شات بنات مصر لشهر جمادى الثانى 1432

بنات

ياريت اللى تلاقى نفسها عندها وقت وبتدخل المنتدى كل يوم ومستعده تبئى مشرفه ياريت تبعت لمرموم عشان انا مش بدخل المنتدى كتير

وياريت بردو ياتبعتلى مسيدج يا تكتب هنا انها مستعده عشان ابعت انا كمان لمرموم

قال يعني باة الشات نقطع بعضه
اجري يا بت

اه منا لاحظت ان بتاع الشهر اللى فات مكنش حد بيجى

خالص مالص والبركة في المشرفة اول واحدة سابتنا:p

انا سبت عروس كله انا يوم مابدخلا على تجمع الاكل وبس منتى عرفانى رشيقه طول عمرى

ههههههههههههههههههههههه
اذا كان كده ماشي

اتفرجت ع اخر حلقة من العشق الممنوع
قلبي وجعني اووي:'(:'(

بنااااااااااااااااااااااااااات الحمدلله الحمدلله الحمدلله اصلي مبسوطة جدااااااااااا بس يارب تكمل علي خير انا قلتلكم اول ناس والله ومن قبل ما حتي نبدأ في اي ترتيبات عملية كله نظري وكلام وبس لسه الفعل، المحل اللي قلتلكم عليه قبل كده هنعملوا بإذن الله وقريب يعني هنبتدي فيه اليومين دول اهو ونحاول نفضي نفسنا شوية عشان نفتح في موسم الصيف بردو ويبقي قبل رمضان الاعيد وكده كمان بشوية، يلا بقي مستنياكم بجد انا اصلا عمالة بأكد علي كله وضامنة انكم اول ناس هتفرحولي وهتنفعوني وتبيضوا وشي قدام اهلي واهل جوزي صح كده ولا هتنفضولي
انا بقي عايزة منكم طلب صغنون وخفيف، كل واحدة كده تفكرلي في اسم ظريف يجي في دماغها عشان يبقي قدامي تشكيلة كده حلوة انقي منها واحنا بردو بنفكر في كام اسم بس لسه مستقرناش، وكمان لو فيه حد يقدر يعملي لوجو او ديزاين لذيذ وشيك بردو علي الكمبيوتر ويكون شاطر في الحاجات دي وعنده افكار يقولي بردو، ولو حد عايز يتعامل معايا او يقدر يجيبلي حاجات بردو او شغل من اي نوع يا مرحب يا مرحب نتناقش فيها ونشوف ايه النظام ، وياريت كله يبلغ التاني عشان اعرف اوصل لكل البنات وخصوصا طبعا بنات عين شمس عشان مش بيدخلوا كتير اصلا وانا هنقل نفس كلامي ده في باقي التجماعات اللي بدخلها

وحشتونى كلكوا اوي بجد
روفة الوحشة اللي نسيتنى تقريبا
وفله ومشموشة ويميم وانوسه وكلكوا كلكوا
ويارب نرجع نتجمع زي زمان ونرغي كتيرررررررررررررررررررررررر

ليه كده بطلتوا تيجوا خلاص؟؟؟؟

ايه.يابنات.ازيكو.
انتو.بتتلموزفى.حته.تانيه.
طب.عرفونى

بصي انا بروح شات الامهات ساعات كده
كمني البنات باعوني خالص
محدش باة بيدخل اصلا

وبتلاقي حد هناك يا روفة؟

اه يعني بس مش من الشلة القديمة
غير مها تقريبا

طيب البلد دي احسن من غيرها يا ولية

هههههههههههههه
اكيد يا سوسة

زعلانه منكم موووووووووووووووووت بقالى يجى تلات اشهر مجيتش خالص ولا مسج حتى على الخاص يا وحشين
بس وحشتوووونى جدا جدا

ازيكوا يا بنااااااااااااااااااااااااات وحشتوووووووونى اوى اوى اوى انتوا فييين
مشمشه حمد الله على سلامتك انا والله ما بقتش ادخل كتير طمنينا عليكى