شات حوامل مصر وتجهيزاتهم للبيبي لشهر جماد ثان

معلش يا سالي انا اوقات بيجيلي التقل ده برضه لما بيقلب لتحت وربنا يرزقنا كلنا بولاده سهله يارب

بالنسبه للبس جبت شويه ولسه باقيلي شويه حاجات مستنيه بس اقدر انزل عشان اكملهم باذن الله عشان ضهري لسه واجعني

اصلي عملت عنتر وغسلت اللحاف لوحدي وقبلها كنت غسله البطانيه فكان لازم اتعاقب

يارب يا شوشو يارب اه البيبى بنوته ان شاء الله
تصوررررى انا كمان ايدى بتنمل والله فضلت اقول هو انا بقيت فيل للدرجه دى مع انى ما تخنتش اوى كده يعنى بس بفضل اتقلب وانا نايمه يمين وشمال عشان التنميل ده
قوليلى جبتى هدوم النونه

لا ياسر مبيعرفش يعمل حاجه الاكل من بره اللبس بيوديه اللندري وبيعيش فالشقه بروح الاقي الكوبايات كلها والمعالق والاطباق فالحوض تقريبا لو خلص حاجات المطبخ هيفتح البوفيه ويطلع غيرهم

بس حرام هو اللي صمم اني اجي عند ماما عشان معملش حاجه وفعلا بالليل كنت تعبانه جدا وسخونيه وجسمي كله مكسر

قوليلى طنط عملت فيكى ايه لما عرفت دا انا يابنتى هجيب واحده ان شاء الله اول الشهر اللى جى وتكون ماما فاضيه يكون علاء خلص امتحاناته وينفضولى الشقه كويس علشان تتقفل نضيفه علشان ان شاء الله لما ارجع ماتبقاش تقيله عليا ولو جبت الست تانى ابقى معاها لوحدى علشان ماما مش هتبقى فضيالى

يا نهار ابيض عليكى يا دينا بتهززززززززززرى ازاى تعملى كده
تغسلى اللحاف والبطانيه يا مفتريه لا كده كتير عليكى اوووى يابنتى كنتى تبعتيهم مغسله وخلاص

اه يا سالى جبت حاجات ولسه فيه حاجات اكيد بس جوزى مش مشجعنى اجيب اوفر قالى لما تيجى ان شاء الله نبقى نوضبها على مازجنا يعنى جبت حاجات هتنفها كده ف الاول تمام

مش بقول ياسالى كنت هتصل بمامتها النهارده تروح تديها علقه

معرفش يا سالي جبت حبوب الشجاعه دي منين

ما انا قولت هستني لما اخواتي يخلصوا امتحانات وهبقي اروح انضف الشقه واغسل الستاير وساعتها هكون فالتاسع ان شاء الله يعني لو حصل حاجه هيكون طبيعي ربنا يسهل

ده وانا جايه فالطريق امبارح مع اننا ركبنا تاكسي وخليناه يمشي بالراحه رحت رجعت فلاقيته بيقولي وكنتي عايزه تقعدي فالشقه لوحدك اجي الاقيكي مغرقاها

لا يا دينا بجد اوووعى تعملى الحركه دى تانى حتى وانتى عاديه يا بنتى ههههههههههههههههههه ريحى دماغك و وفرى الوقت ده لحاجه تانيه دى مره فى السنه اللى بيتغسل فيها البطاطين و اللحاف او مرتين بالكتير ابقى وديهم مغسله وخلاص

انا بئه لسه ما جبتش حاجه خالص للنونه ومش ناويه اجيب الا بعد امتحاناتى ان شاء الله يعنى هبقى فى اخر التامن باذن الله مش عارفه كده عادى ولا ايه بس انا مش قادره انزل والف

ههههههههههههههههههههههههههههههه يالهوى عليكى انتى اللى غبيه والله

لا عادى ياسالى

لا عادي يا سالي خلصي امتحاناتك الاول وبعدين انزلي بمزاج ومتكتريش عشان لما تيجي باذن الله هتحبي تشتريلها وهي معاكي

ادعولى طيب الامتحنات تعدى على خير يااااااارب وانجح

ربنا معاكى وينجحك ياسالى انتى ف ايه

ان شاء الله ربنا يقويكي علي المزاكره وتنجحي باذن الله

آميييييييييييييين يارب ده معهد قرآن يا شوشو دعواتك لحسن الواحد مخستك خالص

ربنا معاكى ويقويكى ياسالى يارب ويكملك على خير انتى والبنوته يارب وينجحك ان شاء الله

ازيكم يابنات عملين ايه

ازيك ياكيتى اخبارك ايه وعامله ايه انتى والبيبى