ياهلا بعروساتنا
حبيت اخبركم بقصة ولادتي الي كأنها حلم
من ثلاثة ايام تقريبا حسيت بآلام في ظهري وبطني مثل الام الدورة بالضبط وكنت قادرة على تحمل الالم لانه كان كلش خفيف
وبتاريخ 3/5/2011 الساعة 3 الفجر a.m صحيت من النوم تكرمون للحمام وفي هالفترة كنت احس بآلام في ظهري تزيد اكثر من قبل وللحين كنت متحملة بس في نفس الوقت مو قادرة ارجع انام الالم مضايقني وكل مايمر الوقت تزيد الالام مرت الدقايق والثواني الى الساعة 5 الصبح والالم يزيد اكثر واكثر واكثر وانه قايمة وقاعدة شوي طالعة الصالة وشوي داخلة الحمام وشوي ارجع الغرفة وانه اصيح طول هالفترة وزوجي يقعد من النوم يمسح على ظهري يفكر الم عادي ويوم شافني في حالة مو طبيعية وحس صوتي متغير وحس ان الالم زايد اتصل في امي وقالها بجيبها لش انه مو عارف لها <<< لان ي بكرية مسكين مو عارف شنو يسوي
قلت له ابي اروح المستشفى لان انذبحت من الالم كان يخف عني شوي ويرد يرجع اقوى وزوجي كل مايكلمني اصرخ عليه من الحرة لان وقت ماتجي الريح استجن واصير كاني سمكة مطلعينها من البحر وبسرعة حملت تمر كنت قارية عليه سورة مريم وشربت ماي مقري عليه سورة مريم والزلزلة لبست عباتي وشيلتي بالغصب وطلعت بسرعة عشان بركب السيارة وزوجي كل شوي يقول لي لاتسوين لي حركات قدام العالم والناس وعصبت عليه واقول ياريت تجرب الالم دقيقة عشان تعذرني.. وصلت السياره وركبتها وبسرعة مشينا سريع واتصلت في امي وقلت لها تجهز نفسها عشان بروح المستشفى بيت اهلي قريب لنا شوي بسرعة وصلنا .. وركبت امي وكنا ناوين نروح مستشفى جدحفص للولادة
اختي كانت على علم اني بروح المستشفى امي خبرتها قبل مانوصل وبعدين اتصلت في امي واحنا تونا متحركين بالسيارة وقالت لها بدل ماتعبون نفسكم روحوا اول مستشفى سترة للولادة يشوفونها اذا هذي ولادة او لا. لان هالمستشفى قريب مننا ومشوا على كلام اختي ورحنا المستشفى طبعا هالمستشفى مايولدون بكرية ولايسوون عمليات لو احد احتاج. وصلنا وشفت قابلة وحدة دخلت غرفة الولادة على اساس تشوف ان كانت ولادة وطلعت مفتوحة 7 سم وقلت لها بروح جدحفص قالت لي لا مافي جدحفص اهني ولادة وبدلتني ثيابي ولبستني تبع المستشفى وشفتها سوت مكالمة بعدين حسيت ابي اروح الحمام قلت لها وماخلتني وحسيت بعدين مثل الشي نازل مني مادري يمكن كان دم او ماي البيبي وشوي الا اشوف السسترات يدخلون الغرفة ويكونون حلقة حولي وكلهم يساعدوني ومن يجيني الطلق يقولون لي عسري بقوة سوي بوش كانش تدخلين الحمام وانه اسوي خطأ يقولون لي لا مو جذي كانش تبين تدخلين الحمام جننتهم واذا اسوي صح يقولون لي واصلي وساعات اسوي خطا تمللت وحدة من الممرضات جابت لي ماي وزعفران مقري علي ايات سوته اختي لي بسرعة وجت تركض فيه المستشفى عطته الممرضة اول شي مارضوا يدخلونه بعدين بالغصب رضت وجابته لي شربتني شوي ومسحت فيه بطني وخلت شوي على شعري ومازلت اعاني ووقت مااعسر احس نفسي بيوقف وقلبي يدق بزور(تم الحذف مخالف لسنة رسول الله)
وصل راس البيبي خلاص بيطلع وقالوا لي عسري حتى لو وقف الطلق عسري وانه اعسر بالزور كاني بدخل الحمام واسوي لاكثر مدة اقدر عليها حسيت بتوسع تحت شي يفلصني مثل التشققات كان الراس بيطلع نزل ومرة وحدة شي نزل من بطني الجسم وحسيت بالبيبي تحت رجولي يتحرك هذي زنوب حبيبة قلبي طلعت قصوا الحبل السري انه اطالعهم ماصاحت وخافوا عليها حطوا عليها اكسجين وقلبوها على راسها واهما يضربونها عشان تصيح وقلبي يعورني عليها وانه اطالعهم بعدين صرخت واطمأنوا وخلوها ع الاكسجين شوي .. سألت الممرضة طلعت البشيمة قالت لي صبري بعد ربع ساعة سالتها تألم بعد قالت لي لا الألم كله من بنتش مو من احد وبعد هالربع ساعة جت الي ولدتني تعص على بطني المني شوي ونزلت البشيمة وعطتني ابرة في الفخد عن النزيف طبعا احتجت للخياطة بنجوني وخيطتني حسيت بالم خفيف كملت و طلعوني غرفتي وانه احس بشي غريب بطني احس داخله بس هواء اول مادخلت امي حظنتني واهي تصيح وانه عيوني واقفة عندها الدمعه وتدخل وراها اختي وراها اخوي واخر شي جه زوجي بعد ماكمل دموع الفرح بعد مارتحت شوي
هذي اهي قصة ولادتي كتبتها ع السريع يمكن نسيت موقف والا في غلط بالاملاء انه كنت خايفة من الولادة خصوصا اني بكرية وهالمستشفى ماعندهم كامل التجهيزات ولايرضون يولدون بكريات بس لان ماكان في وقت حتى يطلبون الاسعاف وخفت يصير شي لاسمح الله حتى الممرضات نفسهم كانوا خايفين وبعد ماخلصت الولادة واطمأنوا على صحتنا انه والبيبي طلعوا لاهلي وعصبوا عليهم وقالوا لهم غلط تجيبونها اهني ... بس ربي رحم بحالي وسهل علي الولادة ومشى كل شي ع التمام وصلت المستشفى تقريبا 6 a.mاو قبل شوي وولدت الساعة 7:47 a.m
والله يسهل على كل الحوامل ان شاء الله
ويخلي لي زنوب وتكبر تحت عيوني واشوفها عروس
سلآآآآم :thumbs_up:
حبيت اخبركم بقصة ولادتي الي كأنها حلم
من ثلاثة ايام تقريبا حسيت بآلام في ظهري وبطني مثل الام الدورة بالضبط وكنت قادرة على تحمل الالم لانه كان كلش خفيف
وبتاريخ 3/5/2011 الساعة 3 الفجر a.m صحيت من النوم تكرمون للحمام وفي هالفترة كنت احس بآلام في ظهري تزيد اكثر من قبل وللحين كنت متحملة بس في نفس الوقت مو قادرة ارجع انام الالم مضايقني وكل مايمر الوقت تزيد الالام مرت الدقايق والثواني الى الساعة 5 الصبح والالم يزيد اكثر واكثر واكثر وانه قايمة وقاعدة شوي طالعة الصالة وشوي داخلة الحمام وشوي ارجع الغرفة وانه اصيح طول هالفترة وزوجي يقعد من النوم يمسح على ظهري يفكر الم عادي ويوم شافني في حالة مو طبيعية وحس صوتي متغير وحس ان الالم زايد اتصل في امي وقالها بجيبها لش انه مو عارف لها <<< لان ي بكرية مسكين مو عارف شنو يسوي
قلت له ابي اروح المستشفى لان انذبحت من الالم كان يخف عني شوي ويرد يرجع اقوى وزوجي كل مايكلمني اصرخ عليه من الحرة لان وقت ماتجي الريح استجن واصير كاني سمكة مطلعينها من البحر وبسرعة حملت تمر كنت قارية عليه سورة مريم وشربت ماي مقري عليه سورة مريم والزلزلة لبست عباتي وشيلتي بالغصب وطلعت بسرعة عشان بركب السيارة وزوجي كل شوي يقول لي لاتسوين لي حركات قدام العالم والناس وعصبت عليه واقول ياريت تجرب الالم دقيقة عشان تعذرني.. وصلت السياره وركبتها وبسرعة مشينا سريع واتصلت في امي وقلت لها تجهز نفسها عشان بروح المستشفى بيت اهلي قريب لنا شوي بسرعة وصلنا .. وركبت امي وكنا ناوين نروح مستشفى جدحفص للولادة
اختي كانت على علم اني بروح المستشفى امي خبرتها قبل مانوصل وبعدين اتصلت في امي واحنا تونا متحركين بالسيارة وقالت لها بدل ماتعبون نفسكم روحوا اول مستشفى سترة للولادة يشوفونها اذا هذي ولادة او لا. لان هالمستشفى قريب مننا ومشوا على كلام اختي ورحنا المستشفى طبعا هالمستشفى مايولدون بكرية ولايسوون عمليات لو احد احتاج. وصلنا وشفت قابلة وحدة دخلت غرفة الولادة على اساس تشوف ان كانت ولادة وطلعت مفتوحة 7 سم وقلت لها بروح جدحفص قالت لي لا مافي جدحفص اهني ولادة وبدلتني ثيابي ولبستني تبع المستشفى وشفتها سوت مكالمة بعدين حسيت ابي اروح الحمام قلت لها وماخلتني وحسيت بعدين مثل الشي نازل مني مادري يمكن كان دم او ماي البيبي وشوي الا اشوف السسترات يدخلون الغرفة ويكونون حلقة حولي وكلهم يساعدوني ومن يجيني الطلق يقولون لي عسري بقوة سوي بوش كانش تدخلين الحمام وانه اسوي خطأ يقولون لي لا مو جذي كانش تبين تدخلين الحمام جننتهم واذا اسوي صح يقولون لي واصلي وساعات اسوي خطا تمللت وحدة من الممرضات جابت لي ماي وزعفران مقري علي ايات سوته اختي لي بسرعة وجت تركض فيه المستشفى عطته الممرضة اول شي مارضوا يدخلونه بعدين بالغصب رضت وجابته لي شربتني شوي ومسحت فيه بطني وخلت شوي على شعري ومازلت اعاني ووقت مااعسر احس نفسي بيوقف وقلبي يدق بزور(تم الحذف مخالف لسنة رسول الله)
وصل راس البيبي خلاص بيطلع وقالوا لي عسري حتى لو وقف الطلق عسري وانه اعسر بالزور كاني بدخل الحمام واسوي لاكثر مدة اقدر عليها حسيت بتوسع تحت شي يفلصني مثل التشققات كان الراس بيطلع نزل ومرة وحدة شي نزل من بطني الجسم وحسيت بالبيبي تحت رجولي يتحرك هذي زنوب حبيبة قلبي طلعت قصوا الحبل السري انه اطالعهم ماصاحت وخافوا عليها حطوا عليها اكسجين وقلبوها على راسها واهما يضربونها عشان تصيح وقلبي يعورني عليها وانه اطالعهم بعدين صرخت واطمأنوا وخلوها ع الاكسجين شوي .. سألت الممرضة طلعت البشيمة قالت لي صبري بعد ربع ساعة سالتها تألم بعد قالت لي لا الألم كله من بنتش مو من احد وبعد هالربع ساعة جت الي ولدتني تعص على بطني المني شوي ونزلت البشيمة وعطتني ابرة في الفخد عن النزيف طبعا احتجت للخياطة بنجوني وخيطتني حسيت بالم خفيف كملت و طلعوني غرفتي وانه احس بشي غريب بطني احس داخله بس هواء اول مادخلت امي حظنتني واهي تصيح وانه عيوني واقفة عندها الدمعه وتدخل وراها اختي وراها اخوي واخر شي جه زوجي بعد ماكمل دموع الفرح بعد مارتحت شوي
هذي اهي قصة ولادتي كتبتها ع السريع يمكن نسيت موقف والا في غلط بالاملاء انه كنت خايفة من الولادة خصوصا اني بكرية وهالمستشفى ماعندهم كامل التجهيزات ولايرضون يولدون بكريات بس لان ماكان في وقت حتى يطلبون الاسعاف وخفت يصير شي لاسمح الله حتى الممرضات نفسهم كانوا خايفين وبعد ماخلصت الولادة واطمأنوا على صحتنا انه والبيبي طلعوا لاهلي وعصبوا عليهم وقالوا لهم غلط تجيبونها اهني ... بس ربي رحم بحالي وسهل علي الولادة ومشى كل شي ع التمام وصلت المستشفى تقريبا 6 a.mاو قبل شوي وولدت الساعة 7:47 a.m
والله يسهل على كل الحوامل ان شاء الله
ويخلي لي زنوب وتكبر تحت عيوني واشوفها عروس
سلآآآآم :thumbs_up: