كيف اتعامل مع هالمشكله الله يخليكم افيدوني خاصه المتزوجات؟؟

ياحبيبتي كل هذا وماهو راعي خرابيط؟ انا مع كلام ام سلمى والبنات ماقصروو بس نصيحه انصحيه الحين وابدي هالخطوات حااالا لان بعدين يصير زوجك يبي يطبق اللي يشوفه وانتي اكيد مابتوافقين بيدوره برا لان خلاص بيحط بباله ان اللذه كذا تجي!
الله يفرجها عليك ويهدي زوجك وبما انه ابو وعندكم اطفال ذكريه بانه قدوتهم خليه قد المسؤليه

ام سلمى والبنات ماقصروا يزاهم الله خير

الله يهدي زوجك ويهدي ازواجنا ياااارب ويثبتهم ع طاعه ربي

الله يعطيك العاااااااااااااااااااااااااااااافية أختي أم سلمى أثابك الله رب العرش العظيم ونعم النصح ، بلغك الله الجنة وكل المسلمين .F:

:(مثل زوجي من ناحية الصلاة
ولما الح عليه قال مسويه فيها
انتي الحي عليه وقولي وش فرقك عن الكفار
يمكن يقتنع ويخاف
وسوي نفسك ناسيه فرض وقولي له لييييه ماذكرتني بالصلاة
واذا داوم عالصلاة بينسى هلامورالشاذه
لان الصلاة تنهى عن الفحشاء والمنكر

والله يوفقك ويسعدك في حياتك
والله يعين زوجي وزوجك على طاعته وحسن عبادته

شوفي حد من علماء الدين أو كذلك أخصائي نفسي

المسألة ماينسكت عليها

وصدقيني لما يتعالج من هالتصرفات الغير طبيعيه بإذن الله بيواظب على الصلاة

الله يهديه يارب

المكان الي اهو حافظهم في

حذفيهم وحطي له كلام حلو

و اشطررة فيديو دينيه فيها كلام مريح و حلو و حطي له عن الصلاه

و حبيبتي حملي حلقات خواطر لان مره حلو في اشياء مره مفيديه عليميه لا تخصين الموضوع الي اهو يدخل عليه

و حطي له راح يحس شقد تحبينه و تتمنين له الخير و تبينه يشوف كل شيء حلو و مفيد

و اذا حسيتيه معصب سويها زعل اما انج من اولها تزعلين بدون تعديل شيء احس انها غلط







و الدعاء لا تنسينه

انا مع كلام الاخت ام سلمة وعشان ينجح الموضوع حاولي انك تكوني طول الوقت عنده يعني ابدا لا تسافري وتتركي ...والله يهدي

اكتبي له رسالة متل ما حكيتي وما تكوني متهاونة معه لهالدرجة بشغلة الافلام

البنات ماقصروا بس أنا لي راي يمكن شوي مختلف

بالنسبه للصلاه، دايم ذكريه بوقت الصلاه، قولي له قوم صلي ولا اسأليه صليت؟؟ وبس اتركيه لا تحنين وتزنين على راسه
وخليكي دايم متابعته بهالأسلوب ولا تعاملينه كأنه طفل تعلمينه
هو رجل واعي وعارف كل شي بس يحتاج منك مسانده له
ولما تكونون قاعدين مع بعض قومي صلي قدامه وهو بيستحي من نفسه وبيقوم يصلي

أما بالنسبه للأفلام فأبداً أبداً ما اؤيد انج تخبرينه باللي شفتيه، أولاً بيحس بعدم ثقتج فيه وانج تفتشين وتتابعين من وراه
ثاني شي قعدي مع نفسج وشوفي علاقتج الزوجيه معاه كيف؟؟ هل صارت عاديه وكأنها روتين او انها صارت قليله وهو يحتاج أكثر، حاولي ان تغيرين له من حركات ولبس وغيره، طبعاً هالشي ماراح ينهي المشكله ولكنه بيحل جزء منه ويشبعه
والرجل تراه مخلوق يثار بالنظر، عشان جذي يشوف هالأشيا وانتي قلتي انها صور أكثر شي ومش فيديو
وبعدين هو يشوفها لما تكونين بعيده عنه، مو خوفاً منج ولكن ليشبع رغبه بداخله

الموضوع يبي له صبر، انتي زيدي اهتمامك فيه لأن الحرمه يقل اهتمامها بزوجها بعد الولاده وتصب كامل اهتمامها وحنانها على ولدها وهالشي غلط وممكن يكون له تأثير مدمر على علاقتج بزوجج


المهم، كلا الموضوعين مهمين جداً والتهاون فيهم مصيبه ولكن انتي عليج تعرفين كيف المدخل لزوجج
وأنا شخصياً ضد مبدأ الترهيب والتخويف، يعني مثلاً هو يدري وش عقوبة ترك الصلاه وغيرها لكن لا زال متهاون فيها، ودامه يصلي بعض الفروض فترى في منه أمل الموضوع فقط يحتاج صبرررررر ومتابعه وبأسلوب حلو بدون ماتكبرين الموضوع وتتهاوشين معاه ويصير زعل بينكم ترى هالشي ممكن يخليه يبتعد عن اللي يسويه لكن لفترة مؤقته وقدامك فقط، مش عشان هو مقتنع بالموضوع، وراح يشوف الصور والافلام ويخبيها عنج دامه عرف انك كشفتيه