رابطة امهات واطفال مصر لشهر رجب

ياه يابوسي مشوار فعلا كبير
انتي عايزة ساندوتشات وكدا ولا هتاخدي اكل اكل؟

ماهو المية و العصير ممنوع تطلع الطيارة حلو الموز كنت ناسياه بس الفراخ ممكن تبوظ هخمخ كده
لا جوزى معايا باذن الله

ممنوع ليه يا بوسي؟؟
الفراخ ممكن تعمليها بانية
او تعملي ساندوتشات كفتة

هى لسة مش بتكل سندوتشات معندهاش غير 3 سنات

خايفة الفراخ تبوظ بس السوائل ممنوع تدخل الطيارة تصدقى حتى الشاور اللى بشطف بيه جودى رموه قدامى اهئ اهئ

ليه يا بوسي
بيطلعو عادي
بس علبه العصير الصغيره دي
في شنطه البيبي حطيهم
والمايه كمان ولو حد قالك حاجه قوليلهم علشان هعملها احليب من المايه

هو اصلا تبع الطيران اللي انتي مسافره عليه
يعني لو الطيران في اكل ودا اكيد والعصاير كمان موجوده اكيد يبقي اكليها معاكي وخدي بس بسكوتات ونواشف وفاكهه

تصدقي انا عماله افتي ومش واخده بالي خالص
جودي لسه ماشاء الله عندها سنة وشوية
اممم... خدي معاكي طيب زبادي مثلا...وممكن تبقي تحطيلها زبادي ببسكوت الاطفال عندنا بيحبوه اوي

هي بتاكل ايه؟

اميرة
مش الدكتور الزقرد
ابنه كان عنده 23 سنة وكان مع خطيبته
ربنا يرحمه وينتقم من اللى قتلوه

بوسى
خلى معاكى باتيهات وماية وعصاير وبسكوت
دة انتو حتقعدو كتيييييييييييير اوى
شوفى هيا بتحب ايه وكترلها منه
عايزة اقوللك تاخديلها فراخ بانيه مثلا او كفتة بس مش عارفة الجو فى الصين ايه اليومين دول
يعنى ممكن يبوظو فى الطريق ولا لا؟
وخديهلها لعبة معاكى عشان متزهقكيش

طيب اصلا هيبقى على الطياره مشروبات ولاايه ومجانى كمان صح ؟؟

الفراخ مش هتبوظ ماانتى هتاكلهالها ف وقت غدا كده لو فضل حاجه بقى بعد كده وحسيتى انها باظت ارميها
اه الفاكهه جميله اوى وممكن خوخ


عارفه ياندى مين كمان صعبان عليا بنت هانى شاكر ؟حسيت ان برده الفقداااان صعب اوى عليه ربنا يرحمها ويغفرلها ويرحم اموات المسلمين

لا مش هتبوظ الفراخ المطبوخه بتفضل بره ست ساعات وممكن اكتر بس انتى برده ماتاكلهاش الا ساعه غدا فهمانى وترمى بقى الباقى لو فضل

ربنا يسهل و حلو الزبادى و الخوخ بردوو و هجيب جربر
بس متاكده يا ام زوما انهم هيطلعو عصير؟؟ اما مصر للطيران اااه ربنا يصبرنى اسوء طيران ما عدا طبعا الطيارين ممتازين

ندددددددددددددى انتي هنا ؟؟

20 طريقة تسعدى بيها نفسك



- قم بوضع قائمة تضم أهم الأشخاص بالنسبة لك، ولتضع اسمك على رأس القائمة.
- انظر إلى الجمال من حولك فلتشاهد هذا القمر الجميل الذي ينعكس ضيّه على سطح المياه، ولتتخيل نفسك في حالة هدوء واسترخاء( برضه ممكن تغمضى عنيكى وتسترخى وتتخيلى نفسك فى مكان انتى بتحبيه مثلا قاعده على شازلونج فى الشمس والبحر قدامك والهوا بيطير شعرك وصوت الموج سامعاه هكذا)
- استيقظ مبكراً لتشاهد منظر الشروق الرائع(فى حاجات ممكن من كتر ما شفتيها ما بقاتش تمثل عند حاجة لكن بجد لو تاملتى شروق الشمس وعظمة ربنا فيه هيديكى دفعة نشاط وحيوية)
- خذ حماماً دافئاً وانس كل همومك.(مع زيت عطرى من عند العطار فى ماء الاستحمام اوعى هدوءءءءءءءءءءء)
- حافظ على صلاتك دائماً وادع الله بما تحب.(فعلا المواظبة على الصلاة والدعاء مع اليقين من الاستجابة لامثيل لها وشعور براحة البال)
- ابق في فراشك لمدة نصف ساعة بعد الاستيقاظ من النوم؛ حتى تستعيد نشاطك.(مش اقول ما تصحى تقومى علطول ياه على الارف بقى والخنقة اللى بتحسى بيهم صح ادى لنفسك فرصة تفوقى)
- اذهب إلى الأماكن المفتوحة، ولتذهب إلى الأماكن المثيرة(الجناين والملاهى وكده اوعوا تفهموا المثيرة دى غلط هههههههههه
- ادعم الحس الفكاهي لديك بقراءة الكتب المضحكة والمرحة.
- اقضِ يوماً كأنك سائح في بلدك، وشاهد معالمها بعين السائح. (بس لما الدنيا تهدى ويفتحوها )
- أمض الليل في مشاهدة البرامج التليفزيونية المضحكة التي تذكّرك بالأوقات السعيدة في حياتك.(زهقنا من الجزيرة والعربية وbbcخشوا بقى شوية على موجه كوميدى )
- حل الكلمات المتقاطعة حتى تشغل نفسك عن التفكير في المشاكل. (ده اذا عرفتى تحليها)
- النظافة واحدة من أفضل الطرق للشعور بالبهجة، قم بتنظيف خزانة ملابسك والتبرع بملابسك القديمة للفقراء؛ فإن العطاء أيضاً إحدى أفضل الطرق للشعور بالابتهاج.
- ارسم ابتسامة عريضة على وجهك؛ حتى وإن لم تكن تشعر برغبة في ذلك. (تبسمك فى وجه اخيك صدقة)
- توقف عن تناول الطعام بشراهة في أثناء مشاهدة التلفاز. (المضغ ثم المضغ ثم المضغ)
- أمض خمس عشرة دقيقة يومياً لتتعلم فيها لغة أجنبية تمنيت أن تتقنها.
- القراءة، القراءة، القراءة؛ فإن قراءة الكثير من الكتب قد يساهم بشكل كبير في نجاحك في حياتك.
- اطلب هدية لنفسك من أي كتالوج عن طريق البريد وانتظر قدومها إليك.(بس اوعى يضحكوا عليكى)
- تناول العشاء في مطعمك المفضل الليلة ولا تنتظر مناسبة خاصة حتى تتناول طعامك فيه. (ان شاء الله حتى كشرى من عند ابو طارق او التحرير
- أعط لنفسك زهرة كل شهر، حتى ينتهي العام فتكون معك مجموعة رائعة من الأزهار الجميلة. مش عارفه دى غريبة هو هيفضلو عايشين يمكن اصدقوا مجفف
- إذا كنت تشعر بالأرق ولا تستطيع النوم؛ فقم برشّ بعض العطور على وسادتك سيساعدك هذا على النوم السريع. خخخخخخخخخخخخخخ
قولنا بقى انتى ايه الطرق اللى بتخليكى سعيدة

هههههه انا عمري مابعرف احل الكلمات الزفتة دي فعلا

روفة
والله بقول انا صاحية بدرى حروح اكلمك وبعدين افتكرت انك عندك امتحان
ابعتيلى رقمك بقى
ههههههههههه

يتصفح الموضوع حالياً: 2 (2 من الأعضاء و 0 من الزوار) ‏بناتى حياتى, ‏رووفة+


روفتى صباح الخير
وحشششششانى

مووها عاملة ايه يا حوبي وانت والله
ومش بفتح الياهو عشان ياكل الوقت
ازيك وازي البنات


نددددددددددى
اعملي ريفريش

الحمد لله كويسين كلنا

ربنام عاكى
اخبار المذاكرة والامتحانت اية

ايه دا هي بنت هاني شاكر مات كمان
مات ازاي وامتي ومين اللي موتها
انا اصلي مش بتابع الاخبار قوي زهقت وبطلت بقيت اسمع من ماما علي خفيف
اصل ماما ماشاء الله عليها مبتسبش من قناه لقناه اخباريه ههههههههههه
اصلها ثورجيه ههههههههههههههههه

مين هنااااااا