ساره افندي;15227912:
صباح الخيرررر واضح ان مفيش حد حبيت بس اطمنكم علي اخر الاخبار
امبارج رحت للدكتور قالي ولاده ان شاء الله النهارده 9 بليل بس هبقا من 7 في المستشفي تجهيز وتحاليل قبل العمليه
ادعولي بقا تبقا ساعه سهله واعرف ارضع علي طول بعد الولاده
ربنا يقومك بالسلامه ياااارب ويجعل ولادتك ساعه سهله ياااااااارب
.. Hopes;15228090:
ربنا ييسرلك الولاده ياسارة
مسك انا بفرفر من الحر والله مش قادره مش بعرف انام كويس رغم اني نايمه في وش المروحه بس بقوم حرانه اوي وعرقانه بغباء
لا انا بناام كويس يا هووبس بس وانا صاحيه الاقى بطنى بتعرق جاامد اوى
ساره ربنا يقومك بالسلامه يارب وتبقى ساعه سهله وتجيبى بيبي معافى باذن الله
ابقى ادخلى طمنينا
د
دلوعة الغالى
عروس برونزية
12-06-2011 | 05:01 PM
ربنا يرزقك ولادة سهله ياااااااااارب ياسارة وتقومى بالف سلامة انتى والبيبى يااااااارب
السلام عليكم و رحمة الله وبركاتة
المنتدى واحشنى وكل الناس واخشنىىىىى
وعليكم السلام ازيك يا لولي
ساره ربنا يرزقك ساعه ولاده سهله وتعرفي ترضعي البيبي ع طول
فله وايمي وميوش وكل البنات اززززززيكم
اووووووووووووف اول ماادخل تختفوا ولما امشي الاقيكم كلكم دخلتم
سلام انا قايمه
هوبس انا كنت حاقولك نفس الكلام اللي قالته قطقوطه للاني مريت بنفس الموقف بتاع الماتور ده وانا في بيت اهلي قبل الجواز ,,وبرضه كان واحد عنده 4 شقق ,,قاعد في شقتين فاتحهم على بعض والاتنين التانيين مجوز فيهم بناتهم يعني مش فقير ولا محتاج بس هي غتاته وتناكه وخلاص ,,,وماما ساعتها كانت تعبانه شويه وانا اللي اتصدرت في الموضوع وقلت لبقية الشقق ان حصة الاربع شقق دي تتوزع علينا ونركب في شققنا مفتاح للموتور ونتجاهله ولما لاقانا عملنا كده بقى يلف علينا واحد واحد علشان يركب مفتاح للموتور وكل واحد فينا يبعته للتاني وطلعنا عنيه علشان يبقى يحترم نفسه
كيتي شكرا كتير على ردك ياحبيبتي وان شاء الله انزل اشوف وادعبس على حاجه حلوه لجوزي وربنا يوفقني بقى
بجد انتو بقيتو كسلانين اووووووووووووووووى
اه ابقفى روحى الالمهات كلهم هناك
بجد صعب اوي ان الواحده تبقى زوجه وست بيت وحامل في نفس الوقت :hysterical::thumbs_down: الحمل لوحده بيدمرها يبقى المفروض تاخد اجازه من ادوارها التانيه لحد ما ربنا يتوب عليها وتولد وتفوق ,,مش كده ولا ايه ياجدعان :!!:
هههههههههههههههه عسل يا نور انا معاكي والله
بنبونه انا تعبانه اوي ,,,قمت اصلي الفجر لقيت منظر البيت بشع ومبهدل فروحت متشملله وشمرت وجيبت البيت عاليه واطيه من الساعه 5 الفجر ونضفت تنفيضه ولا تنفيضة العيد....ولسه مخلصه من شويه بس ضهري ورجليا واقفين بجد وبيوجعوني اوي وفجأه الحموضه قامت عليا جامد بدون مقدمات وروحت مرجعه ,,,استنيت شويه وروحت شاربه نعناع ولقمه بجبنه علشان معدتي تشتغل عليها ....بس بجد تعبانه اوي,,,,هو ده طبيعي علشان نضفت البيت ولا ايه؟؟؟
ألف سلامه عليكي يانور
والله عندك حق انا برضو الشقه عندي عاوزة تترتب كويس وتتكنس بس مفيش طاقه خااالص
صباح الخير يابنات عاملين اية
حد يعرف اخبار غن سارة
ازيكم ياحوامل
نور اه اكيد طبيعي لان الحمل فعلا بياخد طاقه كبيره مننا وبيهد حيلنا م الاخر
انا كنت بقوم غصب عني ارتب الشقه واعمل الغدا واغسل الهدوم وانشر كان بيطلع عيني
يعني من ساعه ماسافر جوزي وانا مريحه بقى بس قبل كده كنت بتعب فعلا وخصوصا انه قعد معايا اصعب 3 شهور ال هما اول 3 شهور
انتي قسمي وقتك ومش تشتغلي كله مره وحده انا كنت كده اقوم ع البيت اخلصه كله ف وقت واحد
بس كده هتتعبي اكتر واعملى اول بأول عشان مش يتراكم عليكي وربنا يعينا ويعينك يارب