اجييييي يا المغربيه تشوفي المتال الي قالوهم جدودك زمان

اقدم لكم تشكيلة كبيرة من الامثال المغربية المتنوعة اتمنى ان تروقكم




اللي عضه الحنش كايخاف من الحبل
عين عـاسة عـلى الحنش و عين مشات تجيب الحجـرة
صلاة القياد.. الجمعة والأعيـاد
مـال الطمـاع كياكله الكـذاب
شكـون اللي كيغلب الطمـاع؟ الكـذاب
العـرى كيعلـم الخيـاطة؛ والجـوع كيعلم السقـاطة
اللي تسحـر مع الصـغـار كيصـبح فـاطـر
اللي لعب مع الكلب كيلحـس له فمو
اللي دار راسه نخـالة كينقبـو الدجـاج
الجـدي مـا كيلعب غيـر في حجـر أمه
الحرث بكـري بالذهـب مشـري
اللي بغى لـعسـل يصبـر لقريص النحـل
ديـر النية ونـعـس مع الحية تصبـح لك حـاجتك مقضية
تبع الحمـار يعلمك الشهيك ولآ النهيك ولآ خـرجـان الطـريق
ما تضرب حتى تقـرب و ما تصاحـب حتـى تـجـرب
الشرط قبل الحرث ولآ خصـومة فالنـادر
اللي اعطى حـاجته في حيـاته دك الوتد في لهاته.
اللي مـا يغيـر ولا يحـيـر يستاهـل النحير
اللي مشى مع الطـريق ما يدكـو شـوك
ما تديـر يديك في غيـران ما يعضوك حنوشة
اللي بغى الكـراب فالصمـايـم يصاحبو فالليالي
اللي دار الخيـر في شعبـان يلكـاه قي رمضان
المر ما يحلى و لو درتو قي جبح النحلة
صيـاد النعامة يلقـاهـا يلقـاهـا
اللي دارها بيديه يحلها/يفكها بسنيه
ولف عـادة واقطع عاده؛ عليها تتعادى
جـوعي في كـرشي وعنايتي في راسي
خـبزي تحت باطي وما سمع حـد عياطي
التبن والراحة ولا الزرع والفضيحة
ديـر الخيـر تلكـى الخيـر
شافت قمح النـاس و قـلبـات شعيـرها
النخـة ما كتشـوفـش لعـواجهـا؛ كتشـوف غيـر لعـواج بنتهـا
غـطـى عيبه بالسطـل وجا يطل
الجمل ما كيشوفش لحديبته كيشوف غير لحديبت صـاحبه
أنا في همو ندادي وهو يسوكف لي في اوتادي
طلعـه للجبـل يكـركب عليك الحجـر
العيب على الجمل الى طلع للسطح أما الديك هاديك سيـرتو
الفقيه اللي كنتسنـاو باراكته دخل للجامع ببلغته
المرأة غير مرأة؛ ما هي لا شمس ولا كمرة
المرأة شاورهـا لا تديـر بـرايهـا
أربع نساء و الكربة يابسة
المرأة بلا ولاد بحـال الخيمة بلا اوتـاد
شـوف العودة عـاد تشـري بنتهـا
اكفي الكدرة على فمهـا تطلع البنت لأمهـا
ما تعـرف معنتي غيـر بنتي
اللي ما عنده أمه القبـر يغمـو
اللي عنده امه في البيت يدهن فمه بالـزيت
لو كانت مـراة الأب حنينة حتى اللفعـة تكـون طبيبة
وريه وريه وإلى عمى سيـر و خليه
طاح الحك و لقى غطاه
الدجاجة في الموت و عينها في النقيب
حتى زين ما خطـاته لولة
خوك خوك لا يغـرك صـاحبك
غسلات الـدجاجة رجليها و نسات ما فات عليها
لو كان الخـوخ يـداوي لوكان داوى راسه
حتى خروف ما زاد بصوفه
جاري لقـريب خيـر من خـويا لبعيد
الفم المسدود ما يدخلو ذبـان
الكذوب ما عندو رجلين
اللي خاف نجا
معرفة من ولى كتورث البلا
دّي راي اللي يبكيك ما تدّيش راي اللي يضحكك
الله يرحـم من زار و خفف
الضيف ما يتشـرط و مـول الدار ما يفرط
اللي هي حـداه نساها.. و اللي ناسياه بغاها
المعـروض في نهارو يجلس في دارو
ماتعرف العدو من الصديق غير فوقت الشدة والضيق
قولو الله اهديهم داروا الخير مع الناس ونساو والديهم
بني واعلي سير وخلي
اللهم كطران بلادي ولا عسل البلدان
سال المجرب ولا تسال الطبيب
لوكنا كانخفوا من الدجاج كاع من ريشوه
ما احكي الدئب غير لي جرا ليه
دير الخير فالرجال لا ديرو فالشمايتة اتودر