¨°•√التجمع السابع : للحوامل اللواتي سيلدن بإذن الله بشهر يونيو (6) 2011 ♥√•°¨

نيغار سكن مبارك والله يعينك على نقل الاغراض

وديمة:اخبارك من زمان عنك اشتقنا لك اخبارك؟؟واخبار البيبي؟؟

xxRosexx;15104438:
نيغار

صدق يصير اخلي شعري اكستنشن ؟؟ اول مرة اسمع فيها
يعني تخذينه معاج وتخلينه لج يعني

اعجبتني الفكرة !!!

روز حبوبة اي يصير تودينه لصبايا يخيط لج الخصلة و تستعملينه اكستنشن عادي.. انا قلت بجيك معاهم بجم بيسوونه:D

الحين من وين اييب كوارتين.. اشتريهم يعني؟؟

وديمة

هلا بيج لا تقطعينا .. واحنا نفرح اذا شفناج

نيغار

خلاص شوفي بكم ... وقولي لنا اذا جينا البحرين سوينا
فكرة علشان الوحده ماتتحسف على شعرها !!

حبوبة زماني

شخبااارج اليوم ان شاء الله احسن ؟؟

نيغار;15104505:
روز حبوبة اي يصير تودينه لصبايا يخيط لج الخصلة و تستعملينه اكستنشن عادي.. انا قلت بجيك معاهم بجم بيسوونه:D

الحين من وين اييب كوارتين.. اشتريهم يعني؟؟

حبي اسالي السوبرماركت اذا عنده كراتين كبيره وفاضيه .. وخذي لزق قوي وقلم كبير للكتابه

حبوبه الحين احنا الي عندها سياره مثل الي ماعندها الاهل يخافون نطلع بروحنا لازم احد معانا

نيغار
اي سوبر ماركت اي جمعيه جنب بيتكم انا الي اخدتهم من المركز اللبناني رحنا ورى وزوجي يعرف الي هناك قال له دبر لنا وجاب وقمنا نلصق فيهم

روز
هلا حبيبتي شخبارش الحين... انتوا ما عندكم مثل هالحركات اكستنشن ؟؟؟؟



انا حابه اقص شعري قصيير شعري دايما طويل وادا بغير القصه لازم اقصه على طوله خاطري يكون لحد جتوفي بس ابو الشباب ما يحب الشعر القصير؟؟؟!!!!! بس قلت انشاالله ادا خلصت الاربعين بروح الصالون وبقصه ههههههههههه اقول له ادا قصيت شعري قصير لاتطلقني قام يضحك عليي يقول ادري انش ما بتسويين شي انا مو راضي عنه ههههههه

انا الحمد لله روز بس ظهري يعورني
ودي اقوم اصور لكم الملابس اللي شريتها لي للنفاس مو قادرة اوقف

زخت مطر هههههههه ضحكتيني .. لا تخافين ما بيطلقج بالعكس احسه بيستانس قصيه و اصبغيه و شوفي ردة الفعل:D
عاد لا تقولين نيغار وازتني يجي يكفخني:lol:

نيغار;15104592:
زخت مطر هههههههه ضحكتيني .. لا تخافين ما بيطلقج بالعكس احسه بيستانس قصيه و اصبغيه و شوفي ردة الفعل:D
عاد لا تقولين نيغار وازتني يجي يكفخني:lol:

عدل كلام نيغار. . هم يتحلطمون لا اتقصونه. . بس سويها من غير مايدري بيستانس بيحس بتغيير بس لا اتبالغين واتقصينه كلش قصير

انا كذا اول ولادة ليرفض اقصه ويوم قصيته وصبغته
عجبه حيل الحين مايرضى يطول من يطول قال قصيه

زخت مطر

والله ما ادري اذا عندنا ولا لا

قصي شعرك بس لا تقصينه قصيييير حيل

انا اذا قلت حق زوجي بقصه بوي يقولي ياويلك ان قصتيه بوي هههههههههههه

سلام عليكم كرووووووشات

مبروك التجمع الجديد وانشاالله نسمع كله اخبار حلوه
صار لي كم يووووووووووم ادخل اقراه الواجب واطلع كلش مافيني ارد على شئ من التعب
تعب الرجاااااااااااايل ذابحني وفخوذي مااقدر لا اقعد عدل مثل الناس ولا انبطح
كل هذا وانا لحين بداية الثامن اذا دخلت التاسع شكلي كله صياح من الالم
واحس رجايل البيبي كله فوق وسط صدري ويعوووووووور
اليوم ظهري ورجايلي زايدين حتى دوام ماقدرت اروح
وصدري احس واجد صاير حسااااس مااشتهي حتى المسهم
الله يفرجها ونولد بسرعه حددددددددددي مشتاقة لبيبي

امس رحت شريت لي كم غرض من المركز الياباني دايسو في القصيبية
ولقيت عندهم الكلوتات مال الدورة لاستخدام مرة وحده
5 كلوتات ب 700 فلس ومثل اللي قالت عنهم نوارة

كروشات ابغي مساعدتكم في اغراض الحواج الضرورية اللي احتاجها
لاني كل مااقول لامي عن عشبه معينه ماتعرف هل السوالف
اذا ماعليكم امر قولي لي العشبة اللي اشتريها مع شلون اسويها
ابغي الاعشاب الضرورية بس ماابغي اكثر
قلت لها عن الحلبه قالت مستحيل اخليكي تاخذيها فيها ريحة
بس سمعت انه تخلون فيها شئ مايطلع منها ريحة

ام لنوني الحمدالله على السلامة ويتربى بعزك يزن

هلا بنت الروضة

الله يعينك وعيننا على التعب

ايوه حتى انا شفتهم في دايسو

بالنسبة للاعشاب

انا باخذ

قشر القهوة تغلينه مع الماي عادي

رشاد ( 20 يوم الاخيرة ) و حلبة ( 10 ايام الاولى ) تحطينهم مع الاكل

قرفة

كف مريم اتوقع هذا مغلي مع الماي وهذا تاخذينه اذا جاك الطلق علشان ينفتح الرحم

هذا اللي بستخدمه

هلو بنات اليوم طلعت ويا امي اجوف لي بجايم بيت اففف هلللللكت وفي الاخير شريت ثنتين بس 8o| احس خلاص ماقدر اطلع رديت البيت اتحلطم
بنات سمعتكم تتكلمون عن نوع حليب للبيبي واجد زين وحدة تكتب ليي اسمة وابي شنو اخذ ماي من الحواج يعني مرقدوش وهالسوالف وبليز كل شي وشنو فايدته واممم الاشياء الي للجرح وللسيم وللبيبي شنو اشتري بليز بنات ساعدوني لازم اكمل اغراضي احس روحي من ثقلي ما بطول في التاسع :( واااااااجد تعبانه

ام رزونه انا زيك من الجنوب وعايشه بالرياض..

بس الحين انا بالجنوب عند اهلي عشان الولاده




بنات الي تقول انها بتاخذ الاعشاب من بعد الولاده على طول

مو حلو ياكروشات

انا الدكتور الاستشاري قلي الاعشاب قبل عشر ايام من الولاده ماينفع تاخذينها

ودكتورة النساء قالت لي نفس الكلام

ودكتور الاعشاب قلي نفس الكلام لانه نزلت قبل يومين عنده قلي لما تولدين وتخلصين اسبوع تعالي واعطيك كل الي تحتاجينه

وزي الحلبه قلي هذي الوحده تشربها بعد الاربعين

انتم تأكدو حبيباتي قبل ماتسوو ولا شي...

قمر فاضل حبيبتي روحي الحواج و قولي له عطني انواع المايات( جمع ماي خخخخ) الي تستعمل للبيبي .. انا عطاني مجموعة كاملة تجي من مصنع الكامل بس مخصصة للبيبي و صايرة كلهم في بلاستيك واحد

و اخذي ملحة او تقدرين تاخذين الملح الايراني و تتنقعين فيه.. و عطاني حلبة و رشاد و الحلوة حق الرشوفة
و عطاني كف مريم تغلينه في ماي و لو تقرين عليه سورة مريم افضل بعد و تشربينه .. خليه جاهز عندج قبل بفترة و هو مقري عليه عشان تشربيه حزة الطلق

و بثث

و قال فيه شي اسمه المرٌة تستعمله الوحدة اذا صادتها الام بعد الولادة .. قال لي مو ضروري تشترينها الحين اذا لا سمح الله صادج تعالي اشتريها:rolleyes:

لا ما بقصة واجد قصيير اصير صبيووو ههههههه جان يفلتني في بيت ابوي

هدي القصة الي عاجبتني وتناسب شكل وجهي يمكن من الحين لين ما اخلص الاربعين اغير راي




وهدا اللون الي حابه اصبغ مثله بس قصه الشعر لاااااااااااا ما احب الشعر هالطول

زخت مطر;15104943:
لا ما بقصة واجد قصيير اصير صبيووو ههههههه جان يفلتني في بيت ابوي

هدي القصة الي عاجبتني وتناسب شكل وجهي يمكن من الحين لين ما اخلص الاربعين اغير راي

عجبتني القصة و بسوي تقريبا مثل لونها:D

قمر فاضل

ان شاء الله البنات يفيدونا اكثر
ما اعرف بالضبط ايش المطلوب نشتريه

زخت مطر

حلوة واااجد القصة اللي اخترتيها

برلينت

والله كل واحد يقول شي
انا من كثر الكلام اللي في النت داخ راسي ناس يقولون هذا زين وهذا مب زين


طيب اللي دخلوا التاسع او بيدخلون فكرتوا تشربون شي في التاسع
انا مفكرة اشرب اوراق التوت المجفف

طبعا باكل تمر
ومع مشي
وقراءة سورة مريم

كل يوم