شات حوامل مصر وتجهيزاتهم للبيبي لشهر جماد ثان

امين يارب احسن حصلت مشكلة امبارح بعد مات رجعنا من الشرا واللف ده لقيت بابا بيكلمني ويقولي علي مشكلة واننا ممكن منفتحش خالص :( ربنا يستر بس قلتله احنا جبنا حاجات خلاص يا بابا والراجل جاي بكرة يشتغل قاللي طيب كملوا مادام جبتوا لغاية ما اشوف حل ربنا يستر ادعولي بقي بليز نفسي تكمل علي خير بجد ونفسي اغمض عيني وافتحها الاقيه مفتوح وشغال وخلصان وانتوا تيجوا تنوروني فيه

جودي كمان عملت عاملة وحشة اوي فيا كنت متضايقة ومش طايقاها، كنا في مصنع وهما راحوا يصلوا وقاعدة مستنياهم بقي مع حماتي المهم وشايلة جودي علي رجلي وكنا لسه هنتفرج فيه ونسأل وكده، لقيت حاجة سخنة علي ايدي فببص كده لقيتها عملت وسربت ااااااااااااااااااااااااااااااااااااااه بقالها فترة محصلش كده وكمان عشان الهدوم صيفي بقي فالموضوع بان اوي عن الشتوي، اتجننت وللأسف كنا سايبين الشنطة بتاعتها في العربية وقلنا هنرجعلها تاني فملهاش لزوم ناخدها في الحتة الصغيرة دي، بس قمنا سبنا الناس ولا شوفنا حاجة عندهم ورحت علي العربية غيرتلها هدومها كلها طبعا وكمان انا بتعب اوي من تغيير العربية ده ظهري وجسمي والحر وكله بتهد فيه بجد عشان بنقفل العربية خالص عشان مش تبرد وكمان ببقي علي الكنبة ورا وبتبقي هي عمالة تلف وتتحرك وتقوم والكنبة فيها ميل كمان فحاجة زفت

ياربى كل دا ربنا يخلصهالك ع خير يارب

يابنتى انا بغير لصوفيا والشابابك مفتوحه طالمه الجو شمس مش برد

لا ما هو احنا كنا بقينا بالليل وكمان امبارح والنهاردة كانوا برد تاني علي فكرة ده انا حتي لبستها جاكت بعدها وقفلته كمان وانا كنت سقعانة جو غريب سبحان الله بس كان حلو اوي تكييف طبيعي هههههه

والله افتكرته لسه حر بصهد

يلا انا هاقوم بئا العب مع صوصو شويه
باى باى

ايمى الف الف مبروك يا حبى على المحل ان شاء الله يكون فاتحة خير عليكى يا قلبى ويرزقك خير ويوسع رزقك وان شاء الله يكمل على خير وتفرحى بية
وبالنسبة لشيل فعلا حاجة تهد اميرة كانت غلسة مش بترضى تقعد فى عربيتها لازم نشيل كانت بتنكد عليا اي خروجة ولا مشوار

مع السلامة يا ميويا
انا كمان هقوم اصلى الفجر وهرجع تانى معلش انا كنت اول ما دخلتى يا ايمى مع ميرو قلقت من نومها وفضلت جمبها

باي باي يا ميوية

ايمي ربنا يكرمك يارب وان شاء الله تيجي مخصوص القاهرة هنا ولا ايه ولا انا مش استاهل الزيارة دي ههههههه

صبااااااااح الخير على احلى البنات
الف مبروك ياكتكوتي ربنا يسعدك يارب والمحل يتفتح على خير من غير اي مشاكل يارب ويجعله باب رزق واسع ليكم يارب

في حد هنا يعرف واحده اسمها راويه لطيف اسمها كده على الفيس

ايه انا اجي انتو تمشو عاااااااااااااا

مش بتكلمو ليه اه ياني

السلام عليكم يا قمرات
ايه الموضوع قلب تجهيزات قطط كدة ليه؟؟!:D
ايه محدش بقى بيجيب حاجة للبيبيهات ولا ايه؟؟
انا كنت عايزة اسأل بس على عربيات البيبي اللي بتبقى بالكار سيت
اجيبها منين بس عايزاهم ميزيدوش عن 800 كدة
انا روحت كارفور المعادي امبارح والاشكال اللي هناك تسد النفس
المشكلة اني ان شاء الله هبدأ التاسع بعد اسبوعين وهولد في اوله ان شاء الله
فلازم انجز في الوقت ده
انا كنت نزلت كارفور العبور بس قبل الثورة كان فيخ اشكال مش بظاله وكانوا ب 750 بس قولت بلاش استعجل وادور براحتي
و التوحيد والنور بتاع شهاب برضو روحته وكان فيه اشكال لذيذة قبل الثورة
روحته قريب بقى مايتشافش:confused:
لاقيت 3 عربيات هناك وال 3 توينزات
حاسة ان كل الحاجات الحلوة اللي في السوق اتسرقت :worn_out:
سمعت عن محلات في العتبة تحت كوبري الاوبرا يتبيعهم بس مش عارفة هلاقي حاجات حلوة ولا هدب المشوار عالفاضي
ارجوكم افيدوني (حسنة قليلة تمنع بلاوي كتيرة و هنيالك يا فاعل الخير ) :D

صباح الخير

صباح الخير ازيكم يابنات
معلش النت فصل امبارح وانا بكلمكم ولسه مارجعش انا جيت عند ماما فدخلت من هنا

الحمد لله انا بخير والنونه بخير بس تاعباني وبيحصلي تقلصات جامده ف الرحم
ربنا يستر
وماما بقى كانت ايدها وجعتها وحصل فيها زي التهاب ف الوريد كدا فالدكتور ادالها دوا يزود السيولة عشان مايحصلش جلطات لا قدر الله
قام حاصلها نزيف
فتعبانة خالص ربنا يشفيها يارب

كيتي ازيك يا قمر وازي توتا
تعباكي ليه البنت دي الف سلامه عليكي وعلى ماما ربنا يشفيها يارب ويطمنك عليها

الف سلامة عليها يا كيتى ربنا يطمنك عليها يااااااااارب والمغص دة عايز راحة واسلى الدكترو لو هيديكى حاجة

ربنا يخليكي ياام ميزو
والله اول امبارح كنت بعيط بالليل من بطني ومحمد قعد يقولي لما تيجي هقولها انها طلعت عينك
قلتله سيبك منها..المفروض دلوقت تعويضا ليا انت تشيل عني التعب شوية هههههههه يااما على الاقل تسيبني اسمي الاسم الي يعجبني هههههههه
اصله رجع ف كلامه وعمال يقولي عايز اسم له معنى مفهوم ماتقعديش تقوليلي اسامي انا نفسي مش فاهمها

اشري
ربنا يخليكي ما الدكتورة كاتبالي دوا وباخده الحمد لله
بس هي قالتلي ماتتحركيش وانا لازم انزل كل يوم مرتين امضي ده لو ماشتغلتش خالص

طب ليه يا كيتي المغص ده الف سلامه

وطبعا لازم تسميها الاسم اللي عاجبك امال نحمل ونولد ونتعب وهو يسمو براحتهم ههههههههههههههههههه

انا اللي مسميه عيالي الاتنين الحمدلله

اداكى دوا اسمة اية ؟
ولو على جوزك الرجالة على فكرة اكتشفت انهم بيثبتوا حلو اوووى يفضلوا منيمنا فى الذرة وفى الاخر الى عايزينة بيحصل بس بردو اسمعى ارائة كدة يمكن فى حاجة تعجبك فى الاسامى