.. | تجهيزات عرائس " مصر " لشهر رجب 1432 - 2011 م / الجزء : 161 | ..

[BACKGROUND="70 #996633"]

نوزي;15217222:

انا اهو وسألت عليكي الصحة والسعادة يا مشموشة يارب:L:
ما دام جبتي اركوبايركس للعشا هاتي اركوبال 52 قطعة حيبقي حلو ويكفي لو عندك عزومة بسيطة يعني اهلك او اهلو وهو جميل جدا بس انا مش بحب اي مجازفة مع الازاز عموما ومش بحط في الفرن غير القوارب البايركس بس

وشنطة المعالق في كل الاسعار وانا بقول اللي ب600 حتكون كويسة وتقيلة

الحمدلله انك بخير يانوزي ما تغبيش كده تاني
**********************
ميويا استهدي بالله كده وحاولي تقنعي باباكي بان كتب الكتاب يكون علي الاقل قبلها بشهر..ودوري علي النت علي حاجات من السنة والقران تحبب كتب الكتاب قبل الزفاف بفترة وقوليلوه علشان يقتنع...وربنا يقدملك اللي فيه الخير وابقي طمنيني عليكي
*********************
بت ياهوووووبز مبرووووووووووووووووووك ياقمر..والله ما تتخيلي فرحتي اول ما شوفت التوقيع ربنا يكملك علي خييير ويقومك بالسلامة يا احلي ماما

dandoona 2008;15217551:



ليكي معزتين ووزة وخروف :cool: واتفضلي الصورة مش تغلي عليكي والله:o

والاركوبال اللي بيدخل الفرن بيبقي مكتوب عليه انه حراري وهاتيه 52 قطعة لو كنتي جبتي طقم العشا 20 قطعة..
قوليلي لو كنتي عارفة المنطقة بتاعة العتبة وكده
اعمليلي بروجرام هناك لاني احتمال انزل مع صاحبتي السبت ده وهننزل من مترو العتبة نكمل ازاي بقي بحيث نعدي علي الاماكن المشهورة زي درب سعادة واولاد نصار وحمام التلات لانها مصرة تعمل جولة هناك فهروح معاها اخد فكرة بس مش عايزين نتوه يعني ايه جنب ايه وكده ؟؟ لو كنتي تعرفي يعني ومش بتوهي زي حالاتي لاني اول مرة اروح هناك :-# معلش هتقل عليكي :o والحناوي برضه اللي في الازهر ومول الازهر انا عارفة انه جنب المديرية لكن لو من محطة العتبة نروح ازاي نركب تاكسي ولا هو قريب ولا ايه؟؟
ولو اي حد عارف يقول برضه متطنشوووووووش :mad::mad:

هههههههههههههه...طيب وبالنسبة للفراخ :D:lol::lol:

بصي ياحبي من عينيا طبعا بس انا حاسة اني مش مركزة لاني صاحية من الساعة 7 الصبح وكنت نايمة الساعة 4 الفجر :confused:..فخايفة اوصفلك وتتطلع حاجة غلط...بس بكرة اول ما اصحي هيكون عندك الرد ياقمر...حتي لو البنات ردوا عليكي انا هوصفلك برضو بس وصف مشموشة يعني مش هتقدر تغمض عينيك:D

*********************
محدش يعرف اخبار عن مشمشة؟؟


اجيب كام طقم معالق ؟؟
[/BACKGROUND]

ميويا;15217388:
ادعولى.بجد.كتيييييييييييييير
المفروض.كنت.اكتب.كتابى.يوم17قبل.افرح.باسبوعين.وبابا.قال.لخطيبى
وخطيبى.قال.لاهله.واعمامه.رجع.بعد.كده.بابا.قاله.هنأجله.ليوم.24بعد.ما.اخويا.يخلص.امتحاناته
فخطيبى.وافق.وغير.المعاد .مع.اهله.والنهارد ه.لقيت.بابا.يقولى.احنا.
هنعمله.يوم.الفرح
وطبعا.قعدت.اتكلم .معاه.واقوله.ازاى.يعنى.يقولى.هو.كده.يوم.الفرح.اقوله
.وانت.هتفرق.معاك.فى.ايه
يقولى.وانتى.هتفرق.معاكى.فى.ايه.طبعا.اتخنقت.وماما.قعدت.تكلمه.وازاى.يعنى .
وهو.دماغه.ناااااشفه
.قولتله.خلاص.انا.مش.هقول.لخطيبى.قوله.انت.وياريت.من.غير.مشاكل
وطبعا.كلمت.خطيبى.اشوف.رأيه.قبل.ما.بابا.يكلمه .قالى.ازاى.
انا.مش.موافق.هو.مش.كلام.رجاله.ولا.هو.شايفنى.عيل
عايز.يرجع.فى.كلامه.يرجع.بقى.فى.كلامه.كله.وانا.مخنوقه.اوى.
ومش.عارفه.ابويا.بيعمل.كده.ليه
كله.ده.ولسه.متكلموش.فى.مؤخر.ولا.حاجه.بس.خطيبى.مفهمنى
.ان.اخواته.كاتبين5000عشان.المأذون.وهو.عامل.حسابه.يدفع.للمأذون500جنيه.وبابا.حاطط.فى.دماغه.انه20000ولسه.متكلموش.مع.بعض.مش.عارفه.بقى.ايه.اللى.هيحصل.
انا.مخنوقه.اوى.اوى.حتى.المطبخ.ركب.النهارده.فى.الشقه
وانا.مروحتش.ماما.مردتشى.تقولى.هتروحى.تعملى.ايه.
اقولها.هفرح.بحاجتى.لكن.ازاى.يسبونى.افرح.ربنا.يستر.بقى
ادعولى.بالله.عليكم.انا.عارفه.كل.ما.ادخل.اضايقكم.بس.غصب.عنى.
والله.ماحاسه.بفرحه.خالص.ولا.كأنه.فرحى
الحمد.الله.على.كل.شىء.وربنا.يستر

سؤال.المخالفه
اجيب.كورنر.حمام.بلاستيك.ولا.استانلس؟

بصى الأكيد أكيد أكيد إن بابكى بيحبك ومش هيقصد أبدا إنه يضر بنته :)، هو تلاقيه خايف عليكى أو قلقان .. واضح أوى من تصرفاته!! فنصيحة منى عامليه بهدوء ومتحاوليش تبينى له إنك مضايقه لأن ده هيضايقه أكتر.

حاولى تشوفى حد قريب من بابكى ويفهم منه هو عايز إيه ؟

أما المؤخر، مفيش غير إنك تدعى ربنا فى كل سجدة إن ربنا يعدى الإتفاق على خير.
بابكى عنده حق، وخطيبك له ظروفه وإن شاااء الله يوصلوا لحل وسط.

إن مع العسر يسر إن شاء الله

___________________

يابنات محدش قالى إيه نظام جروب مارياج اللى بيفصل فساتين أحلى ولا أستاذ عماد اللى فى الوكالة ؟

[B][SIZE=3][COLOR=Magenta][SIZE=5][B][COLOR=red]كلنا ندعي لـ [/COLOR][/SIZE][/B][B][COLOR=Magenta][B][COLOR=Magenta][COLOR=magenta][B][B][COLOR=red]soshe[COLOR=DarkSlateBlue]
[/COLOR][/COLOR][/B][/COLOR][/B][/COLOR][/B][/COLOR][/B][/COLOR][/SIZE][/B]
http://forums.3roos.com/showthread.php?t=622342

هوووبز:مبرووووووووووك الحمل يا سكره و ربنا يتمملك بخييييييرF:

عسولة عمرو;15213653:
[BACKGROUND="70 #CCFF66"]از
ادعووووولى بقى ربنا يتتمللى جوزازى على خير والاقى شقه واخلص امتحااانات على خيرررررررر

:L:بحبكم فى الله:L:
[/BACKGROUND]

يااااااارب يتمملك زواجك على خيير و تلاقي شقه ان شااء اللهF:

اسيرة الذنوب;15213894:
انازعلااااااااااااااااانةمنك مرمر مش قولتلهم يدعولى اناكمان
حديقولى بقا اروح هوم تاتش ازاى

يا حببتي متزعليش مني بس انتي مش قولتلي انزلك في الليسته ولا قولتلي الدعوة اللي احطها:)قوليلي هيا ايه و انا انزلها على طووووووووووولF:و طالما انتي بتقري الليسته كلها يبقى كانهم كلهم دعولك يا ستي;)

nEMaA mAhDy;15213937:

السلام عليكم ورحمه الله وبركاته




مرمر حبيبتى جزاكى الله خير ع رفع الدعوه والله بجد محتاجلها اووووووووووووووووووووى
الاستاند بتاع الكمبروزر بتاع التكييف بيجى معاه وممكن حداد والله اعلم بس الاكيد انه بيجى معاه
والسلم هاتيه خشب من اللى بيتقلب كرسى ده متهيألى عملى اكتر

وعليكم السلام
على ايه بس يا حببتي دا واجبيF:وميرسي لاجاباتك يا قمر بس سؤال السلم دا اكيد مش انا :D

fatomalove;15214127:
مريومة ليه مش حطاني في ليستة الدعاء انتي اكتر واحدة عارفة اني محتاجاه واكييييييييييد حاسة بيا:sick::badly::struggle:

فطووووووومه حببتي والله ما اقصد بس كل الليسته دي البنوتات كل واحده فيهم قالتلي انزلها دعوه مخصوص مش مني:)قوليلي عايزه الدعوه ايه بالظبط و هنزلها حااااااالا F:وربنا يسهلك و يسهلي حوار الشقه دا يااااااااااااااااااااااااااااااااااارب نفسي مره اروح ابص الاقي كلب شغال هناك:mad:مبلاقيش غيري انا و خطيبي و هوووووووس حتى مفيش حد بيوضب:badly:الناس فقدت الامل:-#

dandoona 2008;15214174:
ي
مرمر مالوش فرع تاني غير في سيتي سنتر اسكندرية



مش تزعلي يا قمر انتي اللي بتطلبي تكون دعوتك ايه بالضبط وبتطلبي من مرمر تحطك في الليستة
وكل واحدة فينا بتدعي لباقي البنات عشان الملايكة تقول لك بالمثل فانتي اختاري دعوتك ومرمر مش بتتأخر ابدا :)

:adore::adore::adore::L::L::L:
حببتي

hananany;15214281:
ي
سؤال تاني احسن تكيف نوعة اية وبكام

شاااااااربF:

Lolla Quiet;15214460:

مرمر ودودو ودندونة متحرمش منكو يا حبايبي والله ولا من سؤالكو عليا ابدا اطمنوا ان شاء الله هبقى كويسة انا دايما كده والله بس بحاول اخرج نفسي من اللي انا فيه عشان ميجراليش حاجة دعواتكو ليا

الحمدلله انك بخييييير وياااااارب تبقي احسن و احسسسسسسسن ان شاء اللهF:

سلمى 16;15215381:
ا

بنات انا جبت الاجهزة الحمد الله

مبروووووووووووووووووووووك عليكيF:

يارب فرح قلبي;15215469:
[BACKGROUND="70 #996633"]
مش عارفة والله يامرمر بيبتاع فينF:
بس علي فكرة ممكن هما يكونوا جايبين التكييف اصلاا وحطو الاستاند علشان يعملوا وصلات التكييف جوه الشقة قبل مايخلصوا تشطيب فتبقي الوصلات جوه الحيط يعني علشان الشكل العام للشقة من جوه( فعادي جدا يشتروا التكييف ويتتعمل الوصلات ويتعلق الاستاند ولما الشقة تخلص تشطيبها يركبوا التكييف) علشان كده بتلاقي الاستاند متعلق

[/BACKGROUND]

مشموووووووووشتي لا العماره بتبقي مش سكنت اصلا ولا اتوضبت دا اللي عامل العماره حاطط لكل شقه ستاند و مش شاري تكيفات فجابها منين بقى دا السؤال:D

مدام/اشرى;15216309:
ازيكوا يا بنات
مش عارةف بقا فى حد من الدفعةالقديمة شوية فاكرنى ولا لا
انا شايفاكوا بتسالوا على البوتاجازات
انا بوتاجازى تكنو جاز وما شاء الله مريحنى جدااا
اى استفسار انا موجودة

ايوااااا انا فاكراكي طبعاااااااااا بس لحقتك اول ما اتجوزتي;)خليكي معانا بقى و قوليلنا خبرااااااتF:

ميويا;15217388:
ادعولى.بجد.كتيييييييييييييير؟

ميوووووووويااا حببتي ربنا يتمملك على خييييير ياارب و اهدي يا حببتي و باباكي عايزلك الخير اكيد و بيحبك و اكيد ربنا ليه حكمه في الموضوع دا و سيبيها على ربنا و هتمشي كداF:

[QUOTE=dandoona 2008;15217551]ايه المنتجات دي عبارة عن ايه؟؟؟^o)
واحسن تكييف البنات بتقول شارب لكن مش عارفة

شكرا جدااااا ياجميل والمنتجات دي زي ذا بدي شوب يعني كريمات ولوشينات وبرفانات بس بجد تحفةةةةةةةة وهي صناعة امريكية انا عندي واحدة صحبتي بتجبهالي من امريكا وكنت عايزة اعرف ليهم فرع هنا ولالا


هوبز مبروك يا جميل علي الحمل ويارب يكملك علي خير

ميويا;15196551:


وبمناسبه.الشهاده.الصحيه.نوجى.كانت.بتقول.انها.ببلاش.انا.سألت.عليها.قالو160جنيه
انتى.عملتيها.ازاى.ببلاش.انا.سألت.عليها.امبارح

انا والله ما قولت حاجة :D
ربنا يسمع منك ياختى واعملها وجى اقولك عملت ايه ساعتها :lol:

لمبا;15199386:
السلام عليكم انا عضوه جديده
انا كنت عايز اعرف اماكن للتجهيز غير حمام التلات يكون مضمون واسعرهم كويسه علشان انا مبعرفش افاصل وكمان مش بحب الزحمه
كنت عايز اعرف مكان كويس للصين والاكروبال وكمان الرفايع والكاسات وكمان عايز اعرف المركات الكويسه

انا عن نفسي لحد دلوقتى ماجبتش حاجة من حمام التلات ولا روحته ولا هروحه ان شاء الله
انا بشوف العروض بتاعة سبينس وكارفور والمعارض وبشترى
وجبت طقم الشعا اللومينارك من بورى سنتر
العروض بتاعة تيوليب بشترى منها برضه لما بتكون عروضها حلو واسعارها لقطة
الصيني بقى لسه عايزة انزل ان شاء الله مركاتو وفتحى محمود فى وسط البلد علشان اعرف الاسعار واروح درب سعادة بقى ان شاء الله مفيهوش فصال و رايق عن حمام التلات

لمبا;15199429:
كمان معلش انا كنت عايز اشتري براون ملتيكويك من السعوديه علشان بيقوله انها هناك الماني بس لما دخلت موقعهم لقيت الموديل اسمه ملتيكويك5 وعندنا معروفه بملتيكويك 6*1 وانا الصراحه مش فاهمه ولو حد يعرف مكان بيبيع الالماني في مصر ياريت يقولي فين

مالتى كويك 5 غير المالتى كويك 6 *1
ده كيتشن والتانى هاند بليندر
ادخلى عالسايت واتفرجى عليهم وهتعرفى الفرق
وبراون كله بقى مجرى بس المكونات المانى
مفيش المانى 100 % دلوقتى

يارب وفقني مرمر;15199546:


هههههههههههههههههه معرفش انا:D
ومعلش قوليلي العنوان تاني يا نووجي ايه شملا دا؟F:

وحشتيني يا مرمر وربنا :adore:
شملا ده زى صيدناوى كده فى شارع 26 يوليو قدام بى تك على طول والعبد

** مودة **;15201499:

السلام عليكم ورحمة الله وبركاته

إزيكم يابنات
هند مبروك عليكِ مشترواتك F:F:

بقول ايه هو مش مجاله هنا بس بجد بجد محتاجة رد على السؤال ده الله يبارك فيكم ،

عاوزه احسن نوع محجب للشمس - صن بلوك -
لسه سائله السؤال ده من شويه بس قلت اكرره لكم هنا كمان :worn_out::worn_out:

بالله عليكم اللي تعرف تقول على طول متخبيش عليا:DF:


سؤال المخالفة بقى
ال cake cover
بكام ؟؟

احسن صن بلوك هو بيو ديرما بعدها ال يورياج انا جبت بتع اوريفليم بس مش عاجبني اوى وبتاع نيفيا عامل زى الفونديشن

لولو احمد;15202406:
بنات بالله عليكم تدعولى اصل انا حاسه ان ربنا بيكرهنى كل لما ادعى مابيستجبش منى وبطلت اصلى وابعدت عن ربنا خالص وبفكر اروح لدكتور نفسى لان الحاله كل ماده مابتزيد فقدت الامل انى اكون سعيده وانى حتى اخلف وحتى الشغل فقدت الامل انى الاقيه وحاسه انى نحس وحتى نحست خطيبى كان مستنى شغل وكان هيجى وخلاص والكلام ده فى اول خطوبتنا بقالنا سنه ونص ولسه الشغل ده مجاش حتى كل ام يجى يقولى رايح اعمل حاجه بتتقفل فى وشه لدرجه قلتله معتش تقولى على شئ لانى انا وشى نحس خلاص مخنوقه وقرفنا وحاسه ان حتى لما اموت هدخل النار خلاص والشيطان متمسكنى وبيقولى منتى كده كده لما بتحبى الشئ مابيجيش يعنى انتى بدل عايزه تدخلى الجنه هتدخلى النار فمبقتش اصلى وحتى كنت بقرا قرأن معتش بقرأ وبقول لنفسى منتى كده كده ربنا غضبان عليكى انا متاكده انى وصلت لمرحله خطيره وعندنا مابيقتنعوش بيعنى ايه دكتور نفسى شيفينه دلع بنات بس انا بجد ممكن اموت نفسى خلاص ماهى معدتش فرقه معتش برضى بالى ربنا كتبهولى وعرفه الكلام اللى انته هتقوله لو حد هنا دكتوره نفسيه ياريت تسعدنى او حد حاسس ان ممكن يساعدنى يساعدنى او ادعولى يمكن ربنا يستجاب منكم اللى مستجبوش منى انا عرفه انى مابصليش ومابعملش اللى المفروض اعمله علشان ربنا يرضى عنى بس هوه ربنا يعنى يساعدنى يدينى امل اشاره احس انه راضى عنى دنا حتى امى غضبانه عليه مفيش حد غير ماهو زعلان منى بالرغم انى بشد معاهم خايفه عليهم مابعرفش اسامح ولما حد بيعمل فيه شئ مابعرفش اسامحه طيب ازاى ربنا هيسامحنى وانا مابعرفش اسامح بس برده انا بشر لكن هوه ربنا ادعولى ارجوكم خلاص انا تعبت يمكن كلامى مش هيعجب ناس كتير وممكن اتشتم بس انا كان نفسى اتكلم بس ياريت قبل ماحد يفهمنى غلط يعرف ان نفسى اكون كويسه ونفسى ربنا يرضى عنى مفيش حد فى الدنيا يكره ان ربنا يرضى عنه وانا مش طماعه انا دعيت ربنا يوفرلى شغل مناسب علشان يخرجنى من التعب اللى انا فيه اتمنيت اخلف علشان اخلى ولادى احسن منى ولما اموت يدعولى يمكن ربنا يرضى عنى لما اعلمهم يرضوه يعنى حتى احلامى بحلمها علشان ارضيه نفسى يرضى عنى بقى لانى تعبت من غضبه عليه سامحونى اذا كنت طولت
اجيب كام طقم كاسات

لولو استغفرى ربنا يا قمر
بعدك عن الصلاة وقراءة القرآن هو اللى عامل فيكي كده
عارفة لسه من يومين سامعة الشيخ حسان بيقول هتعرفوا رضا ربنا عليكم من رضا امك وابوكى
طول ما اهلك راضيين عنك يبقي ربنا راضى عنك دى اشارة على فكرة
ومهما كانت وسواس الشيطان وبيقولك ربنا مش هيغفر لك انتى قاومى وصلي حتى لو انتى مش حاسة بالصلاة دى
ربنا بيقول انا عند ظن عبدى بى
اوهم حاجة حسن الظن بالله
ومهما عملتى من غلط ورجعتى توبتب وتستغفرى ربنا هيرضى عنك وربنا مش هيسيبك طول مانتى بتحاولى تقربى منه
الشهرين دول فرصة ليكي على فكرة وداخلين على رمضان وكترى من الصيام الايام دى وواظبى عالصلاة
ومش معنى ان دعاءك ما اتنفذش فى ساعتها يبقي ربنا مش بيستجيب لدعائك مش كل الادعية اللى بندعيها ربنا بيحققهالنا فى الدنيا لأ بيشيلهالنا للآخرة ويخفف بيها عنا
وافتكرى دايما حديث النبى عليه افضل الصلاة والسلام لما بيقول لو علمتم الغيب لاخترتم الواقع
فمش كل حاجة بنتمناها خير لينا وخليكي دايما عارفة ان كل حاجة بتحصل لنا فى دنيتنا دى مهما كانت وحشة فى نظرنا كله خييييير
صلي وادعى وارضى مامتك وما تتكلميش كده مع خطيبك وتقولى انك نحس والكلام ده لانك هتضايقيه وهيتخنق منك خصوصا ان الشباب دلوقتى مش مستحمل اللى فيه اصلا وهما مش ناقصين
ربنا يعينك على طاعته يارب :)F:F:

عسولة عمرو;15203660:
ازيكم يابناات عاملين ايه
لولو احمد ربنا يهدى بالك يارب ويصلح حالك واستعيذى بالله من الشيطان الرجيم هبعتلك حاجات عالخاص ياريت تشوفيها وربنا يكرمك
بنات انتوا مش كنتوا نويتوا تخرجوا مع بعض انا نفسى اشوف اى حد فيكم
انا عندى امتحان يوم الاثنين الجاى 13-6 اللى يكون فاضى اليوم ده اننا نتقابل يرفع ايده ههه
مش لاقيه سؤال!!!
هو المرر اللى فيه عبايات استقبال اسمه ايه وفين بالظبط؟؟

اسمه ممر دنيا النغم فى شارع 26 يوليو جنب بى تك

يا بنات هوا فرع بودي شوب اللي هنا فين
والبودي بوتر بكام هناك؟؟؟

[BACKGROUND="70 #CCFF99"]

fatomalove;15214133:
بليز يا بنانيت حد يقولي ابدأ امتا ادور على الفستان مع مراعاة اني ان شاء الله ناوية على شهر 9 ورمضان شهر 8 يعني مش هعرف الف في الصيام

ان ان شاء الله هكون بردو كده بس غالبا الشغل الجديد فى الفساتين بينزل فى اول رمضان يعنى حتما ولا بد هنلف فى رمضان:mad:
شكرا لكل البنوتات اللى دعتلى مرمر العسل ومشموشه السكر ونوزى القمر يارب ما اكون نسيت حد
مويا ربنا يتمملك على خير يارب ويسرلك امورك والله كله بكون عنه مشاكل قبل الفرح ربنا يعديها على خير ويفرح كل البناااان
سلمى مبرووووووك عالاجهزه ياقمر
[/BACKGROUND]

رووفة;15218080:
يا بنات هوا فرع بودي شوب اللي هنا فين
والبودي بوتر بكام هناك؟؟؟

في الكس موجود في كارفور وفي مصر موجود في سيتي ستار


حديقولي بقي منتجات باث اند بادي وركس موجودة فين في مصر

السلام عليكم ورحمه الله وبركاته

جمعه مباركه ان شاء الله

متنسوش تقروا سوره الكهف

هوبس الف الف الف الف مبروووووووووووووووووووووك ع الحمل ربنا يكملك ع خير ان شاء الله

رووفة;15218080:
يا بنات هوا فرع بودي شوب اللي هنا فين
والبودي بوتر بكام هناك؟؟؟

بودى شوب هتلاقى فى سيتى ستارز

سلمى 16;15215381:
ازيكم يا عرايس يا حلوين

بطة و انا بجيب الاجهزة الراجل قالى نمرة واحد كريازى و نمرة 2 يونفيرسال و بعديه تكنوجاز بس انا الصراحو كنت عايزة البوتجاز يكزن شكله حلو و سيلفر فجبت يونيفرسال دياموند سيلفر

بنات انا جبت الاجهزة الحمد الله

حد شاف فى زهران الاطباق يتاعت السمك اللى عليها كابوريا و جمبرى حد يقولى عملية ولا لاء؟؟؟

و سؤال كمان لو السفرة بنى مط اجيب مفرش لونه ايه؟؟

بنات سؤال كمان عايزه اعرف اي نوع من البتوجازات من الجديد فيه مروحه؟؟؟

ازيكم يابنات وحشتوني اوي:

روبي : ازيك ياقمر وحشاني بصي ياستي المفروشات فاكس اوي حوار انك تستني مقاس السرير اتكلي علي الله وهاتيهم بقي انا جبتهم وصعب يطلعوا صغيرين يعني السرير مقاسه معروف وعلي اساسه بتتعمل الملايات وخلي بالك في شهر 7 فيه زياده في كل حاجه وانتي اولي بالفرق وقالولي ان القطن حتي غلي يعني اي حاجه قطن وفعلا لما رحت اجيب بانتتيهات فانيللا لقتها زايده 5ج
المحلات بقي انا معرفش حد عندك حقوللك علي اللي في اليكس وانتي اكيد عندك فروع هناك فلورنتينا ولانوي شيك اوي واسعارهم حلوه يعني مش غاليه اوي الكوفرتات فيه كوفرته سوري جديده تقريبا ب350 حلوه اوي هاتي واحده منها وواحده فيبر عاديه اللي بكياس خددتين وهاتي طبعا بطانيتن واحده مورا وواحده تقيله كويسه وخلاص ولو حتعملي اوضه اطفال هاتي برضه لحافين فيبر و6 ملايات للسريرين يعني 3 لكل واحد الكوفرتات بقي بفكر مجبلهمش لسه مش عارفه بقول لسه بدري يعني وهاتي طبعا ليكي لحافين احنا عندنا كده معرفش عندك ايه ههههههههههه وربنا معاكي ياقمر

مشموشه: ازيك يامزه سالت عليكي العافيه ميرسي ياقمر فكراني اهه بصي انا راييي تجيبي سيراميك تركي برضه حاجه وعشرين قطعه لانه موضه وشيك برضه بس ده للمطبخ لو عايزه حاجه تحطيها في النيش هاتي اركوبال بقي ولينك القمصان لولايت ده انا جايبه منه وحلو اوي اوي فعلا

انا جبت اركوبيركس 45ق منهم 6 شوبات ودورق هديه ع الطقم يعني حوالي 38قطعه لومينارك اماراتي ومش فارق خلي بالك خالص وحجيب سيراميك تركي للمطبخ برضه بس صغير وجبت للنيش الطقم اللي كنت دايخه عليه بتاع رودي الاركوبال ابيض واسود لومينارك جمعته من كارفور مع الصيني وفي العزايم حطلعه وخلاص كده موضوع الفرن ده برضه انا زي نوزي مش بجازف بخاف

دودو1:ازيك ياقمر الفرن الساشو ده ياستي اللي بعين من فوق وشوايه ب750 وده تركي والبلاك اند وايت ب 450 تقريبا والباقي معرفش والله وبعدين بسال علي السيلك ابيل عشان تقوليلي براون ههههههههههه ده انتي مسخره ماانا عارفه يااذكي اخواتك انا اقصد رقم الموديل يافلحه وايه احسن موديل فيهم

لوللا كوايت: ازيك ياقمر ربنا يفك كربك ويفرج همك ياااارب

دندونه: ازيك ياقمر بصي ياستي انا اول ماجبت جبت صينيه كده استانلس ليها 3 اشكال بتتفتح برضه بكلبس من الجمب وبيتحط قلب او دايره يعني وبعدين لقيت استانلسها خفيف اوي وقلت وش حتحرق الحاجه في الفرن وفعلا لما رحت ارجعها الراجل قاللي هي كويسه لو حتعملي مثلا ترايفل جيلي او شيز كيك يعني حاجه ع البارد مش حتدخلي الفرن فهماني رجعتها بقي وجبت دي دي متجلفنه اولا يعني خامه كويسه اوي وكان فيه نفس الخامه هي وبرستيج بس الفرق ان برستيج حستها من الجنب لما تقفلي الكلبس مش محكمه يعني ممكن تسقط العجين فهماني فعجبتني دي اكتر يمكن يكون كان العيب من المحل كانوا رامينها ع الارض يمكن تكون اتعوجت المهم يعني ماستر شيف نضيفه بجد جايبه منها الرفايع وحلوه اوي وكذا بياع شكر فيها فانتي قداامك برستيج وماستر شيف الاولي ب75 والتانيه ب55 يعني مش فرق جامد المهم تخلي بالك من انها محكمه بس وهما الاتنين نفس الخامه وطبعا لو لقيتي تيفال خير وبركه انا ملقتش

نيمونيمو: ازيك ياقمر عامله ايه انتي كمان عايزه ايد البراد تفاحي يامفتريه ههههههههههه حرام عليكي مفيش غير اللون ده اصلا انا بعتتلك ريكوست علي جروبك اقبليني وقوليلي السيلك ابيل اللي عندك امكانياتها ايه وموديلها كام اه والكوستر بتاعه الكوبيات دي ممكن تلاقيها عند تيوليب

هويز: مبرووووووووووووووووك الف مبروك ربنا يتمم بخير يارب

سلمي 16: مبروك الاجهزه ياقمر

بطه: ازيك يابطوط بصي كريازي بلا منازع وهاتي فرن الكهربا بمروحه

سؤال بجد:

المولينكس الكيتشن مودل ماستر شيف 8000 حد يعرف عنها حاجه واللي تعرف توكيل مولينكس فين في اليكس تقوللي عايزه استفسر عن كل حاجه من التوكيل

ممكن حد يقولى اذا يعرف مبرد الهواء دة كويس ولا عشان مش هينفع اركب فى اوضة نومى تكييف لان مالوش مكان

بنات بو سمحتم
حد شاف طبق التورته بس مربع

انا شوفته فى مركاتو بس مدور ب70ج

بنات انتوا بتحسبوا ازاي اجيب كام متر قماش للستاير ؟؟؟

ازيكوا ياقمرات عاملين ايه يارب تكونوا كلكم بخير يارب
كنت عاوزة اسالكم عن سوق غزة اية اخبارة دلوقتى واللبس فية حلو ولا ايه يعنى هيعجبنى فى حاجات كتيرة و لا مش مستاهل اروحة لانى عمرى ما روحتة وعاوزة اعرف ممكن الاقى فية لبس ايه يعنى بيجامات وحاجات ستان شيك برمودات قمصان نوم بيبى دول كدة يعنى كل دة متوفر فية ولا ايه النظام ياريت الى تعرف او راحتة تقولى اية الى موجود فية بالظبط وكمان ما تنسوش تقولولى اروحة ازاى من رمسيس بس من غير مترو لانى بتخنق من المترو وما بركبوش الا للضرورة القصوى ؟

كمان كنت عوازة اسالكم ايه رايكم فى مكنسة جولدى حد سمع عنها اصلا ههههههههه طماعة انا بس الى هترد والله هدعلها دعوة حلوة قوى ؟