¨°•√التجمع الثامن : للحوامل اللواتي سيلدن بإذن الله بشهر يونيو (6) 2011 ♥√•°¨

عطر انفاسه;15207900:
شلون يعني يسوون توسعة؟؟ لأن انا الجمعة الجاية اكمل 39 اسبووع على حساب الالتراساوند اخاف يسوون لي توسعة مثل نيغار ،، بس ابي اعرف شلون يسوون توسعة؟؟

ام فآآطمة;15202504:
اول شيء بكتب قصة ولادتي تحذيرررررررر

اللي بيخاف ممنوع يقراااااااااا

انا مالي شغل لو خفتو انتو مصرين اكتبها وها انا كتبتها
السلام عليكم ورحمة الله وبركاته

تمت ولادتي في يوم 20-6-1432 هـــ

وجات لي وردتي الثانية نور عيني زهراء

طبعا في يوم الاثنين كنت اعاني من الم يروح ويجي

رحت عند اهلي وجلست هناك وكان معاي اسهال مستمر

والكل كان بتولدين خلاص روحي تمشي قلت لهم مابي اولد

توني من دخلت التاسع 5 ايام وعلى الالتر ساوند باقي لي اسبوع وادخل التاسع

كانه بكيفي ههههه المهم تعشييت والالم يروح ويجي بس متباعد

ومو منتظم وبعده وقف اللالم وحسيت بتعب مو الم لا تعب زي الدايخه زي اللي رح يغمى علي

وقلت لامي مدري احس بيغمى علي قالت ريحي انبطحي

المهم رحت شقتي ونمت وصحيت على الظهر ومعي الم

يروح ويرد مابين كل 7 دقايق يظل 10 ثواني ويروح واحينا كل 6او 5 دقايق

قلت لا مو منتظم مو ولاده رغم انه قوي بس انا مصره انه طبيعي

ودخلت المنتدى وجلست اكتب رد اني معاي طلق يروح ويرجع ووو

كلام كثير ماذكره ونسخت الرد وسويت ارسال الرد

لكن طلع ان الصفحه فيها غلط

قلت بحفظ الرد بالمفكره وفي العصر بضيفه ...مروقه ههههه

طبعا الرد مازال محفوظ بس في لاب توبي في الشقه

ومو عندي ولا كان وريتكم اياه :)

سكرت واللام فيني وزوجي كل شوي ها اوديج

وانا اقول لا هذا طلق كاذب

وبديت احس بماي قليل يطلع

قلت قربت معناته بعد 3 ايام بولد هههههه

لان بفطومه كذي صار ينزل ماي خفيف مع العطس

او الكحه وبعد 3 ايام ولدت


وقلت برتاح وانبطحت على ظهري والا اسمع صوت في بطني زي الفقاعه نفجرت

وبدا الماي ينزل اكثير هني خفت وبديت اصيح والالم صار كل دقيقتين وانا قلبي

بروح اولد مابي واصيح زوجي راح ركض وجاب العبايه

لبستها وانا مو قادره الالم قوى بشكل قلت بولد بالسياره

بسرعه بسرعه ودى بنتي عند اهلها

لانها عند شقتي المهم طولت بهذرتي خخخخ

وبسرعه ركض للمستشفى وانا مع اي مطب احس الالم يزيد وصرت اردد سورة الزلزله مع ان مع الالم احس نسيتها

بس قلت لزوجي اقرا معاي ذكرني فيها وكان يقراااااااااها معاي

وصلت المستشفى وانا مو معاي احد وماكنت قادره امشي

احس موصله حدي والله مساكين ثنتين شافوني لحالي جاو ومسكوني ودخلوني على الكشف جزاهم الله الف خير

ووفقهم دنيا وخره على معروفهم الطيب معاي

ماتسنى لي الوقت اشكرهم لني تعبانه

وكوشفو علي لقو الرحم مفتوح 7 ونص وقالو صعدوه يلله بسرعه ولاده

وصعدوني على غرفة الانتظار وكنت اصرخ ودوني الولاده احس بولد

وكل شوي تجي تكشف تقول لا مافي ولاده وانا انقهر كل هالالم ومو ولاده

وجات بتركب لي السيروم وتاخذ عينات دم وانا فيني الطلق

قلت لها صبري لان الطلق يروح ويرجع قلت لها دقيقه انا شاده واصرخ وهي متفرغه تقول مدي ايدك

اعصاب بارده بجد وانا اقول لها حراااااام عليج حرااااااام وهي تطالع بنظرت قلت طيب دقيقه واشوى خلتني

قلت لها الحين تعالي وخذت ومشت ورجعت الطلق

وكنت اصرخ ياربي ياربي ولما تروح اهدئ واسمع اللي حولي يصرخون اقووول ربي يصبركم

ربي يسهل عليكم ولما يجي الاالم اصرخ ياربي لحد ماجات دكتوره حبوبه كثير

قاستني ووسعت قالت لي يالله الرحم فتح بس الرس لسه بعيد

كل ماجاك الم سوي بوش علشان الراس يجي وربي يسهل عليج

والحمد لله كلها 5 او 10 دقايق الا حسيت بيطلع الراس وصرت اقول يؤيؤيؤيؤيؤ

بولد هناااااااا جات الممرضه وقاست وبسرعه خذتني لغرفة الولاده

وماساتي تقول انتقلي للسرير الثاني اللي مخصص للولاده وانا اقول لها مقدر ماقدر

وصارت تصرخ علي تقول مايصير تولدين على هالسرير لا تولدين قومي على الثاني

وصرت اضرب في نفسي واصرخ اقول مقدر مقدر مقدر

ولحظه حسيت ان الالم خف شوي بقدرة الله وتسهيله نقلت نفسي للسرير بسرعه

وقال لي شاطره الحين كويس وحطو رجلين في مكنهم وايدي مسكتني المقبض علشان البوش

وصرت ادفع ادفع وطلع الراس بس للاسف رجلين وقعو من مكانهم

ورجعت دخلت بنتي عصبو علي ورجعو رجولي وقالو بسرعه سوي بوش لا تصرخين

بيبي بيموت وسويت بكل قوتي وولدتها بس نقص عنها الاكسجين لانها طلعت ودخلت ثانيه

وقالت لي القابله شفتي شسويتي الحين البيبي مو قادر يتنفس انتي السبب

وخذوها للحظانه وطبعا ماعملو لي جراحه بس بنتي وهي طالعه شقتني وسوو لي غرز

وانتهت المعاناه وولدت بالسلامه ونقلوني لغرفة المرقبه قبل يصعدوني في الغرف فوق

وهناك ودوني تقريبا الساعه 7 المغرب وظليت انتظر متى يصعدوني

وكل شوي قول بعد شوي وطالت معاي صارت الساعه 1 بالليل وكل اللي ولدو بعدي صعدو وانا لا

رحت سالتهم بالاستعلامات ليه ماصعدت للحين

قالت لي انتي من متى هنا قلت لها من المغرب قالت كيف

كل اللي ولدو رقو شسمك وقلت لها قالت انتي اساسا ماعندنا ملف لك وين زوجك وين اهلك

مين جابك هنا كيف ماسجل لك شيء انا انصدمت كيف

قلت لها ماعندي جوال والتليفون الكل نايم ماحد بيرفع

قالت بشوف اسال تحت يمكن موجود وماصعدوه

ونتظرت للساعه 5 وجات قالت دقي من جوالي على زوجك قولي له هل جا او لا

دقيت وقلت له قال انه عمل كل شيء وان الملف رقمه كذي قلت لها ورااحت وبعد ساعه قالت لقيناه

قلت خلاص بعد الفطور بنصعدك في الغرفه فوق نبي نجهزها لك قلت اوكي

وفطرت وقلت الحين حان موعد الصعود وتازم الوضع بسبب.....

وفاة وحده بغرفة الولاده الله يرحمها قالو لي مارح نقدر نصعدك الحين

انتظري لحد ماينتهي الوضع وصعدوني الساعه 12 الظهر عانيت معاناه

قلبي تعب ونفسيتي لاحد زارني ولا كلمت احد وفوق هذا تتوفى وحده بالقسم وانا هناك

بعد ماسمعنا صوتهاااا وهي تصرخ وتصرخ وكنا ندعي ان تولد بالسلامه وولدت والبيبي ظهر للدنياا جابت ولد

لكن توفت توقف نبض قلبها ماعرفها لكن قلبي تقطع عليها الله يرحمهاااااا

كنت مو حابه اكتب قصة ولادتي لان فيها هالمقطع وخفت ان البعض يخاف واكون السبب

لكن هاانا كتبتها لكم ... وطلعو لي بنتي يوم الاربعاء من الحظانه ويوم الخميس طلعت من المستشفى يعني ولدت الثلاثاء العصر وطلعت الخميس العصر

برلينت;15203335:
اهااا يعني في احد قبلي

الله يسهل عليك حبوبه



توما شكلها سوتها انا اوريها تدخل التاسع بعدي بثلاث اسابيع وتولد قبلي

قلت لك ياتوما بتولدين وتخلصين وانا مازلت صامده

أبتهال الروح;15204353:

على عمـري توي كاتبه رد .. شكله ولدتين .. ما تشوفين شــر حبوبه .. ولله يهون عليش ان شاء الله .. بس دامهم حواسو اكيد حاولو يسون تحريض .. بصير مثل قمر فاضل يا زعم يجيكون واهم يسون تحريض بالمره ^^ تحملي بصحتش وكثري سوائل عن الالتهاب الابوال .. ولاده ميسره يا رب وانتي من اهله ..

ولي صرتي زوينه كتبي لنه عن اوضاع السلمانيه :thumbs_up:

أبتهال الروح;15204753:

وينكمـــ .. ايه الشعب الصامد .. يا ويل حالي بس لحالي ..


اايه يا تامي ما عليش شـر خليتي التجمع يركد بغيابش ..

من الملل اسلي حالي اقرأ قصص ولاده >>خوووش تسليه .. نعيش الجو عباااره ^^

يالله قريب ياذن .. بصلي وانام ويا رب اقعد على آلم ولاده ..<<ولـوو انى ما اعرف طلق الولاده عدل لانه ببنتي طلقي بارد وعطوني طلق صناعي ^^ ولله يستر هالمره اشلون الله يهون ع الجميع .

^^^^^^
بروحي اسولف اعبر عن شعوري ^^

xxRosexx;15205560:
ام فاطمة

كنت مابقرا قصتك لاني خوافة وصياحة
بس البنات ماقصروا عرفت السالفة من ردودهم هههه

الحمد لله على سلامتك وسلامة زهراء

والله يسلمنا من كل شر يارب

بخصوص العنقز و الله ما ادري اذا ينتقل بس الله يعينك ويعين بناتك

جعفرية

ماتشوفين شر وان شاء الله تبشرينا بخبر ولادتك قريب

توما

هلا فيج ماتشوفين شر الله يسهل عليج

BBCC

والله الدكاترة كل واحد له كلمه وساعات دائما اتخوف من الكلام اللي تقوله دكتورتي اخاف تكون غلطانه ولا شي
الله يسهل

عروسه قلبه وعمره

الله يسهل علينا وعليج

العهد

صباح النور احنا بخير الحمد لله

برليت رقة عروس ابتهال و الباقيين اللي ما ادخلوا هاليومين

شخبااااااركم ؟؟

نيغار;15206961:
سلام بنوتات

روز انا بخير بس تعبانة و اليوم سووا لي توسعة و فتحو لي الرحم 1 سم و قعدت اصيح من الالم:'(
و نزل علي افرازات غليظة و لونها اصفر او اخضر فاتح ماني عارفة

و قالت لي الدكتورة انشالله على هاليومين تولدين او ترجعين الاحد نرد نسوي لج توسعة.. و ضايق خلقي و صايدني خمول مو طبيعي و الثقل زايد لا اقدر اقوم و لا اقعد الا بمساعدة:(

و وصتني اشرب ماي ورد بالزعفران و اكل اناناس و باباي و اكلت و لا جاني الم.. قاعدة انطر الالم ابي اولد خلاص تعبت :'(:'(