انوار بعد عمري
..........
انا بخير واليوم سوت عمليه الاء على فتق الي بمعدتها من الساعه 6 الفجر واحنا بالمستشفى لساعه 1 الظهر تقريبا وربي يحفظ عيالكم وعيالنا من كل شر يارب....
قبل لاندخل كانت اكو اجرائات تسويها النيرس تسئل عن التاريخ الطبي للمريض وبعدين تقولنا شنو العمليه وشنو ممكن يصير ومن هالكلام من الاشياء المحتمله وظايقتني انه ممكن البنت تفقد ذاكرتها مدت ساعه او نص ساعه تقريبا واهو نسبه قليله 30% انااا قلت لبوها اخاف ماتذكرنا موووليه ههههه ههه
8:45 دخلت غرفة التخدير وانا كنت معاها الدكتور قال منو يدخل قلت انا ادخل ورحت معاها بس قبلها عطوها ماده تخليها ريلاكس على قولتهم بس البنيه اي ريلاكس قامت تشي وطق راس بطوفه دااايخه قالي الدكتور لاتخلينها تمشي ممكن تطيح على راسها تاذي عمرها لان ماعندها توازن بعد عشر دقايق دخلت معاها لغرفة التخدير وحاوليو يلاقون عرج بايدها مالقووو واستخدمو الكمام وتفنست وتنفست ونامت بعد عمري والممرظه قالت يله طلعي بره انا حبيتها ودمعة عيني بعد عمري من غير شر اسم الله عليها حسيت خليت روحي وراي والله صج العمليه سهله وعاديه وماتخوف بس شقولكم المنظر يعني شوي عور قلبي مخليه بنتي واري ومخدره بعد روحي والله وقلت لنيرس بليز ديري بالك عليها لاتطيح من السرير هههههه <<<يحلييييلك خوووش وصيه
قالت لاتحاتين احنا بنرعاها وندير بالنا عليها
قالو من 25 الى نص ساعه العمليه وانتظرت بغرفة الانتظار بعد اكو ناس منظره الي يقرى مجله والي يطالع تلفزيون والي يسوي شات على الموبايل بس ام الزووووز رايحه راده مسويه لهم ارق ههههههههه مسويه فلم مصري بالغرفه هههههه حتى ابو ياسر قال قعدي شكل الريال الي مناك بقوم يكفخج هههههههه لاني صج صج توترت عدت نص ساعه ومانادوني لين صارت ساااعه كامله خفت سئلتهم شنو في قالو للحين ماقامت من البنج والله خفتت وااايد عليها بس بعدها بربع ساعه نادوني كانت توها قاعده والاهم اول ماشفتها قلتها انا منووووووو سااكته خترعت قلت لها وين ماما قالت هاااااذي ههههه وهي تاشر علي فرحت وبسته وشميته من قلب حسيت توني قدرت اتنفس ....
بعدها حولوها لغرفة الملاحظه وكل نص ساعه يجيكون عليها الى ان صارت الساغه 12 طلعنا ووصلنا الساعه 1 الظهر ونامت من الساعه 2 الى الساعه 8 بليل .....
