بيتنا الرابع عشر..بيت فرش ومفرفش ومن النظافة منتعش..لشهر رجب

خيط من حرير
حطي صورة الفستان
اذا تقدرين ماتخيلت شكل فستان حمل تخسرينه!!
..............................
جوجو
يمه موقفكم يخووووف
زوجي دايم شديد الحذر انه مايطلعنا بالليل
ولا بوقت المناسبات مثل مباربات ويوم وطني وغيره
وياما صارت لنا من المواقف انا وهو
اول ماتزوجنا خصوصا وقت السفر
كل ماتذكرت قلت الحمد لله اللي سلمنا ونجانا
ومن ضمنها كنا مسافرين انا وهو لجده
وبوقت الرجعه
وفجأه جينا بمنطقه تخوف
اظن انها ظلم وطفت علينا السياره بدون سبب
ويحاول يشغلها ولا اشتغلت
وقال مااقدر اوقف اي احد وانتي معي الله يستر
واجلس اصيح وادعي من قلبي واستغفر
وسبحان الله اشتغلت فجأه واستبشرت خير
ورحنا اقرب محطه يومااااه
تخوووف وتطفى ثانيه الحمد لله بالمحطه ولا غيرها
ويدور من يساعده ولا لقى
حتى المحطه مافيها عامل ورشه!!!
ونشوف شباب مطاوعه ملتزمين ملتحين
قلت بس هذولي اللي بيساعدونك
وينزل لهم وقال لهم السالفه وقال ابيكم بس تسحبونا لين
اقرب منطقه للرياض
وتخيلووو رفضو قالو هذي سيارة ابونا هالشايب
ونخاف يزعل نخربها
وجاني زوجي وجهه اسود واجلس من حر مابي ادعي عليهم
ويروح للمسؤل ويدق على العامل
ومتى جاء وصارت المكينه خربانه
وصلحها مشي حالك
ووصلتنا ويوم وقفنا محطه ثانيه ونلقاهم ويجون يعتذرون لزوجي
وطب فيهم وقال اقلها لو رحمتو اللي معي
زوجتي وولدي
والحمد لله اللي سلمنا ووصلنا لديارنا
وموقف ثاني
اول ايام زواجنا كنا عالهاف مون الفجر
ويوم اشرقت الشمس مشينا بنرجع للشقه
ويعترض طريقنا واحد ويوقف بوجيهنا
طبعا بدون سياره على رجليه
يوماااااه ويسرع زوجي ويوم التفت
معد لقيناه بسم الله الرحمن الرحيم
اتذكر هالموقف كاتبته بدفتر ذكرياتي
ومره الساعه 2 ونص بالليل طلعنا الهاف مون نطعس
الحمد لله متهورين
وغرزت السياره والمنطقه كلها شبااااب
ولا عرف المحروس يطلعها وجلس ساعه
يشاور نفسه يناديهم والا لا خايف علي
وخايف لا يكونون سكارى
وبالاخير ناداهم وطلعونا وانا بالسياره خخخخخ
موقف تووووحفه
بس ابشركم عقلنا وصرنا مانطلع بالليل
وزوجي مره طالع بوقت فوز المنتخب
يقول سياره كلها بنات نزلوعليهم الشباب
وكسرو القزاز وصراخهم يسمعه اللي باخر الدنيا
عاد الشباب لين تهورو!!!الله يهديهم


لا وبعد تبونا نسوووق معصي
................................
رايقه ولمعه
الله يسهل لكم وتبنون وتخلصون
ويمتعكم يارب سألتكم عشان المحروس
عنده ارض ولا يفكر يبني
يقول مساحتها كبيره
وبادور اصغر وانا عاجبتني مساحتها 600
وهو يقول مامعي حقها
وانا تفكيري نفس كوامن
ابي اتمتع قبل اعجز يالله حسن الخاتمه هههههه
...........................

...............................

يومياتي
امس بعد ردي جلست
اكمل تطريز وجا زوجي
تفرجنا على اهل الرايه
ونمت
اليوم قمت الفجر
مره زوجي ازعجني
يفتح النور قلق
قمت صليت اكلت
معموله وطلعت دجاجه
تذوب ونمت قمت اذان
الظهر عملت لي كوب حليب
عيالي ماقاموا الا وحده
فطرتهم وصليت وجلست
اطرز وجات ام زوجي
تبغاني اتغدا عندهم جلست
اطرز الين 4 وقمت قطعت
السلطات ونزلت تغدينا
سليق وطلعت صليت ونمت
نوم قلق من عيالي
قمت قبل المغرب بشوي
غسلت المواعين حطيت القهوه
علي النار اهل زوجي طلبوها
اذن حطيت غسيل ابيض
صليت نزلت تقهوينا
اخت زوجي زعلت
تقول انها ارسلت بناتي
يقولون لي تبغا بسبوسه
ومحد قال لي وتبغا الا اسويها
قلت مايمديني تبغي الطريقه
اعطيك ماتبغا تسويها تبغا بس تاكلها
احس اني وقتها بغيت اتهاوش معها
تعبانه وحامل واخلاقي زباله
وهي تشتهي الاكل تجي
من بيتها وبس تبغا وتبغا
وتجي مثل الضيف وتعبت اجامل
طلعت صليت العشا وبس نايمه
احس بتعب مره

شذى مواقفك تخرع ،

بقول موقف بعد / مواقف وطرائف خخخخ

مره طلعنا نتعشى جهة حي الصحافه وكان فيه مخططات مظلمه

وزوجي عاد يموت في الاماكن المظلمه عشان مافيه احد يشوف

السندريلا اللي معه ،ونزلنا من السياره وجلسنا نتعشى ،

وشوي جت سيارة شرطه ووقفت عندنا وفيها ٢، ونزل العسكري وزوجي فز

من مكانه ، وساله العسكري وش تسوي هنا في هالمكان والساعه ١٢

قال قاعد اتعشى ومعي زوجتي ، قال وش يضمن لي انها زوجتك !!!!!!!!

قال معك اثبات ، ناد زوجتك خلنا نكلمها ، ورفض زوجي ، قال معي دفتر العائله

وقام قاله العسكري عطني رقم ابوها ، ودق على ابوي ، وكلمه العسكري

وقال بنتك مين ماخذه وقاله ابوي وش السالفه ؟؟؟؟؟ وراحوا عقب مابغى قلبي يوقف من الروعه،،،

مووووقف ماننساه ونتذكره كل فتره ، زوجي يقول خفت انهم يصيرون مايخافون

الله ،،،،قلت كله من الدواعيس اللي تودينا لها ،،خلنا حول الناس احسن وآمن ،،،،

شذى ذكرتيني بموقف لاختي مع البسم الله :)
اول ماتزوجت مثلك طلعوا بالليل مع زوجها ع خط العقير
الا شافوا رجال يمشي قدامهم يوم وصلوا يمه مالقوا حد
خافوا ديوروا ورجعوا هههههههههههه

كيفكم يابنات وياحريم عساكم بخير
يخس عليكم ولا وحده استفقدتني
المهم لي كم يوم مسافره عند اخوي
في نجران وعلى اخر الاسبوع بروح خميس مشيط
عند امي
بالتوفيق

وصال والله يااختي لاتزعلين انا مير مخي مدنقررر مدري شفيه ،خلود ياحياتي مواقفك ترحم الصراحه ،انشالله انزل الفستان الليله بس خلي هالقبصه تنوم ازعجتنا هالدلوعه .

خوخه يماااااه الحمد لله الي سلمكم
ياكرهي للسفر خصوصا الاماكن المقطعه الله يسترنا يارب وجميع المسلمين عاد احنا بنمشي من تبوك الى الجنوب بر تقريبا 1700 كيلو ياليييييل:'(
شذو اتخيل شكلك يد ففونكم وانتم كنتم تطعسووون خخخ
انوثه احسن لاتسوين والله انها قويه عين الي في وضعك تنرحم من شيل البياله وذي جايه تطلب وتتشهوى:mad:
خيط من حرير صوري الفستان احسن والله يسعدك حاااااولي تكبرين خطكF:
اليوم طلعنا الممشى ومشينا ع الفجريه الجو خياااااال
رجعنا المويه مقطوعه:thumbs_down: صليت ونمت قمت العصر صليت والمواعين في المجلا غسلتها ورتبت البيت وكنست وحطيت كم قطعه ملون وبعدها الابيض احاول انجز سريع عشان اسافر وانا مرتاحه
تفرجت ع المباراه مع زوجي والحمد لله فاز الاتي هههه
جهزت القهوه والمعمول وتقهوينا وطلعت الدجاجه وقطعتها وشلت الجلد ودخلتها الثلاجه وجهزت البصل لارجع زوجي باذن الله
بجهز الكبسه
و

يسعد مساكم
المغرب اتغدينا وغسلت المواعين ونضفت المطبخ وبعد صلاة العشاء نمت ساعه وزوجى طلع شوى واتصل قال بنطلع نتعشى بره طلعنا اتعشينا بره واتمشينا شوى على الكورنيش الجو حلو ورجعنا البيت
ووووووووووووبس

هموس ،

جالسه اتفرج ع المباراة مع اخوي

وأفكر فيك انتي وزوجك ، اقول اكيد الحين

مبسوطين ،، آه يالقهر ، قهروني هالاتي

وبس ادعي على هالشايب المخيس ديمتري

من طلعت ع الدنيا وهو يدرب الاتحاد ،

وكنت متحمسه ابي الهلال يفوز عشان سامي الجابر 

خخخخخخخخ الله يسعدك والله زوجي ملعلع بالفوز والجابراحسه بيبكي مالومه لاتحشين مدربنا ديمتري خخ ماشفتي حركاته الجمبازيه هههه قلبيت برنامج الجوله

همس ، انا ماقهرني الا يوم سوى هالحركه

الله يخلف على شيابنا رجيلاتهم وظهورهم يالله تشيلهم

وذا ينط كنه ابو ٢٠ سنه ،،،

خيط من حرير\
أحس أن الفستان مع شوي تعديل بيضبط معك
حاولي تضيقينه من تحت الصدر تصير كأنها قصة أمبير


جداويا \
الأيام صارت تجري جري وزوجي طموحه مو ذاك الزوود
ما قدرت ما أقلق على المستقبل لأن الله أعلم بالوضع والحال
أمورنا فوق الفوق لكن ماهناك تدبير ماهناك طمووح وعزم صادق
من عمري سنتين وأنا أتنقل من بيت لبيت كلها ملك وما تقل عن دورين
وهذا زمان كان الوضع صعب والإلتزامات واجد
أجل وش نسوي اللحين اللي الفلوس كثيره لكن التدبير صفرررر

صباااااااااااحكم ورد ومسكـ ياحلوكم وياحلو تجمعكم ...

جداويا \
الحمد لله ما يبخل علينا بشي وأنا آخذ اللي أتمنها بمزاجي
وهو حرييص انه يشتري أرض ويبني بيت وأفكارة ما أكثر منها
يخطط ويفكر لكن كلها حبر على ورق ما أشوف الجد !!
الحمد لله من شهور بدأنا نفوق لأنفسنا وندخر من فلوسنا
اللي ما نحتاجها مثل البدلات والمكرميات وكذا ...
وحسيت منه أنه حريص على تأمين بيت لنا سكن واستثمار
لكن كيف أخليه يستفيد من فلوسه اللي تطير طيرراان مدري وين ؟
اللي في وضعه يكون بانيله بيت ع الأقل من 3 أو 4 سنوات

مواصلة من أمس
جلسنا نتابع وضحى وبن عجلان في النت خخخخخ
نام زوجي له ساعه وراح للدوام الله يعينه
وأنا تصفحت شوي وسويت بحث ع الآيباد طن في راسي أبحث عنه
وخلاص تعبت بروح أنام والله يعين على عيالي بيصحون وأنا ما قد شبعت نووم

أشوفكم على خير



\\\\\\\\\\\\



إلا يا بنااات بغيت أستشيركم

وش تنصحوني أشتري جوال ولا آيباد ؟؟
فكرت آيباد لكن قلت عندي محمول خااص فيني ومرتاحه عليه
وجوالي ماعليه لكن مطول معي وابغى اغيره
فإذا بشتري جوال وش أشتري آي فون ولا جالكسي ولا بلاك بيري ...
ولا فيه أشياء جديده غيرها ؟؟
والآيفون أقدر أحط فيه الشريحة حقتي ولا لازم وحده ثانييه ؟؟

من جد ناويه أشتري أي شي كيف ماكان..
لكن مدري وش الزين بينهم ووش اللي يناسبني

اللي عندها خبره وخلفيه في هالأمور تنورني الله ينور عليها