manyaa;15240252:
مش عارفة الكمبيوتر بتاعي ماله مش عارفة اتصفح و اقرا اللي فاتني
هدى و امونة .. انا سايتوتيك ده بيعملي مغص رهيب جدا ما بستحملوش.. اول ما اخدته نزلت مني قطع دم كبيرة كدا و بعد كدا ما نزلش حاجة.. امبارح دخلت المستشفى و خدوا مني عينة دم عشان يعملولي تحاليل .. و بعد ما دخلوني الأوضة بتاعتي جت الدكتورة كانت مصرية بس شكلها بطيخة شوية و حسيتها مش فاهمة .. و قعدت تقرا الكلام اللي الدكتور كاتبه يشرح فيها حالتي .. لقيتها مش فاهمة و بتسألني يعني ايه دي؟؟ و شاورتلي على اختصار الحقن المجهري بالانجليزي.. ففهمتها و قعدت اشرحلها اللي حصلي و كدا لحسن تكتبلي حاجة تبوظ الدنيا.. و قلتلها المفروض حاخد لبوس عشان يفتح الرحم و كدا .. المهم راحت كشفت علية من تحت و دبت صوابعها جوة وجعتني اوي.. و ده عشان تقيس و تشوف الرحم مفتوح وللا مقفول... زي ما بيكشفوا على الحامل قبل الولادة كدا.. الصبح برضه جه دكتور اللي حيعملي العملية و قام دابب ايده يشوف الرحم فتح وللا لأ و خدت لبوس تاني و الرحم مش عايز يفتح و مفيش دم و لا مغص خالص و هو مستغرب انه مفيش مغص و لا دم.. كان نقطة دم بس وللا حاجة لكن مش كتير.. المهم قالي احنا نعمل سونار تاني جايز البقايا اللي جوة تكون نزلت او اتحللت.. المهم دخلوني اوضة السونار و كان فيه حوالي 7 دكاترة ستات و رجالة .. بيعملوا زي كونسلتو على كل الحالات قبل ما يدخلوا عمليات سواء ولادة او قيصري او تنضيف كدا يعني.. و عملوا السونار و لقيوا ان الحمد لله الكتل اللي كانت موجودة في الرحم بدل ما كانت 2,5 سم بقت 8 ملم بس.. فالدكتور الكبير بتاعهم قال مش محتاجة عملية كحت كان واحد مصري.. .. و كل ما اقول لحد على السايتوتيك يقولولي لأ دا قديم و بيوجع البطن بلاش منه . اكتر حاجة بهدلني انهم يكشفوا الرحم مفتوح وللا مقفول.. يا لهوييييي... كرهت نفسي مووووت.. ماكنتش اعرف انه حيحصلي كدا...كنت بفرفص تحت اديهم و جوزي لما حكتله اتغاظ اوي... لدرجة انه بقى مش عايز لا علاجات و لا دكاترة و لا غيره صعبت عليه .. بس و الحمد لله بقى طبعا كنت صايمة فجابولي الفطار و نيموني في الاوضة لحد الظهر و غدوني و ادوني العلاج .. و كتبولي على خروج و الحمد لله ما عملتش العملية.. بس اول ما خرجت من المستشفى المغص رجعلي تاني... و اخدت 2 بنادول و نمت بقى و دلوقتي كاتبنلي على دوا اسمه ميثيرجين methergin و ربنا يكرم كدا و الرحم ينضف خالص.. اه و خليت الدكتور يطمني على المبايض في كيس عليها وللا حاجة فقالي لأ مافهاش غير التكيسات.. قلتله لأ دي من الاول.. مفيش حاجة خطيرة و كدا.. قالي لأ مفيش.. و حاخد بقى المضاد الحيوي و الادوية اللي كاتبنهالي و ربنا ييسر الحال يارب.. على الأقل اطمنت اني مش محتاجة كحت...مع ان امبارح سبحان الله كانت باينة في السونار البقايا من الحمل ...بس ربنا كريم ..قبل ما ادخل المستشفى قلت دعاء الاستخارة .. و ربنا قدر اني ما احتجش عملية الحمد لله..
يا حبيبتى يا مانيا ربنا يجعله فى ميزان حسانتك و يعوضك خير يا رب الحمد لله انك مش احتجتى العملية باذن الله تبقى كويسة خدى بالك من نفسك بس و ربنا كريم ان شاء الله
انا مرة رحت لدكتورة ست حطت ايدها برضه كده معرفش ايه السبب بصراحة باين كانت بتقول بتشوف الالتهابات قمت مصوتة فى وشها و الست دى كانت سبب فى انها عملتلى عقدة من دكاترة النسا الستات لانها حطت ايدها كده و كانت اول مرىة اعمل السونار المهبلى و معرفتش تعملهولى من كتر الوجع هى نجحت فى انها تعملى عقدة من الستات بس