شات منتظرات الحمل وامهات المستقبل القريب باذن الله(بنات مصر)لشهر رجب / يونيو

سارة هي الحركة كام في المية والتشوهات والعدد

ماجدة مش رديتي عليا لية

العدد 27 مليون

التشوهات 45 %

الحركة الرابيد 0%

السلو 10 %

نون 20% الايموتيل 70 %

فالدكتور كتبلة العلاج دا لمدة 3 شهور ويعيد التحليل

فعلشان كدا قولنا نجرب التلقيح الصناعى يمكن ربنا يرزقنا لو مش رزقنا ربنا نستنى لما 3 شهور يخلصو

وربنا رزاق وهاب كريم

معلشي يا ساره التوتر ده طبيعي انا كمان كنت كده ربنا يوفقك يارررب .. انا الحمد لله يا ساره خرج ٣ بويضات عندي ..... مهااااا التلقيح ده زي الجماع العادي بس الدكتور بياخد عينه الزوج و يعملولها حاجه اسمها غسيل بتحسن جودتها و سرعاتها و بعدين يجي الدكتور يدخلها بحاجه اسمها اسطره كده فبيدخل بقي علي الرحم علطول و مش يقع بس انما بقي الحقن المجهره حاجه معقده بياخدوا عينه الزوج و بيسحبوا البويضات من الزوجه و يعملولها تخصيب في حضنات بره و بعدين يرجعوها للرحم بعد ما تكون البويضه اتلقحت خلاص ده الي اعرفه والله اعلم

@ green apple @;15204053:
العدد 27 مليون

التشوهات 45 %

الحركة الرابيد 0%

السلو 10 %

نون 20% الايموتيل 70 %

فالدكتور كتبلة العلاج دا لمدة 3 شهور ويعيد التحليل

فعلشان كدا قولنا نجرب التلقيح الصناعى يمكن ربنا يرزقنا لو مش رزقنا ربنا نستنى لما 3 شهور يخلصو

وربنا رزاق وهاب كريم

ربنا يكرمك يارب ياسارة

ما شاء الله يا ماجدة

وقاعدتى اد اية فى المركز

يعنى اخدتى الحقن التفجير وبعدها باد اية حصل التلقيح الصناعي ؟؟؟

وانتى فى كم اسبوع دلوقتى يا حبيبتى

الله يكرمك يا ريري

وانتى تحليل جوزك نسبتة اية ؟؟؟

يابنات هى لعبة فارم فالى اللى على الفيس بوك

لازم استنى لما الخضار اللى بزرعة يكبر دا كدا اموت جنبة

مفيش حاجة تخلية يكبر بسرعة ؟؟؟؟

@ green apple @;15204072:
الله يكرمك يا ريري

وانتى تحليل جوزك نسبتة اية ؟؟؟

العدد 31 مليون في الملي الواحد
الحركة 20%
والتشوهات 80%
ده اللي انا فاكرة من الدكتور

ما شاء الله العدد حلو

ربنا معاكو يا ريري

ويرزقكو عاجلا ياااااااااارب

@ green apple @;15204118:
ما شاء الله العدد حلو

ربنا معاكو يا ريري

ويرزقكو عاجلا ياااااااااارب

المشكلة في التشوهات عالية اوي والحركة ضعيفة

بصي يا ساره انا اخدت الحقنه يوم ٢٢ و تاني يوم روحت للدكتور واطمن ان البويضات موجوده وكلها حجم متقارب و بعدين قالي بكره ان شاء الله نعمل التلقيح و عملنا التلقيح يوم ٢٤ و الحمد لله ربنا كريم .. وانا يا ستي في الاسبوع التامن ادعيلي ربنا يعدي الايام علي خير ياررب

ما شاء الله يا ماجدة يا حبيبتى ربنا معاكى يااااااااااااارب

ويتملك حملك على خير اعملى تيكر بقى خلينا نفرح معاكى

يعنى بعد حقنة التفجير بيومين انتى عملتى التلقيح

وعملتية ومشيتي على طول ولا قعدتى شوية فى المركز ؟

ومؤلم بقى ؟

اه يا ساره و فضلت نايمه حوالي نص ساعه و بعدها روحت البيت و حاولي يومها متطلعيس سلم عالي و طبعا مفيش مجهود خالص وربنا معاكي يارررب

ربنا كريم

ويتملك على خير يا ماجدة

لا يا ساره مش مؤلم ولا حاجه طبعا انتي عارفه المنظار الي بيكشفوا بيه ده يعني بيوجع بس و هما بيدخلوه انما بعد كده مفيش وجع خالص

واخدتى اى حاجة للتثبت بعد التلقيح ؟؟؟

ياررررب ربنا يكرمنا جميعا يارررب .. انا باخد دوفاستون من ساعتها و ماشيه عليه دلوقتي ..... علي فكره يا بنااات انا كلمت دينا النهارده و بتسلم عليكم كلكم و بتقولكم ادعولها كتير اووي هي دلوقتي في ايام التبويض دلوقتي و طبعا هي واخده كورس منشط ربنا يرزقها ياررب و بتقولكم ادعولهم يجيبوا شاشه عشان تجي ترغي معانا

وحشتني البت دينا سلي عليها لما تكلمي معاها المرة الجاية.و البت شوشو مختفية ليه مش عوايدها يعني؟يا رب خير

البت دينا ليها وحشة والله القرده دي :)
ربنا يكرمها يارب الشهر ده واول ما تجيب الشاشة تفرحنا بحملها


ميوي ............ انا بعد كلام البنات عن التلقيح, انا رأيي تحاولي تعمليه وخصوصا انه مش هيكلف جوزك كتير وكمان مفيهوش خطوات جامده في التنشيط , وخصوصا ان تبويضك كويس ومش هيديكي منشطات قوية , ليه متحاوليش تعمليه ؟ فهمي جوزك هو ايه التلقيح ده وهيتكلف كام وهباخد وقت اد ايه وشجعيه ان انتو تعملو الخطوة دي , اهي خطوة يا مي بتعمليها والباقي على ربنا


سارة ربنا يكرمك يارب في التلقيح , بس اهم حاجة حاولي تاخدي الحقن في نفس المعاد كل يوم لا تاخري ساعة ولا تقدمي ساعة , انا سمعت دكاترة كتير بيقولو لازم المنشطات تتاخد في ميعادها بالدقيقة و يعني انتي هتاخدي حقنتين في اليوم خلي واحدة مثلا الساعة 10 الصبح والتانية 10 بالليل , خلي مواعيدك ثابته


مها ............ عملتي ايه في الزن على جوزك هههههههه, عايزين نسمع اخبار حلوة قريب وانك هتبداي التحاليل