.. | تجهيزات عرائس " مصر " لشهر رجب 1432 - 2011 م / الجزء : 161 | ..

tota_10;15287090:
السلام عليكم ورحمه الله وبركاته ده أولا
ثانيا بقا :mad::mad::mad::mad:
ولا واحده ردت عليا وانا مش بسأل على حاجه صعبه
ايه يا عيال مانتوا بسم الله ماشاء الله عليكوا فيكوا كتير اتجوزوا او خلاص على وشك
محدش عارف يرتبلى الاحداث
ياعيال احترمونى شويه ده انا قديمه هنا :o:o

[COLOR=darkorchid]واكيد ميرسى لسكرة التجمع مودة
عشان هى الوحيده اللى ردت عليا فى موضوع الخشب

السؤال تاااااااااااااانى :
يا بناااااااااااااات ياللى قربتوا تتجوزوا خلاص واللى اتجوزوا
انا مش عارفه خطه العمل قبل الجواز بتمشى ازاى :D
حد يرتب معايا كده اعمل ايه من اول ما ابقا هدى الشقه وش الدهان وشراء العفش ولو جاهز او عموله وعمل المطبخ و شراء الستاير وتفصيلها والنجف والسجاد
رتبولى ايه قبل ايه و كل حاجه امتى والكلام ده قبل الجواز بأد ايه بالضبط وكمان عاوزة ترتيب الحاجه يعنى بنعمل ايه الاول عشان نجيب الحاجات لايقه عليه وكده عشان بجد والله متلخبطه ومش عارفه الدنيا تمشى ازاى من غير ما اتزنق
بجد ده سؤال مهم ساعدونى ومتنفضوش

وسؤال تانى بردو ليه علاقه باللى فات
هو رحله الستاير دى بتتعمل ازاى يعنى فى انهو مرحله وبنزل اجيب قماش منين وبفصل فى اد ايه تقريبا ورينجات الاسعار بتاعه القماش مع العلم ان استايل البيت ان شاء الله مودرن يعنى مش هحتاج براقع والحاجات الكتيره دى

وسؤال بردو مهم لما بنيجى نشوف عفش جاهز بنعرف منين ان الخشب كويس والشغل نضيف
ماهى الحاجه بتبقا حلوة من بره ؟


عاوزة حد يرتبلى كده الدنيا ويساعدنى :D


[/COLOR]
ربنا يوفقك يا هوبا ويتمملك على خير
لما تروحى تشوفى المكان ابقى قوليلى بقا
وبالنسبه لسؤالك اه هاتى بنطلونات كارينا بتبقا حلوة فى الجو اللى مش حر اوى تلبسى عليهم فيستات حمالات كده
هيبقا شكلك لذيذ فى البيت

اهلا بيكى يا قمر
ربنا يوفقك فى امتحاناتك وتخلصى على خير
بصى انا فهمت منك انك لسه مش مخطوبه
يبقا تنفضى تماما لموضوع اللبس ده والجزم والشنط
تجيبيه ان شاء الله قبل الجواز بكام شهر
اللى ممكن تجيبى منه دلوقتى المفروشات لأنها مش بتتغير
وحاجات المطبخ
دى قائمه بالحاجات بتاعه الجهاز كلها او اغلبها تقريبا كانت
عضوة أمورة معانا هنا اسمها سمسم عاملاها
ربنا يجازيها خير
http://www.3roos.com/files/ups/2011/349539/01308926276.doc
مش لازم تجيبى كل اللى فيها بس هى بتفكرك بكل الحاجه
واللى يعجبك هاتيه واللى مش عاجبك او مش بتستعمليه ماتجيبيش منه
المفروشات والحاجات دى ممكن اقولك اعداد معقوله عشان ماتكتريش وتكركبى الدنيا
يعنى انا شايفه فى الملايات كفايه 10- 12 ملايه
و2 كوفرته و2 بطانيه ولحاف وكفايه كده اوى
والفوط 10 منهم مثلا اتنين كبار والباقى وسط
وهاتى كام فوطه للمطبخ
بالنسبه للحاجات اللى عندك هى حلوة وينفع طبعا تاخديها معاكى
ايه المشكله يعنى هو حد لحق استعملها
وعلى فكرة الشيماء فى الالومنيوم حلوه انا كنت بشترى كام حاجه وجبت منهم وتقال وحلوين
واى حاجه احنا تحت امرك:)



اللى عليه الاجهزة يجيب كل حاااااااجه يا جميل :)
غساله وتلاجه وبوتجاز وسخان وشفاط ومروحه ومكنسه ومكواه وخلاط وكل حاجه


معرفش فى المهندسين يا هوبا
بس وسط البلد عندك شارع طلعت حرب مليان محلات جزم وشنط


ربنا معااااااااااااكى
وتخلصى امتحاناتك على خير وتكملى شقتك وجهازك ونفرح بيكى :thumbs_up:

أهلا يا لميس منورة
بس مش فاهماكى فى موضوع الفهرس
اصل الموضوع مش مرتب
ده زى الدردشه بس تخص التجهيزات
يعنى اللى بيخطر فى بالها سؤال والناس اللى بتعرف بترد عشوائى مش بترتيب:)


علبه المكياج الكبيرة دى تتوقف على استعمالك للمكياج اصلا
يعنى لو انتى مش من النوع اللى بيحط كتير وبتستعملى المكياج كتير يبقا مالهاش لازمه
وفى كل الاحوال لسه بدرى على الجواز فملوش لازمه تجيبيها دلوقتى
انا بفضل اللى تجيب مكياج تجيب الحاجات اللى بتستعملها بأعداد مناسبه مش كتير اوى عشان ما تترميش
بس ممكن تجيبى فرش المكياج مش هيحصلها حاجه طبعا


مـــــــــــــــــرمـــــــــــــر
[COLOR=magenta]و اللى بيسألوا على كتب الكتاب والمأذون
المأذون بياخد مبلغ ليه هو وتقريبا بيبقا من 200 ل 300 جنيه حسب كل مأذون يعنى كل واحد بيختلف عن التانى
وبيتاخد نسبه عن مبلغ المؤخر او بمعنى اصح مجموع المقدم والمؤخر وكل ما بيعلى الرقم النسبه بتزيد
انا المأذون اللى كتبلنا اخد 3 % من المؤخر غير 250 جنيه ليه هو
وبردو سألت فى اماكن تانيه كانت النسبه بردو 3 % او 3.5 % مثلا حاجه زى كده
وبردو كل مأذون غير التانى لأنى سألت 3 مأذونين غير بعض وكل واحد قال حاجه :D
فى الاخر روحت اخدت المأذون اللى تبع الدار لأن النسبه بتاعته كانت اقل من اللى سألتهم

بالنسبه للشهاده الصحيه دى ضروريه وهى الواحده ب 80 جنيه يعنى انتى وخطيبك كل واحد ليه شهاده يبقا المجموع 160 جنيه
وفى كل المستشفيات الحكوميه سعرها واحد الا اذا صدر قرار من الحكومه يغير الاسعار وانا مسمعتش عن حاجه زى دى لحد دلوقتى

الاوراق المطلوبه لكتب الكتاب بتبقا :
1-الشهادتين الصحيتين بتاعتك انتى وخطيبك
2-صور من بطاقتك وصورة من بطاقه خطيبك
3- عدد 5 صور شخصيه لكل واحد فيكوا لأنكوا بتمضوا على 5 قسايم
4- صورة من شهاده ميلاد كل واحد فيكوا بس شهاده الميلاد الكمبيوتر الجديده ام 7 جنيه دى .. بتروحى السجل المدنى وتطلبى يطلعولك واحده وبيطبعهالك وانتى واقفه
ولازم تبقوا متفقين على المؤخر قبل ما تسلموا المأذون الاوراق دى لأنه بياخدهم قبل كتب الكتاب بكام يوم عشان يجهز القسايم

وربنا يتمم لكم جميعا على خيير يا عرااااايس;)[/COLOR]

ميرسي يا ست الكل علي ردك ربنا يسعدك يارب ويفرح قلبكF:

تعباكم معايا بس معلش مليش غيركم .

اجيب كام شبشب

هند ان شاء الله ربنا هيكرمك اخر كرم يا قلبى والله ما يستاهل ضفرك ربنا يكتبلك الى فيه الخير يارب سيا حبيبتى ويسعوضك خير باحسن منه
عاملين ايه يا بنات بالله عليكو ادخلو كتير بأه عايزين التجمع الكل يبأه فيه زى الاول ليه مبتدخلوش ميراميا ومرمر ومريومة ونيمو ومشموشة ونوزى وبنات كتير مشش عايزة انسى حد بس ارجعوا زى الأول

اجيب كام كباية؟؟؟؟؟؟؟؟؟؟؟؟؟؟؟

بنات بجد بحبكم اوي وبجد النهارده عرفتت ان ليا اخوات كتير بنات لاني معنديش غير ولدين بجد ميرسي ليكم كلكم دودا وسوشي ونوجي ومرمر وقرانيه ونوزي ونيمو ومشموشه وعسولع عمرو وشمس الاصيل وسالي وهوبا ويارب مااكون نسيت حد بجد ميرسي لكل اللي ردوا

بس مرمر: انتي شايفه بعد كل اللي حكيته ده اني ينفع اشتريه ؟؟؟؟


لفلي دريم : والله يابنتي انا كمان صحيت من النوم النهارده سالت نفسي السؤال دههو انا ايه اللي كان مصبرني انه ظابط مثلا والا اني كنت خايفه من شماته الناس لانهم بيحسدوني علي اللي انا فيه والا ايه لقيت اني بجد اللي كان مصبرني ايماني بربنا


واني بجد والله كنت سايباها علي ربنا وبقول طالما ربنا ميسر الامور كده يبقي اكيد هو خير ليا ويمكن المشاكل دي كلها تكون عشان مثلا حاجه غلط عملتها في حق حد وانا مش عارفه وربنا بيخلص مني في الدنيا وفي نفس الوقت كنت بقول يااااااه هو انا وحشه اوي كده عشان ربنا راضيلي العذاب ده كله ؟؟؟

انا امبارح صليت استخاره ونمت بعد الفجر وصحيت من النوم لقتني بقول لماما مش عيزاه وماما قالتلي خلاص وانا مش حغصبك علي حاجه بس نستني تليفون منه برضهلان النهارده المفروض كان تالت يوم في المهله بتاعته يعني والله جيت علي الساعه 7 بالليل كده قلت لماما هو مش حيتصل قالتلي ليه بتقولي كده قلتلها مش حيتصل عشان عارف اني مش حقبل علي كرامتي اني استني يومين تلاته فحخلي حد من عمامي يكلمه ويقوله هي اللي مش عيزاك وبكده يبقي طلع مش خسران وحياخد طبعا شبكته لاني في النهايه انا اللي قلت مش عيزاه وفعلا اللي حسبته لقيته البيه متصلش بعمامي

وماما قالتلي عندك حق هو فعلا قاصد كده المشكله بجد اللي مزعلاني اوي اد ايه انت انسان واطي والموضوع بقي بالنسبه لك موضوع دهب وماديات ؟؟؟؟

وانا متاكده ان مامته لو مكناش كملنا بقيه الشبكه والله ماكانت دورت عليا وكان سابني من يومها اللي مخليه مدور دلوقتي وساكت كده الشبكه اللي مامته بذلت مجهودات في اني مااخدهاش غير بعد كتب الكتاب لاني ساعتها طبعا حبقي مربوطه بيه ومش حتطلق يعني لو حصلت مشكله

انا بجد مش عارفه ايه اللي كان مصبرني طيب ايه ظابط يعني انا الحمد لله جميله مش غرور يعني بس فضل ونعمه و بابا الله يرحمه كان دكتور وعندي اخواتي الاتنين واحد ظابط والتاني دكتور وعمامي الحمد لله مستشار وعميد شرطه ومحامي في مجلس الدوله ولواء شرطه برضه وخالي دكتور نساء مشهور مش بتباهي والله ولا بتنطط يعني هو مش واخدني من الشارع المفروض سشلني علي دماغهمش يكلم ماما كل اسبوع يقوللها انا سمعت ان المطبخ عليكم انا سمعت ان التنجيد عليكم يكون عارف هو مناسب مين وكمان انت اللي بتتنطط النهارده بجد قعدت مع نفسي كده افتكر في كل مواقفه معايا مش فاكره بجد موقف واحد يذكر كويس وقعدت افكر ماما وصعبت عليها فعلا

انا بجد والله مش عايزه منه حاجه تفكرني بيه وشبكته يخدها لو دي اللي ربطاه بيا بس المشكله الفلاحين هنا يعني سلوهم كده يبقي دخل وخرج علينا 8 شهور والجيران شافته ويخرج بحاجته كمان وهو اللي كاره لا فاهمييني

ولما انا اجيب السجاد والستاير والرفايع والاجهزه الكهربائيه والمطبخ ووادفع معاه كمان في القاعه في الداون تاون بالنص يعني 10 الاف يبقي هو جاب ايه ؟؟؟؟

ادعولي يابنات ربنا يخلص الموضوع علي خير ويرزقني باللي احبه وارتاح معاه ويقدرني ويشلني علي دماغه لاني بجد مستاهلش كده ولاخر وقت كنت متمسكه بيه وبقول لماما انا مش عايزه افسخ خطوبتي كان فيه بيننا الحب والاحترام اللي يخليني استحمل عمايله دي لحد ماجرحني اوي لما قال حيفكر لقيت نفسي النهارده بقوللها مش عيزاه واول مره اقولها من قلبي كده

بنات سؤال سريع كده ملح الحليب انهو احسن اللي لونه اسود ولا بينك؟؟
انا جربت اللي اسود حد جرب البينك؟؟؟ و ايه الفرق بينهم

حد يقولى تجمع ماى واى فيين

بلبل حيران



والله يا بنتي انا فعلا برده مش عارفة استحملتي ع ايه والناس تتكلم ليه وكل ده تشغلي نفسك بيه ليه
انا شايفاها عادي البنت بتتخطب مرة واتنين وتلاتة وبتتجوز مش اخر الدنيا
انا اخواتي كل واحدة مخطوبة كذامرة واتجوزو وفي الصعيد:)
وانت بتقولي جميلة ومستواكي كويس يبقى ظابط ايه و وجع دماغ ايه يا بنتي
يجيلك سيد سيده ياورحي ع الاقل يبقى من االاول مقدرك وشاري مش جاي حاطط شروط8o|
انا لو منك كنت شتمته من الاول ههههههههههه
لا اصل في ناس بجد سلوكها دنيء كده
سيبك انتي منه وخلي بالك من نفسك واهتمي بيها وخليكي ع يقين ان ربنا نجاكي من القرف ده
واديكو اتعلمو ان من الاول لازم الانسان يبقى شاري
لان بعد كده بتحصل مشاااااكل ياما
ومتبصيش للوظيفة بصي للشخص والعيلة وسلوك امه وتصرفاتها وعيلته لانك هتعيشي معاهم وهتبقي مضطرة تتحملي
ومن الاول كده شوفي الكلمة لمين في البيت
ده واحد بايع اصل واكن جاي يشيل ومش عاوز يدفع حتى فعلا شخصة مقرفة
انتي عروسة زي الفل انتي من الاول تحطي رجل ع رجل وتطلبي وهما اللي ينفذو مش جي من الاول يتشرط
بتاع ايه يعني ده حتى محيلتوش حاجة:confused:
خليه يروح ياخد واحدة من مقامه باة بيتهالي انتي مقامك احسن من كده بكتير:)

*GOGO*;15295649:
بنات سؤال سريع كده ملح الحليب انهو احسن اللي لونه اسود ولا بينك؟؟
انا جربت اللي اسود حد جرب البينك؟؟؟ و ايه الفرق بينهم

انتو بتعملو ايه بيه ده يا بنات
وسؤالي
هوا الكيرياتين بييروح^o)

وحشتوني وحشتوني وحشتونييييييييي:lol:
معلش يا بنات غبت عنكو واكيد مش افتقدتوني :-# بس جيت لكو بخبر حلو كتب كتاب اختي يوم الخميس الجاي ان شاء الله عقبالكو كلكو يااااااااااااااااارب

بلبل : اوعي تزعلي يا حبيبتي ولا تضايقي نفسك بدام استخرتي ثقي ان ربنا هيعمل لك الخير ومتخافيش اكيد بردو ربنا شايلك نصيبك الاحسن مليون مرة وهيجيلك لحد عندك وواضح انه مش شاري يعني والموضوع فيه حاجة ربنا يكرمك وييسر لك الخير يارب

يا بنات انا نزلت روكسي بتفرج على الفساتين وكدة وعجبني هناك شوية فساتين زفاف شكلهم جديد وحلوين اوي F:

سؤال بقا لي تعرف براهات لاسو بكام ياريت تقولي :o
وكمان سمعتو عن فرد جديد للشعر اسمه اكس تنسو من لوريال ؟

بنات بجد بحبكم اوي وبجد النهارده عرفتت ان ليا اخوات كتير بنات لاني معنديش غير ولدين بجد ميرسي ليكم كلكم دودا وسوشي ونوجي ومرمر وقرانيه ونوزي ونيمو ومشموشه وعسولع عمرو وشمس الاصيل وسالي وهوبا ويارب مااكون نسيت حد بجد ميرسي لكل اللي ردوا

اية دة ياهند اية دة كلو انابقالي كتير مش متابعة والله زعلتيني اوي ان شاء الله ربنا هيرزقك باحسن منة ومفيش حد بياخد غير نصيبة الي ربنا كاتبهولو وصدقيني لو كملتي معاه هتتعبي اوي بعدين انت لسة علي البر استاخيري وفكري كويس مع ان انا مش شايفة سبب للتفكير خالص بصراخة انتو ناس طيبين اويييييييي دة عايز حد يروقة -------- انا متغاظة جدااااااا ومتعمليش حساب لاي حد انت الي هتتعبي مش الناس ربنا يرزقك بالزوج الصالح ان شاء الله ابقي كلميني علي الياهو وطمنيني عليكي

سؤال عايزة اجيب لبس شيك منين

روفه وشمس الاصيل ودكتور انجل ورومي ازيكم ياقمرات ميرسي بجد ليكم دوشتكم معايا وبطمنكم انا والله كويسه او ي ويمكن عمري ماكنت مرتاحه قد الايام دي مفيش حرق دم ولا كل يومين يطلعلي بحوار في التليفون يستفزني وينكد عليا وينيمني معيطه وبجد حاسه اني احسن وفرحانه اوي ان ربنا خلصني من الموضوع ده علي خير وان هو اللي قال مش عايز يكمل كمان عشان الكل كده عرف اني مقصرتش معاه واني اشتريته ومبعتهوش وهو اللي بايع

عارفين انا بقالي 5 شهور بصلي استخاره وتعبت اوي من اني مش لاقيه حاجه بتتغير ولا بقرب منه وبحبه ولا هو بيغير معاملته معايا وكنت بقعد اعيط مع نفسي واقول ياااااه هو انا وحشه كده لدرجه ان ربنا مش قابل مني حتي دعوه ربنا مش بيريحني ليه وكنت دايما في دعوتي والله بقول لو خير ليا يارب قربني منه وحببني فيه ولو شر ابعدني عنه ومكنناش بنقرب من بعض بالعكس كننا بنبعد والجواز بيقرب

ودلوقتي فهمت ان ربنا كان شايلهالي في وقت صح في الوقت اللي اكون انا اللي عايزه اكمل وهو اللي مش عايز عشان كل اللي حواليا ميندمونيش ولا يقولولي انتي جيتي عليه ويمكن لو انا كنت انا اللي سبته كنت حسمع كلام من ناس كتير يحسسوني اني اتسرعت مع اني كنت ساعتها مش حبقي اتسرعت ولا حاجه بجد ربنا ده كبير اوي اوي الحمد لله

وطلع تفكيري وكلامي عنه صح يعني مش ظلماه البيه لسه متصلش ورد علي عمامي في انه عايزني او لا وعمي النهارده كلمني وقاللي نفس اللي كنت بفكر فيه انه دلوقتي بيدور علي انه يطلع من الموضوع كسبان علي اد مايقدر وبيدور علي دهبه وبس ربنا يسامحه

ادعولي بجد ربنا يديني علي اد نيتي ويعوضني خير يااااااااااارب

مرمر:
ياريت تغيريلي الدعوه بالاتي :
ربنا يجرني في مصيبتي ويخلفني خيرا منها ويكرمني بانسان يحترمني ويقدرني ويحبني واكون مبسوطه معاه

ميويا: الف مبرووووووووووووك يا قمر وربنا يتمم لك على خير

بلبل:: انا كنت بتابع من بعيد لبعيد ومكنتش بشارك بس والله زعلت اووى ربنا معاكى يا رب ويصلحلك الحال والله انا زعلانه علشانك بس عارفه هو تقريبا فعلا كده عايزة يطلع كسبنا مش خسران وهيبقى حرام فعلا لو اخد الدهب وكل حاجه كده ربنا معاكى يا رب ويطلعك من الموضوع ده على خير


بنات تعرفوا نور السما هاجر تقريبا والدها اتوفى

عسوله؟:: ربنا معاكى يا قمر فى امتحاناتك

بنات ادخلوا شوفوا عفش لولو احمد

http://forums.3roos.com/showthread.php?p=15297937&posted=1#post15297937

ربنا يكرمك يا هند يارب واهم حاجة انك تكونى مرتاحة للقرار ده وربنا يقدملك الى فيه الخير ويكرمك بالى احسن منه يارب
أجيب كام شراب

يا مساء الخييير يا احلى عروسات في الشرق الاوسط وافريقيا كمان :)

بلبل : ربنا يكرمك ويعدي الايام دي عليكي على خير يارب وانتظري الخير الي ربنا شايلهولك يارب عاجلا غير آجلا

عسولة عمرو : بحب اسمك اوي علشان نصه على اسم خطيبي مهو اسمه عمرو برضو ههههه ربنا يكرمك في امتحانتك ويسهل لك امورك يا قمر

يا بنات هو جويا هيعمل سيل امتى ؟ ياريت لو حد نزل قريب يسالنا