اخوي يحب وحدة -الله يستر عليها- افضح ماضيها او لا ؟؟

الله يستر عليهاا


الحل في يد اخوج

أنا نصيحتي تخبري أمك أو خالتك أو أي احد كبير من عيلتك وأخوك يسمع له

الدكتور طارق الحبيب قال لو الشاب حب بنت و هي غير جيدة و غير مناسبة له
و مو مقتنع براي اهله حاولوا خلوه يتأخر في خطبتها حتى يشوف هو بنفسه هل هو فعلا يحبها و لا مجرد نزوة
و اذا خطب خلوه يطول بالخطبة يمكن يشوف شي من تصرفاتها الحقيقة و يقتنع

و انت انصحيها الله يهديها و يهدينا جميعا

و حاولي دايما قولي لاخوك بطريقة غير مباشرة انو الجمال مو كل شي انت ماحتعيش مع شكل فقط
مهم كتير المعاملة و الاخلاق و هي حتربي اولادك
و الجمال لما يكبر حيروح
بس ماتقولي شي عن ماضيها

الله يستر عليها
بس بنسبه لي لايوافق اخوك واذا قلتي لها توبي اكيد بتقول بتوب اجل بتظنين بتقول لك الجد
وماتعرفين اذا تزوجت اخوج اكيد بتستمر في الاعيبها وعاجبها هذا الوضع يعني لاتظنين بهسرعه راح تتعدل

الله يستر عليها....
الحمد لله ع نعمة العقل.... اول حاجه كلميها هيا قولي لها وخري عن اخوي وخوفيها انك بتفضيحها لانها بصراحه موحقة مسؤليه اطفال وتربيه صدقيني بتخاف وهي اللي بترفضه... جربي والله يهديها يارب



وبالتوفيق..

في مثل يقول...

العادة اللي بالبدن ما يغيرها الا الكفن

هذي بنت *منحرفة* نفسيا و اخلاقيا..نفسيا لانها تدور الوساخة دواره...و اخلاقيا لانها فعلت الامور الشينة برضاها و بوعيها التاااااااام

انا بعد استغرب من اللي يقولون استريها...الستر له معنى معين..هي دام خبرت شخص (و يمكن اكثر من شخص احنا ما ندري)..خلاص يعني هي صارت *مجاهرة* و فضحت نفسها...

بعدين هذا موضوع *زواج* مو سوالف جدام التلفزيون و لا مزح او غيبة!!!...اتحداااااكم اذا في وحدة لها اخ..او عم او خال يبي يتزوج وحدة اخلاقها جذي و هي متيقنة من هالشي و *تسكت*...اتحداااااااااكم...الا ما بتنقلب الدنيا و تحاولون توصلون كككللللللل شي لقريبكم!!!...بعدين هي ما بتنشر صورها و لا بتكتب مقالات باللي سوته الله يهداكم..هي بتخبر اهلها لانهم يبون *يخطبون* البنت..يعني الموضوع حساااااااااس و يخص وضعهم و سمعتهم مبااااااااشرة!!!

حبيبتي...انت ما لج الا حل واااااحد...اخذي امج و قعديها جنبج و قولي لاخوج كل اللي تعرفينه عنها...و قولي له انا بقول لك لاني ابي ابري ذمتي امام الله و ربي ثم امي شاهدين علي اني ما بزيد و ما بنقص باللي اعرفه...عاد انت تنجاز ترضاها لنفسك ترضاها..ما ترضاها فالله يعوضك اللي تسواها بمليوووووون مرة...

انا اللي استوقفني بقوة بكلامج انج قلتي الشباب اللي عرفوها بيسخرون من اخوج اذا اخذها...يعني يا قلبي سمعتها الخايسة فايحة ريحتها...و الف افا عليكم اذا ناسبتوها...لا سمح الله ممكن يبطلون الناس كلام عليها و يتكلمون بأخوج..و انتوا بمجتمج السمعة الطيبة فيه كللللل شي!!!

و الله هذي ما بايخذها الا واحد خبل او ديوث و العياذ بالله..حاشاج و حاشى اخوج و اهلج...فقوي همتج و توكلي على الله و سوي اللي قلته...بس لااااازم تجيبين امج تشهد لج لو صار ما صار...و اذا تقدرون تخبرون ابوكم يكون احسن..

و الله يصرف قلبه عنها و يرزقه ببنت الحلال النقية التقية العفيفة عااااجلا ليس آجلا يا رب

للاسف اللي مثل كذا ومستمرة على الخطأ .. ماتصلح تكون ام لبنات اخوك

فكري للمستقبل ..
كلميها وشوفي اذا تابت وندمت على ماضيها فالله غفور رحيم
لكن لو حسيتي ان شخصيتها وسلوكياتها ماتغيرت معناها / .. ان من طبيعتها حب جذب انتباه الشباب واغراءهم
وهذا الشي ماراح يتغير للابد ويمكن يزيد بعد الزواج ..

الله يهديها ويرزق اخوك الافضل والاجمل والانسب له ولكل شباب وبنات المسلمين ..

والله مدري شقولج
البنات ماشاءالله كل وحده لها راي وختلف
يمكن لو تزوجت تعقل ويمكن لا
ودام اخوج متعلق فيها لها الدرجه مابيتخلى عنها بسهوله
انت يلسي معاها وفهميها وكل شي اذا حسيتي فيه تغير جان زين
وحاولي ويا اخوج يصلي استخاره
الله يهديييييييييييييها ويستر عليها

احكي لاخوكي اتوقع انه اهم منها عندك ولو كرهتك شو بده يصير يعني ما راح تخرب الدنيا مصلحة اخوكي ومستقبله اهم منها

نفس قصة اخوية تماما ولما واجهنا بحقيقة البنت ماقتنع وصارت حياته للاسوء انعزل عن الناس ولايشتغل وصاحب خرابيط من ورا راسها و اله اكثر من سنتين قاطع اهلي علشان خاطرها ومع ذلك لسة البنت زي ماهي ماتابت وهو عارف ويبغاها برضو

انا اشوف انك تكلميها انها توب وتبطل هالحركات والله يستر عليها بس نصيحه كمان لاتخلي اخوكي يرتبط فيها خصوصا انك قلتي انها للحين مستمرة مابطلت

قولي لها تبعد عن اخوكي

انا اقوول روحي كلميها خليها تتوب اذا موووول ماشي فايدة خبري اخووج لان هذا اخوج شو ظمنج باجر ما تسوي جي يوم تاخذه

بصرااااحة من رأيي كلللللللللش
ما يصلح تخلي اخوج يتزوج وحدة مثل
هاذي عارضة و كاشفة لأللللللللف رجال
بالإغراااااااااااء شدراج ان بكرة اذا اخذها ما
راح تغري غيره أو تخونه و انتي قلتيها هي
للحين ما تابت و الطبيع ما يجوز عن طبعة
و ترضين اخوج يتزوج وحدة ماضية أسود ؟؟؟
ما يستاهلها و لو كنت مكانش ما افضحها
بس بعد ما اخليه يتزوج وحدة مثلها والله
يستر عليها

اعوذ بالله صج اللي هالاشكال بلوه ومحد يرضى بنسبهم حتى لو كانت من العائله لو انا مكانك برضو بتكون رده فعلي زيك بالضبط بعد ماشبعت ولعبت وراحت ويات تتزوج اخوي الله يبعد عنا هالاشكال وان شاءالله البنات يفيدوك ايش تعملي بالتوفيق يارب

لو انه منج جان قلت حق اخوي بكل فعايلها ولكنه بهدوء لانه حرام اتخلينه ايتزوج وحدة مثل هاذي ....واعتقد بتحسين بالذنب لو طلق وتغربل في حياته