عندي مصيبه وليست مشكله ارجووووكم ساعدوني

السلام عليكم اخواتي ..والله انا لي اكثر من سنه ضايق خلقي وما ادري ايش اسوي باللي عندي لانو اي كلام انا اقوله اخاف يكلفني حياتي مع زوجي واسرتي والمجتمع كمان..قبل سنه اشترينا لابتوب جديد وكنت مبسوطه انا وزوجي وكل يوم جالسين نفتحه ونتطالع بالنت وكده..المهم زوجي والله انسان ملتزم ومحترم وخلوق وانا من قبل لا اتزوجه اعرفه لانه جارنا وصديق الاسره بعد..وانا متاكده من اخلاقه..جاء يوم كده وقال لي عندي زميلي بالشغل يبغي يكلم اهله بالنت وطلب مني اللابتوب ..قلت له حاضر من عيوني عادي خده..وهو من جنسيه غير زميله هذا وشاب عمره يمكن 24 سنه وغير متزوج..المهم اخذه ورده لي بنفس اليوم..ومرت الشهور وطلب الجهاز علي كم مره وعادي زوجي ياخده له ويرده معاه..المهم في يوم من الايام انا كنت بدور علي موقع معين للطبخ وكذا ومالقيته وبعدين اتذكرت اني حافظته في المفضله عندي بالجهاز وفتحت المفضله ولقيت الموقع وقلت الحمدلله..بعد شويه قمت اطلع في مواقع انا اول مره اشوفها ومو انا اللي ضايفتها ..تصوروا انها مواقع للشواذ (اعوذ بالله) والله قمت وقفلت الجهاز وانا استغفر ربي وخايفه مووت..وسكت وما قلت لاحد اي شئ..المشكله انو هالشاب مبين لزوجي انا متدين وخلوق وعلي طوول يجي زوجي يحكي لي عنه وكيف انو انسان مافي منه ويعطيه دايما نصايح بالدين ومواقع احاديث وكلام له بدايه وماله نهايه..زوجي مايرضي فيه كلمه ..حتي مرات انا احاول اقول له انك تسمع له كذا ليه هو مو عالم ديني ولا شئ..يقوم يقل لي انتي وش دراكي انا اعرفه واثق بكلامه..ايش هذا معقووول ماينتبه له؟؟ ولا يشوفه؟؟ والله تعب تفكيري وانا احاول اوصل له المعلومه بس ماقدرت..وقبل اسبوع خد الجهاز واول مارجعه شفت المواقع اليوم لقيتها نفسها..والله ما ادري ليش الحل ؟؟الله يلعن الشيطان حتي خلاني اشك بزوجي واقول انه مثله يعرف بها السوالف ..انا عايشه بجحيم والله كل مازوجي يطلع للشغل انا راسي بينفجر من التفكير...خايفه اقول لزوجي وما ادري وش حتكون رده فعله وخايفه كمان اسكت ز.انا ابي انو هالشاب يبعد عن طريقه بس ما اعرف كيف؟؟ ياريت تساعدوني لاني والله بمصيبه ...موقفي صعب قدامه وقدام اهلي ومجتمعي كمان ..اتمني منكم الراي السديد وشكرا