تجمع لبنات التقويم .. (اللي حاطين تقويم أسنان) .. 7

cute soul;15220761:
شعور ضايع
اشحالك شخبارك حبيبتي
كيف التقويم وياك
متى بتشيلينه:)

حلا2006;15213166:
مساء النور..الله يعينك ..انا مسوية اسناني في رام غريبة كل موعد اروح اشوف بحرينيين كثير..
طيب بسالك انتي عند اي دكتور..؟؟ واختك اي دكتور.؟؟ وشنو العملية الي بيسونها لها..؟؟

هديل البحرين;15233372:
السلام عليكم..

شخباركم يا بنات التقويم؟؟

بالنسبة لي، للحين ما ركّبت بس ان شالله قريب.. وقررت اسويه في كيمز عند دكتور أنس.. بنت عمي شجعتني لان حطت عنهم، وعالاقل مب شفاطين فلوس:worn_out:

اممم بالنسبة لحالتي: عندي السنّين الاماميين فيهم تراكب والانياب الي تحت بعد احسهم غلط.. وندمانة اني ما ركبت تقويم من زمان.. لاني الحين أم وأشتغل.. ولما افكر فيها اقول شلي بعوار الراس.. بس لما ما افكر اقول: كلها سنة وشي وتصير ابتسامتي حلوة.. :lol:

انا متابعتكم وراح اخبركم اول بأول ان شالله لما اروح..

فراشة قطرية;15235314:

والله يآوخيتي رجع :(
بس بصرآحة ابتسامتي وايد أحلى عن قبل ماشاء الله
اللهم الفراغ البسيط اللي رد واللي قهرني
هو قبل كان عندي فراغ بس اكبر شوي من الفراغ الحالي وكان في تقدم بسيط بالفك العلوي
ممممم اذكر قبل ما اركب التقويم لفيت اكثر من عيادة عشان استشير اكثر من دكتور
ورحت مرة عند دكتور هندي وقال لازم اسويلج عملية بسيطة باللثة وقبل مانحطلج التقويم
على قولته عشان الفراغ مايرد بالمستقبل و طبعاً انا شردت خخخخخ , وبالاخير رحت عيادة ثانية
بس كل ما اذكر كلمتــ ذاك الدكتور الهندي أحسهــ خبييير والله , ماشاء الله كان كان داري انهــ
في احتمال يرد الفراغ , اما الدكتور اللي تعالجت عندهــ مع انه كان شاطر وشغله مرتب
بس كلش ماذكرلي موضوع العملية

يآآختــــــــــــــي تعبتــــ والله ومليـــتـــ , انا بس خوفي تتحرك الاسنان شوي شوي
وبالاخير احصل كل شي رد نفس أول , عشان جي قاعدة افكر بالحشو لو بيلم ضروسي
وما تتحرك من يد ويديد

فراشة قطرية;15238985:

^^^

مشكلة الدكتور الأولآني عيآدتهــ حيل بسيطة , وحسيت مستوى النظافة عندهم مو لذآك الزود
اما العيادة اللي تعالجت عندها فيها تقنيآت حديثة ويعقمون الادوات بطرق زينـــة

هممممم الله يعين والله , شكلي بفتر بين العيادات من يد ويديد واروح حق اكثر من دكتور
استشيرهم هالمرة عن الفراغ اللي رد واخبرهم عن حالتي بالتفصيل واقلهم عن العملية
اللي ذكرها هذاك الدكتور واشوف شبيقولون :|

بس حاولي تسألين الدكتور اللي تتعالجين عندهــ وتستفسرين اكثر
اساليهــ ليش ساعات يرد الفراغ , وهم في تقويم ينحط للابد وهو عبارة عن سلك صغير
يركبونهــ بعض الدكاترة عالاسنان بس من داخل مايبين ويتم , ماينشال كلش مع انه معدن
انا سالت دكتوري ليش ما يركبهــ لي عشان يمكن هو اللي بــيثبت اسناني بشكل دائم
قال انهــ مايفضله لانه ممكن يسبب التهاب باللثة اذا الواحد ماينظف ضروسهــ عدل

شعور ضايع بلياك;15221145:
والله بخير حبيبت قلبي مصيري متوقف على الفتحه الصغنووووووووووووووووونه اللي بقت قالت لي اذا تسكرت قبل موعدي خلاص باروح لها اتشيله بس شكلها معااانده:badly:

وموعدي تاريخ 23 من هالشهر

ونتي شخبارج تعدلت الاوضاع عندكم ؟؟ رحتي للدكتور؟؟

الله ينصركم يارب وينصر بلاد المسلمين

شعور ضايع بلياك;15235860:
شوفي حبيبتي لاتستعيلين انتي صبري وافتري على جم دكتور اذا كلهم اجمعوو انه يبيلج حشو او عمليه روحي حق الدكتور الاولي اللي قالج عن حالتج ونتي شردتي لاني انا مثلج فيني فجه صغنونه صايره معنه مافيني قبل ومتوقفه شيلة التقويم عليها:badly: ياربي مو راضيه تنسد واخلص انا بعد باستشير دكتورتي والله يعين

طالبه توجيهي;15254843:
سؤاااااااااااااااااااااال اخواتي ..
ما في خطووورة على اسناني اذا يصير لي فتره ما زرت البيب

مع العلم اني مركبه تقويم فوق وتحت وفيي جاز من الداخل لتوسعه الفك العلووووووووي

واخر مرة رحت الطبيب 4\4

والحين ما نقدر نرووح بسبب الاوضاع ما يدخلوونه حتى الدكتور ما اتصلت فيه كله اقول بتصل وما ادري شنو اقوول له

سا عدووني اذا في خطورة او لا ترا اني واختي واختي محتاجيه عمليه ارجنت !


يعني في امل لا سمح الله بعد ما تعدلت اسناني فررررررررررررررق واجد انهم يرجعون اسوأ من قبل ؟؟؟؟؟


لو ما في مشكله .. والله اني واختي متحملين السيم الي من وراء وصرنا عادي عليه مع انه عندنا شمع بس لاعت جبدنا نبي نرووح العيااده ......

بماذا تنصحونيييييي وشكررا

اختي حلا ويننننننننج عسا ما شر ما تنجافيين ؟؟


وسووووري على الاطااااااااااااله