء مع سائق خصوصى
فى كل الاحوال اسمه راجل اجنبى وماحدش يرضى انه ست او بنت تركب مع رجل اجنبى لوحدهم