رابطة امهات واطفال مصر لشهر رجب

عايزة اقولك على حاجة بجد
الدكتور بتاعى لما سالتة على نوع الولادة طبيعى ولا قيصرى قالى الموضوع دة اساسا لية علاقة بالحلال والحرام فى الاول وان 90 فى المية من الدكاترة بيحبوا القيصرى عشان اغلى والله قالى كدة بالظبط
انا معرفش دكتورتك نظامها اية بس الدكترو بتاعى معروف عنة انة بيجيب من الاخر وشهرتة يعنى فى الطبيعى اكتر

لية متكنش دكتورتك كدة او انتى ممكن تولدى طبيعى عادى بس هى بقا عايزة تعمل بطلة و7 دكاترة فى بعض وولدتك طبيعى باعجوبة والله كل شى فى الزمن دة جايز

انا اختى الحبل السرى كان لافف على البيبى ورغم كدة قالتلها لو عايزة طبيعى ماشى لو قيصرى ماشى رغم ان الكل بياكد ان الحالة دى مينفعش فيها الا القيصرى كانتالدكتورة بتستعبط اساسا رغم انها والله دكتورة كبيرة جداا وعيادتها فى جامعة الدول واستشارية وبتاع

والله يامي انا لما قريت الكلمة الي انتي كاتباها كنت هعيط فعلا
انا بجد محتاجة كدا
احط راسي على كتف حد وافضفض
المشكلة اني مستنية ده من حد معين...والحد ده منفض بشكل بشع اليومين دول
بجد حاسة اني هطلع من اليومين دول بجرح جامد اوي ف مشاعري معرفش هيلم امتى

اه يا سيس وانا كتفى مش كفايه مناشي
بكره تندم يا فاروق

لا هي دكتورتي انا رايحالها عشان زي دكتورك كدا
معروف انها بالها طويل اوي ونادر لما تولد قيصري
انا حتى بقول لماما لو اتاكدنا ان مفيش امل ف طبيعي مش هولد معاها قيصري لانها مش بتعمله كتير فممكن تكون مش واخدة عليه ومش شاطرة فيه
وكمان انا سألت دكتورين استشاريين تانيين :)
كله قالي اولا مدام الراس لسه مانزلتش وانتي خلصتي التاسع يبق صعب تنزل ممكن تكون عضلات الرحم ضعيفه ومش بتنقبض بشكل كافي انه ينزلها...وبكدا يبقى اساسا مش هتسعفك ف ولادة طبيعي
ثانيا لو الراس نزلت والوضع كدا لو عايزة تجربي تولدي طبيعي ممكن بس اكون عاملة حسابي انها هتبقى صعبة بالذات لو البيبي حجمه كبير او راسه كبيرة لان فتحة الحوض ضيقه كعضم وكعضلات
العضلات حلها انها بتتقطع بالفتحة الي بيعملوها دي
لكن العضم مالوش حل :)

لا كفايه طبعا يامي هههههههه اكيد كتفك احلى طبعا ومقلوظ وحلو هههههههههههههه

كيتى هقولك على حاجه عشان تستريحى فى حياتك عامه
متستنيش من انسان معين رد فعل معين لانك لو عملتى كده هتتعبى اوى
انا كنت زيك كده لغايه ما بطلت الموضوع ده وبقيت انفض واقول احاسيسنا مش زى بعضها ولا ردود افعال الناس كلها المفروض تكون زى ما انا متوقعه
واحنا هنا برده كلنا اخواتك يا حبيبتى فضفضى معانا
ولا احنا مش ماليين عينك :)

بس ياتوتي ده مش اي حد
ازاي لما اكون محتاجه انسان المفروض انه اقرب الناس ليا مالاقيهوش
هو في حاجة شاغله باله فواخداه تماما ومش قادر يفكر غير فيها
وانا ده مزعلني اوي لاني حاسة ان المفروض اكون اول واهم حاجة بيفكر فيها دلوقت
ويكون حاسس بيا اكتر من اي حد تاني

ههههههههه
اه يا مقلوظ انتى


بنات هى بسبس ام عمر فين؟؟؟؟؟؟؟؟ قلقانه عليها اوى

وايما ن دموع اشتياقى

فكك يا كيتى من حوار جرح ومش هيلم وحد معين والكلام دة
لو الحد دة على حسب ما فهمت يعنى جوزك بجد اعذرية بيبقوا خايفيين بس لجوا ومش بيبينوا خالص والله زى ما حكتلكوا فى شات الحوامل من يومين لما نفخت فجاة كدة وضغطى على بقا هيتجنن ومش عايزنى اولد خااالص واتعصب عليا والله فى الاخر ونكد عليا ومسبنيش الا لما قعد اعيط

كيتى بصى عشان تبقى عارفه معظم الرجاله one way يعنى مش بيعرفو يفكرو غير فى موضوع واحد بس
مش احنا يا عينى نبقى مولعين ع الاكل ومشغلين الغساله وبنأكل العيل وممكن نكون بناكل كمان كل ده فى وقت واحد قطيعه محدش بيعيشها بالساهل :)
اضحكى وارمى همومك على الله وكفايه ان اللى خلقك عالم بيكى واحن عليكى من اى حد فى الدنيا

انا بنام على نفسي من بدري
انا صاحيه من 9 ومنمتش تانىى ونزلت عملت مشاوير كمان ورجعت على 12 وشويه

اشري ... انا النهارده كنت قاعده ع الكنبة ف امان الله
وهو قاعد قدامي بيلعب ... قمت مرة واحدة مفتوحة ف العياط
اعدت اعيط كتير
بصلي وقالي مالك
مالك
مالك
قلتله متدايقه وخايفه وكدا
قالي ياستي سيبيها لربنا...هو انتي اول واحدة
ماتشغليش بالك
وبس

وانا فضلت اعيط وكل شوية يقولي مش كفايه بقى؟
بعدها بحبه بقوله اعمل ايه؟ اروح لحد تاني ولا اعمل ايه؟؟ الي انتي عايزاه
طب انت رايك نجرب طبيعي ولا نخليها قيصري؟ لا اولدي طبيعي
طب ماهي هتبقى صعبة؟ هو في ولادة سهله؟
ماشي مفيش ولادة سهله بس دي هتبقى اصعب من المعتاد وممكن اتعب ونقلبها قيصري ف الاخر؟ ساعتها نبقى اضطرينا هو انتي هتعرفي اكتر من الدكتورة

كله كلام على اد السؤال وكله وهو بيلعب
بس انا كان نفسي اوي يخليني اتكلم معاه
خايفه ليه قلقانه ليه؟
بقيت مخنوقة اوي
بقعد بالساعات ساكتة مش بيسالني مالك ولا فيكي ايه ولا يجي يقعد جنبي ولا يطبطب عليا ولا اي حاجه
وانا مبحبش اشتكي لصحابي ولا لماما
وماما بالذات اليومين دول مش عايزة اكلمها...اول امبارح لما قلتلها الدكتورة قالتلي ايه اعدت تعيط واعصابها سابت وتعبت جدا
وهي فاضلها اخر مادة امتحان..وعندهم نظام لو اجلت او شالت لا قدر الله بتعيد السنة
فربنا معاها بقى وتخلص على خير

طب قومى نامى يا يميم
تصبحى على خير

تعرفى بئا يامروه
ان خالتى ىهى السبب انى متعلمتش الطبخ
لقتها تقولى الراجل اما تكزن مراته قايمه بواجبها كامل بيعتبر ان دا عادى والطبيعى
انما اللى بيتبغددو ويتدلعو وميتعلموشاى عمايل بيت واكل بيتدلعو وجوزهم بيستحملهم
انا مقتنعه بكدا اوى عشان شايفه نتيجه مش ان بس وكام واحده صاحبتى كدا بردو

توتي معاكي حق...احنا نستاهل جايزة الدولة التقديرية

معلش يا كيتى متضايقيش نفسك هو بس ممكن ميبقاش عارف الموضوع ده بيشغل الستات ازاى
لكن طبعا اكيد قلقان عليه يمكن بس طريقه تعبيره هى اللى مزعلاكى
لكن يا حبييبتى انتى مراته واللى فى بطنك ابنه يعنى مش ممكن ميكونش خايف عليكو
ان بس عيزاكى لو الدكتوره سيبالك انتى القرار تبقى تصلى استخاره وتشوفى ربنا هيدلك على انهى طريقه ولاده فيهم

طب يا يميم هتسافرى امتى يعنى؟

مي ... على رأي هاني شاكر
ياريتني عرفتك من زمان من زمان من زماااااان هههههههههه
اانا بقى فعلا كنت متدلعه جدا ف بيتنا...جدا
بنت وحيدة ... وف كلية عملية يعني مش فاضية اوي ... ومامتي برده بتشتغل فدايما كان عندنا حد بينضف ويعمل حاجات البيت
انا اتعلمت الطبيخ لاني حبيته

لكن لما اتجوزت اتهبلت تقريبا
بقيت عايزة احسسه اني سوبر وومن... بعرف اعمل كل حاجه... ومش بشتكي ولا المسئولية كبيرة عليا
اخدت الموضوع تحدي لان ماما كانت بتقولي انتي ماتعرفيش تفتحي بيت ولا تتحملي مسئوليته
يعني انا لحد حالا اهو واديني ف العاشر
يوميا بعمل كل حاجة البيت لا رحت عند ماما تعمللي ولا بجيب حد يعملي حاجة
عارفه بقى دلوقت بضرب نفسي بأقدم جزمة ف البيت بجد
محمد لو قالي عايز شاي وقلتله مش قادرة قوم اعمل انت ليا وليك يقولي خلاص مش عايز
وقلتله ستين مرة ان الجملة دي بتحرق دمي لاني ساعات ببقى انا عايزة ومش قادرة اقوم اعمل ..فحتى لو هو مش عايز يقوم يعمل ليا...
يقعد يهزر ويتدلع عليا وخلاص
افففففف

تشربو شاى بالنحناح؟

هههههههه معلش يا مروه ربنا مش كاتبلك تعرفينى من زمان
وللاسف مش هاينفع تقولى انك ماتعرفيش دلوئتى
انا خالتى ادتنى الدرس ومن يومها وانا بطبقه وفعلا مخلتش ماما تعلمنى اىحاجه