بنات من فيكم رحمها مقلوب او يسمونه مائل؟
اتوقع في وايد منكم مايعرفون هالمعلومة بما انه رحمي مقلوب وعندي معلومات بسيطة حبيت افيدكم شوي بهالموضوع
الرحم المقلوب لو تبحثون عنه في النت هو يكون ميلانه من فوق عكس الرحم الطبيعي
طبعا انا كنت اعرف هالشي وانا بنت مرة سوو لي الترا ساوند وخبروني انه هاي سبب الالم الشديد اللي يصيدني اثناء الدورة
طبعا الحمدالله ماصادتني مشاكل عشان احمل يعني ولله الحمد حملت طبيعي بعد شهر وشوي من الزواج
معلوماتي البسيطة انه مميزاته اثناء فترة الحمل انه الوحام يكون اقل بالنسبة للي رحمها مقلوب .. انا وحامي القوي يمكن 3 اسابيع وبعدها تحسنت ورجعت تقريبا طبيعية
والسلبيات وايد منها الم الظهر والتعب اللي كأن الوحدة في آخر الشهور وفعلا هذا حصل معاي
وحدة من السلبيات اللي انا وايد خايفة منها انه معظم البنات اللي عندهم هالنوعية من الرحم تولد قيصري
ونسبة منهم يولدون مبكر في السابع :thumbs_down:
وجنس الجنين يكون اصعب التعرف عليه من الوحدة اللي رحمها عادي
وطبعا الرحم مع كبر حجم الجنين يرجع طبيعي اثناء الحمل وبعد الولادة اما يتم طبيعي او يرجع لوضعه السابق
بس اللي مستغربة منه انه الدكاترة قالو لي عادي اثناء الحمل وطمنوني والمعلومات اللي عرفتها تقول شي ثاني بصراحة خفت من القيصري والاخس انه اولد مبكر
انتو عندكم اي فكرة بالنسبة للموضوع؟
بليز اذا ذكرت معلومة خطأ او عندكم معلومات صحيحة وتجارب وخبرات لا تبخلون علي
