¨°•√التجمع السابع : للحوامل اللواتي سيلدن بإذن الله بشهر يونيو (6) 2011 ♥√•°¨

ToOoma ToOomy;15163404:

هلا بنات.......... جسمي يعورررررررررررررررررررررني..... اول مره كعب رجولي تعورني

اليوم رحت ويه زوجي وبنتي صورت دبتي هههههههههههههههه.... اتخيل الصوره خنافر ودبه البراطم مدلدله

عقب ماصورت رحنا شريت اغراض الشهر........ بموت من الم رجولي ثقل مو طبيعي.... احس في شي مدلدل تحت .... ماكملت الا بطلعت الروح اخذت حليب الي قالت عنه زهره الرمال... وحفاظات هجيز....باقي بس بودره السررررر واخلص اغراض البيبي

ام فطوم ثلج ونار ماعتقد ولدت..... الان على طول اتواصل وياها..... لو ولدت خبرتني.....

انا بعد ابي اصور وكل يوم اقول باجر

هدهد جدة;15164226:
Rose اهلين ياقلبي كيف حالك لا تخافي ان شاء الله نولد بالسلامه سوى...

والله ياكرووووشات اول مره اسوي فحص من تحت وربي تشنجت الله يعين يوم الولاده ,,,


ام فاطمه الله يكووون فعونك يارب ..

ان شاء الله يارب

بس ليش سويتي فحص ...قستي الرحم يعني ؟؟

صباح الخير

شخباركم؟ وشخبار الالام؟

انا توني داخله التاسع والرييييييييح يذبح يذبح افكر شلون بكون الطلق


حبوبة انا اليوم شفتها الصبح في التجمع مال الماسنجر بس مالحقت عليها وطلعت
توقعت دخلت المنتدى كتبت شئ بس مافيه خبر
يارب يسهل عليها اذا ماولدت ، واذا ولدت حمدالله على سلامتها

ومبروووووووووووك لك اللي ولدوا ويتربوا بعزكم

صباااح الخير بنت الروضة

الله يعيننا وياك على التعب

صباح الخير كروشات

مبروك للي ولدوا (( وريف و مرميتي)) و يتربون بعزكم البيبيات

كنت غايبة كم يوم و تعبانة و محد سأل عني:(
بس يلا ما عليه انا اسأل عنكم شخباركم؟ و شخبار الثقل معاكم؟؟:D

بقولكم قصتي
جاني الم يوم الخميس و رحت جدحفص .. قلت بس بجيك اذا هو طلق ,, المهم دخلت الا اقولهم فيه عندي الم .. قالت لي الممرضة وين بطاقة المراجعة .. قلت لها انا ما عندي بطاقة مراجعة عندي فايل بكبره و هذا ما احمله معاي و انا كنت بالدوام و جيتكم دايركت .. و قامت تصارخ علي قدام الكل و تهزئني و انا اطالع و مستغربة و فيني الصيحة:struggle::'( .. بس خليت روحي قوية و قلت لها لا تقعدين تصارخين علي اذا ما بتسوين لي فحص قولي لي عشان اروح السلمانية:mad:.. ما اشوف الا جتني ممرضة ثانية و قالت لي تعالي انا بسوي لج

شهالمستشفى الخايس.. جان من قبل اقول فيه احتمال لو تأزمت الامور اروح .. الحين اقول مستحييييييييييل اروح8o|

المهم هالألم الي فيني طلع ريح استقبال .. بس اذا هذا ريح استقبال عيل شنو الم الطلق؟؟!!:badly:

يوم الجمعة رحت وديت صواني الاكل المنار و اتفقت معاهم انه يجهزونهم لما اتصل فيهم.. طلبت صينيتين موالح ميني معجنات و ميني مقليات و صينيتين حلو ميني حلويات مشكلة و ميني جوكليت و طلع علي كامل 40 دينار:thumbs_up:

يعني تقريبا الحمدلله خلصت معظم اموري ما عدااااا شنطة المستشفى:rolleyes:

روز شخبارش خيو؟ انا كل يوم اقول بصور في البيت بدلة ومن العيارة ماسويها
شكلي بولد وماعندي صور بالكرشة

نيغار الم الرررررررررررررررريح يخليش تنقعين محلش ماتقدرين تتحركين
اقول لامي شلوووون الطلق بموووت شكلي
تقول لي يجيهم الطلق ويمشون قلت لها انا قلت لزوجي من يجيني الطلق شيلني لا اموت عليك من الالم

خيووووو نيغار كم درزن شريتي لمعجنات والمقليات شنو الانواع اللي عندهم
وتقصدين ميني حلويات اللي على التمر او شنو بالضبظ

انا قلت بسوي تشكيلته الحلويات من محل بسكيتو في الزنج والمعجنات والموالح من المنار
وبسوي ميني خبز رقاق وطبعا المكسرات والشاي والقهوه والماي لازم

اذا ماعليش امر قولي لي كم درزن خذيتي لمعجنات ،والمقيات وكم كيلو حلويات


كرووووووووشات طلبتكم ادعوا الله يفرج عن اخوي ومااولد الا قرت عييني بشوفته
ماابغي اولد وخاااااااااااال ولدي بعيد عنا

هلااااا نيغااااار

ايوه انت بعد غبت كم يوم

والله شكثر اللي غايبين

كويس انك خلصت الضيافة

وجهزي الشنطة ترى مهمة

بنت الروضة
ان شاء الله تقر عينكم بشوفته قريب

المقليات اخذت 12 درزن لانه يجي وااايد صغار و 12 درزن يعني 144 قطعة و قالت لي الي هناك بيكون صلاحية الاكل 3 ايام = 12 دينار
المعجنات كيلوين = 10 دينار
الحلويات عبارة عن بسبوسة عادية و بسبوسة فستق و حلاوة مغربية و بقلاوة و شي اسمه بيدان كأنه اخذت كيلو= 7 او 8 دينار مو ذاكرة:o
و اخذت جوكليت مشكل كيلو= 10 دينار

روز هالشنطة كل مرة اقول بسويها و اتخايب:-#
بس انشالله اليوم بحاول اسويها:rolleyes:

مشكورة نيغار على المعلومات وانشاالله هل الاسبوع بروح اوصي على الضيافة وبفتك
وباقي كم شئ اشتريهم من الصيدليه

وانتظر اغراض البيبي يخلصونهم وبستلمهم بعد اسبوع
والله يسهل ولادتنا

نيغاز من وينه مآخذه الصواني؟؟ والمقليات شنو الي اخترتيه؟؟

الصواني من ايام استقبالي .. كنت ماخذتنهم من انصار غاليري الوحدة اذا ما خاب ظني ب 3 و نص

و المقليات عبارة عن ميني سبمبوسة جبن و دجاج و لحم و كباب الو و دجاج و جبن و اصابع زعتر بالجبن و سبرينغ رول دجاج و جبن و امممم و بعد مو ذاكرة بس فيه اشياء وايد لذيذة

مشكوره نيغاز شكله ضيافتك بتكون حلوه ومرتبه في وين مقررة تولدين وابي اسألكم عن زيت الزيتون الي آخذه للجسم عن التشققات اي واحد

انشالله في الكندي
مع انه امس رحت اول موعد هناك و حسيت المستشفى ضيييييييييييق بس شكله الدكتورة اوكي و كنت اسأل الي يراجعون عندها و يقولون هي وايد اوكي

و اذا تعدل وضع السلمانية .. انشالله بولد هناك لأنه السلمانية كان خياري الأول بس غيرت للكندي بسبب الاوضاع

زخت مطر من زماااااان مادخلت بعد


والله وااااجد اللي افتقدناهم

ياريت تطمنونا عليكم ولا تقطعون

العهد

هلا وغلا
انا بخير والوجع مو مفارقنا

ما راح نولد الا في اليوم اللي كاتبه ربنا

والله يسهل

نيغار الاصناف متنوعه والسعر واجد زين

قمر زيت الزيتون انا شريته امس من الصيدليه قولي له تبغين زيت زيتون للجسم
مغطايته بتكون حمره

العهد الله يعينك على الالام وانشاالله تولدين بالسلامة

misS fatoOom;15160282:
صباحكم عسل كروشات / وامهات


حبيت اخبركم مريمتي ولدت اليوم وجابت بنوته

ToOoma ToO
omy;15160880:



مبرروك عقبال اولادة ان شاء الله:adore:



[/CENTER]