التجمع الثاني للحوامل اللواتي سيلدن في ديسمبر 2011 بإذن الله

DR.smsema;15088704:

احم احم يا بيبي سوري ماتغلطيش

المهم هو اساسا في الاول بيكون الكيس بس ومش بشوف جواه حاجة ساعتها المفروض نستنى اسبوع او اسبوعين غير ان السونار مهبلي ولا على البطن بيفرق كتير وكودة الجهاز كمان عامل عمر الحمل كمان عامل يعنى المفروض يبان الكيس على الاسبوع الرابع بالسونار المهبلي بس الافضل الانتظار شوية ونعمل عالاسبوع السابع بالمرة

أنا غلطت في ايه لا سمح الله ... انا اسفة لو كنت غلط بدون قصد بس بليز نبهيني فين الغلط

توأم روح حبيبي;15092120:

وهذا الجدووووووووووووووووول عملته الاخت عقد اللولو فديتهاااااا فيهااا مواعيييييييييييييييييد ولادتناااااااااااااااااااااااااااااااااااااااااااااااااااااااااااا

قلت احطه عشااان يكون مرجع لناااااااااااااااااااااااااااااااااا

اول مرة اشوف اسمي في الليستة بصراحة هيهيهيهي متشكرة أوي
بس انا كنت مستنية كلام الدكتور علشان ياكدلي الميعاد بالسونار بيكون ادق
حسابي الي درسته بالكلية بيقول 24 ديسمبر اوك لان اخر دورة 17 مارس
وحسابي بالاسابيع لاني كل خميس بكمل اسبوع لان 17 مارس كان خميس
يبئة ميعادي 22 ديسمبر تمام الاسبوع 40 والله اعلم
علشان كدة مستنية كلام السونار

.....

احكيلكم بأة الي حصلي وخلاني اغيب عنكم في اخر التجمع الاول
تعصبت مع زوجي يوم الاربع الي فات على حاجة هبلة اوي بس هو استفزني بصراحة
تاني يوم الي هو الخميس حاسيت اني مش طبيعية كدة نعسانة وهامدانة ومش قادرة امل حاجة ودخلت اتوضى لصلاة العصر ففي الحمام اكرمكم الله بمسح بالمنديل لئيت بداية دم بني فاتح اوي زي مئة بني كدة بس ماتنزلش لوحدها بالمسح فقط
كما يحدث في بداية الدورة عندي في الطبيعي
قلقت جدا خصوصا اني في المرتين السابقتين الاسبوع السابع افقد النونو ويوم الخميس ده كان تمام الاسبوع السابع
كلمت المستشفى طبعادكتوري مسافر
قالتلي الممرضة الي عنده اريح ما اتحركش وارجع للحقن تاني الي وقفتها واستحمل الهرش الي بتعملهولي الحقن
فعلا نمت على ظهري واخدت الحقنة وكلمت امي وجزاها اللله خيرا ابويا وصلها واعدت معايا تعملي الاكل وتجيبهولي لحد عندي وقايمة بالواجب وزيادة
يوم الجمعة قايمة الحمام لئيت البني اغمق وزاد وبئة ينزل لوحده بدون المسح
ققت اكتر وكلمتها تاني قالتلي خدي كمان حقنة ...المفروض الحقن الدكتور كان كاتبهالي يوم بعد يوم
وقالتلي تعالي بكرة السبت دكتور تاني يشوفك ونعملك سونار لحد ما دكتورك يجي في حالة اذا استمر الموضوع
رحت يوم السبت فعلا ودخلت لطبيب اخر طلب من الممرضة تخليني ادخل الحمام علشان افضي المسانة لان السونار مهبلي
وانا في الحمام بمسح بالمنديل لئيت مافيش حاجة الحمد لله
شاف كيس الحمل الحمد لله والجنين بس النبض ماسمعتهوش بس هو قاللي في حاجة بترعش كدة في النص قاللي هو ده النبض
وقاللي ما تتحركيش وماتعملش اي مجهود ولو بتروحي شغل ماتروحيش تاني
ومن ساعتها وانا مستهبلة ومتدلعة على امي خالص جزاها الله خيرا
وعندي ميعاد النهاردة مع دكتوري لانه جه امبارح من السفر
يارب يعدي الفترة دي على خير يارب لاني قلقاة اوي اوي من فترة الاسبوع السابع وماحوله دي
السونار الي عملهولي الدكتور التاني ما بينش عمر الجنين ولا ميعاد الولادة
فهشوف النهاردة مع دكتوري
يارب يكون من على البطن لاني بقرف اوي من السونار المهبلي ده
ادعولي يابنات ربنا يباركلكم يارب