ولدي عنيف وعنيد ساااعدوني

الشموخيه;15231712:

F:

اشحالكم بنات ؟؟؟

شو اقولكم ولا شو اخلي والله مغامراتي ويا علاوي ولدي ماتخلص ماشاءالله عليه الله يحفظه .. هاي مشكله ثانيه اواجها وياه ..:confused: ماشاءالله عليه عنيف وعنيد عمره سنه وبالضبط سبعه شهور وااايد يمد ايده الكبار والصغار اهلي واهل ابوه مب مخلي حد فحاله حتى يدوده يمد ايده حتى يداته يحش شعورهن وانا احصل اطرااقات منه اذا مانشيت يوم اكون راقده وفي مره صفع ابوه اطراااق من الخاطر وابوه راقد على طول من حس بالطراق شهق ابوه من الصدمه وانا والله احزن مااعرف كيف اتصرف وياه المشكله بعده احسه مايفهم اذا قلتله لا ماما عيب احسه مايتجاوب وياي واتخيلو وهو يسوس هالاكشنات يتم يضحك ويستانس ويحس بالاثاره يتم يضحك ويلعب ويسوي حركات مااعرف شو افسرها يعني ينطنط ويصفق ويضحك واتخيلو حتى اليهال في العايليتين ذابحنهم ضرب ورفس وعضضض ولد اختيه يمووت فيه بس هو يضربه والله ماحب اضايج ..ترا هو اول حفيد بالعايلتين واشوي مدلعينه من الصوبين بس هذا غلط والمفروض مانتساهل وياه والله ابا اتثقف كيف أربيه واعلمه بالطرق السلميه مب اضربه وانازعه علاوي مايستجيب جذه :'(

محتاره كيف اتعامل وياه ...؟؟

منو منكن ولدها جذه ..

أشواك ورد;15232045:
بنفسج قلتيها ودي اتثقف , سواء عن طريق الكتب او حتى عن طريق النت , كيف التعامل

مع الطفل العنيد , هذي نقطه بالنسبة لي , الحركه الي سواها حق ابوه كانت جدا سيئة

وهذي نقطه بيحطها في باله زوجج , يعني شلون يدخل على ابوه وهو نائم المفروض , أنج

وقت نوم ابوه ولدج يكون بعيد تقعدين انتي معاه في مكان ثاني في غرفه ثانية , تلعبين

ويا ولدج , النصيحه الثانية دائما كلمي ولدج كانج تكلمين ريال كبير , لا تعاملينه كطفل ما يفهم

ممكن يكون هذا هو السبب .

عروس جنان;15232212:

الله يهدي اطفالنا يارب

خواتي الي تعاني من هالمشكلة لازم تسيطر على ولدها
يعني عاقبيه.. وطلعي عيونك لما تنازعيه بس لا تضربيه
اذا جا يمد يده عليكِ لا تضحكي مسكي يده ونزلي لمستواه
وخلي عينك في عينه خليه يخاف
ولما يتجمع مع الاطفال ظلي راقبيه
اذا شفتيه يعض ويضرب شليه
وعاقبيه واحرميه من اي شي يحبه علشان يحس وما يكررها