عندي مشكلة ساعدوني جزاكم الله كل خير

خواتي مشكورين على النصايح والله لايحرمني منكم


بالنسبة لاخر التطورات .. مساعد المدير قال لي انه بيحاول مع المراقب انه يغير النتيجة وسألني اشكثر تبين النتيجة وتوقعين ؟؟؟؟

على العموم انا قلت له تري بوقع اذا النتيجة عجبتني بس مو ضوعي لازم يروح عند المدير العام

ولي الحين ما ادري شنو صار ... بس انا بخليها على الله حسبي الله عليهم
وانا جمعت كل اوراقي علشان لما اروح للمدير يشوفهم

بس فعلا نفسيتي تعبانه حدي ومالي خلق من قلب ما ادري ليش مكتئبه مع اني فوضت امري لله بس احس بتعب

كل يوم بالليل اقرا سورة البقرة يمكن ارتاح وان شاء الله ربي ياخذ لي حقي منهم حسبي الله ونعم الوكيل فيهم

انا من يوم ما قال لي انتي ما تعامليني عدل وانا عارفه انه ماعنده شيء ضدي والله العظيم اني اقوم بشغلي بكل دقة ولا احد يخلص شغله بسرعه مثلي ولا يسلمه بتقارير مثلي كل شغلهم دون المستوي ويتأخر بالشهور ومع هذا محد يتكلم وانا يحاسبوني على اتفه الاشياء

لدرجة مرة اختفي جهاز وقعدت ادور عليه واحوس بكل مكان والله العظيم ياجماعه ماكذبت عليكم قلت للمسئوله وكان جنبها صديق مسئولي قلت لها تري الجهاز ما ادري منو خذاه عجزت وانا ادور عليه قالت لي بالحرف والله ما كذبت لو الجهاز ضاع انتي تدفعين فلوسة من معاشك وصديق مسئولي جنبها وقاعد يطالع السق ويضحك اخر الدوام عرفت ان صديق مسئولي اخذ المفتاح قبلها بيوم بعد انتهاء الدوام واخذ الجهاز وخلها بقاعه من القاعات طيب ليش ما قال لي وهو يدري اني ادور عليه بس علشان يلبسوني تهمه حسبي الله عليهم وغيرها وغيرها اشياء الله يعلم فيها ومع هذا انا قاعدة على قلوبهم ماراح اغير مكاني لو شنو يصير

الله كريم ان شاء الله وياخذ لي حقي منهم عاجلا غير اجل ان شاء الله
حسبي الله ونعم الوكيل فيهم

وسيكفيكهم الله

السلام عليكم ورحمة الله وبركاته

خواتي انا بقول لكم اخر التطورات وانتوا احكموا باللي يصير لاني خلاص ما عاد فيني اتحمل اللي يصير ...

حاولت من 4 شهور اني اكلم المدير العام وكل مرة يقول لي خلاص بجتمع في المراقبين واشوف حل للموضوع ولي اليوم ما صار شيء ونزل التقييم للموظفين ومراقب القسم اللي انا تابعه له حاط لي درجة تعبانة وقال لي بالحرف لو ترجع لي الامور احط لك صفر قلت له شنو السبب حق هذا كله قال لانك ما تعامليني زين قلت له عطني موقف صار وانا ما عاملتك فيه زين قال ماكو موقف بس انتي معاملتك لي مو حلوة !!!! :eek2:

بذمتكم هذا كلام يعني ماحسبني على شغلي ولا علي اي شيء بس اني ما اعامله زين وطبعا رفضت اني اوقع والكلام هذا صار له 3 اسابيع وطبعا مساعد المدير حاول يلم الموضوع وكلمه انه يعدل الدرجة وهو رضي بس لما جت الورقة الجديده من الوزارة رجع رفض حتي مساعد المدير قال له احنا اتفقنا على التغير شنو غيرك قال ما ابي اغير كيفي

رحت للمدير للمدير المرة الالف وهم رفض يقابلي لحد ما قلت له تري بروح لوكيل الوزارة بمقابلة شخصية اشرح له الوضع ساعتها رضي يشوفني وبالحال ولما قلت له اللي صار قال انتي ما كلمتيني بالموضوع هذا من قبل والمفروض مساعد المدير هو اللي يحل هالاشكال يعني بيخليني افتر بدائرة مغلقة وكل واحد بيقول لي سالفة وبالاخير بطلع انا اللي غلطانه !! اشلون ما ادري

بذمتكم شسوي حتي وكيل الوزارة طلبت مقابلة ولي موعد معاه ولما دروا اني بشوفه حاولوا المستحيل اني ما ادخل عليه ولا اقدر اشوفه علشان ما يكتشف اللي قاعد يصير

وبصراحة رحت حق واحد صاحب المدير يشتغل معانا ابيه يتوسط لي علشان ادخل عليه وانصدمت من الكلام اللي قاله لي يقول انتي محسوبه على مساعد المدير يعني صوبه وطبعا انا ما فهمت قلت له عادي هذا مساعد المدير يعني لو يعطيني شغل لازم اسويه ما اقدر اقول له لأ او اطنشه انا موظفه عادية وكلامه يمشي علي وعلى غيري قال بس المدير مختلف معاه وعلشان جذي تي لو معاك حق ما راح يسوي لك شيء لان اصلا انتي محسوبه صوبه وفي موظفات بقسمك مشتكين عقب ما انتي اشتكيتي وهم يعاندون مساعد المدير وعلشان جذي المدير راح يكون معاهم وهو عنده علم انهم غلطانين والدليل الاوراق اللي معاك بس لانه مدير محد يقدر يقول له شيء والاوراق اللي معاك ما راح تسوي لك شيء بالعكس راح تأذيك اكثر :down::eek2:

انا لجأت لربي بهالمشكلة وقلت الله معاي وبنفس الوقت رحت دقيت كل الابواب ومع هذا ما بيدي شيء

يقولون اني انا اللي غلطانه صحيح هالكلام انا عرضت مشكلتي عليكم من اولها وبالتفصيل اذا انا غلطانه ياريت احد يخبرني لان نفسيتي تعبانه واعصابي مشدودة من الظلم اللي صار لي

تقييم اللي درجته تعبانه واللي ما وقعت عليه لاني عارفة اني استحق الافضل خذيت فيه رجة تعبانه بس لان المراقب يقول انتي ما تعامليني زين

المدير اللي متزاعل مع مساعد المدير وحاطيني كبش فداء بالنص وانا لا لي سالفة لا مع هذا ولا مع هذاك

حتي لما قلت بروح لوكيل الوزارة حاولوا يوصلون له قبلي والظاهر الله العالم انهم عطوه فكرة غير لدرجة اني مو قادرة اشوفه مع انه بالبداية رحب بالمقابلة بس ما ادري شنو صار بظرف كم ساعة تغير كل شيء ولحد الحين مو قادرة اقابلة والسكرتيرات لما يشوفون رقمي ما يرودون وخصوصا ان وحدة منهم صديقتي والظاهر انها مستحية تقول لي الاسباب وقاعدة تتهرب



معقول انا اللي غلطانه ... اللي يخاف على الامانه ويقول الصج معقول هو اللي غلطان .. اللي يطالب بحقة في تقييم ممتاز معقول يكون غلطان ؟؟؟


علموني انا غلطانه ولا لأ

بالنسبة لذئاب هذا الزمن...أنت غلطانة....


لكن بالنسبة لله...أنت إن شاء الله على الطريق الصحيح....


أختي....لا تيأسي أبدا من المحاولة....أنت الآن بدأت تخيفيهم...و هذا جيد...استمري طالما أنت فعلا على طريق الصواب...



و دائما دائما رددي...حسبي الله و نعم الوكيل...هؤلاء الناس قد ظلموكي...و هذا ما لا يرضاه الله...لذلك تأكدي أنه معك و سينصرك نصرا مبينا عليهم...


أنت أيضا لا تحرقي أعصابك عليهم...خلي ثقتك بنفسك كبيرة و كما قلت لك لا تيأسي...



تحياتي لك..

بدوووووورة الله يعينج يا رب .. اصبري ان الله مع الصابرين انتي بلعكس ما تخسرين جذي انتي بتربحين يقول الله تعالى:إنما يوفىالصابرون أجرهم بغير حساب)


خليج على ما انتي و لا تبدلين شغلج بيي يوم و بيحسون بالذنب و الا الله بينتقم منهم و لا تنقهرين لان الحق معاج معاج سواء فالدنيا و الا فالآخرة


ربي يوفقج إن شاء الله


خويتج
بدوية العين :up:

السلام عليكم ورحمة الله وبركاته

تصدقون يا خواتي ان اول ما داومت الصبح رحت اسأل شصار على موضوعي ما تصدقون اللي صار وحدة من الموظفات يوم شافتني احاول اسوي موعد مع وكيل الوزارة راحت نادت نفس الشخص ولا ادري شنو قالت له لدرجة اني ممنوعه انا بالذات من الدخول علي الوكيل من بد الناس تخيلوا لاي درجة واصلا لو هم مو خايفين تطلع فضايحهم كان خلوني اروح واقابله بس من خوفهم يتجسسون علي وانا قاعدة بمكتبي شوف عيني شفتهم وين ما اروح الاقيهم يطالعوني حتي لما رحت حق مدير ابيه يساعدني واقفين وري الباب اشكره يتجسسون حتي المدير اخترع يقول هذيله اشفيهم ؟؟؟؟ حتي لما اتكلم بالتلفون يتصنتون علي واي احد يزورني بالمكتب على طول يلقطونه وشو قالت لك وشنو تبي منك لحد اليوم لما عرفت اني ممنوعه من مقابلة الوكيل

شوفوا لاي درجة وصلت فيهم النذالة وانا ما سويت شيء غير اني اطالب بحقي

بذمتكم قولوا لي شسوي

:s2

انا بقول لكم شنو صار علي حتي لو ما رديتوا على مشكلتي


انا بخلي السالفة كلها على الله واللي يصير يصير ومع ان الحق معاي لاكن كل الظروف ضدي هم ناس لهم واسطات وظهور وانا مالي احد غير الله سبحانه


وحتي لما حاولت اوصل مشكلتي لاعلي الجهات حسيت ان الموضوع وبكل سهولة ممكن ينقلب ضدي واطلع انا اللي غلطانه

ما اقول الا ربي يعيني عليهم وانا بريت ذمتي منهم وقلت اللي شفته وحطيت الدليل جدامهم ومع هذا انا غلطانه لاكن ما اقول غير


حسبي الله ونعم الوكيل فيهم :sad:

أختي العزيزة بدرووووووووووه...


إحنا ما نقدر ما نرد عليكي....إنت آمري بس....


بس و الله مش لاقية حل للمشكلة إلا إني أدعيلك من كل قلبي...إنت الله ابتلاكي بناس في العمل لا يراعون عملهم و لا يراعون الله في تعاملهم...و هذا الشيء يحدث للكثير من الناس و لكن على مراحل متفاوتة...



أهم شيء خليكي حذرة من تصرفاتك لأنهم الحين يحاولوا يلاقوا لك غلطة....


و صدقيني أختي : احفظ الله يحفظك....


تحياتي...