26 مرة نقول يا تري بتعملي الأكله دي ازاي ؟ مبدعات مصر القمرات شهر رجب 1432

بنات
انا بعرف اعمل مخلل الخيار حلو
بس ماليش في باقي المخللات
عاوزة اعرف الجزر والبصل بيتخللوا ازاي عشان يطلعوا زي بتاع بره

manafola;15312732:

صباح الفل يا احلي طباخات
عندي بقي مشكله غريبه شويه انا بحب الرز جدا و خصوصا في التيفال بس بقالي فترة الرز بعمله لو ابيض او بشعريه او اي نوع اغرفه في الطبق عقبال ما نقعد ناكل الاقيه ناشف 8o|
مع انه دوقته و هو في الحله بلاقيه دايما مستوي مش عارفه عيب رز و لا الحله عايزة تتغير و لا ايه ليه بيبقي في الحله حلو و اول ما يقعد في الطبق و يشم هوا يقدد و ينشف :thumbs_down::thumbs_down:

طيب جربي كده اعملي الرز في حلة تانية حتى لو الومونيا عادي يعني اي حلة مش لازم تيفال وشوفي هيحصله ايه
لو بقى كويس يبقى عيب حلة لو نفس العيب يبقى العيب من الرز
بس المشكلة غريبه لكن جربي

.. Hopes;15316303:
بنات
انا بعرف اعمل مخلل الخيار حلو
بس ماليش في باقي المخللات
عاوزة اعرف الجزر والبصل بيتخللوا ازاي عشان يطلعوا زي بتاع بره

بصي يا ستي انا الجزر عملته مرتين ومطلعش زي بره نهائيا فبلاش اقوله
البصل عملته مرة رمضان السنة اللي فاتت وكان جميل قووووي
مش بتقشري البصل ولا اي حاجة خالص كده بحاله اشطفيه بس
ببتجيبي مية عادية دوبي فيها الملح وصبيها على البصل في طبق واسع بلاستيك ماشي وسيبيه في المية من بالليل للصبح وحطي في المية خل كمية كويسه يعني مثلا على كيلو البصل حطي كباية خل وبرضه حطي نص كباية ملح يعني تقريبا وانقعيه فيه من بالليل للصبح
والصبح غيري المية وحطي مية تاني بس عادي من الحنفية وحطي برضه خل وملح وتفضلي تغيري المية لمده يومين كده عشان ريحة البصل وزفارته تروح
بعد اليومين قشري بقى قشرة البصل هتلاقيها عايمة بتطلع بسهولة قوي معاكي
حطيه في البلاستيكة تاني واغلي مية صبيه عليه واستني مثلا 5 دقايق وكبي المية واعملي الحركة دي مرتين كده وبعدين هاتي مية مغلية تاني دوبي بقى فيها ملح حبه وشطة ومعلقة صغيرة او نص معلقة سكر حسب الكمية لو كيلو يبقى معلقة وصبيها على البصل وخليه يطلع البخار شوية عشان البرطمان مش يتكسر وغطيه ولفي البرطمان بكيس اسود وسيبيه في مكان ضلمة في الدرفة ودافي لمدة اسبوع مثلا وكلي منه بقى

تسلمي ياجميله ربنا يكرمك يارب
هجرب كده وابقي اقولك

.. Hopes;15316533:
تسلمي ياجميله ربنا يكرمك يارب
هجرب كده وابقي اقولك

الله يسلمك يا قمر وربنا يستر ويطلع كويس

انهرده عاملين صينية بطاطس بالسدق ورز ابيض وجمبه مخلل لمون

بنات هو في ناس بيحطو كمون في البامية؟؟ ولا ده بيرشوه في الطبق زي اللي بيعصرو لمون
وطعمه ايه حلو ولا ازاي؟

معرفش موضوع الكمون ده يا نور و الله أنا مش بحط

امبارح اتغدينا أنا و جوزي في تكا اللي في بحري

النهارده روحت عند حماتي و نزلنا روحنا معرض في نادي سموحة بس حلو قوي يا بنات فيه حاجات كتير ما شاء الله روحوا حيعجبكم

Boody we zady;15317499:
معرفش موضوع الكمون ده يا نور و الله أنا مش بحط

امبارح اتغدينا أنا و جوزي في تكا اللي في بحري

النهارده روحت عند حماتي و نزلنا روحنا معرض في نادي سموحة بس حلو قوي يا بنات فيه حاجات كتير ما شاء الله روحوا حيعجبكم

طيب مشوفتيش يا ام بودي هناك مايوهات شرعي بس اللي هي عليها فستان طويل لحد الركبة دي؟؟ سؤال بره التجمع خالص :!!:
وكنت عايزة اعرف تكا مكانه فين بالضبط؟؟ واكلتي ايه قولي قولي عشان ابدأ لحظات الطفاسة ههههههههههه

ازيكوا ياقمرات يارب تكونوا كلكوا بخير بصوا بقى
النهاردة عملت صينية بطاطس بالفراخ البطاطس استوت والفراخ مكملتش سوا ياترى ايه الغلطة اللى عملتها انا سويتها فوق مش فى الفرن بس كنت موطية النار اوى

اميره ممكن تبقي تسلقي الفراخ نص سلقه قبل ماتحطيها مع البطاطس

.. Hopes;15317978:
اميره ممكن تبقي تسلقي الفراخ نص سلقه قبل ماتحطيها مع البطاطس

ميرسى ياحبيبتى على ردك بس انا بعملها مع البطاطس عشان لما بيستووا مع بعض الطعم بيبقى احلى
طب ياريت اللى بيعملها يقولى فين المشكلة

.* اميرة *.;15317766:
ازيكوا ياقمرات يارب تكونوا كلكوا بخير بصوا بقى
النهاردة عملت صينية بطاطس بالفراخ البطاطس استوت والفراخ مكملتش سوا ياترى ايه الغلطة اللى عملتها انا سويتها فوق مش فى الفرن بس كنت موطية النار اوى

بصي يا قمر انا بعملها دايما بوتطلع تمام معايا الحمدلله

انتي بس ممكن الفراخ كانت كبيره شوية
ابقي هاتي الفرخه صغيره وهي هتستوي بسرعه
ولما تيجي تشوفيها استوت مالكيش دعوه بالبطاطس انتي شوفي لحد الفراخ ما تستوي وهيبقى اكيد البطاطس استوت وخلاص وابقي قطعي البطاطس تخينه شوية عشان مش تتهري

وابقي تبلي الفراخ قبله ابفتره برضو عشان مش تاخد ف السوا
وحطيها ف الفرن اضمن

بيرق أمل;15317641:
طيب مشوفتيش يا ام بودي هناك مايوهات شرعي بس اللي هي عليها فستان طويل لحد الركبة دي؟؟ سؤال بره التجمع خالص :!!:
وكنت عايزة اعرف تكا مكانه فين بالضبط؟؟ واكلتي ايه قولي قولي عشان ابدأ لحظات الطفاسة ههههههههههه

ايوة يا نور فيه مايوهات ضرعي و في حاجات حلوة جدا و الله أنا جبت لانجيري حلو قوي لو بتجهزي روحي حيعجبك جدا و تكا في بحري عند نادي نادي الكشافه البحريه اللي فيه فيش ماركت

كلت يا ستي فراخ مخليه و جوزي أكل صدور مشويه أي نعم دفعنا قد كده ههههههههههههه بس يللا أهو تغيير

عملت مكرونة بشامل النهارده

ايوة يا أميره الفراتخ يا قمر أكيد كبيره و البطاطس كنت مقطعاها رفيعه عشان كده استوت قبل الفراخ لما تكون الفراخ كبيره قطعي البطاطس تخينة شويه عشان تستوي مع بعض

شيرى فين بقالها فتره وبوسى ام عمر ؟
هتطبخوا ايه؟
غدا
الواحد زهقان

Boody we zady;15320080:
ايوة يا نور فيه مايوهات ضرعي و في حاجات حلوة جدا و الله أنا جبت لانجيري حلو قوي لو بتجهزي روحي حيعجبك جدا و تكا في بحري عند نادي نادي الكشافه البحريه اللي فيه فيش ماركت

كلت يا ستي فراخ مخليه و جوزي أكل صدور مشويه أي نعم دفعنا قد كده ههههههههههههه بس يللا أهو تغيير

طيب ما تقوليلي سعرها كام يا ام بودي عشان عايزة واحد بس يكون شرعي وطويل محترم
انا شكلي هانزل بالجلباب ههههههههههههههه اه واسع وحلو ومش بيلزق زي التاني ده
انتو المفروض تلمو من بعضكم بقى وتجيبوهولي هدية ولا حاحنا بنتجمع كده بس نطبخ والسلام
طيب ما بالمرة اجيبلكم اللي ناقصني وشوروني هههههههههههههههههههههههههه :lol:
انا عايزاه عشان هنطلعو مصيف شهر 9 وقولت اجيبه وابقى انزل المية بالليل مش بيكون في ناس على الشط
لو لقيت ناس يبقى كده هاشتريه عالفاضي :(

&pinky tears&;15320359:
شيرى فين بقالها فتره وبوسى ام عمر ؟
هتطبخوا ايه؟
غدا
الواحد زهقان

بوسي انا حاسة انها عملتها وولدت يا رورو مش عارفة ليه حاسة بكده ربنا يقومها بالسلامة ياااااااارب
انتي بتسالي عن بكره يعني؟
احنا انهرده كان باقي صينية بطاطس بالسدق وكان باقي من كام يوم شوية عدس على شوية ملوخية لميت اللي في التلاجة واشتريت ام الخلول وعملت طحينة والحمد لله اتغدينا وكان الغدا جاااامد

احتمال بكره لوبيا ام عين سودة ورز ومن غير لحمة قرديحي كده عشان عندنا شوربة بط هنعملوها عليها ومخلل جمبها ونعمة من عند ربنا

*Om Mo3az & Eyad*;15318219:
بصي يا قمر انا بعملها دايما بوتطلع تمام معايا الحمدلله

انتي بس ممكن الفراخ كانت كبيره شوية
ابقي هاتي الفرخه صغيره وهي هتستوي بسرعه
ولما تيجي تشوفيها استوت مالكيش دعوه بالبطاطس انتي شوفي لحد الفراخ ما تستوي وهيبقى اكيد البطاطس استوت وخلاص وابقي قطعي البطاطس تخينه شوية عشان مش تتهري

وابقي تبلي الفراخ قبله ابفتره برضو عشان مش تاخد ف السوا
وحطيها ف الفرن اضمن

Boody we zady;15320081:
عملت مكرونة بشامل النهارده

ايوة يا أميره الفراتخ يا قمر أكيد كبيره و البطاطس كنت مقطعاها رفيعه عشان كده استوت قبل الفراخ لما تكون الفراخ كبيره قطعي البطاطس تخينة شويه عشان تستوي مع بعض

ميرسى ليكوا اوى ربنا يكرمكوا

بت يانور ماتتلمى احسن لك والله لا هتخلينى اتصل بخطيبك واقوله ؟؟تلبسىى مايوه شرعى ازاى ؟؟؟ البسى هدومك العاديه ياهانم وانزلى بلبطى براحتك لكن ازاى تلبسى مايوه حتى لو ايه ؟؟
بتتكلمى بجد ولا بتهزرى ؟
بتهيالك يانور طبعا ممكن اى حد ييجى سهوا ويشوفك ؟؟

ووالله محتاره بشكل مش طبيعى وتعبانه بشكل مش عادى وزهقانه وزعلانه ومكتئبه ومشاعر متلغبطه ؟هوا فيه ايه ؟؟؟
عايزة تجديد خالص من الالف للياء
انا بفكر انى اروح صالون تجميل زى ظريفه وارجع واحده تانيه ههههههههههههههههه

انا عندى جلاش بس مش عريض هنا شرايح طوليه كده زى السمبوسك ينفع ارصهم جمب بعض ف الصنيه عادى ؟؟؟واحط كام طبقه تحت يعنى مثلا خمسه تحت وخمس فوق ولا ايه ؟

اه ينفع يارورو عادى حتى 6 طبقات تحت و6 فوق


جيتلكم باكتشافه هاااااااااااااااااااااايله لمحبى الملوخيه الخضرا الجميله ان عرق


لو عايزين تخزنوا ملوخيه واما تيجوا تعملوها تطلع ميميه
هاتجيبوا الملوخيه وتقطفوها وتغسلوها وتنشفوها من ميتها كويس بس ماتدبلش لا تنشف من الميه بس وتحطوها فى كيس بلاستيك وعلى الفريزر واما تخرجيها بقى وهى متلجه زى ماهى كده بس بسررررررررررررررررررررعه جدا هاتحطيها فى الكبه تخبطيها خبطتين او تدغديها بايدك كده بس لازم تكون مجمده يابنات اوعووووووووووووووو تسيبوها تفك او تبدا تسيح
وبس اتعاملوا معاها معامله الملوخيه اللى لسه متخرطه وادعوووووولى بقى انا عملتها وسيبتها فى الفريزر من شهر ونص ولسه مطلعاها وعاملاها حالا طلعت ايه وهمممممممممممممممممممممممم ولا تقدرى تفرقيها عن الطازه
وتحدىىىىىىىىىىىىىىىىىى

ازيكوا يا بنات واحشني كلكوا اوووووووووووووووووي :)

سوسى واحشانى اوىىىىىىىىىىىىىىى مختفيه فين يابنتى

وانتي كمان يا شيمو والله ازيك وازاي مازن انا بقالي فترة بقعد عالفيس بس زهقت منه وحسيت اني مفتقداكوا اوي

وعلشان المخالفة علشان متضايقوش مني النهاردة اكلنا محشي باذنجان وفلفل وكوسة :)