شات منتظرات الحمل وامهات المستقبل القريب باذن الله(بنات مصر)لشهر رجب / يونيو

زهقانة قوي و عايزة انام و عندي ملل فظيع

د\امونة;15214038:
سبحان الله كنت لسه بقول لمها على القرفة والجنزبيل والليمون لقيت هدى سبقتني , كويس ياهدى انك اكدتيلي المعلومة عملي

سلامتك يا اموووووونة :) خليك جامد كده عشاااان لسه بدرييييييي :)طب ليه كل ده ماروحتش للدكتورة اليومين دول تطمني كده على نفسك؟؟؟؟

RAINBOW2000;15215254:
مها الكلية بنين كدراسة بس هى فعلا فيها جيم للسيدات ممكن تشتركى فيه بعد الظهر مش وقت الدراسة على ما اعرف يعنى انا كنت بفكر اشترك فيه اصلا بس جوزى كسر مقاديفى و قالى مستواها هيبقى مش اد كده بقالى فترة عاوزة اروح اشوف بنفسى هو انت ساكنة قريب منها يا مها

انا يا ستي مش جنبها ولا حاااجة انا في المريوطية هرم بس عاوزة اروحها عشان حاجة حكومية وانا عاوزة حاجة امان في ظل الوضع الراهن:D...وكنت قريت شوية كلام كده عنها عالنت ان فيها قسم للسيدات وكمان فيها تراك ممكن نعمل فيه اشتراك شهري
بس فإن شاء الله هاحاول اروح اسأل عليها يوم السبت واشوف ايه النظام ياريت نشجع بعض هو انتي اسمك اصلا ايه؟؟؟؟؟

وزنت نفسى النهاردة لقيتنى خسيت 2.5 كيلو فى 12 يوم

يعنى خسيت فى تلات اسابيع 3.5 كيلو

تحفة يا سارة ماشاء الله
طب خسيتي ازاااااااااااااااااي

@ green apple @;15217163:
وزنت نفسى النهاردة لقيتنى خسيت 2.5 كيلو فى 12 يوم

يعنى خسيت فى تلات اسابيع 3.5 كيلو

حلو ياسارة مش وحش انتي بقيتي كام دلوقتي وطولك كام

مبروك يا سارة الخسسان يا مززة

بصو انا كنت 90

وطولى 170

دلوقتى بقيت 86.5

مش بتعشا غير شاي بلبن بمعلقة سكر

وبفطر شاي بلبن بمعلقة سكر ومعاة بقسماط او فايش

وباخد سيدوفاج بعد الفطار

وبقلل فى الغدا

ومقللة السمن والزيت والسكر والكلام دا

وباكل اما مغرفة رز واحدة بس مش مليانة او نص رغيف عيش او حبة مكرونة المهم انى مش اشبع واكمل اكلى سلطة

@ green apple @;15217193:
بصو انا كنت 90

وطولى 170

دلوقتى بقيت 86.5

مش بتعشا غير شاي بلبن بمعلقة سكر

وبفطر شاي بلبن بمعلقة سكر ومعاة بقسماط او فايش

وباخد سيدوفاج بعد الفطار

وبقلل فى الغدا

ومقللة السمن والزيت والسكر والكلام دا

وباكل اما مغرفة رز واحدة بس مش مليانة او نص رغيف عيش او حبة مكرونة المهم انى مش اشبع واكمل اكلى سلطة

حلو اوي كده ربنا معاكي وتوصلي للوزن اللي انتي عايزة

بناااااااات عاوزين تتسلوا شوية
خشوا على الصفحة بتاعة جوجل لذيييييييييييذة اوي والله
بس ماتقولوش عليا عيلة:D:D

قرات خبر وجيت جرى علشان ابلغكو عسى ربى ينفعنى وينفعكو بيه

يرغب جميع الناس فى البحث عن وسيله فعاله وامنه لاستعادة الرشاقه حتى يستطيعوا التخلص من الاثار السلبيه للسمنه من ارتفاع الضغط وزيادة الكوليسترول فى الدم وخشونة والام المفاصل بالاضافه الى الشعور بالضغط والاجهاد من اقل مجهود وقد اكتسبت اقراص خلاصة الشاى الاخضر درجه عاليه من الاهتمام العالمى وذلك لنتائجها المبهره فى انقاص الوزن الزائد والتخلص من الدهون المتراكمه فى مناطق البطن والفخدين
نتيجه للتاثير الفعال لاقراص خلاصة الشاى الاخضر فى زيادة حرق الدهون من القناه الهضميه بالاضافه الى تقليل الشهيه الى الحد الطبيعى ولذلك اصبحت صورة الرشاقه مرتبطه باقراص خلاصة الشاى الاخضر بعد عدة سنوات من استخدامه وشعور كل من يستخدمه بالسعاده عند الوصول للوزن المثالى ولذلك ينصح الاطباء بتناول اقراص خلاصة الشاى الاخضر قرصين قبل الافطار بنصف ساعه
وعلى فكره انا سالت عليها ولقيتها متوفره فى الصيدليات 12 جنية العلبة 20 قرص بتاخدى قرصين قبل الفطار بنص ساعة
يلا ماتنسوش تدعولى على المعلومه المهمه

maha211;15217208:
بناااااااات عاوزين تتسلوا شوية
خشوا على الصفحة بتاعة جوجل لذيييييييييييذة اوي والله
بس ماتقولوش عليا عيلة:D:D

مها انا شوفتها امبارح بليل وكل مابقي زاهقانة افضل العب فيها هههههههههههه والله جامده اخر حاجة :D

سكتو لية

maha211;15217144:
سلامتك يا اموووووونة :) خليك جامد كده عشاااان لسه بدرييييييي :)طب ليه كل ده ماروحتش للدكتورة اليومين دول تطمني كده على نفسك؟؟؟؟



انا يا ستي مش جنبها ولا حاااجة انا في المريوطية هرم بس عاوزة اروحها عشان حاجة حكومية وانا عاوزة حاجة امان في ظل الوضع الراهن:D...وكنت قريت شوية كلام كده عنها عالنت ان فيها قسم للسيدات وكمان فيها تراك ممكن نعمل فيه اشتراك شهري
بس فإن شاء الله هاحاول اروح اسأل عليها يوم السبت واشوف ايه النظام ياريت نشجع بعض هو انتي اسمك اصلا ايه؟؟؟؟؟

ايه ده الصمت الرهيب ده اغيب طول اليوم الاقى صفختين بس ده انتو اتحسدتوا

انا اسمى مي يا مها:)

فى حد هنا ؟؟؟؟؟؟؟

مصااااااء الخيرات

سارة بلاش تجيبي كابسولات الشاي الاخضر عشان زي قلتها و لا بتعمل اي حاجة

يارب تكون امونة اطمنت النهاردة على حزلقوم ربنا يطمن قلبها و يراضيها يارب

انا قرفااااانة ومش طايقة نفسي
عماليين بيهدوا حاجات في اخر دور في العمار وشالوا كل الدشات بقالنا عالحال ده اسبوعين
وقلنا معلش نصبر رحت عند ماما يومي عشان قرفت من صوت الخبط والرزع
اجي الاقيهم موقعين طوب اد كده في البلكونة وكسروا السيراميك وكسروا حتة من السور وبعدين بنقوللهم ادامكوا اد ايه يقولوا بتاع اسبوعين كمان
حاجة تقررررررررررررف
مش عارفة بجد افضل قاعدة في بيتي ولا اروح عند ماما الاسبوعين دول
بجد متنكده اويييييييي اول مرة احس اني مش طايقة بيتي

ازيكم يابنات

ادعوولي جوزي قدم علي فيزتي النهارده والنتيجه يوم الاحد يا تتقبل واسافر يا تترفض وهفضل هنا ادعوووووووووووووولي

يارب يا شوشو الفيزا تتقبل يارب وتحلي عننا بئة ههههههههههه , وتروحي لحضن جوزو المشتاق
بس اول ما توصلي لجوزو عايزين تقرير مفصصصصصصصصل ومفصفص وكام حضن وكام بوسة ههههههههه


سارة ............. مش انا قلتلك ان انتي عندك دهون كتير وهتخسي كتير يابت , كويس انك ملتزمة بالريجيم , استمري عليه وهتخسي ان شاء الله اكتر , ومبروك ال 3 ونص كيلو عقبال الباقي






انا رحت النهارده للدكتورة ووزنت نفسي لقيتني خسيت 4 كيلو , الدكتورة قالتلي كتير , كمان لقت ضغطي واطي , ولما عملت السونار قالتلي الجنين صغير يعني اصغر باسبوع او اكتر من حساب اخر دورة , كانت عايزة تقيس طول رجله بس معرفتش ابدا لانه تاني رجليه, بس اطمنت اوي الحمد لله لما قالت لجوزي شايف النبض اهو , قلتلها نقدر نعرف النوع؟ قالتلي هو انا قادرة اشوف رجله لما اشوف اللي بين رجله :)

كانت هتديني ماتيرنا قلتلها لا ده فيه دهون خنزير , كتبتلي بديل تاني مستورد اسمه centrum, المفروض اخده لمده اسبوعين وبعدين ابدا في الحديد والكالسيوم وهروحلها ان شاء الله بعد اسبوعين


قابلت عند الدكتورة بنت من المنصورة وعايشة في القاهرة بقالها 3 سنين متجوزة وحملت 5 مرات وفي كل مرة تجهض, فكرتني بدينا بس هيا معندهاش مشكلة دينا ولا عارفة ايه سبب الاجهاض , ربنا يكرمها ويكرمكم يابنات يارب ويفرح قلوبكم بالذرية الصالحة


واكلت بره في كوك دور بس الاكل كان حراء جدا , شربت معاه سفن كتير لما بقللت ههههههه, وبعدين مشينا نص ساعة وقعدنا في مكان تاني شربنا مانجا مع ان مفيش في بطني مكان بس قلت هشربها برده هو انا بشرب مانجا كل اد ايه يعني ههههههه