شات حوامل مصر وتجهيزاتهم للبيبي لشهر رجب

بنات الله يخليكم ادعولي النونة تنزل الحوض بقى
نفسي اولد... وربنا يسهل ويكون طبيعي

ربنا يهون عليكي يا كيتي الايام الجاية والنونة تنزل الحوض الليلادي :)

ربنا يسهل ولادتك يارب وتبقى طبيعي , نفسي اوي اسمع حكاية ولاده طبيعي

بنات ادعولي بطني بتوجعني
يارب يكون ولادة

ربنا يسهل ولادتك يا كيتى وتقومى بالسلامه

يارب تكون ولادة يامرمر ويرزقك ولادة طبيعى سهله يارب

بالله عليكى ابقى طمنينا عليكى وسيبى رقم موبيلك مع حد مننا نطمئن عليكى

كيتى ربنا معاكى ويسهل ولادتك يارب وتقومى بالسلامه انتى والنونه

انا كمان يابنات عمال يجى ليا وجع بيروح ويجى مش عارفه ايه الحكايه ربنا يستر

علشان اانا مرعوبه اوى ادعولى بالله عليكم ربنا يسهل ولادتى

ربنا يقومك بالسلامة يانور انتي لسه ف التامن صح؟

لا ياكيتى انا بدأت التاسع من كام يوم

السلام عليكو
ازيكو يا بنات انا لسة مفقستش زى ما انا
وكشفت نسا على فكرة الى عايز اى استفسار ايام هييييييير

مدام/اشرى;15295060:
السلام عليكو
ازيكو يا بنات انا لسة مفقستش زى ما انا
وكشفت نسا على فكرة الى عايز اى استفسار ايام هييييييير

كويس اوي يااشري انتي اللي جيبتيه لنفسك :Dللان بقالي كام يوم بلف حوالين نفسي وحاموت واعرف كشف النسا بيتعمل امتى وازاي بالظبط ,,,فعايزاكي تقوليلي كل اللي حصل بالتفصيل الممل وكل المعلومات اللي الدكتور بياخدها من الكشف ده ؟؟؟ وهو لازم الكشف ده في الشهر التاسع ولا ممكن قبلها؟؟

كشف النسا مش بيوجع ولا حاجه الدكتوره بتدخل صوباع واحد لحد عنق الرحم عشان تشوف فتح اد ايه ولا لسه اصلا مفتحش

ازيك يا مروة لسة يا بنتى
ههههههههه
بصى يا بنتى هو قالى من قبلها ان المرة الجاية كشف بس انا الى استدرجتة فى الكلام عشان اعمل حسابى يعنى بس حسيت انة مكنش عايز يقولى كان عايز يعملها مفاجاة باين المهم يعنى دخلت وقاس ضغط عادى وشاف البيبى على الشاشة والممرضة قالتى اقلعى البنطلون عااااااااااااااااا كنت عايزة اقولها البنطلون لا ههههه
قلعت بقا وانا اصلا هموووووووت من الرعب والخوووف قلعت ونمت على السرير والدكتور دخل تانى وتفتحت رجلى شوية وتنتها طبعا وقعد اقولة قولى اية الى هيحصل وكدة ونبى براحة يا دكتور وحياة ابوووك ويارب ابوك يحج هههه زى الاطفال والله وفى الاخر قولتة خالى الانسة دى تخرج مش هتبق فضيحة من كلة يعنى واختى طبعا كانت معايا ومرضتش اخد جوزى واتخنقنا اصلا انا وهو قبلها ما علينا
لما قولتلة خلى الانسة تخرج قالى الانسة مش هتشوف حاجة ولا انا كمان قولتة بجد ؟ قالى اة بصى كدة وراح دخل ايدة من تحت الملاية وسورى يعنى قعد بقا يزق ايدة جوة شوية وانا فضلت مخبية وشى بايدى هو مفيش وجع بس الكسوف بقا والاحرااج فى شوية الم بسيط جدا يكاد لا يذكر مطرح ما بيحاول يزق وخلاص
وعقبال بقا ما لبست بقا وخرجت قالى انتى لسة كتير وامشى حاولت اعرف طبيعى ولا قيصرى مرضيش يقول وقالى امشى انتى بس وبعدين هنشوف
بس بصى بجد مطلعش يستاهل القلق الى كنت حاسة بية خااااالص والله سهل بجد

ايوة بالظبط كدة زى ما قالت منال كدة بس انا اتكسفت اقول صوباع دى ههههههه
قال يعنى كل الى قولتة دة عادى
واة صح فى الاخر وانا ماشية قالى على فكرة انا والدى متوفى وانتى شغالة يارب يحج وحياة ابوك قالى من الاخر انا يتيم هههههههههه صعب عليا

ههههههههههههههههه ربنا يقومك بالسلامه يا شيرى

اشري انتي مسخرة ههههههههههه
طب ادعيلي بقى عشان انا رايحة للست هانم دلوقت نشوف التحفه الي جوه دي مش راضية تتزحزح ليه

ههههههههههههههه ضحكتيني يا اشري يخرب عقلك

وحشتونى والله يا عيال ووحشنى الرغى بتاعكوا
انا مفيش حاجة معكننة عليا الا موضوع بابا دة يلا ربنا يقومة بالسلامة
وعاما يا مروة كلهم بيقولوا اليوم جوة احسن من شهر برة وادينى بصبر نفسى
واة صح مبروك لشوشو كمان انا زعلت اوى والله انا ببص فى الليستة لقيت معادها 1/8 فرق كبير اووى والله ربنا يقويها ويقوم النونة بالسلامة

يقوم مين بالسلامه يا مسطوله انتي
باباه متوفي

لا يا هند انا اقصد بابا انا اصل بابايا تعبان ولسة عامل عملية فى رجلة

اها سوري يا حبيبتي الف لا باس عليه يارب يقوم بالسلامه