شات حوامل مصر وتجهيزاتهم للبيبي لشهر رجب

عليكم السلام ورحمة الله ازيك ياشوشو

رحتي لدينا ولا حاجة؟؟ ازيها وازي يوسف عامل ايه
ربنا يبارك لها فيه وعقبالنا يارب
طبعا انتي حاجزاه لبنتك من حالا صح؟ ههههههههههههه

ههههههههههه والله فعلا الواحد مش عاجبه حاجة

دلوقتى عملت زى نبض جامد فى بطنى من فوق


وعليكم السلام ياشوشو

مروة هى الراس بتنزل الرحم فعلا فى التامن ولو صح طيب بنحس بيها ازاى والحركة بتبقى فين

اه طبعا يامروتى روحتلها دى حبيبت هارتى هى ويويو هما بخير بس يويو الصفرا عنده عاليه وبتعانى من موضوع الرضاعه مش بيعرف يرضع وهى مش عارفه تتعامل معاه وتعبت من الموضوع ده ادعولها

ربنا يوسع رزقه فى الرضاعة يااااااااااااارب وان شاء الله الصفرا تروح يااااارب ويباركلها فيه
ابقى سلملى عليها كتير ياشوشو

اه حجزاه لبنتى بس هو يجهز نفسه من دلوقتى ربنا يحمهلها ويخليهلها ويطرح فيه البركه ويكبر

ايمي الراس بتنزل ف الحوض ف البكرية ممكن من اول التاسع
قبل كدا بيبقى غلط تنزل...عشان كدا لو الدكتورة قالتلك انها نازلة ريحي عشان ماتدخليش ف ولادة مبكرة لا قدر الله
انا الراس عندي تحت من السابع :)
بس ماكانتش نازلة الحوض اوي فالدكتورة قالتلي خدي اجازة ماعرفتش فبقيت اروح امضي واجي...
دلوقت بقى قالتلي الراس نازلة بس مش اوي فامشي كتير عشان نخلص...ربنا يسهل


شوشو..ربنا معاها يارب وربنا يوسع رزقه ويسهلهوله يارب وعقبال نونتك كدا
الي ماوريتيناش حاجتها :)

اااااااااااااااامين يا ايمو انا بقى بنتى ماطلعتش فوق حركتها كلها تحت وف النص التحتانى من بطنى كده ربنا يسر الحال ونكمل على خير انتى بنتمك يا ايمى اد ايه دلوقت ف الوزن

خلاص خلي دينا تبدأ تحوش له من حالا هههههههه يادوبك يجهز نفسه

لا يامروة انا قرات كده على النت فستغربت بصراحة

انا لسه مروحتش للدكتور فى التامن قولت لما ابقى فى نصه كده اروح

ربنا يرزقنا كلنا ولادة سهله يااااااااااارب

صحيح انا مش بعمل اى حاجة للنبيلز المفروض اعمل ايه معلش تعبتك

ازاى يامروتى مش شوفتيها على الفيس وبعدين مش مصوره كل الحاجات اصلى بليده ف التصوير هههههههههههههه

انا دلوقتى ياشوشو فى بطنى من فوق حسيت حاجة بتشد بطنى لجوه مش عارفه ايه ده بس كنت بحس كده بردوا الايام اللى فاتت

الدكتور بتاعى لما بساله على الوزن يقولى كويس وخلاص مش بيرضى يقولى هو الدكتور بتاعى عنده كل حاجة كويسه وعادى وطبيعى ههههههههههههههه

بس افتكر لما قرات السونار كان الوزن كيلو و250 حاجة كده

ايمي
الراس مالهاش علاقة بمكان الحركة الى حد ما لان في ايدين ورجلين بتتحرك
يعني انا عندي ساعات احس بحركة فوق تبقى رجليها
وساعات بتخبطني بركبتها
وساعات بحس بحركة تحت تبقى ايدها نفسها هههههههه

النيبلز المفروض تدهنيها حاجة مرطبة ممكن كريم مخصص لكدا زي بانثينول او بيور لان او بالمرز
او زيت زيتون
وتعمليلها مساج تشديها لبره كدا بالراحة
بس مش تعصريها او تضغطي عليها يعني
بس ماتكسليش زيي اديكي شايفه كله بيقول الرضاعة معاناه

شوشو انا شفت الحاجات اه بس كنت بحسبك نزلتي صور تانية ومش وريتهالي :)

ده سالوبيت ماركة بيابيون



وده البورت



اايه رايكم

مروتى بالنسبه للرضاعه الدكتور قالى خالى تدليك الثدى اول التاسع علشان مايحفز الرحم على الولاده
اه فيه كام حاجه جديده صورتها امبارح معلش الزهايمر

ايه ده يامروة واعرف ازاى اذا كان دى رجليها ولا ايدها ولا ايه هههههههههه

انا مشكلتى انى كسلانة اوى فى كل حاجة

ايمي ماشاء الله عسولين اوي
الاسعار ياوزة :)

شوشو... انا كنت بعملها من قبل كدا بس من غير ما اشد يعني ترطيب بس بحيث الجلد ده مايبقاش ناشف او مشقق
دلوقت بشدها شوية لبره بس بالراحة كدا ووهي عليها الكريم عشان مش توجع

جميل خالص ياايمو جبتى البورت بكام

السالوبيت ب43.5

والبورت ب80

ايه رايك فى الاسعار يابطه :D

مش لازم تعرفي ياايمي انا عرفت من السونار ومن مكانها يعني بعرف احدد مكان الضهر واتجاه جسمها كنا واخدينه ف الكلية
بس مالوش قيمة اوي يعني :) اهو اي لعب والسلام