شات حوامل مصر وتجهيزاتهم للبيبي لشهر رجب

انا لو صورتى وصوره رورو يبقى هبروزها بس عشان بنات اللى هيعملولى الموضوع ده
اما لو على مج او مخده فهتبقى رورو لوحدها مش هنفع معاها
يعنى حلوه الفكره ديه ولا ايه

اه دماغ جوزى تتقبل اى حاجه هههههههههههههههههههه
بس مش هينفع اطبعها لانى منتقبه ومعرفش حد بيعمل الحجات ديه تكون بنت كله رجاله

قوليلي بتعملى عجينه البيتزا ازاى

kitty_kity;15211862:
حلوة الفكرة الي بتقوليها يامسك
اعملي كدا
صورتك وصورة رورو واعمليها على مخدة او مج او برواز وابقي سيبيهاله
ربنا يخليكم ليه :)

او مخده فعلا ظريفه
مش بحب الطباعه علي المجات الصوره مش بتبقي باينه

انا مش قادرة انزل ياهند والله مكسلة وزهقانه والجو الحر ده مفرهدني
ده انا قاعده جوه التكييف ولابسه من غير هدوم هههههههه

مسك...فكرة حلوة والله اعمليها

mesk_2005;15211911:
اه دماغ جوزى تتقبل اى حاجه هههههههههههههههههههه
بس مش هينفع اطبعها لانى منتقبه ومعرفش حد بيعمل الحجات ديه تكون بنت كله رجاله

قوليلي بتعملى عجينه البيتزا ازاى

امممممممممممم
مش عارفه اسالي يمكن تلاقي حد


بصي بالنسبه لعجينة البيتزا : المقدار ده بيعمل صينيه كبيره وصينيه صغيره

4 كوبايات دقيق ومعلقتين كبار خميره فوريه ومعلقه صغيره سكر ورشة ملح علي بعض وبعدين عليهم تلت كوبايه زيت وكوبايتين ونص لبن بس انا بقي بحط كيس لبن بودر ومايه دافيه كبديل لو مش عندي لبن
بس وبعجنهم مع بعض طبعا ممكن ما تحطيش مقدار الميه او اللبن كله مره واحده لان نوعية الدقيق احيانا بتختلف وبتحتاج كميه اقل فا حطي واعجني لحد ما تطلع عجينه مظبوطه بس اهم حاجه في عجينة البيتزا العجن الكتير
وسيبيها تخمر

بنات انا ف نص التاسع اهو وماحسيتش ولا مرة بتفاسيح الولادة دي
كتير بطني بتوجعني بس مش وجع الي زي الطلق
ولا كدا
لا بيبقى وجع من حركتها هي اكمنها بقت محشورة جوه ههههههههههه او وجع ف رجلي من الضغط عليها
انما الوجع الي شبه الطلق ده ولا مرة جالي
هو كدا يعني ايه مش هولد ف سنتي دي ولا اييييييييييييه

kitty_kity;15211932:
انا مش قادرة انزل ياهند والله مكسلة وزهقانه والجو الحر ده مفرهدني
ده انا قاعده جوه التكييف ولابسه من غير هدوم هههههههه

مسك...فكرة حلوة والله اعمليها

والله يا بنتي عارفه هو الجو حر فعلا انا النزول بالنسبه ليا بقي عذاب وتقريبا ما بتقش انزل بالنهار نهائي
وانا والله لابسه من غير هدوم

ما تقلقيش يا كيتي انا مش عايزه اخوفك
بس انا مامتي في اخويا
وخالتي في ابنها
فضلوا كده لحد اخر التاسع وممكن يومين ولا تلاته في اول العاشر كمان لحد ما ولدوا

اهيء
عاااااااااااااا
مامتي شكلها دعت بذمة اوي
اصلها بتمتحن وهتخلص امتحانات يوم 2-7
فبتقولي يارب تولدي بعد ما اخلص عشان النونه تبقى خدت حقها ع الاخر وماما كمان تكون خلصت

ههههههههههههههههه
واضح ان ابواب السما كانت مفتوحه

مامتك بتمتحن ايه ؟

ميرسي ياهند على الطريقه مااتحرمش منك

كيتى ان شاء الله خير ياحبيبتى انا مبحبش حد يقولى كده فى وشي انه مش بيحس بحاجه زي ماكنت كده بس سعات كان بيجيلى وجع جامد فى الظهر والبطن مع ان حركتها كانت ضعيفه جدا عمرها ماشاطيتنى ههههههههههههههههههههه بس لما جت بقى يالهوى على الفرك اللى هى فيه مش همدانا هههههههههههههههه ربنا يهديها
ان شاء الله تحسي وتولدى طبيعي ياااااااااااااااااااااارب ولو ولدتى قيصري لا قدر الله يارب ماتتعبى زي ماتعبت كده

ياسلام ياكيتى لو تولدى يوم عيد جوازك هيبقى حلو اوى

العفو يا حبيبتي

حرام عليكي يامسك عايزاني اقعد لحد 3-7
عاااااااااااااااااااااااااااا

يابنتي انا عايزة اولد حالا
انا زهقت وتعبت بجد

هند ماما بتمتحن دبلومة ادارة مستشفيات
ربنا معاها...

كان نفسي قوي انا يا مسك اولد يوم عيد جوازي
بس انا هخلص التاسع ان شاء الله يوم 12
وعيد جوازي يوم 18/11
فا صعب اتاخر كل ده ولا ايه ؟ ههههههههههههههه

ايه اللي اسوأ من ان خطيبتك تبعتلك رساله تقولك..

"احنا مش هينفع نكمل مع بعض "
؟؟
-
-
...............-
..!!
-.
..
.".
.
.
.
.
.
.
.
-
-
-
انها تبعتلك رسالة تانية بعديها تقولك فيها }

سوري الرسالة اللي فاتت ماكنتش ليك
!!!!!!!!!!!!

ازيكم يا بنات عاملين ايييه

اها ربنا يوفقها يا كيتي يارب

لا ان شاء الله تولدي قريبا وتقومي بالسلامه يا قمر

وبعدين يامسك لو ولدت ف نفس ميعاد جوازي كدا هتتاكل عليا هديتي صح هههههههههههه هتضيع بقى ف زحمة عيد ميلاد النونه وبتاع واروح انا ف الرجلين

حد فيكم بيكره العطس زيي؟؟

ام عمر افندى;15211982:
ازيكم يا بنات عاملين ايييه

ازيك يا جميل منوره

kitty_kity;15211983:
ايه اللي اسوأ من ان خطيبتك تبعتلك رساله تقولك..

"احنا مش هينفع نكمل مع بعض "
؟؟
-
-
...............-
..!!
-.
..
.".
.
.
.
.
.
.
.
-
-
-
انها تبعتلك رسالة تانية بعديها تقولك فيها }

سوري الرسالة اللي فاتت ماكنتش ليك
!!!!!!!!!!!!

هههههههههههههههههههههه جامده