بيتنا الرابع عشر..بيت فرش ومفرفش ومن النظافة منتعش..لشهر رجب

جوجو ،

طيييييب طيييييب ، كذا من ورانا

هههههههه بالعافيه عليكم بوسي لي عهود خخخ

وانتي عهوده كفخي اوه قصدي بوسي جوجو هههههه

اليوم جايتني كآبه الله لايوريكم

القولون صايل علي ، ووجهي شاحب

وكذا موضوع شاغلين بالي ، الله يفرجها من عنده ،

دخلت اطمنكم على نتيجة اختي
الحمدلله ابشركم التحاليل كلها سليمه الله يتمم عافيته عليها


وقريت ردودكم والله انشرح قلبي بس ماقدر ارد لاني ماودي يجي الحين وانا على النت ولكن وعدتكم اعلمكم بالنتايج ودخلت بسرعه

بكره الصبح ادخل واقرأ من جديد
ماودي ابداااااااااا يشوف عيوني على النت

جوجو ودانه وخلود ولمعه والدلوعه وشذى ودفا وكل من رد بكلام يشرح الصدر اخاف ناسيه احد احبكم من كل قلبي
وكلامكم علمني الكثير وندمت على اشياء كثير لكن هي دروس في الحياة

وراح احط لي مفكره
نحو الافضل
والاسبوع الجاي دام زوجي مضطر يرجع لوحده برغم كرهي لهالشيء لكن هي فتره استرخاء لي وله هو متأكده انه ندمان ويحاسب نفسه وانا برضو لازم اجلس جلسة مع نفسي وطوييييييييييييييله عشان اعزم على اشياء



اسفه اعذروني واتمنى انكم قدرتوا ظرفي بعدم الرد الآن

بنت نجد
الحمدلله على سلامة اختك الله يتمم عليها عافيتها
وربنا يوفقك للى فيه الخير ويسعدك ويسخرلك زوجك

يومياتي
اليوم صحيت الساعة 6 وجهزت فطور لزوجي ومشى العمل الله يحفظة
ورجعت نمت الين الساعة2 خخخخخخخخ ماوراي شيء وزوجي بيتغدا بالعمل
وبيروح موعد بالعيادة له ، صحيت والساعة 3 غسلت الملابس البيضاء
ونشرتهم ، باقي علي الكوي الله يعيني هههههههه
وبعدين جاء زوجي 4ونص وجلسنا شوي بعدين نام بعد صلاة المغرب
وانا جالسة ع النت ههههههه وملانه ولا لي نفس اكوي
بانام ثم اقوم بكرة ان شاء الله اكوي

روحي تحبك
كيف زيارة جداوية ؟؟

جوجو وروحي

ماشاء الله عليكم
يعني من ورانا >>طيب اوريكم غرت منكم
عشت جو وكاني جالسه بينكم
ان شاء الله نتقابل كلنا
يعني بيوتكم قريبه جنب بعض؟
.........................
الدلوعه 22
حياكي الله
كم لك ساكنه بالسعوديه؟
مااحس من كلامك انك مصريه
.......................
خوخه
سلامتك من القولون
انا اليوم سيم سيم انتي>>>هههههه
......................
جالكسي
الحمد لله على سلامتك طالعه من الشر
ومبروك الهديه
والحمد لله على سلامة ولدك واختك
انتي ماتدرين ان خلط الكلوركس والفلاش
يموت لاقدر الله
الحمد لله عدى على خير واخذتي درس وربي سلمهم
الفلاش هذا اكرهه احسه يموت معد دخل بيتي
عقب مره انكتمت منه وبغيت اروح فيها ربي سلمني
قريت مره بعالم حواء وحده خلطته وسبب وفاتها.
............................
بنت نجد
الحمد لله يارب كنت انتظر نتايج اختك
يارب يفرحكم بشفائها عاجلا غير أجل
...........................
كيميائيه
الله يقويك.
.........................

يومياتي اليوم
اليوم صحيت الظهر صليت وافطرت
وسويت الغداء شوربة كويكر باللحم مع سلطه خضراء>>بروفه لرمضان
الله يلحقناه واياكم ونحن بأحسن حال
وحطيت الغوامق بالغساله ونشرتها مااحب احطها بالمجفف احسه يبهتها
وبعد ماصليت العصر تغدينا وشلت السفره
غسلت الصحون موكثيره
رحت على غرفتي من كم يوم شفت حشره على سريري
ومره شفتها تمشي بالغرفه ومره بالسيب
واشتغل عندي الوسواس لا تكون معشعشه تحت السرير
خليت عيالي يجون يدفون السرير معي>>ههههه
كفرات وخفيف بس خفت ادفه لحالي واجني على نفسي
وهم مبسوطين يحسبوني العب معهم ياحبي لهم
وأخرتها عصبت عليهم وطردتهم
كنست تحته وبخيت ديتول
وشلت المفرش عالغساله
وغامرت وغسلت المخاد خفت تخرب بس الحمدلله
وحطيتها بالمجفف والحمد لله نشفت لاني متعوده اخليها كم يوم
على بال ماتنشف
وعلى غرفة عيالي مسح وترتيب
ثم مسحت غرفتي المغرب ريحت شوي وخذت دش منعش
وتروشت بشامبو جسم بالخوخ
طلعت انسدحت حسيت بتعب
وبعدكذا غسلت باقي الملابس
لي اسبوع ماغسلتها وتراكمت
جبت شيبس وعصير وبسكوت لي وعيالي واكلنا
صليت العشاء وطبقت بعض الملابس اللي ماتبي كوي
وخذت منشفتي والبخاخ وامشي وابخ وامسح
المكتبه والباب والارفف
سويت لنا توست بالبيض
وغسلت حوسته
واكلناه ورحت البلكونه باغسلها لقيت الحمامه بانيه لها عش
رحمتها ماودي انكدعليها بالليل
وانبني ضميري اخاف علي اثم
بكره نشوف لها حل هذي ثاني مره تبني عشها لاوحاطته فوق الرف
على الكيس كانها حاسه انها ماراح تطول>>>خخخخخ
مسحت السيراميك بداك التفاح
وغسلت الحمام تكرمون بالعملاق مع كلوركس
وبخرت ببخور الماجد
وخلااااااص تعـــــــــــــــــــــبت باقي آخر دفعه
المناشف بالغساله عسى الله يقدرني أنشرها.
......................................

مساء الخير..

من زمان عنكم انا؟!!! قريت نقاشات وموضوع مهم انطرح..

لكن ضيق صدري ان الحل اللي على طول تبادر للبال هو تغيير اللوك!!! وبعدين؟؟؟

يا بنات.. يا حلوات.. اذا ناوية تتغيرين..غيري اسلوبك بالفراش..وما يهم وش كنتي لابسة قبل..جديد او قديم..

المهم حركاتك جديدة ومثيرة..

ابسط مثال..عطيه روج وخليه يكتب على جسمك اي كلمه يحب يقراها بهاللحظات..

ياهي بتسوي الهوايل هالحركة.. ومن بكرة بيسألك عن مكان الروج عشان يعيدها هههههه

نجي الحين لليوميات..

امس الاثنين..بناتي بالمدرسة وطلعنا نجيب بعض النواقص ومرينا البنات

وطلعت لي جود تبكي!! تقول بطنها يألمها..

طلعنا من المدرسة على مزرعة فراولة.. وكنت جايبه معي غيار لبناتي..

وصلنا المزرعة وبدلت لهن وبدأنا نقطف ثمار الفراولة.. ممم حمرااااااء وحالية..مو حامضة زي اللي بالسوق دايم..

عبينا اربع سلات ورجعنا للبيت.. عطينا جيرانا سلتين..

طبخ زوجي الغدشا زربيان لحم.. تعشينا وغسلت المواعين..

ونمنا..

واليوم الساعة ست قومتني جود تقول ان بطنها رجع يألمها وما تبي تروح للمدرسة..

قلت خلاص روحي نامي.. قالت:بطني يقول ما ابي ارجع انام..

قلت: خلاص انزلي افطري..

ولما دقت الساعة قمت على اساس بودي لولو للمدرسة..

لقيتها جالسة جنب اختها وتسوي نفسها تعبانة وتتغصب الكحة..

قلت خلاص لا تكحين يجينا شي من تحت ـههههههـ

قام زوجي وحجز موعد لجود ولبست ورتبت شعرها وطلعو..

خلطت بان كيك من زمااااان ماخذة الطريقة من جوجو وتوني اطبقها!!!

عالثنعش جو من العيادة ومعها قارورة تحليل بول -تكرمون- وورقة تحليل دم..

سويت فطورنا بان كيك وبيض مع عسل وفراولة وجبن..

ثم طلعو مره ثانية للمستشفى عشان التحاليل..

عالثلاث رجعو وما سوو لها تحليل دم لازم موعد في مكان متخصص لاخذ الدم من الاطفال..

سويت غدشانا برياني ربيان..قمر البحر على قولة لولو..

غسلت المواعين وطلع زوجي مع ربعه.. وانا كملت الغسيل اللي كنت باديته الصبح..

طلعت زبالة البلاستك والنعمة..بكرة يومهن..وبعد بكرة يوم الاكياس السود..

وقطو..